Ka Nupepa Kuokoa, Volume III, Number 23, 4 June 1864 — Ka make ana o John Keahi. [ARTICLE]

Ka make ana o John Keahi.

I ka la 29 o Maraki, hora 2 o ke awakea, make aku la ka mea i aloha nui ia, oia hoi 0 John Keahi Esq, o ke Kaona o Hilo. He mai'ma ka wawae ka hoomaka ana, a pela aku a puni ke kino, nui loa kona eha ; malaīla ke kauka haole, ame na kauka maoli, aohe nae he loaa o ka oluolu ; pela ka waiho ana i na pule elua, a i keia la 29 o Maraki, hora 2 o ke awakea, kuu aku Ia kona luhi, hele aku la i ke ala hikiole i ka lehulehu ke aua aku, nolaila, noho iho la kana wahine me ka uwe ame ke kanikau ia ia; a penei kana uwe kanikau ana : Kuu kane aloha mai ka lai o Hilo, Mai ka makani anu la he Uluau, Au iho nei kuu kino aole oe ke kane, Mahea la oe i hele iho nei, 1 wehe iho nei i ka pili a ke aloha, Kaawale kaua i ke kai o Hanakahi, Hookahi manao a loko e hana nei, 0 ka pili aloha a maua me kuu kane, Kuu mea aloha pau ole e noho nei, | Auwe kuu kane aloha—e. ; Kuu kane mai ka ua awe loloa la o Hilo, | Mai ka pihe kanaka la e Haili, 1 Mai ka bele kani kui iua la i ke awakea, | Ka hoene a ka hila la i ke ahiahi, Kuu hoa hele o ke one o Punahoa, ! Mai ka lai malu hale la e Halekalewa, | Huli ae kaua nana ia Piilani, i Ike kaua i ka lai o ke Kaona, ! He onaona aloha no kuu kane, [ Auwe kuu kane aloha—e.

Kuu kane mai ka ua kanilehua, Ke nihi ae la mauka o Makaulele, Lele ka hauli aloha, haloi ka >vaimaka, j Kuu makamaka aloha he kane, | 0 ke aloha ka'u e malama nui nei, i E kuko nei i ka po, haiia i ke ao, . Aloha Ohele i Kanukuakamami, ! Mai ke kai leo nui la o Paikaka, j Akaka ka hana a ke aloha i kuu kino, | Auwe ka mea aloha o ke kane —e. j Kuu kane mai ka ua Halaulani, i Mai ka ua moani halihali ala, E hoope ana i ka hala me ka lehua, | Noho no ke onaona i Paieie, | Akahi au a ike i ka mea nui he aloha, 1 ko hele ana'ku nei la nalowale, j [Haalele ia'u i ka hoa pili he wahine, Noho iho au me ka u me ka minamina, Me ke aloha paumako ia oe e ke kane, Auwe ka mea aloha o ke kane—e. Kuu kane inai ka lai o ke Kaona, Mai ka ua huki heenehu a ka lawai-a, Ka poe lea e haa mai la i Hilo-one, E kahiko ana i ka hala me ka lehua, He ohu ia no ka poe holo lio, Kehookapeke mai la i Waioiama, Kuupau ka hana i ka piko o ke one, IHoomaha aku i ka lai o Paliki, I He iki ke aloha hoonaue i ke kino, Auwe ka mea aloha o ke kane —e. Kuu kane mai ka ohia loloa la e Panaewa, Hoolono aku o ka leo o ka manu, l ka ai haaheo mai i ka liko o ka lehua, Lu iho la i ka pua aala kanahele, Hele aku la oe inanao ole iho ia'u, I ka hoa pili o ka ua me ka la, Haalele i ka pohu lai o ka aina, Hoi nku la oe i ka poli lai o ka Makua Ma'Ka Haku lehova Sabaota, [na loa, ( Kahi o na Anela Hemolele, A me na Keluhima Hoano, Ku aku la oe i ko laila awai Kahi o ke Keikihipa, leo ke Akua Paredaiso, Pau ka hana, kuu ka luhi, maha a maha loa. Auwe kuu mea aloha he kane —e. Mns. Naiaailua. Punuhoa, Hilo, Jlper, 15, 1864.