Ka Nupepa Kuokoa, Volume XIV, Number 5, 30 January 1875 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

            Dec 12 -- Ua hiki mai makou i Ioka, i kekahi manawa mamua iho o ka wehe ana o kai-ao, a ala ae la makou e paina kakahiaka ma ka hora 6.

            Ua ano oluolu na helehelena o ka Moi i keia kakahiaka, aka, ua mamao nae mai ke ola ana mai.  Ua hiki aku makou ma Balatimoa, kahi a Kapena W G Temple o na koa moku a me kona mau ukali, na Lutanela Emory a me Tatten a me ke Komisina Hanale Kaaka.  I hui pu mai ai hoi me makou.  Mahope o ka hookaulua pokole ana he mau minute pokole, ua holo aku la makou ma ke alanui e hiki aku ai i Wasinetona.  Ma kahi hookio kaa ahi ma Wilesona, he wahi he iwa mile ka mamao mai Wasinetona mai, ua pii mai la iluna o ke kaa, na Kuhina Fish, Belknap a me Robeson, Hon E H Allen a me kekahi poe kakau nupepa, o Mr. Chas. Nordhoff kekahi, ka mea au i ike ai ina e hoomanao ae oe, ua holo aku oia i Hawaii, a mahope pai ai i buke no na mea a pau ana i ike ai ma Hawaii.

            Hoolaunaia aku la ke Kuhina Fish i ka Moi e ka Lunakanawai Allen.  Ua pane pokole aku ke Kuhina i ka Moi, na hoouna ia mai oia a me kona mau hoa e ka Peresidena, e apo aku i ka Moi e hookipa mai ma ke kulanakauhale poo o ke aupuni.

            Ua hoihoi mai ka Moi i na hoomaikai ana me ke aloha, a ua kono mai la oia i ka poe nana i kii aku, e noho ilalo e kamau kiaha waina, a ua ae ia kela kono.  Uu kahiko wale ia ke kaa ahi a maikai me na hae Amerika a me Hawaii.  Ua hoohalaia ka manawa mawaena o Wilesona a me Wasinetona, ma ke kamailio wale no.  Ua ano maluhiluhi ka Moi no kela holo ana mai la, a ua hauoli nae oia no ka hiki ana aku o ka huakai i ka pahu hopu.  I ka hiki ana aku ma kahi e ku ai o ke kaa ahi, oiai hoi e welo mai ana na hae Amerika a me Hawaii, lele aku la ka huakai, a ua ke Kuhina Nui Fish a me Mr. Allen, ke Kiamina Dominis a me ke Kuhina Robesona i ukali aku i ka Moi.

            He elua mau bataliona o na koa moku i hele mai e haawi mai i na pu i ke alo aloha mai la i ka Moi, a no ia hoomaikai ana mai, ua hoihoi aku ka Moi ma ka wehe ana ae i ka papale.  O ka lehulehu keia ma kahi o ka lele ana aku, he mau tausani aohe i kana mai ka nui me ka hahaka i hiki ai i na makai ke keakea aku i ka hele mai o na makaainanu a pili i ka Moi.  O na puke aniani keia o na hale e ku koke mai ana, ua hele a kohu punana meli ka mumuluia.  Ia manwa i uleu ae ai ka poe puhi ohe i ke puhi i ke mele "Himeni Kamehameha."  O ka Moi, maluna ia o ke kaa lio hamama wale iho no aohe hale, me ke Kuhina Nui la a me Mr. Allen, a lawe ae la lakou i ko lakou wahi mawaena o ka bataliona mua, a o ka bataliona alua, mahope koke aku no o ke kaa alii; o kekahi poe e ae o ka huakai, mahope wale aku no lakou maluna o kekahi mau kua e ae, a hele aku la ka huakai ma ke alanui Peniselavenia, a ma ke alanui e hiki aku ai i Arlington Hale, kahi i hoomakaukauia no ka Moe e noho ai, oiai ko makou wa ma keia kulanakauhale.  e pulelo wale ana no na hae ma na alanui a pau o kahi a ka huakai e hele aku ai; o na kanaka keia, huro mai la ; na wahine hoi ma na puka aniani, kiani mai la i na hainaka; a o ko ka Moi hoomaikai i na hoohanohano mai i na wa a pau, o ka hapai ae i ka papale.

            Ua ano maikai ole ke ola o ka Moi; no ka ha loa o kona leo, a ua makemake oia i Kauka.  Ua kiiia o Kauka Turner o na Aumoku, a ua hele mai ia a nana i ka puu a me ke ake, aka, ua ike oia, aohe pilikia e lele ai ka oili.  Ua hoike mai ke Kauka, ua loohia oia i ke auu ikaika ma ka puu a nolaila i ha ai kono leo.  A ua hiki ole loa i ka Moi ke ae aku e ikeia mai i keia la, nolaila i hoi koke ai ola ma kahi moe.

            Dekemaha 13 -- He la Sabati keia a ke hookuu nei makou i ko makou mau maluhiluhi ma ke ala loa a makou i hele mai nei.  Ua komo mai nei ke Kuhina Nui Fish, ua ka Peresidena i hoonna mai e ninaninau no ko ka Moi ola.

            Ua hele aku nei ke Kiasina Kapena, Mr. Peirce a me Mr. Carter i ka pule i ka luakini Sana Ioane.  Mahope o ka pau ana o ka pule, komo aku la ke Kuhina Nui Fish iloko o ka noho a ke Kiaaina Kapena e noho ano, hopu aku la i kona lima a lulu iho la.  Ua lilo ae la keia lulu lima ana a laua iloko o ia wa, i mea pioloke, no ka mea, ua kuhinewa koke loa ia iho la ke Kiaaina Kapena oia ka Moi.  Mahope o ka aina awakea o keia la, ua kokoke e pau loa makou i ka hele i ka holoholo kaa.  Ia ahiahi no, ua hele hou aku ka poe i hele ai i ka pule i ke kakahiaka i ka luakini Sana Aloyeins.

            Ua haawi manawalea mai nei o Mr. Saville o ka hale hana Keaka malalo o ko ka Moi inoa i kekahi paha oloko o koaa Hale Keaka ao ka po o ka la apopo, i ike ai ola la Miss. Kelogg.  Ua paneia aku, e hele no ka Moi ina e olnolu ana.  Ua komo hou mai nei o Kauka Turner i keia ahiahi, a nana i hoolana mai nei i ko makou manao, a hiki ana i ke Moi ke hele iloko o ka la hookahi a elua paha i koe.

(Aole i pau.)

            Ma ke ahiahi Poakahi iho nei i holo kaapuni ai ke Kilauea ia Hawaii ma kena hookai mua loa mahope iho o kona lana hou ia ana iho nei.

MA KE KAUOHA.

            Ua hookohuia aku e Mr. B H Kahananui i keia ia i Luna no ka Pa aupuni o ka apana o Kona, mokupuni o Oahu.  W F ALLEN, Hope Kiaaina o Oahu.  Keena Oihana o K@ o Oahu, Ian 14 1875 @

            Hoolaha Pa Aaupuni -- Ke hoikeia aku nei ka lehulehu, e ka Pu makai iho o @ Haie Lole Bipi ma Kohalaloa a makai iho hoi o ka Halepaahao o Kawa, nana na Eka 3 1/2 a oi aku a emi mai paha ke hookaawaleia nei oia kahi e hoopaaia ai na holohona helehewa no ka Apana o Kona nei, mokupuni o Oahu.  W L Moehonua, Kuhina Kalahaina. Keena Kalaiaina Ian 12, 1875.  @

            HOOLAHA PA AUPUNI.-- O ka pa hoopaa no na holoholona helehewa no ka Apana o Kona, mokupuni o Oahu, ke hooneeia nei mai Pauoha mai, a i ka pa i hooolahaia ae la maluna.  W P ALLEN, Kokua Kiaaina o Oahu

            Keena Kiaaina o Oahu, Ian. 12, 1875

 

            MAI kela la a mahope aku nei, ua hiki no i ka Luna Ohi Dute ke kau i ka waiwai io o ka hapaha ulaula Beritania, ma ke dala Amerika, oia hoi, i eha dala a me kanawalu kumahiku keneta, no k ahapaha ulaula Beritania.

            JNO. S. WALKER, Kuhina Waiai

Keena Waiwai, Ian. 4, 1875

 

Komisina o ka Hoikeike nui ma Amerika Huipuia.

            O makou o ka poe nona na inoa malalo iho, na Komisina Kuikawa i hookokuhia e ka Moi, e ohi mai, e houluulu a e hoouna aku i na mea hoikeike han akamai, hana lima a me an mea ulu o Hawaii nei, kupono no ka Hoikeike Lahui Nui e malamaia ana ma Piladelapia, ma ka puui ana o ke keneturia makahiki o ke Amerika Huipuia noho Aupuni Kuokoa ana i ka 1876, Ke noi haahaa aku nei me ka hoolaha akea aka, ua makaukau lakou i ka lawe ana mai i na mea e hoounaia mai ana e ka poe makemake e hoouna loa aku i Amerika, ma ka Hale Papa o S. G. Waila, Honolulu i na mea a pau i kupono no ka hoikeike.  Oiai ua makemakeia na mea hoikeike a pau e hiki aku ma Piladelapia mamua ae o Maraki 4, 1876, nolaila, o ka poe i loaa na mea hoikeike e noho ana ma keia Pae Moku, e makaukau lakou, a e hoouna mai ma kaki i hoike ia maluna, mamua ae o ka pau ana o ka makahiki 1875.

            Ke hoike nei no hoi makou i ka papa inoa o kekahi mau mea kupono no ka hoikeike, na mea ulu a me na me hana akamai, hana lima, hana mikiala a me na waiwai o keia mau mokupuni, a i makemakeai no ka hoouna aku i ka Hoikeike nui:

            Na Laau -- i kahi a kahi ole ia a ma na pauku laau.

            Na lako hale, i hana ia mai na laau Hawaii mai

            Na manu a me na ia, a pela aku.

            Na mea ulu a me na hua ai, i maloo, i malama loa ia, a ano hou a e ulu ana paha.

            Na hulu manu, na niu.

            Paakai mai na loko mai a i maloo paha i ka la.

            Na Pupu -- na akoakoa o na ano a me na mea a pau.

            Na mea o lalo o ka honua.

            Na olona o na ano a pau i ulu maoli ae a i hoomakaukauia paha.

            Na mea ulu o loko o ka wai.

            Na kope iloko o ke eke.

            Na Pulu iloko o ka bena.

            Kopaa mailoko mai o na Mahiko nui pakahi, ma na ano like ole iloko o na eke.

            Hulu Hipa, na ano hulu hipa mai na mokupuni pakahi mai, i kahiia a kahi oleia.

            Pulupulu; i waeia a wae oleia.

            Laiki iloko o na eke; i hoomaemaeia a hoomaemae ole ia.

            Na pupu a mea na hehu awa.

            Na uhi iloko o ka pahu.

            Na hana lima; na ahuula, na 'mahiole; moena:  kapa Hawaii; na umeke, na aho mai na olona mai a me ka ili hau, a me ka pulu niu; na pohaku kahiko; na makau, na kii o na waa; na lako Hale Hawaii e kapali ai, na kii o na hale o ka wa kahiko a o ko keia wa paha; na ili holohona o na ano a pau, na mea hana kui, na kamaa la-i a lauhala, na papale makoloa, pua ko, pua pili a pela aku.

            Na kii o na mea ano nui o Hawaii nei a me na hiohiona nani.

            Palapala aina nui o keia mau mokupuni i kahaia e kekahi kanaka Hawaii ma kona ike a naauao.  na kii e hoike ana i na puu, na mauna, na awawa, na alanui, na ululaau, na waoakua, na aina palahalaha a me na aina hanai holoholona, na kauhale, na muliwai, na lua pele, na awa ku moku, a me ka nui o na kanaka maluna iho o na mokupuni pakahi.

Na buke ma ka olelo Hawaii a me Enelani.

            Papa Kuhikuhi o ke kulana hoonaauao a hoomana o ka lahui Hawaii; o na ano hoomana a pau.

            Kuhina Kalaiaina

S.G. Waila

J.U. Kawainui.

Honolulu, Jan. 7, 1875.

Ka Nupepa Kuokoa

Me

Ke Au Okoa

I Huia.

Published every Saturday, $2 a year

HONOLULU, IANUARI 30, 1875.

            O ka manao o ka hapai ia ana ona halawai makaainana e like me ka mea i ikeia maloko o ka luakini o Kaumakapili i ka po Poakahi aku nei i hala, no ka noonoo ana i na mea hoohanohano, hoohiluhilu, hookipa, a me ka hookahakaha ana i ka wa e hoi mai ai ko lakou Moi mai kana huakai makaikai aku nei i Amerika Huipuia , he hana naauao a aloha alii maoki no ia, ina ua lokahi io lakou.  Aohe mea e ae e hoohauoli aku ai i ko kakou Moi hele makaikai i kona wa e hoi mai, eia wale no, o ka ike mai i kona lahui, e apo aku ana me na lima aloha alii a me na puuwai oiaio.  Ina ua hiki ia Amerika ke lu wale i na dala, ke hoohanohano kiekie loa mai, a me na ano hoohiluhilu kaulana a pau, oiai oia he malihini wale ao, a heaha hoi ko' kakou mea e nele ai i ka hookelakela ana aku i ko kakou Moi, no ka mea no kakou ponci cia. Ina hoi i hiki ia Honolulu ke hoomalamalama a ke hoohanohano ma kahi huakai pokole i holo aku nei i Hawaii a hoi koke mai nei no, heaha hoi ka mea e emi iho oi ko keia wa, oiai ua kaawale he mau malama eha mailoko aku nei o ka lepo kanu o Hawaii.  Ua mahalo makou i ka hoihoila ana o na hana i ke Komite he umikumamakolu e hana aku e like me ko lakou ike i na mea maikai e hana aku ai, a ke kono aku nei makou i ka lehulehu a pau e maliu aku i ka leo o ia Komite, ke hoike mai lakou i ka lakou mau moohana.

            Ke holomua nei ka hana ana aina a ka Puali ana Aina o ke Aupuni ma ka mokupuni o Oahu nei.  Ua pau oe aoao ma ka hema hikioa a me ke komohana a koe o Waimea wale no ko ia wahi hope.  A o ka apana a me ka aina holookoa mai Waialua mai a hiki i Kaneohe oia wahi ia i koe, a anaia aku auanei.  Ina e pau poao ana i ke ana, alaila; e ike wai kakou i ka palapala aina polo ei o Oahu nei.

Mai ka nupepa "Ka Lahui Hawaii" mai:

NA KIURE KOKUA HEWA!

HOOLANAKILAIA KA MEA I AE I KONA HEWA,

A HOOLILOIA KE HANAWAI I MEA OLE.

            I kekahi o na la i hala iho nei, ua lawe ia ae kekahi kaeaka nona ka ino o Pilipo imua u ke Ahahookolokolo Hoomalu o keia kulanakauhale no ka hewa kuai a me ka haawi waiona.  Ua hookolokoloia oia, a mamuli o na olelo a Mrs. Apikaila Maikai, (he wahine i kamaaina i ka lehulehu) ma kona hai ana imua o ua Aha'la "oia (Apikaila) ka mea nana i hana ka hewa a aole o ka mea i hoopiia," ua hookuu ia o Pilipo.  Mamuli o keia mau olelo hoike a Mrs. Apikaila Maikai, e hooiaio ana ua kuai a ua haawi waiona ia, ua hopu ia a ua hookolokolo ia oi ma ka la 5 o Iaoneri i hale iho nei, ua hoopai ia he haneri dala.  I kona hoopai ia ana na hoopii hou aku la kela imua o ka Aha Kiure, a ma ka Poaloa iho nei o keia pule, na hoolohe ia kona hihia.

                        Iloko o ka maopopo pono o ka hihia, ka lawe maoli ana o ka mea i hoopiiia i ka HOOHIKI HEMOLELE imua o ke AKUA MANA LOA!  a hoike mai la malalo o ia hoohiki -- ua hana oia i ka hewa -- ua ae ia mai la e na kiure e hoi hou a e hana i ka hewa, ma ka hookuu anan iaia.  Malolo iho na inoa o na kiure i noho ma keia hihia:  Ma ka ahewa--Uilama Wright, Komo Olo.  Na hookou--Kamoe, Waialeale, S. Kahana, Napoliana Nihi, Makole, John Nahue, J. W. Kaaia, H. N. Kahulu, P. Naone, a me Hehia.

            O ke kumu nui a makou i lawe mai nei i keia hihia a me na ino o na Kiure, i mea no hoi e ike ia ai e ka lehulehu ka hooliloia ana o ke kanawai i mea ole, a me ka poe nana i hana pela.  He oiaio ua hoolilo ia ka mana kanawai i mea ole, ua hoowahawaha ia, a uhaki maoli ia hoi e keia poe Kiure he umi.  No ka mea, mahope iho o ko lakou hoomaopopo ana, ua lawe ka mea i hoopiiia i ka hoohiki paa,k a ua ae mai i kona hewa, ua hooholo iho la lakou, na wahahee a he oiaio ole ia hoohiki a me ka ae ana a ua Apikaila Maikai nei i kona hewa, a o ka oiaio maoli, oia kona hewa ole, a he pono no oia ke hele lanakila ma na alanui ma ke ano "ua hoopunipuni oia imua o ka Aha Hoomalu i kona ae maoli ana aku i kona hewa." no ka mea, wahi a ka poe Kiure, "aole oia i hana i ka hewa."  Aole anei keia o ka uhaki maoli ana i ke kanawai o ka aina?  Ina aole, alaila, he aha ke ano oia mea he uhaki kanawai, me ka ae maoli mai no o ka mea i hoopiiia i kona hewa io, a o ka hookuu ia iho Ia no ka ia.

            Hilahila makou i kei poe Kiure, me ke kue i ke lulana i laweia e lakou no ka hooko ana i ka pono.  Heaha la ka hopena o na Kanawai ina o keia iho la ke ano o ko kakou poe Kiure.  Ua lawe lakou i na hoohiki ma ke ano kiure "e hooko i ka pono a haule mai na lani," a aole o ke kokua i ka hewa.  Aole anei i oi aku ka pono e hoopau ia ka ohi ia ana o na Kiure, a e waiho ia imua o na Lunakanawai na hihia, ina o keia ka lakou hana?  Minamina makou i ka pono o ka lehulehu a me ka maluhia o ke Kanewai e uhauha wale ia nei e keia poe.  O ke ano nui o ka lakou olelo hooholo oia no keia:  "Ua hoopunipuni oe e Mrs. Apikaila Maikai ma ka ae ana i kou hewa, a ma kou hai ana imua o ka Aha ua kuai a ua haawi waiona oe, ua hoike wahahee oe, a nolaila ke hookuu aku nei makou ia oe."  Auwe!  heha keia kue i ka makemake o ke Kanawai.  Ma ko makou ano wahaolelo wiwo ole no ka pono, ke noi nei makou e kapae loa keia mau inoa, a mai noho a kikoo hou aku ia lakou ma ia oihana.

Ka Iapaau Laikini ole ma Koloa,

Kauai.

            E KE KUOKOA E; -- Aloha oe ka uwea olelo o ka Pae Aina Hawii.  e oluolu oe e Terekaraba aku i keia mau huaolelo e kau ae la maluna.

            Ma na malama hope o ka makahiki 1874 i hala iho nei, a hiki i keia malama Ianuari 1875.  Ua lapaau hele iho nei kekahi kanaka o Kane kona inoa, he elele mai Laie mai, no ka poe Moremona, he lapaau kaulima ka mea i olelo ia, a ua puni kahi poe i keia ano lapaau, a ua hele i pau kuhihewa, ua make kekahi, aole ola kekahi, aole pau ka pilikia a haule ka manaolana.  A o keia lapaau ana aole laikini mai ke aupuni mai.

            Eia no nae ka maalea, ua lapaao malalo o ka mamalu-hinuhinu o ka pule moremona i mea e ike ole ia aku ai.  Eia nae na ikeia aku no nae.  He like loa me ka hana a ka poe kahiko, ka poe hoopiopio a me na ano hana naaupo, pela ka hana ana imua o ka poe mai me ka akena.

            Ma kahi mau la i hala aenei.  O na haumana a ua o Kane, ua hooanaia e lapaau i kekahi kanaka i ikeia o na kauka aupuni he kanaka mai mai, a he mai pilikia no; aka hiki aku ua mau haumana moremona nei me ka manao e hoopuka i ka ike o ke ao ana a me ke akamai o ka lapaau moremona.  ua kau na haumana i ko lakoa lima maluna o ka mea mai me ka pule hookiekie, a me ka hoohalulu ana i na wawae o lakou maluna o ka pope hele, nauweuwe ka hale i ka mea o ka ikaika o ka Iapaau ana; me ka ninau hooio, a na poe moremona nei i ka mai, "Pehea oe?" Pane mai ka mai me ka nawaliwali, "pilikia loa au," a hana hou no, me ka lohe no o na pepeiao, i ka pane mai a ka mai i ka pilikia, a o ke aiwa loa iho la ka ia o ka hoohalolu ana.  A o ka holo aku la no ia o kekahi mau moremona, paka ke akamai ke holo la.  Pela i hoopilikia loa ia ai ke kanaka mai.  O ka inoa o na kanaka mai nei o Kealalio, a ma ka la Sabati iho nei ka makeloa ana.

            O ka inoa a ka poe hauinana moremona i hele e hana i keia hana ano e, koho ole i keia wa malamalama o Hawaii nei, o Kekauoha, a o Kahalepohaku, a me kahi mau mea e ae, a o ke kumu hoi a lakou, ke kaula wahahee, mahea la hoi kahi i pee ai a hookuu wale aku no i na haumana, e hele e holapu i ka hale o ka mea pilikia?  e pono e makaala na makai o ke aupuni i ka nana ana i na ano hana e like me keia, ka lapaau laikini ole.

            Eia nae paha ka mea i ala mai ai keia ano hana iwaena o ka poe moremona? O ke ake no e kaulana a e lanakila ka hoomana a lakou e kapa nei.  "Ka hoomana o na la mahope."

            Pehea la e kaulana ai, a e lanakila ai ka hoomana o na la mahope--ka hoomana i kukulaia maluna iho o ka alualu o waho o ka Baibala, aole hoi iloko o ka io a me ka iwi o ka baibala?  He hoomana ano diabalo no.  Ninau mai paha kekahi i ka mea kakau i keai manao.  Pehea la i ano diabalo ai ka hoomana o na la mahope, ka hoomana moremona?

            Eia ka haina a ka mea kakau.  1 Aole he hoomaemae ekalesia iloko oia hoomana moremona.  2. Aole hookolokola ia na hoahanau hihia iloko o ko lakou ekalesia.  3 Aole makau i ka hoopunipuni imua o ke Akua.  4 Aole o lakou papa i ka aihue.  5 Aole o lakou manao he paumaele ka noho manuahi ana, ka noho kapae, me he la o ko lakou iini loa ia.  I ka maa no hoi paha o na kumu i ka noho kapakahi, pehea la uanei hoi e ole ai ka hoohalike ana o na haumana me ke kumu? "Me na pepeiao maneo i hapuku ai lakou i mau kumu ao na lakou."  Nolaila, aole au e kanalua i ke kapa aku he hoomana ano diabalo ka hoomana moremona.

            Ke hele nei ua kaula wahahee nei o Kane me ka hoohuli ana i na kanaka naaupo, a me ka poe kino papalua, a me ke ao hou no i kekahi hana e ae no, i mea e punihei mai ai kanaka i kana pelau ana, a ua manao no paha ia, oia ka mea e holo loa ai kana oihana lapaau moremona?  O ke kilokilo i na a-a o na poholima o na kanaka a me na wahine, me ka wanauna aku imua o kanaka i ke ano o kela a me keia mea, me ka wehewehe i ke ino a me ka maikai.  Me he la o Simona ke kilokilo keia ua ala hou mai nei paha?  A i ole ia, ua hoomahui paha i ka hana a na kilo hoku o Beritania.  Nolaila paha keia e hele nei e kilo ina poholima o kanaka.  Alaila o ke kilo poholima keia o ke aupuni o Laie, kaulana io ka o ua o Kane, ke kilo poholima o ka heomana moremona, a he kahuna lapaau laikini  ole.  Nolaila, ke puhi nei au i ka pu i lohe na mokupuni o Kalakaua I.  Ke hooki nei au maanei, ua kiko ka la i ka ilikai o Lehua.

IOELA.

Hawawai Makaainana.

            Halawai hui na makaainana o ka Apana o Honolulu maloko o ka luakini o Kaumakapili, ma ka la 25 o Ianuari, 1875 i ka hora 7 1/2 o ke ahiahi.

            Ma ke noi a J.U. Kawainui, na kohoia o Revd. M. Kuaea i Peresidena, a o S. B. Dole a me A. Kalauli, i mau Hope Peresidena.

            Ma ke noi a Revd. P. W. Kaawa, i kokua ia e J. K. Unauna, ua kohoia o Z. P. Poli i Kakauolelo.

            Hoopuka mai o J. U. Kawainui i kekahi mau Olelo Hooholo a na S. B. dole i heluhelu mai ma ka olelo haole penei:

            HOOHOLOIA 1.  No ka mea, ma ka manao o keia halawai, ua kupono loa i na makaainana o keia kulanakauhale alii e huipu i mea e hoike akea aku ai i ko lakou ano kupa Hawaii oiaio, a aloha alii, ke hiki aku i ka wa e hoi mai ai ke'Lii ka Moi mai Amerika Huipuia mai.

            HOOHOLOIA 2.  A nolaila, e kohoia kekahi Komite i 13 lala, na lakou ka mana e hoomakaukau i na mea a pau e pono ai no ia hoohilohilo akea ana, a e imi i ke dala e uku ai i na liko:--

            Ma ke noi a Revd. P. W. Kaawa, na lawe ka Aha e noonoo i ka Olelo Hooholo.

            Noi mai o G. B. Kalaaukane e heluhelu pakahiia ka olelo hooholo, na kokua nuiaa keia manao e ka Aha.  Hooholoia.

            Na ke Kakauolelo i heluhelu mai i ka Pauku I, a na S. B. Dole i heluhelu mai ma ka olelo haole.

            Ma ke noi a L. Keliipio ua Aponoia ka Pauku I o ka Olelo Hooholo.

            Heluheluia ka Pauka 2, a ma ke noi, na aponoia.

            Hoopuka mai o J. U. Kawainui i ka Papa ino o ke Komite 13; a ma ke noi a L. Keliipio, ua ninau pakahi ia na inoa a hooholoia.

            E. Mikelemi, E. P. Adama, Z. P. Poli, P. C. Jones, J. Makea, J. H. Paty, D. Kahanu, S. B. Dole, L. Keliipio, W. W. Hall A Kalauli, J. S. Smithies, Ioane Akina.

            Ma ke noi a J. K. Unauna, wa haule keia inoa hope, a ua kohoia o W. S. pahukula i mea pani ma kahi o Ioane Akina.

Noi mai o J. H. Balaka e hoomahuahua ae i keia Komite a hiki i ka 15.  Kokoaia mai keia manao, i ka nieanie ana ua haule.

            Hookuuia ka halawai.

Z. P. Poli.

Kakauolelo.

Hawawai a ke komite Umikumamakolu.

Hala@aiani, Poakolu, Ian. 27, 1875.

            Hora 7 P.M. Ua holawai ke Komite Umikumakolu ona makaainana i hoomanaia ai no ka hapai ona i na mea hoohanohano i ka wa o ka Moi e hoi mai ai mai Amerika mai.

            Kohoia o w. S. Pahukola i lunahoomalu no ka manawa, a o S. B. Dole i kakauolelo no ka manawa.

            Ma ke noi ua kohoia o John H. Pay, P. C. Jones.  A Kalauli, a me D Kahanu, i Komite Imi Dala.

            Ma ke noi, ua kohoia o S B Dole a me E Mikalemi, i Komite e hui aku me ke Kiaaina e hoike mai i hoailona no ka ikeia ani aku o ke hae Moie e welo mai ana ma no ako o Lee Abi.

            Ma ke noi, ua kohoia o P. C. Jones a me J Makua, i Komite no na Bele a me na Hae.

            Ma ke noi, ua kohoia o D Kahanu, W. W hall, a me E Mikalemi, i Komite Imi Launahele.

            Ma ke noi, na kohoia o D Kahanu, J. Makua, L Keliipio, E P Adamu John H Paty W W Holo, E Mikalemi i Komite no na Ahikao, a me na hoomalamalama ahi.

            Ma ke noi, ua kohoia o S B Dole a me Z P Poli i Komite no na Kamalii Kule.

            Ma ke noi, ua kohoia o J S Smithies a me A Kalauli, i Komite Kuikawa e hele aku ai e halawi me na Kuhina no k lakou ae mai i ke Komite Hookipa o na makaainana e hoohanohano pu me lakou i ka Moi.

            Ma ke noi, ua kohoia o S B Dole, a me W S Pahukula i Komite Pai Palapala.

            Ma ke noi, ua hooholoia e hoolaha i ka moolelo o na hana a ke Komite ma na nupepa, a iloko o na olelo Enelani a me ka Hawaii.

            Ma ke noi, ua kohoia o S B Dole i Luna Nui no ka La, a o J. H. Paty, a me A Kalauli i mau Hope Luna Nui.

            Ma ke noi, ua hoopaneeia a halawai hou i ka hora 7 P M o ka Poaono, Ianuari 30.

S B Dole. -- Kakauolelo manawa.

Honolulu, Ian. 28 1875.

MANAWA PUKA, ME KA NA POO ANA A KA LA,

NO KA MALAMA O FEBERUARI, 1875.

Feb. 1.  Puka ka La 6h. 38' a m.  Kapoo, 5h. 50' p m.

  :     2.     :          :   6h. 38'   :           :     5h. 51'   :   

  :     3.     :          :   6h. 37'   :           :     5h. 51'   :   

  :     4.     :          :   6h. 37'   :           :     5h. 52'   :   

  :     5.     :          :   6h. 36'   :           :     5h. 53'   :   

  :     6.     :          :   6h. 36'   :           :     5h. 53'   :   

Ian. 31.     :          :   6h. 39'   :           :     5h. 50'   :   

Na Kau ana Mahina no Feberuari.

Feb.  5---Mahina Hou ---  9h . 23.6 m     P M.

  "   12---Hapaha mua      6     48    9s     "

  "   19---Mahina piha,     9     29.   9        "

   "  27---Hapaha hope    11     20    1        "

Nu Hou Kuloko.

            Ua haalele kekahi moku kiapa ia Nu Holani i ka la 2 o Dekemapa he lanahu ko luna ukana, no ka mokuahi Kilauea e au nei i na kai ewalu.

            Maluna makou o Lae Ahi i ke ahiahi Poalua iho nei, a ilaila, iikeia ai kekahi nu hou, oia ka iho ana i ka pali me na lala elima e hoopaheehee ai.

            E halawai ana ka Ahahuui Opiopio maloko o ko lakou hale halawai mau i ka hora 7 o keia ahiahi Poaono, no ka noonoo ana i kekahi mau kumu ano nui.  E hele nui mai na hoa a pau o ia Hui.

           

            Make Loa.---Ua haule  iho kekahi luina o ka moku kana Amerika Tuscarora e ku nei ma keia awa mailuna iho o kekahi i-a, i ke ahiahi Poaloa iho nei, oiai oia e hana ana , a pa i ke kai make loa.

            Ua noiia mai makou e hai akea aku i na'lii a me na hoa pakahi a pau, o ka Puali Leleiohoku, e akoakoa ae ma ko lakou Hale Paikau i ka hora 7 1/2 o keia ahiahi Poaono, Ianuari 30, E eleu mai na hoa a pau loa.

            MISIONARI MAKE.---Ma ka leta a Rev. R. Maka, i loheia mai ai, na make ka wahine a Rev. H. T. Taylor ma Apaiana i ke la 26 o Sepatemaha, 1871, i ka hora 6 ahiahi.  He misionari hope loa aku nei keia o ka holo ana aku nei e hoolaulaha i ka Euenelio a ka Hoku. ---

            KE KIURE HAWAII.--- Ma ka Poalua iho nei, ua hookuu ke Kiure Hawaii i ka mea i akaka ka hewa he hoohainu rama me ka noonoo ole.  Ina i waihoia mai na inoa ia makou ina me keia, ke kau kehakeha aku nei ko lakou mau inoa na ka lehulehu o hoohenoheno mai.

            Ua noia mai makou e ke Kakauolelo o ka Anahai Kule Sabati o Kauai, e hoolaha akea aku, e malamaia aua he halawai maloko a ka lukini o Lihue, he hiki aku i ka la 27 o feberuari, a nolaila, na makemakeia ua lala a pau e akoakoe ae me ka makaekau pu i au haawina i haawiia na lakou e hoakaka mai.

            LA HOOKAHAKAHA O NA KAA WAI.--- O ke la 3 o  Feberuari e hiki mai ana, oia keia Poakolo ae, he la nui hookahakahaia no na keiki kiaai ahi o ke kulanekaehale o Honolulu nei.  E akoakoa mua aea lakou mamua iho o ke Keea o ka Hele 2 mamao iho o ka hora 10 kakahiaka oia la, alaila kai hele ae ma na alanoi a ka Luna Kinai Ahi Nui o kuhikehi ai.

           

            Mai ka Poakolu mai a hiki i ka Poaha iho nei ka noho ana o na Kiure Hawaii no ka hihia o Kupio i manao wale ia ai oia ka ha o ka poe popehi kanaka i ka elemakule a me ka luahine ma Hilo, eia nae, ma hookuu na kiure ia Kepio, a ua lanakila oia.

            Ma ka moolelo o na hana a ke Komite Umikumamakolu o na makaainana o Honolulu nei, a ka la 28 iho nei, ua ikeaia iho o Jno H. Paty, P C Jones, A Kalauli, a me D Kahanu, ke Komite Ohi Dala.  Nolaila, ina e hele aku lakou imua o na makaainana aloha alii e noi dala ai, e hilinai mai.

            Ma ka halawai makaainama nui i malamaia ma ka luakini o Kuemakapili i ka po Poakahi iho nei, no ka noonoo ana i ka keia kulanakauhale alii hana e hoike aku ai i ho lakou aloha alii i ka wa a ko lakou Moi e hoi mai ai, ua ikeia la hoakamai olelo o kekahi poe me ka halahu loa mawaho o ka poai o ka poe noonoo.  Kamailio wale ma ka mea aole imua o ka hale, a hoolauwili i ka mea i hooholia a pau.  Ua lealea ka poe naaupo i ka pahee leao, aka, o ka oiaio, he hoakamai wale iho no, aohe manaoia hana.  Oia ke ano o ia poe ku-e hoakamai ai.

            AUMOKU KAUA--- Ua lohe mai makou, e hoonohoia ana ka moku kaua Amerika Portsmouth ma Honolulu nei, i ka wa o ku mai ai, a e hookuuia ke Tuscarora.

---Iloko o ke anahulu, e haalele iho ana ka moku kaua Beritania Tendos ia Honolulu nei, a e hoi aku ana i Kapalakiko a malaila ae i Amerika hema.

---O ka moku kaua Reindeer, o ku anan ma Honolulu nei a hiki i ka malama o Aperila.

---O ka moku o ka Moi e hoihoiia mai ai, oia ka moku Pensacola o ka Adimarale Almy.  E ke anan pahu ia nei mawaena o ka la 10 a me 15 o Feberuari.

            Mai kekahi lawe pepa mai a makou o Waikiki waena i hiki mai ai ka Jono io makou nei, aia kekahi poe puni pepa lealea ma ke alo pono o ko makou mea kukulu kepau---ua kuhi oia ua nalo, aka, ua lalahu e mai la ka maka tile a ua lawe pepa nei, a iko iho la makou, ke noke la na kape me na wahine ma ke pepa lealea.  A ina e make kahi, e ku oia iluna, me ka hooukaia i ka noho amana, ka pale, a me kekahi mau mea e ae.  He hana hoomaewaewa, he hoohaahea anaia ia Kamoiliili a lilo i Pegana loa.  Heaha keia o Kamoiliili? Mamua he apana maikai loa ia, ano he Bobulona ke!  "E na punahele, mai hoomahui ka hewa," o nahu ke kanawai.

            HE MAU MAKE MINAMINA.--- I ke kakahiaka o nehinei, Ianuari 29, ma keia kulanakauhale o Honolulu nei, ua make aku la o Kapena Keoni Miki, i ke 83 makahiki a me 3 malama o kona ola ana.  Ua hoopiha oia i ka Oihana Luna Awa o Honolulu nei no kekahi makahiki loihi i hala me ka malama pono, a na ka make i lawe e aku iaia.

---Ma kela kakahiaka no malama ae, ua make ke kaikamahine hanau mua loa a Warren Kamalani kekahi o na Kakauolelo o ka Hale Date.  He kaikamahine i aloha nui ia.  ma ka hora 10 o keia la e hoolewaia'i kona kino lepo ma Kawaiahao.  E hele ae o na hoaaloha a pau i ka hoolewa.

            Ua lohe mai makou aia ma Kaliuluna e pili la me kahi o Kiha kahi o kekahi mau kamalii kane mai ke kaona'ku nei, a me na ui kaikamahine o laila e akoakoa mau nei o ka po, no ka hula uliuli, ukeke, a me kekahi mau hana lapuwale e me no hoi, a hiki wale aku i ke kulu o ke aumoe, a i kekahi wa a koloke e ao.  A u ka hana hoi a kanaka makua he pepa pili dala mai ma kuono.  He keu ke ahonui a me ke kulikuli ole o na poe maikai a me na haole e noho kokoke 'la malaila ke hoomakakiu ole ia'la keia poe hana lapuwale, heaha la ka mea e haawi ole ia nei i ka Ilamuku.  Ma ka olelo mai a ka mea mai ia ia mai kela lono o kekahi no ka keia o na lua mimilo nana a kauo nei ka Lahui Hawaii Opiopio, a kakou e makemake nei e hooulu, i ka poino ana ka make.  Eia ka makou e ao aku nei, ina he oialo keia lohe i hui ia e la maluna, e pono e hoopau a e haalele loa i keia mao hana lapuwale, no ka mea he "lohe ke ola a he kuli ka make."

HUNAHUNA MEA HOU.

            Iloko o na makahiki he umikuma nalua i hala, ua mahuahua loa mai ke kalepa mawaena o Rarani a me Kina---o na waiwai komo, mai ka $17,000,000 a i ke $60,000,000, o na waiwai lawe aku, mai ka $3,400,000 a i ka $17,600,000.

            Eia ka olelo hooloha a kekahi lunahooponopono nuupepa kuaaina i kono aku ai i kona poe lawe pepa aie penei: "I ka poe a pau i aie i keia pepa no ka makahiki a oi paha i hala, e holo mai lakou a hookaa a e haawi aku no makou i ka hooiaha ana o ka poe make o ka papa akahi me ka aku ole, i ka wa e make ai lakou."  Ku no ka olelo i ka hoonaikola.

            Ua @ kekahi @ me ka inoa o ka luna makai o kekahi kulanakauhale o Enelani, a i ka weheia ana ae, aia hoi, he keiki no e ola ana ko loko.  Hoole na luna makai nei i ka lawe ana iku i keia makana, ake, nonoi mai la kona aipuupuu nana ka makana, a lawe aku la ia i ka hake-