Ka Nupepa Kuokoa, Volume IV, Number 16, 20 April 1865 — Ka Nu Hou. [ARTICLE]

Ka Nu Hou.

Ke maalo hou aku nei ka Nupepa Kuokoa imua o kona poe nana e heluhelu me ka piha ole i na mea Jiou ano nui o na aina e mai. Ke kali ia nei oka hiki mai o ka moku lawe leta, me ke ake nui o na mea a pau e lohe ina mea hou. Ma na mea i lohe mua ia mai Amenka mai, ua akaka ke kokoke ana mai o ka hopena o ke kaua Kipi nui ma ia aina. He mea kamahao lua ole no ko ke ao nei ka puka lanakila ana mai o ia Aupuni mailoko ae oīa kaua weliweli. Me he la, he hoailona ola ia no na Lahui aina o keia kau o ke ao nei. A he mea ia e haalulu ai k& poe puni hooluhi a hookaumaha i na kanaka. Ke nana nei ka poe puni Kipi i ko lakou kuhihewa. Ua pau ko lakou kaena nui ana, a ke nau nei na ku'e me he la ua pau ke aho. Ona nupepa a ka poe Kipi, ke kuhi wale nei ioa ia nei. Ke i nei kekahi, no na Kenelala ka hewa. He poe hana kamalii, a he poe hawawa ka lakou ; a ke kuhikuhi nei ua mau nupepa la i na Kenelala o ka Akau me ka mahalo. A ke olelo nei hoi kekahi poe no ka Pelekikena Kipi ka ka hewa. He Pelekikena hawawa ka. Me he makakihi la ka kona nana ana i na. mea pili ike Aupuni a lakou. He Pelekikena hana im, aaiiLn Mwm ImiMku!;- 1 mai ka ia, he kanaka manao paa, he kanaka hoomanawanui. Pela ke kuhi wale ana o ka poe o ka Hema ma kela mea keia mea. Ua poina ka paha ia lakou keia Kanawai paa"; " Aohe Kipi e ola." K«3 ike nei na Aupuni o Europa ia Amerika Huipuia i keia wa me ke kahaha o ko lakou manao. Aoie hiki ia lakou ke hoole hou i kona mana, me kona akamai, me kona ano aupuni io maoli no. Ika wa i hiki ai ka lono o ke koho hou ia ana o Ahelahama Linekona ma Sepania, eia ka olelo a kekahi nupepa olaila: E hoonani mau loa ia ke Aupuni o Amerika Huipuia. O Ahelahama Linekona, ka Wasinetona o na kauwa kuapaa, ka makuakane o ka noho hooluhi ole, ka Lunakanawai kamahao nana e holoi aku ke kina nui 0 ko ke ao moolelo, ua hookiekie hou ia ae nei oia ma ka noho Pelekikena. Ma keia hana ua hoike mai o Amerika Huipuia, he 01 ka ikaika me ka mana o na aupuni iwaena o na kanaka i hooluhi ole ia mamua o na aupuni hookikina a hoeha i kanaka m'a ka hooko ana iko lakou mana. Ikawa i lilo ai ka mana ia Linekona, ua wehe ae oia i na kaulāhaoo;ke kaua maAmehka Huipuia, no ka mea, ua loaa iaia ka manao hemolele e hoopau i ka noho kauwa kuapaa ana. Me he mea la, ua nmini aku o Amerika i na muliwai koko, me na mauna o ka waiwai, a i mea e akaka ai i ko ke ao nei aole lakou i luhi, aole hoi i minamina no na lilo, ke koho hou nei no i ke kanaka nana i hoomaka ke ka£fc, a o ka hope o ia kaua ka hookuu ia ana o na kauwa kuapaa—noho pio ole, oia ka nani, ke kilohana pookela o ka noho ana luhui naauao. E hauoli pu kakou ! E hauoli na lehulehu ma na wahi a pau. Mahope iho o ka paa ana o na manao maluna ua ku mai ka moku hali leta, a ua loaa maina meahou ano nui. No ka pokole o kamanawa, ke hoolaha nei makou i keia la i kekahi hapa, a i keia pule ae ka hapa nui.