Ka Nupepa Kuokoa, Volume XVI, Number 30, 28 July 1877 — Page 4
| This text was transcribed by: | Kelly Murray |
| This work is dedicated to: | Ikea Liloa Pili Robinson |
Ka Nupepa Kuokoa
KE KILOHANA POOKELA NO KA LAHUI HAWAII.
ME KE AUOKOA I HIIA.
FLING OUT THE BANNER.
Golden Sunbeams p. 39.
1
Kau i ka bana i @,
Ka bana o ke ola e,
I lama olino ma na puu,
A ikeia mai o a o.
Cho.-Kau i ka bana, ke kea o Iesu,
Kai kiekie ma na puu,
Kao i ka bana, ke kea ula no,
Ke kea mana o Iesu.
2
Kau i ka bana i luna'e,
I hoailona ma na kai
No ua @ holo mau,
I kia lama no lakou.
Cho.-Kau i ka bana, ke kea o Iesu, &c.
3
Kau i bana ma na puu,
Ke kea ula o Iesu,
I lama no na aina e,
I ike ae a homo mai.
Cho.-Kau i ka bana, &c.
4
Ka bana nani welo mau,
I lama no ko heia ao,
E kii a kau ma o, maanei,
Ka bana o ke ula e.
Cho.-Kau i ka bana, &c.
5
Ka bana nani kamahao
E lama'i ko kakou manao !
Nana kauoli, a hahai,
Ka bana keia e ola'i.
Cho.-Kau i ka bana, &c.
Hawaii
HAAWINA KULA SABATI.
HELU 7. SABATI, AUG. 12, 1877. KUMU HANA.-Paulo me Sila iloko o ka hale paahao. PAUKU BAIBALA- Oih. 16:22-34.
22 Ku e pu mai la ka ahakanaka ia laua, a haehae iho la na luna i ko laua kapa, kauoha aku la e hahau ia laua.
23 Hahau nui mai la lakou ia laua, hahao aku la ia laua iloko o ka halepaahao, kauoha aku la i ka luna o ka halepaahao, e kiai ikaika loa ia.
24 I ka loaa ana o keia kauoha, hahao aku la oia ia lana maloko lilo o ka halepaahao, a hoopaa iho la i ko laua mau wawae ma ka laau.
25 A i ke aumoe, pule aku la o Paulo laua o Sila, himeni iho la i ke Akua, a lohe mai la ka poe paahao ia laua.
26 Emoole hoi he olai nui, haalulu ae la ke kumu o ka halepaahao; a wehe koke ia iho la na puka a pau, a hemo wale no hoi na mea paa o lakou a pau.
27 A o ka luna o ka halepaahao, ala iho la ia, mai ka hiamoe ana, ike ae la ua hamama na puka o ka halepaahao, unuhi aku la ia i ka pahikaua, e pepehi ia ia iho; no ka mea, manao iho la ia ua holo na paahao.
28 A hea mai la o Paulo me ka leo nui i mai la, Mai hana ino oe ia oe iho; no ka mea, eia no makou a pau.
29 Noi aku la ia i kukui, lele aku la iloko, e haalulu ana, moe iho la imua o Paulo lana me Sila.
30 A kai mai la ia laua mawaho, i aku ia, E na haku, heaha ka'u e hana'i i ola au?
31 I mai la laua, E manaoio aku i ka Haku ia Iesu Kristo, a e ola oe a me ko ka hale ou.
32 Hai mai la laua ia ia i ka olelo a ka Haku, a i ka poe a pau maloko o kona hale.
33 Ia hora no o ka po, lawe ae la oia ia laua, a holoi iho la i ko laua mau palapu; a bapetizo koke ia iho la ia a me kona poe a pau.
34 Alakai aku la oia ia laua iloko o kona hale, a kau mai i ka papaaina, a olioli iho la ia me kona mau ohua a pau, me ka manaoio aku i ke Akua.
Pauku Gula. "Ua haawi mai oia i ke mele hou iloko o kuu waha, i ka hoolea i ko kakou Akua; e ike suanei na mea he nui, a e weliweli hoi, a e hilinai aku hoi ia Iehova." Hal. 40:3.
Hoopaauaau p 28-34.
Topika. Ka hauoli Karistiano. Na mahele.
1 Ka hauoli iloko o ka pilikia p. 23-25.
2 Ka hauoli iloko o ka haiolelo ana. p. 26-32.
3 Ka hauoli iloko o ka manaoio ana. p 33-34.
Mele-Him 347. Leo. "Ioyful evermore."
Ma ke @ e nauwe nei,
Oli, oli, oli, &c.
Pauku 1 me ka lua. Pule i loaa ka hauoli iloko o na pilikia, na hana, na kula, &c.
Na ninau a na Kumu.
Aia no Paulo ma ma Pilipi. He kaikamahine malaila. ua uluhia i ka uhane ino a me ia oia i kilokilo ai, a hana'i i na mea kupanaha i waiwai ai kona mau haku. Hahai oia ia Paulo ma, e kahea aku ana, He mau kauwa lakou na ke Akua kiekie loa, e hoike mai ana i ke ala o ke ola. Uluhua Paulo, aloha hoi i ke Kaikamahine, a ma ka inoa o Iesu, kena i ka uhane ino e puka mai mailoko mai ona. A o ka puka koke mai no ia mailoko mai ona. A haalele koke ua wahine nei i kana hana kilokilo hoopunipuni a lilo i haumana na Iesu. Ka huhu loa no ia o na haku ona, no ka mea, ua pau kana hana ka mea e waiwai ai lakou. Nolaila, hopu lakou ia Paulo me Sila, a kauo ia laua imua o na lunakakawai me ka hoopii wahahee ia laua, Nana i na p. 16-21.
Mahele I P 22-25. Na pilikia i loaa ia Paulo ma, me ka hauoli iloko, owai ka i kue pu ia laua ! Ka poe i akoakoa ma kahi kuai, kahi hookolokolo. Heaha ka na lunakanawai i hana'i ia laua? A kauoha e ahaia laua? E hahau ia me na laau. Ka oihana ia a kekahi poe okoa. Siketora, ka inoa, Ilamuku paha ia kakou. A pau ka hahau ia ana, mahea i hahao ia'i laua? A kauoha ia e ahaia laua? A mahea i hahao ia'i i hiki ke kiai pono ia? Ma kahi lua pouli paha. A ua ahaia ko laua mau wawae? Ua hoopaa kaawaleia kekahi wawae me kekahi wawae, a kaawale loa, a eha loa no hoi. A ma ke aumoe ua aha Paulo ma? Owai ka i lohe i ko laua himeni ana i ke Akua? No keaha ka himeni, ka hauoli ana? Mat. 5:10-12. O@ 5:41. Rom. 8:16-18.
Mahele II. P 26-32. Ka hauoli ana iloko o ka haiolelo ana. Ia Paulo ma e pule ana heaha ka mea kupanaha: He olai aha? aha ka hale paahao. aha na puka? aha na mea paa? I ke ala ana o ka iuna o ka hale paahao, heaha kana i ike ai? A unuhi oia i kona pahi kaua me ka manao e aha ia ia iho? no keaha? Ke kanawai o Roma, kau ka hoopai o ka lawehala maluna o ka luna kiai ke hemo wale ae kekahi paahao mailoko ae o ka halepaahao. Pehea ka Paulo olelo i ka luna kiai? ua holo anei na paahao? Ua ike lakou ua hemo ua kaula hao, na laau hoopaa, ua hamama na puka, no keaha ko lakou holo ole? Ua pepehi anei ka luna kiai ia ia iho? Heaha kana noi? a loaa, ua hele oia me keaha? a aha imua o Paulo ma? A kai ae oia ia laua i waho o ka halepaahao, a heaha kana ninau nui? a heaha ka pane ana? Heaha hoi ka laua hai ana ia ia, a i ko kona hale a pau? Nana Mot. 5:44,45. 1 Ter. 2:13-20.
Mahele III. P 33-34. Ka hauoli iloko o ka manaoio ana. Manaoio anei ka luna kiai? Heaha kana ia Paulo me Sila? Akaka, ua eha loa laua, ua paapu i ke ko ko no ka hahau ino ia. No ka manaoio o ka luna kiai me ko kona hale ua ahaia lakou? Alakai oia ia laua iwaho o ka hale paahao, a hoomakaukau i aha na laua? A aha ka luna me na ohua ona? Heaha ke kumu o ka olioli io? Rom 5:1, 2. Heaha ke kumu o ka olioli ma ka lani ma Luk. 15:7, 10? He kumu hoi o ka olioli o na haumana ma Luk. 10:17,20. Hai mai hoi Neh. 8:1-12. Isa. 35:1-10. Luk. 2:8-14.
Mele. -Him. 350, 6-8. Leo.
1
E na haipule nei,
Hauoli pu kakou,
E mele pu, a e hoomaikai,
A poai ia Iesu.
E hele mele ae;
Mai uwe waimaka hou;
Ko Emanuela aina nei,
Pa kela kela ao.
Na Ninau o ke Kahu.
Na makua Heaha ka hana ino kumu ole a na lunakanawai i hana'i ia Paulo me Sila? Heaha ka ke kiai hale i hana'i i pakele ole na paahao iwaho? Heaha ka mea i maopopo ai ua hauoli Paulo ma iloko o ka halepaahao a me ka hahau inoia? heaha ka i hiki emoole mai ma ka pule ana a Paulo ma? Pehea hoi na puka, na mea paa. I ka manao ana o ke kiaihale e pepehi ia ia iho heaha ka mea i hooko ole ia'i ia manao? A pau ia manao heaha kona ninau no ke ola? Me keaha hoi ka ninau ana? Heaha ka ninau nui i keia wa? Ma keaha i maopopo ai ka huli io o ke kiaihale, me ka poe e ae?
Na keiki. Heaha na hana ino elua a na lunakanawai ia Paulo ma? Heaha na hana mana elua a ke Akua i pakele Paulo ma? Heaha na hana aloha elua a Paulo i ke kiaihale? Heaha na hana aloha elua a ke kiaihale ia Paulo ma? I na huli mai oukou a nanaoio ia Iesu heaha ka oukou hana mahope iho, i akaka ua huli io mai oukou?
Ke kula a pau. Hai mai i na hoailona no ka mihi io, a huli ia o ke kiaihale paahao. Hai mai i ka like ole o ko Petero hookuu ia ana o ka hale paahao, a me ko Paulo ma hookuu ia ana. Oih 12:5-11, me ko Petero ma hoopakeleia ana mamua. Oih. 5:18,19,23.
Ka hahau ana o na Iudaio i na lawehala heaha ke kanawai? Kan. 25:3. Aole oi i ke 40. E emi iho i hookahi ka hana lokomaikai. Ma ke kanawai o Roma, he nui wale ka hahau ana, aole haiia ka palena. Pehea ko Paulo hoike ana nona iho ma 2 Kor 6:5. 11:23,24. Owai kekahi poe mamua i ninau no ke ola? Pehea ko Iesu, me ko Petero pane ana ia ninau? Heaha hoi ka kakou e hana'i i loaa ke ola mau loa? I ka wa hea e bapetizoia'i ka poe hu li mai? Hiki anei i ka poe iloko o ka hale paahao ke huli mai i lilo i poe haumana na Iesu? Owai ka i hahau kumu ole ia no kakou?
Hai mai i ka pauku gula, ma 1 Pet. 2:24.
Mele - Him. 126, 8-6. Leo.
1
Ke ola no ka mea maikai
No kanaka a pau,
Akahi waiwai makamae,
I waiwai mau kakou.
4
Eia ke ala pololei,
Iesu ka Haku mau,
Mamuli ona e hahai,
A ola mau kakou.
Pule i huli a manaoio koke a bapetizo koke ia na haunana &c. Haawina no Aug. 19. Oih 17:-14.
Palapala mai Kapaa, Kauai mai.
I keia la ua hele au e nana i kahi mahiai o ka Hui, a na noho ma ke ano luna no Lakou a pau 4 loi a me ka hoomaemae ana i ka auwai. Apopo e pau ana 2 loi nui a 4 loi liilii. Aloha ae au ia oukou ka poe ma kahi e. Ke Palau liilii nei no kekahi poe He hookahi wale no Palau. A keia pule ae, alaila, haawi mai o @ i 14 paa bipi kokua ia makou me kahi paa kahiko hoi, mahuahua ae hoi ua wahi eka e pau mamua o ka pau ana o keia mahina. A hiki mai hoi ko laila mau bipi alaila hoopapau loa @ @ nui ana. Aka, ua ku nae hoina huli.
Ma ke ahiahi Poakahi la 16, ua hiki mai ka moiwahine ma Wailua i ka hora 2 auau apau, ai a ma ka hora 6 P M hiki ma Kapahi. I a kakahika anuhea lai o ke kau, like na kane me na wahine me na naonao Aohe me apaa ole i ka hana. I ka hoomaemae ana i na hale a me ka hoowehiwehi ana i na @ i na Lehua, ka maile, ka palai, a me ka nua o ka awapuhi. Ke kalua ana ina @ @ a Kauhoe, na ilio hanai a huhu a Kolili, a me na moa makanahelehele a na keiki Hui. Kawaihau, ua hanai wale ia @ ilio kahawai a ua hele ka puapua a @. O kekahi o na Hui, i ka lawaia, malalo o ke kolau ana a Kinoiki (Mrs. Piikoi) ka muli pokii o ka @wahine. Ua kau ia na Hue @ me na hue olelo maluna o na mau @ liilii la, ka mua o Hawaii, ka @ o Maui, ke kolu o Oahu, ka ha o Kauai, ka lima o Molokai, ke ono o Lanai, ka hiku o Niihau, ka walu o Kahoolawe, ka iwa o Molokini, ka umi o Kaula, ka umikumumakahi o Nihoa, ka umikumamalua o Mokuole. Ma ka ha'e huina walu. He aleo i hana ia me ka pahu hae, e welo ana ka Hae Hawaii. I ka hiki ana mai o Ka Moi Wahine ua lele ka hauli o kona puuwai i ka nani, o ke kahua o Ka Hui Kawaihau, me ka welo ana o na Hae, a i kona hiki ana ma kona Hale i hookaawaleia nona, ua huki ia ae la ka hae Kalaunu ma kekahi pahu haekiekie. akahi no a huki ia Ka Hae Kalaunu ma ua la la. Ua hoomaha a liuliu iki, lawe ae la ka Moi i ka Moi Wahine i hoikeike i ua wahi o na Ohua o me ko lakou wahi e noho ai. He elua Hale lole i hookaawale ia no na ohua o ka Mai Wahine. A pau ia, hele loa aku la, e makaikai i na hale o ka Hui. Ua mahalo ia na Hale a pau a o ko Haiha hale ka oi o ku nani a me ka wehiwehi. Pau i lawe ae Ka Moi i ka Moiwahine, a pii ma kekahi aleo maluna o ka Hale Hoina walu a ua hookapu ia e ke Kamana o Ka Moi, Charles Turner a na ka Moi wahine e hoau i ua aleo nei.
I ka pii ana o na Moi iluna, akahi no laua a ike i ka nani a me "ka laula o Kapaa. "Keakea maikai o ka ipu haa. Koha ka leo "ka waikini ua lai, heawawalo i ka ohu noe "na mauna, uina ka wai o na molokama.
Pau ka nanea ana, malaila, ua hoi na @ e ai i ka papaaina oi aku o na mea ono a pau o ke kuahiwi. Aohe mea i koe aku, a me na ia a pau loa o ke kai. A ahiahi ae o ka Poalua, ua hele ka Moi wahine e makaikai i kahi i palau ia ai e ka Hui Kawaihau, a na paa ka Moi wahine a palau aku la i ka palau, me he mea la, he mea ua ike mua ia mau hana, ka pololei, a me ka maikai o ka hele ana o ka palau, kalele o na eka i kapa a me ka hohonu o ka lepo kahi i palau ai. Ua @ no kana wahi i palau ai. He hookahi auole ua like me 200 iwilei. Pae ae kana, ua palau mai, ka @ a ke Kiaaina. Ia ia hoi, hele hu ka palau io a ia nei, no ka akaaka loa kekahi. Pau ka laua, o ka Ka Moi mai.
I lima kahi wale ia no ka palau ana a hiki i ka pau ana. Eia ka mea kupaianaha. I hea hoi kahi ao ia ai na'lii i keia mau oihana pohihihi i loaa ai ia laua ka ike.
A kahaha ihola ka naau no ka mea, aole i ike ia, ua lawelawe ko laua mau lima i ka Oo a he ole loa aku hoi @ ka palau. Oiai ua ike ia, he mau hana koikoi a ano nui ne keia, mamua o ka ike ana a hiki ke lawelawe pono. Aka, i na Alii mahi ai, ua lilo na @ a me na Oo palau i mea o e kupanaha! Ua @ ae ia ua wahi la i palau ia ai e ka Moi wahine, o "Kapalau wahine". I ke kahi la ae ua ulamahiehie ae la na alii wahine e ae, a ua palau ae la o @. ke @ o ka Moi wahine a me Miss Mary Boyd.
Ua hele ka Moi ame ka Moi wahine i ka makaikai i ka auwai a ka pake i nana ai, a i ka hoi ana mai, ua haule ka Moi wahine mai kona lio. Aole nae i eha. I ke kakahiaka Poalima, na holo ka Moi wahine ma Hanalei. No ke kukulu i na Aha Hoola Lahui, a malaila aku a Haena hoi mai. He maikai no ke ola o na lii. A me na hoa a pau o ka Hui Kawaihau. Ua ukali ia ka @ a ka Moi wahine, e ke @ a me kana wahine Aloha no a nui. KAWAIHAU.
Na onaai o ka Malu Ulu o Leia.
Moku Papa. -Ma ke awakea Poalua iho nei, Iulai 18, ku mai ai ke @ me na @ kapuai papa, no Kipikona.
Pukalaki ka makani. -He mau la pukalaki keia o ka makani, ke puehu liilii a la ka lau o na laau, o ka pukalaki paha ia la o ka makani, ke hoopapale iho o Lilowaia i ka papale o @, he ole ka paa iho, owai paa ole no hoi, he maoia pa wale no.
Hopuaia. -Ma ka Poalua iho nei i hopu ia'i ka @ Kaaukea no ka hialele i ka hana a kona kahu, a ma ia la no ua noho ka aha hookolokolo e hoolohe i ka ike kanawai o ka loio i hopu ia'i, a ua ike ia ka like ole i ko Kahoolawe mau Kumu Kana wai, me ua Kumu Kanawai a Kamehameha V i hoololi ai, nalaila, na kau aku la ka Lunakanawai i na @ o ka ahi, $3.00 a oi, a ua hoopii hou, o @ ka hope loio.
Piha unu ka Hale hokolokolo. -Ma ke kakahiaka nui poniponi o ka Poalua, Iulai 18, 1877, puka ae la kekahi o na kao o ka pa Kumakahiki o ka hui o @, ma ke alanui a @ ae la ka waha i ka auwae, me ka hopuna olelo ma ka lehelehe penei: E na @ @ pau lamalo o Campbell & Turton. I keia la, mai hele kakou i ka hana, no ka mea, ua hiki mai nei ka loio Pilipo, e pau ana kakou i ka puka, mai puka io no paha, i na i kohola o @ i loio haole, i na io no ua puka ma ia kukala ana nae a ke kao, ua noho io no na kanaka, ma ia awakea, ua nane aku la lakou e hoohanohano i ko lakou alakai i hopuia, me ka manao kuhihewa o Pilipo ka mea iaia kamana hookuu, oia nae hoi, @ o ike iho o L.K.H. a no ia kulana hookahi ka loio e ku aku nei, he hookuu wale mai no, he olu ka hoi ia. he wai ko lalo.
Paa ka ihu i ka Uwea. -Ma keia mau la ke kani nei no ka waha o @ poe kumakahiki i ke kepa, a ke ohi nei @ ka lima i ka puu dala nui a @ haole, a nolaila hoi au i hoomanao ae ae i keia wahi @ mele.
Aohe au e hiki aku
Ua paa ka ihu i ka Uwea
I ka peni kapalili a ka haole
I ke kamaa buti o ka luna.
No ka Hula Hawaii. -Ma keia mau po, ke lohe ia aku nei ke kakani mai a ke uliuli ma ko Mokae ma wahi. No Honolulu mai na kumu hula, o Kealoha (w) a me Kaolelo, (w) ua @ paha na kane a keia mau wahine i ka mea e, nolaila la, ka mea e ao nei i ka hula, i lohe aku na kane i ka lea o na wahine, hoi mai e pili, o Mele nae ka mea nana i pii i ka maile no ke kuahu, a o ua o Mele no ka hake e noho ai o Lake. E na wahine maikai, aia na luakini, ke ake mai @ i na wahine puukani no ka papa himeni, e oli aku ma ka @ o ka Haku, aia no i ka olua luakini e hele ai, a e kono pu aku i na haumana a olua.
No ka wi. -Olelo aku la o Kauka ia Aa rona, pilikia maoli kakou i ka we, olelo mai la hoi o Aarona, aole kakou pilikia i ka wi, pilikia kakou i ka hele i ka @ ole, e @ aku ana o Aarona i na maka o Kauka, @ wale ia mai no.
HOOHANOHANO ALII.
Ma ke ahiahi hora 5 o ka la 9 Iulai, ua hele ae na hoahanau o ka Ekalesia o Anahola e ike i ka Moi ma o ko lakou mau Komite la, a hoopuka aku la i na olelo i hoike ia malalo penei.
I KA MOI KAIKAUA :
Aloha oe. - O makou o ke Komite i kohoia e ka Ekalesia o Anahola mokupuni o Kauai, a ma ka inoa o ka Ekalesia, ke @ aku nei makou me ka haahaa @, e oluolu i kou kiekie e ke Alii, e maliu mai i ka hoike ana aku o ke Komite i ka manao o ua Ekalesia la. A oiai hoi mai kou la i pii ae ai ma ke kulana he makua nui no keia lahui, na hoopiha mau ia ko lakou mau puuwai, me ka @ @ e ike kino a e haawi aku i ko lakou aloha Ia Oe iloko o na manawa i hala ae nei.
Ano, ua noho kino mai nei Oe i keia mau la ma keia mokupuni o Kou aupuai nei, nolaila, ua loaa mai ia lakou ka manaolana me ka houoli o ke wa maikai keia i hookoia mai ai o ko lakou @ mua loa.
Nolaila, ma ko lakou hui a kukakuka pu ana, @ lakou o ka Poaha la umikumamalua o keia malama, oia ka la a lakou e hele mai ai e halawai kino, a e hoike mai hoi i ko lakou aloha pumehana ma ka hora umi a me ka umikumamalua o ke awakea oia la.
Na Komite. -SH Haaheo, G B Palohau G W @ I Lime, W M Kamahaku, @ @.
PANE A KA MOI.
E na makaainana aloha alii, o ka Ekalesia o Anehola, aloha oukou. Ua hauoli au i keia hoike aloha alii ana mai nei o oukou i ko oukou aloha i'-u a ke ae aku nei au i ko oukou makemake me ka lawe ana mai oukou i ko oukou makana a e ike pu hoi i'au ma ia la, aka oiai he la pilikia ia no'u, a aole hoi i hiki mai ko'u Moiwahine, e oluolu oukou i kekahi la e ae ke hiki mai oia, i hiki ia maua a elua ke ike ia oukou a e lawe pumehana mai i na makana makemae a ko oukou lokomaikai i manao ai e haawi ia maua. Ua eehia au i ko oukou aloha.
Ua @ ia olelo a ka Moi, ua hoi aku la ke Komite me ka hauoli, ma ke ahiahi Poaono paha e hiki ai ka Moiwahine ma Kapaa a hele loa aku i Anuhola.
Ahanina ua ka Hui Manawalea o Laie-wai.
E KA NUPEPA KUOKOA; Aloha oe: -
Ka @ @ e hoolele nei @ ua puka manao, o ka poe ake akamai, ma na welau o keia mau Ailona.
Mai ka @ @ ae i ka oiko oluna o Hae hae a neo iho hoi i ka ilikai o ka mole olu i Lehua.
I ka hora 2 o ka la 6 Iulai, Poalima. Ua malama ia he ahaaina, na ka Hui Maua-walea. No ka puni ana o ka makahiki, o ko lakou malama ana ma ia Hui. Ua kahiko piha like ia lakou: me na aahu keokeo; aiai hoi; e like me ka hau o Manoakea; moha hoi, e like me ka moa lawe. A ma ka a-i, o kela mea keia mea o lakou; he mau lipine i like ole na wai hooluu; ma ke poo o kekahi poe; he mau lei pepa lau; i awili ia me ka lipine polu, a he mau papale lau ko, ko kekahi poe; i hana maiau ia no e lakou; me na lipine keokeo, i pinio ia o hope, me he puapua ala o ka Pikaki kane. A koku wailiula, ka anapanapa i na kii onohi o ke anaina; i ka nana aku ia lakou ia wa. Ua hele a mano kea ka huakai.
Ua hoomaka ia ka huakai, mai ka Hale noho mai o Mr. J. H. Hanakaea, a hiki ma ka Luakini. Malaila i Hoonanea a'i ka poe puhi ohe; a hookani pahu, a lilo lakou mamua o ka huakai. Puuku iho o ka Hui, ao na lala ino, o ka Peresidena oia Hui, mamua loa, a o ka poe e ae ka panina o ka huakai.
E kii ana i ka Peresidena o ka Ekalesia, me kona mau ohana ma kona home, a o lakou mamua iho o ka puuku, mahope iho o ka poe hookani pahu. Ka-i hou ka huakai i ka Luakini. Ua makaukau na mea malaila, poi, 6 puaa, laiki, uala, akaakai. Mamua o ka paina ana. Himeni a ka K.H.K. Kuakaha. Pule a W.E.(@) Paina aku la ka Hui Manawalea; a me ke anaina i akoakoa mai. Ua hoopiha ia no houpo lewalewa, a piha pono na kui neki, aohe mea e nune ai o ka manao. Ua lawa i ke aloha pumehana a ka Hui pau ia.
Hoomaka na hana ma ka Loakini, me ke kau leo mai a K.H.K. Kuakaha, ua waiho mai nei ka hui, i mau olelo, ua ka Peresidena e hai i na manao pili no keia Hui; a me na keoni mana e ae; i na manao, e pili ana i ka Hui, a me lakou la ae no hoi.
Na W.E (Paka), i wehe mua ka haiolelo, e pili ana no ke ano o ka huaolelo Manawalea.
He huaolelo ano nui keia, e pili pono ana i ke aloha wale aku i ka poe nele, a kokua mai o T.H. Woo 'y K.H.K. Kuakaha, J.B. Kane, J.N. Hiapoole, J.N. Keliikipi. Himeni. Hookuu ia ke halawai me ka pule a Mr. Kalikolehua Kekauoia.
-Papa Hanohano o ke Kuokoa: -Poe lawe nupepa hou i komo ole @-wai, wahi a K.H.K.Kuakaha ia'u no ka hapa o ka makahiki 1877 J.N. Hiapoole, J. Henery Hanakaea, Kalikolehua Kekauoha @, Ioba.
Me na keiki oniu, olapa huila hao, o ka papa pai ka welina paha, a me ka Luna Hoopoaopono ka anoi. O wau no me ke aloha. J.L.K. KEALAKUHILIMA. Laie-@, Iulai 7, 1877.
Papa ! Papa !
NO ALLEN A ME ROBINSON,
ua wehe ae nei maua i
PA KUAI PAPA !
MA KA
UWAPO o PAKAKA.
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena!
NA KUI O NA ANO A PAU !
Na Pani Puka a me
Na Pani Puka Aniani.
Na Pani Puka a me
Na Olepelepe.
Na lako kukulu Hale
O NA ANO A PAU
E Kuaiia ma ke
Kumukuai Haahaa Loa !
o keia Makeke.
ALLEN & ROBINSON.
Honolulu, Aper. 13, 1876. 814 3m @
J.M. DAVIDSON,
Loio a Kokua !
HALE Oihana. Maluna ae o ka Hale Kuai Buke o Wini, ma ke keena i noho mua ia iho nei e J W Aukina. Ua makaukau oia e Lawelawe i na hihia o keia a me keia ano, imua o na Aha Hookolokolo a pau e keia Aupuni. 734 1yr @
Hoolaha a ka Luna Hooponopono Waiwai,
MA ka Waiwai e Mulihele Kapiho i make no Kaakopua. Honolulu, Oahu, ua kohola mai ka mea aona ka inoa malalo iho. e ka Mea Hanohano Abe Fernander, Lunakanawai Kaapuni Apana @ H P A nolaila, ke hoike aku nei ka lohe i kapoe a Mulihele Kapiho i @ ae, e hoike mai lakou i ke lakou mau @ me na hoolalo kupono, a o ka poe a @ i aie mai i ka mea i make, e hookaa koke mai lakou. MOSES KAPIHE. Luna Hooponopono Waiwai o Mulihele Kapiho.
Makawao, Maui, Iulai 9. 1877. @ 4ts 313
ANOAI I KA LEHULEHU,
E kina mai a e nana,
i kumaka ai ka ike i na waiwai nani i loaa mai nei iloko o na La Kulaia iho nei.
Penei ano o ua mau waiwai la:
Na Wati a me na kaula Gula, a na Lede a me na Keonimana !
NA KAULA OPELE A NA LEDE
NA KOMO GULA NANI O KELA A ME KEIA ano o na Lede a me na Keonimana !
NA KUPEE GULA,
NA LIPINE GULA
Na gula pepeiao o na wahine !
e oaka ai i na pepeiao, a e hulali ai hoi na manamana lima, a e kilipohe ai hoi na a-i.
Na komo Humuhumu gula a me ke kala,
Na pihi pulima gula wahine a kane,
Na @ gula lei wahine nani,
Na komo daimana o na Lede.
Na kaula laketa,
Na pine omau kihei,
Na laketa aniani,
Na huka gula wahine.
NALAKO HALE.
NA PUNA,
NA PAHI,
NA KIAHA, KALA,
NA APO KALA
NA KAWELE holoe lima,
NA O DALA o kela a me keia ano,
a me na mea nani e ae no he nui wale.
E kuaiia aku ana no
ma ke kumukuai haahaaloa i ko na wahi e ae o ke taona nei.
UA MAKAUKAU NO HOINA
mea nani no kanaka makua a me na kamalii.
Na kamaa Paa Loa,
e loaa no maanei e like me ka makemake; a ina e loaa koke ka ino, he hiki no ke hoihoi mai
M. MICINERNY. Kihi o na Alanui Papu a me Kalepa. 814 3m 326
Lole Makepono ke Kuike !
E LOAA NO IA MA KAHI O KAKELA ME KUKE,
E LAA NA
AHINAHINA,
KALAKOA,
KEOKEO,
LEPANALO
Pena, Aila, Anianai,
Na Mea Piula,
Kopa, Aila Honua,
Aila Hoomaloo
Kui Kakia, Pakeke,
Tabu, Kaula, Noho lio,
Hulu-nalaki, na Pulumi.
A he Agena no hoi no na Mokupuni o Hawaii nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILISA,
Na Lole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana Lipine, lihilihi, a me ia mea'ku
A HE
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina &c.
A HE
LAAU LAPAAU KAULANA LOA
A Dr. JAYNES.
Laau Kunu,
Laau Hoomaemae Koko,
Laau hoopau naio,
Penikila, Huaale,
A me na Laau hanao, a pela'ku 814 3m 826
E.T. HALOLANI.
LOIO !
EIA HE $20,000 E MAKEMAKE ANA E hoaie aku ma ka uku panea haahaa loa mai ka $200 aku a pii ae ma ka moraki ana i na aina. U ahoomakaukau e no oia na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
Hale Oihana, aie ma ka "Real Estate Exchange" Helu 31, Alanui Papu. Honolulu, malaila oia e loaa ai i na kanaka a pau, ina he mau ai ka kuai a hoolimalima ko lakou, a e hoopaaia me na uku ole. 815 6m