Ka Nupepa Kuokoa, Volume IV, Number 15, 13 April 1865 — Kanikau no Mokuhia. [ARTICLE]

Kanikau no Mokuhia.

Kuu kane i ka la koili i ke kai, Koili e wela ke alo o Puukohola, Uwe aku wau o kuu kane makani, (na ia i ka maiu a ke ao, Auwe kuu kane—e! Kuu kane i ka Hale-hau o Lilinoe, Mai ka hale hoaiai i ke kuahiwi, Kuu kane i ka hale-ili laau o ka mauna, Mai ka hale uhiuiii i ka lau o ka inamane, Auwe kuu kane—e! Kuu kane i ka hale-lehua a ka manu, Mai ka hale Kipeapea o kanahele, Mai ka hale-wai o ka uka, Mai ka wai oleio malaio o ke kapuwai, Auwe kuu kane—e! Kuu kane mai ka la welawelao KawaiMai ka la koili i ka ili-kai, [hae, 0 ke aka paha o kuu kane e maalo nei, I ka liuia i ke a-no o ke ahiahi, Auwe kuu kane—e ! Kanikau la he aloha, No kuu kane ua hala, I ke ala hoi ole mai, Ke au nei ka manao, Aole oe e loaa, Aia me Poliahu, Me ka wahine noho hau, Me he wai la e ale nei, Ka hakoi a ke aloha, Auwe kuu kane—e ! Ke uwe aku nei xvau, Ke aloha o kuu kane, Kuu hoa pili o ka ua, 0 ka ua haawe kua, Me he keiki la, Pili aku ai maua, , Ka ua kanilehua, Oia ua haaheo, 1 ka iuna o Haloa, Auwe kuu kane—-e, He aloha roai kuu kane, Hoa pili o ka mauna, Oia kuahiwi kualono e Kuahiwi anu a ka hau, A kaua i aio aku ai, Pulu i ka ua awa, lka ua anu o ka mauna, 1 mehana |ce kapa ahi, Auwe kuu kane—e ! ar • „ Na Maimea. Hawai, Appr. 5, 1865.