Ka Nupepa Kuokoa, Volume III, Number 26, 25 June 1864 — He nui ka Ona. [ARTICLE]

He nui ka Ona.

E ka Nupepa Kuokoae; Aloha oe :—E oluolu paha oe ame kou Luna Hooponopono, ke ho-o iho i keia wahi ukana ma kahi kaawale 0 kou waihona, a nau hoi ia e hai ae, i ike mai ai na kini o kaua, e noho ana mai ka ua lokuloku i ka liko o ka lehua o Hilo i Hawaii, a pulelo aku hoi i ke Onekani 0 Nohili i Kauai, no keia mau wahi hua e kau hookano'e nei ma ke poo o keia wahi kukulu manao ana, oia hoi " He nui ka Ona."

" la'u e hele ana mai Kapalilua mai a hiki i Hookena, a me Kealia, lohe aku la au i ka leo o na kane a me na wahine e oli ana, a e hula ana hoi ika inoa o Kaleionehu. la'u i haalele ni i ko'u ike a me na mea a pau a'u i lohe ni malaila, naue aleu la au, a ia'u i hiki aku ai ma Kiilae, a.noho iho la ma kekahi punawai kaulana, i kapaia o " Kawaikuiakekela." A ia'u e noho ana malaila, lohe aku la au i kekahi leo e kahea ana, "Kafkoo! Kaikoo !! Kaikoo !!! " Huli ae la au a nana aku la, aia hoi he ano kanaka i hoopuniia ina wai hooluu oka ona ; ano kuu haohao hoi no keia leo puiwa, kipa ae la au ma kekahi hale, a ku au ma ka puka 0 ua hale la, a e noho ana kekahi wahine iloko e ulana papale ana, a ninau aku la au i ke kumu o ia kahea ana a me kona ano maoli no hoi, a na keia wahine i hahai mai ia'u, a penei no hoi ke aho, "he kaikoo, he huakai kanaka ia, a ina e lohe ka poe eai ana i ka uwala 1 hoawaawaia, a e inu ana hoi i ka maia ame ka alani i hanaia i mea ona, a e hulo ana, a e hula ana paha, me na mea ano lealea a pau, aka, iua e lohe lakou i keia leo kahea, o ko lakou hoomalu like no la."

A lohe au no keia mau huaolelo, hoopaa iho ia au ma ka'u wahi buke hoomanao, i kakauia hoi ma kekahi keena o ko'u waihona opu, i lilo ai ia i mea kamailo na kaua ma keia wahi leta. Mahope iho nae oke kamailio mua ana mai o keia wahine, hahai hon mai la oia i kekahi mau huaolelo hou e pili ana no ua poe inu ona nei, a me na inoa i kapa hou ia e lakou, no ua mau mea inu la, a penei hoi oia i kula mai ai ia'u : "Ke ano o ka uwai hoawaawaia, he lepomaiui kona inoa hou i hoano houia; a0 ka maia hoi, he pineka, a0 ka alani, he nahe'ee" A oia iho la kana maa mea i kuhikuhi mai ai ia'u, a oia no hoi ka'u i lawe mai ai e poloai aku ia oe, a ma ou la hoi e ike mai ai ko kaua mau makamaka a' pau. Auhea oukou e o'u mau makamaka mai ka makani Eka kolonahe o Kona kaimaiino i ka lai, a hala aku i ka moku nee i ke kai o Kaula i ka pelena ona moku; .ē nana iho no oukou i keia mea hou, i hdano ho.u iā nei hoi niamuli 0 ka manlea 0 Jcer kanaka puni i na lealea 0 keia ao, me ke kupalu ana i ko lakou aaau no ka la e make ai, a e noho aku ai i>n.uhane ilokooka luaahi, kahi hoi i hoomakaukauia no ka poe hewa. Me ke aloha no i na hoa. D. W. H. K.* | Kona, Hawaii, Mar. 7, 1864.