Ka Nupepa Kuokoa, Volume V, Number 28, 14 July 1866 — Maloo loa o Hanalei, Kanai. [ARTICLE]

Maloo loa o Hanalei, Kauai.

Ua kaulana o Hanalei no kona ano "ua nui." Ua olelo ia ua like pu me Hilo, i Hawaii. Oiai no, he Aina ua nui o Hanalei a me Waioli, me Waipa. Eia nae he ano e loa ua mau Aina ala i keia mau malama i hala ae nei. Uuku loa ka ua iloko o na malama okoa elua i hala ae nei. Ke maloo loa nei na Aina ko, a o na Aina ma kahi one kokoke i ke kai he oki loa ia? Pehea oe e Hilo ua like pu anei oe me Hanalei i keia wa? He Oiaio anei e lilo ana na Aina o Hawaii nei i ka maloo, no ke oki nui ana o ka wahie, a no ka pau ana o ka nahelehele? Hanalei, Iulai 6 1866.