Ka Nupepa Kuokoa, Volume XVII, Number 19, 11 May 1878 — Page 3
| This text was transcribed by: | Kara Ueki |
| This work is dedicated to: | Kapena Ueki |
Ka Nupepa Kuokoa
KE KILOHANA POOKELA NO KA LAHUI HAWAII.
EIA HOU NO,
NA WAIWAI HOU LOA!
Ma kela a me keia ku ana mai nei o na Moku mai na Aina E mai, a ina aku no a hoe hou mai, a kamumu i ke awa o Kou nei!
-o-
NA TABU HAO A ME NA BAKEKE HAO!
O na ano he nui loa a lehulehu wale!
Na Pa-paiai a me na Ipu-u aole i kaemai,
Na Aila Pena a me na Pena o na ano he lehulehu wale,
Na Vaniki e hoohinuhinu a hoolilelile ai i na kaa a me na pono hoonani
Hale i hele ai kela a anapa me he aniani kilohi la,
Na Hulu Baraki o na kaina a pau,
KA AILA MAHU AA NANI A MAIKAI LOA O KEIA AU NU HOU ! NU HOU ! !
No na Ipukukui Mahu mai Bosetona mai nei.
Na Kaula o na Ano a pau,
(me he mea la aole paha ano kaula i koe aku i na aina e.)
Na Kamaa Hao me Kui Kakia,
(no na kapuai Lio.)
NA PALAU! NA PALAU E!!
Eia no hoi ia makou na Palau Kila Kaulana ! wawahi Eka o Parisa, nana e eku haulani aku na apaa lepo, o na aina i hele a konea ka lepo.
He nui no ia makou na Palau Moline me na Palau Kila Lio Kaukahi!
Na Palau Hao Mama mai ka $6.00 a hiki i ka $22.50 o ka mea hookahi!
Na Halo, na mea waele nahelehele. Na Ho Lio, maikai a paa loa.
Na kaa Huila Barela, ikaika a hemohemo ole;
Na Kua Bipi, na Lei Miula a me Lio,
Na Kaulahao Bipi, na kaulahao huki mua a peki hope,
Na Laau Kaa kaukahi a kau lua.
Na Ho Mahiai o Beritania a me ko Amerika !
O NA ANO HE LEHULEHU WALE! !
Na Koi Kipikua, na Kipikua a me na OO,
Na Kopala o kela me keia ano,
Na O-Manamana, he humu lehulehu,
Na Kope Opala Kila, Hao, a me Laau, paa loa.
NA PAHI OI WINI OKI KO A ME OKI LAIKI,
NA MEA PAAHANA A KA POE KUKULU HALE HE NUI WALE.
Na Iho Kaa a me na Hao e Holuholu ai o na ano kaa a pau. Na lako hale he nui
loa, a me kekahi mau waiwai e helu aku a e manaka!
.........o.........
O keia mau waiwai a pau i hoike ia ae la, eia ke ahu lala kukui mai nei, ua hele ia la a ku ka paila,
a e hoopaki aku ana makou i ke kuai ana ma na kumukuai e waiolu like ai mawaena
o makou a me ka poe mea dala. Nolaila, e na makamaka, mai kikaha
loa ma ke alanui, aka he pono ke kipa hale a ninau, i ike i na mea e hooko ia ai ko oukou makemake.
Ke manaolana nei no hoi makou e ku mai ana ka moku "MYSTIC BELL," me na waiwai hou, a
hui mai me keia e ku nei ka paila, hewa i ka wai.
DILLINGHAM & CO.,
(@56tf) (DILINAHAMA MA.)
KE HOOLAHAIA AKU NEI mai keia la aku ua weheia ka pili o Mr. H. J. AGNEW me ka Hui o @@@AHANA ma, aole @ he mana ia ia no ke kakau ana i na me o ka Hui, a me ka lawelawe ana i kekahi hana e ae o ua Hui nei.
Honolulu. Maraki 20. 1878.
H.F. DILLINGHAM.
S.N. CASTLE.
@ Ka@@ Waiwai @ @ Castle a me kana mau keiki @ ol@ @ @ @ @ W. K. Castle @ @
WM. O . SMITH,
LOIO.
WAILUKU, MAUI.
Ua waiho oia i na Oihana Aupuni a pau a ua makaukau e lawelawe i ka Oihana Loio me ke kuokoa. [@40 6m
E. O . HALL & SON.
(E. O. HOLO MA.)
NA MEA KUAI I NA MEA MAHIAI, Na Lole, Na Pena, Na Aila, a me Na ano Lako e ae a pau he lehulehu wale.
@46 K@@@ o Alanui Papa me Moi. @y
MOKUAHI HOU NO KOOLAU,
OAHU!
Ke hoike aku nei Makou i na Kanaka @ o @ @ ke kapil@@ @ ma Kapalakiko he MOKUAHI HOU
@ @ A ke @ @ @ @ kaapuni mua ua Mokuahi la @ @ @ @ a me kona malama, a e kuai aku no makou @ @ @ Ku Ike i 1,000 @ naia i kela a me keia @ ana. Ma ka malama ae nei o @ e hiki mai ai na Mokuahi @ a e @ @ @ holo @ @ la
WILDER & CO.
@@@ @@ (WAILA MA.)
S.B. DOLE,
HE LOIO A HE KOKUA me na KANAKA ma ke Kanawai. E hiki no ia i a ke lawe i na hihia o kela a me keia ano imua o na Ahahook@@@@ola a pau o keia Aupuni.
@ @ ma Alanui @ maluna ae o ka Halekuai o @.
Honolulu, Oahu. Januari 1@, 1878.
A. MoWAYNE,
HALE KUAI LAAU LAPAAU A ME NA WAIALA o na ano a pau, me na SOPA ALA o na ano he nui wale. Me ke kihi o Alanui Papa me Kalepa.
@@@ 1@
WAI! WAI!
O NA POE A PAU NO KA PIULA MAI O ka Oihana Wai o Honolulu, ko lakou pomaikai wai hooma-u mea kanu a wahi e ae paha, ke hoola haia aku nei na hora e hoomau ai mai keia la aku a hiki i ka wa e hoolaha hou ia aku ai, oia keia, mai ka hora 6 o kakahiaka a hiki i ka 8 A. M. wale no.
Ua kauohaia na Makai, e hoike mai i na poe kue i keia kauoha: a o ka me mea e loaa ana ua kue i keia mau rula, e nele no oia i ka wai. R. LISHMAN,
Luna o ka Oihana Wai.
A pono ia e e J. Mott Smith, Kuhina Kal@iaina.
Keena Oihana Wai o Honolulu, Mar 21, 1878. @@@ tf
E. STREHZ,
(AILUENE.)
MALAILA E LOAA AI NA ANO LAAU A pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 1y)
Castle a me Hatch.
O KAKELA OPIO A ME F. M. HATCH. Ua hui laua ma ka lawelawe ana i ka oihana Loio. Ua hiki ia laua ke ku imua o na Aha a pau, mai ka Aha Hoomalu a hele iluna. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka ana ana i na Palapala Kuai, Hoolimalima, a me ka Hoaie Dala ana.
W.R. CASTLE, Luna Hooaiio Kope.
Keena Mana, ma Alanui Kalepa, Honolulu. 3 paka manae aku o Alanui Papu. 3 6@s
NA KAUKA
T.P. Tisdale a me C. L. Tisdale.
HOMEOPATHISTS:
HALE OIHANA A ME KAHI NOHO AIA ma ke alanui Beritania, mawaena o ka Luakini o Kaukeano a me ka pa hale o Ka@@@@@@ani. E loaa no kekahi kauka o mana ma ke keena oihana @ @wa a pau. O na poe a pau e makemake ana ia maua, e mikiala no maua me ke kaulua ole i ke ao a me ka po. T.P TISDALE
Honolulu, Mar. @@, 1878. 65@ tf
CECIL BROWN.
LOIO A HE KOKUA MA KE KANAWAI
A HE AGENA no ka Hooiaio ana i na Palapala no ka Mokupuni o Oahu.
Helu 8. Alanui Kaahumana. Honolulu, H.P.A. @y
MA ke Keena o ka Lunakanawai Kaapuni Apana Elua o ko Hawaii Paeaina. Ma ka waiwai o Mahale k, no Kaupo, Maui i make. Ua heluheluia, a ua wahihoia ka palapala noi a Paa k. e noi ana e hoonoho iaia i Lunahooponopono no ka waiwai o Mahale k. no Kaupo, Maui i make. Nolaila, ke kauohaia aku nei na kanaka a pau ke pili, o ka Poaha, oia ka la 30 o Mei @@@@, ma hora 10 kakahiaka, ma ka hale kula o @, Kaupo, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER.
Lunakanawai Kaapuni Apana Aina.
Lahaina, Aper 30, 1878. 8@@ 3@
OLELO HOOLAHA.
AHA kiekie o ko Hawaii Pae Aina. Oahu ss. Kau o Aperila. AD 1878 Kapea w. Ka mea hoopii no ke Oki Mare, Kue ia K@@@ k. ka mea i hoopiiia. Hoopii Oki Mare.
Ma ka palapala hoopii i oleloia maluna no ke Oki Mare, ano ua kauohaia o ka olelo hooholo e oki ana mai ka berita mare aku, e hookomo ma ka moolelo o ka Aha, mamuli o ka aoao o Kapea i oleloia no ke kumu o ka haalele ma na makahiki @ o K@@@ i oleloia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike la ke kumu kupono e hoole ai, a e @ ka mea hoopiiia i ke keena, oia na dala iwakaluakumamahiku. A ua kauohaia ka mea hoopii e hoolaha i ke kope i hooiaio ia o keia olelo kauoha, ma ka Hawaiian Gazette a me ke Kuokoa, i kela a me keia o na hebedoma eono; o ka hoolaha mua ana iloko o ka malama hookahi, mai ka la aku i hoopukaia ai keia olelo kauoha; i mea e hiki ai i na mea a pau i pili, ke hoike mai iloko o na malama eono, ina he kumu ko lakou e hooko ole ia ai ka olelo hooholo a lilo i mea paa - Na ka Aha JNO. E. BARNARD. Kakauolelo.
Hanaia i keia la 6 o Aperila A D 1878.
Honolulu. ss: Ke hoike aku nei au me ka oiaio o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena o ke Kakauolelo o ka Aha Kiekie.
Hoikeia e ko'u lima a me ke Sila o ka Aha Kiekie ma Honolulu i keia la 6 o Aperila A D 1878.
JNO. E. BARNARD.
854 6t Kakauolelo o ka Aha Kiekie.
AHA Kiekie o ko Hawaii Pae Aina. Oahu, ss. Kau o Aperila A D 1878. Holoua k. ka mea hoopii no ke Oki Mare, kue ia Kauanohea w. ka mea i hoopiiia. Hoopii Oki Mare.
Ma ka palapala hoopii i oleloia maluna no ke Oki Mare, ano ua kauohaia, o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Holoua k. no ke kumu o ka moekolohe a no ka haalele mau a haalele loa o Kaunaohea w. i oleloia, e lili i mea paa mahope o na malama eono mai ka la i hoopukaia ai keia olelo hooholo, ke hanaia e like me ka olelo maloko nei, ke ole nae; ike ia ke kumu kupono e hoole ai. A ua kauohaia ka mea hoopii, e hoolaha i ke kope i hooiaioia o keia olelo kauoha ma ka Hawaiian Gazette a me ke Kuokoa, i kela a me keia o na hebodoma eono; o ka hoolaha mua ana i loko o ka malama hookahi, mai ka la aku i hoopukaia ai keia olelo kauoha; i mea e hiki ai i na mea a pau i pili, ke hoike mai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa. - Na ka Aha. JNO. E. BARNARD,
Kakauolelo,
Hanaia i keia la 5 o Aperila A D 1878.
Honolulu, ss: Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e maiho nei ma ke Keena o ke Kakauolelo o ka Aha Kiekie.
Hoikeia e ko'u lima a me ke Sila o ka Aha Kiekie ma Honolulu, i keia la 10 o Aperila A D 1878.
JNO. E. BARNARD,
854 6t Kakauolelo o ka Aha Kiekie.
AHA Kiekie o ko Hawaii Pae Aina. Oahu, ss. Kau o Aperila, A D 1878. Kailikole k. ka mea hoopii no ke Oki Mare, kue ia Kahuhuki w. ka mea i hoopiiia. Hoopii Oki Mare.
Ma ka palapala hoopii i oleloia maluna no ke oki mare, ano ua kauohaia o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Kailikole k. no ke kumu o ka moekolohe o Kahuhuki w. i oleloia, e lilo i mea paa mahope o na malama eono mai ka la i hoopukaia ai keia olelo hooholo, ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopii, e hoolaha i ke kope i hooiaioia o keia olelo kauoha, ma ka Hawaiian Gazette a me Kuokoa, i kela a me keia o na hebedoma eono; o ka hoolaha mua ana iloko o ka malama hookahi mai ka la aku i hoopukaia ai keia olelo kauoha; i mea e hiki ai i na mea a pau i pili ke hoike mai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa. - Na ka Aha.
JNO. E. BARNARD, Kakauolelo.
Hanaia i keia la 6 o Aperila, A D 1878. 854 6t*
Honolulu, ss: Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke keena o ke Kakauolelo o ka Aha Kiekie.
Hoike ia e ko'u lima a me ke Sila o ka Aha Kiekie ma Honolulu, i keia la 8 o Aperila, 1878. JNO. E. BARNARD.
Kakauolelo o ka Aha Kiekie.
AHA Kiekie o ko Hawaii Pae Aina. Oahu, ss. Kau o Aperila A D 1878. Haalou w. ka mea hoopii no ke Oki Mare, kue ia Kaili k. ka mea i hoopiiia. Hoopii Oki Mare.
Ma ka palapala hoopii i oleloia maluna no ke Oki Mare, ano ua kauohaia, o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Haalou w. no ke kumu o ka mai i ike ia he lepera o Kaili, i hiki ole ke hoola ia, i oleloia, e lilo i mea paa mahope o na malama eono, mai ka la i hoopukaia ai keia olelo hooholo, ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopii, e hoolaha i ke kope i hooiaioia o keia olelo kauoha, ma ka Hawaiiana Gazette a me ke Kuokoa, i kela a me keia o na hebedoma eono; o ka hoolaha mua ana iloko o ka malama hookahi, mai ka la aku i hoopukaia ai keia olelo kauoha; i me e hiki ai i na mea a pau i pili, ke hoike mai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa.
Na ka Aha JNO.E. BARNARD, Kakauolelo.
Hanaia i keia la 11 o Aperila, A D 1878
Honolulu, ss. Ke hoike aku nei au me ka hooiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena o ke Kakauolelo o ka Aha Kiekie.
Hoike ia e ko'u lima a me ke Sila o ka Aha Kiekie ma Honolulu, i keia la 11 o Aperila, A D 1878.
JNO. E. BARNARD.
854 6t Kakauolelo o ka Aha Kiekie.
AHA Kiekie o ko Hwaii Pae Aina. Oahu, ss. Kau o Aperila, A D 1878. Haawiwaiwai k. ka mea hoopii no ke Oki Mare, kue ia Waikane w. kamea i hoopiiia. Hoopii Oki Mare.
Ma ka palapala hoopii i oleloia maluna no ke Oki Mare, ano ua kauohaia, o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Haawiwaiwai k. no ke kumu o ka moekolohe o Waikane w. i oleloia, e lilo i mea paa mahope o na malama eono mai ka la i hoopukaia ai keia olelo hooholo, ke hanaia e like me na olelo maloko nei, ke ole nae: ike ia ke kumu kupono e hole ai. A ua kauohaia ka mea hoopii, e hoolaha i ke kope i hooiaioia o keia ole kauoha, ma ka Hawaiian Gazette a me ke Kuokoa, i kela a me keia o na hebedoma eono; o ka hoolaha mua ana iloko o ka malama hookahi, mai ka la'ku i hoopukaia ai keia olelo kauoha; i mea e hiki ai i na mea a pau i pili ke hoike mai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa. Na ka Aha, A. ROSA, Hope Kakauolelo.
Hanaia i keia la 5 o Aperila, 1878.
Honolulu, ss: Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena o ke Kakauolelo o ka Aha Kiekie
Hoike ia e ko'u lima ma Honolulu i keia la 8 o Aperila A D 1878. A ROSA,
854 6t* Hope Kakauolelo o ka Aha Kiekie.
AHA kiekie o ko Hawaii Paeaina, Oahu ss. Kau o Aperila 1878. Halelaau w, ka mea hoopii no ke oki mare kue ia Kamaunu k, ka mea i hoopiiia, hoopii oki mara. Ma ka palapala hoopii i oleloia maluna no ke oki mare, ua kauohaia o ka olelo hooholo e oki ana mai ka berita mare aku, e hookomoia ma ka moolelo o ka Aha mamuli o ka aoao o Halelaau w, no kk kumu o ka moekolohe o Kamaunu k, i oleloia, e lilo i mea paa mahope o na malama eono mai ka la i hoopuka ia ai keia olelo hooholo ke hana a e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopii e hoolaha i ke kope i hooiaioia o keia olelo kauoha ma ka Hawaiian Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka la aku i hoopukaia ai keia olelo kauoha; i mea e hiki ai i na mea a pau i pili ke hoike mai iloko o na malama eono, i na he kumu ko lakou e hooko ole ia ai ia olelo hooholo a lilo i mea paa.
Na ka Aha: A. ROSA, Hope Kakauolelo.
Hanaia i keia la 6 o Aperila, 1878.
Honolulu, ss: Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke keena o ke Kakauolelo o ka Aha Kiekie.
Hoikeia e ko'u lima ma Honolulu i keia la 8 o Aperila A. D. 1878. A. ROSA,
854 6t* Hope Kakuolelo o ka Aha Kiekie.
AHA Kiekie o ko Hawaii Paeaina, Oahu, ss. Kau o Aperila A. D. 1878. Kaauwai k, ka mea hoopii no ke oki mare, kue ia Malina w, ka mea i hoopii ia. Hoopii oki mare. Ma ka palapala hoopii i oleloia maluna no ke oki mare, ano ua kauohaia, o ka olelo hooholo e oki ana mai ka berita mare aku, e hookokmoia ma ka moolelo o ka Aha, mamuli o ka aoao o Kaauwai k, no ke kumu o ka moekolohe a no ka haalele mau a haalele loa o Malina w, k oleloia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopii e hoolaha i ke kope i hooiaioia o keia olelo kauoha me ka Hawaiian Gazette a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka la aku i hoopkua ia ai keia olelo kauoha; i mea e hiki ai i na mea a pau i pili ke hoike mai iloko o na malama eono, ina he kumu ko lakou e hooko ole ia ai ia olelo hooholo a lilo i mea paa.
Na ka Aha, JNO. E. BARNARD, Kakauolelo.
Hanaia i keia la 6 o Aperila, A. D. 1878.
Honolulu, Oahu, ss: Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke keena o ke Kakauolelo o ka Aha Kiekie.
Hoikei ia e ko'u lima a me ke Sila o ka Aha Kiekie ma Honolulu, i keia la 10 o Aperila, A. D. 1878.
JNO. E. BARNARD,
8** 6t* Kakauolelo o ka Aha Kiekie.
HE PAPA KUHIKUHI MAWANA HOLO
-O KA -
MOKUAHI HAWAII
LIKELIKE!
KAPENA. : : : : SHEPHERD.
Poalua, Mei 14, hora 5 pm.........................Kaalualu
Poalua, Mei 21, hora 5 pm................................Hilo
Poalua, Mei 28, hora 5 pm.........................Kaalualu
Poakolu Iune 3, hora 5 pm............Kaapuni ia Kauai
Poakahi Iune 10, hora 5 pm.........Kaapuni ia Hawaii
Poalua, Iune 18, hora 5 pm.........................Kaalualu
Poalua, Iune 23, hora 5 pm........................Kawaihae
AOLE AIE NO NA UKU OHUA?
Ma ka Hale Oihana e loaa'i na Palapala.
Aole keena o hope e lilo, aia wale no a kaa @ mai ka uku moku. Aole e @ ka @ no na @, ukana a puolo paha, ke ole e kakauia ka loaa ana mai. @ @ @ ka @ku ukana i ka wa e @ aku ai
SAMUEL G. WILDER,
(WAILA) @.
Keena ma ka @ Papa o Waila Ma, LihiAlanui o
Papa a me @ 840 @f
MOOLELO O KE KAU
Ahaolelo o 1878.
LA HANA 6. Mei. 6. 1878.
Halawai ka Ahaolelo ma Aliiolani Hale ma ka hora 10 a m e like me ka hoopanee ana. Peresidena Hon. G. Rhodes ma ka noho. Puleia e ka Rev. M. Kuaea. Heluheluia ka moolelo o ka la i hala a ma ke noi a ka Hon. J. Kapau, ua aponoia.
NA PALAPALA HOOPII.
Waiho mai ka Hon. J. Nawahi, he 2, mau Palapala Hoopii mai Hilo mai. o ka mua. He Palapala Hoopii e noi mai ana i alanui kaa mahu. Elua. he Palapala Hoopii e noi mai ana e hoakea ia na alanui. Waiho ia i ke komite o na ai@a Aupuni me na hana hou.
Waiho mai ka Hon. K Kamauoha he Palapala hoopii no Kona Hema, Hawaii. E hoopauia ke Kanawai e pili ana i na Lio kea, waihoia i ke komite Waiwai.
NA HOIKE O NA KOMITE
Heluhelu mai ke komite Hookolokolo i ka lakou hoike no ka Palapala Hoopii a Naaikauna (k) i waiho ia mai e ka Hon. J. Nawahi.
Ua manao ke komite, E hoihoi aku i na dala he $76.00, a i ole ia e hoopuka ke keena Kalaiaina i Palapala Sila nui no ka Aina a ua Naaikamu la e noho la ke hookaaia mai ke koena dala i koe.
2 He palapala noi mai Hilo mai, e hoonohoia i Lunakanawai apana no Hilo Akau nolaila, ke hooholo nei ke komite, he mea pono e hookomoia i haawina ma ka Bila Haawina.
3 He Palapala hoopii no Hilo, e Hoonoa i na kai lawaia apau. Ua manao ke komite he mea pono e waiho mai ke Kuhina Kalaiaina i ka nui o na kai lawaia a pau mai Hawaii a Kauai. Noi mai ka Hon. J. Nawahi e apono i ka hoike a ke komite, kamailio mai ke Kuhina Waiwai no ka Palapala Hoopii a Naaikauna, a hoakaka mai oia no ka loihi loa o ka manawa i hala he 16 Makahiki mai ka manawa i haawi ia ai kela mau dala he $76.00, a hiki i keia manawa, Kamailio mai ka Hon. L. Aholo no na mea e pili ana i ka hoike a ke komite a hoakaka mai oia, ina i woiho mai ke komite i ka lakou hoike e hoihoi i kela mau dala, alaila, kokua no au, a ina hoi, e hoopuka i Palapala Sila nui owau no kekahi e kokua, a noi mai, e waihoia ma ka papa, a hoala hou mai mahope.
Kokua mai ke'Lii Hon. S.K. Kaai i ka hoike a ke komite, a kokua mai hoi i ke noi a ka luna o Lahaina. Kamailio mai ka Hon. D. B Mahoe, e waiho i ka hoike a ke komite a hiki i ka wa ana e lawe mai ai i ka Bila Kanawai e pili ana i na kai lawaia. Kokua mai ka Hon. W. R. Castle i ka hoike a ke komite.
Kamailio ka Loio Kuhina, aole oia i manao e kue i ka hoike a ke komite aka, ua noi mai anei kela kanaka i Palapala Sila nui nona? ua hiki loa mai anei kela mau dala iloko o ka waihona Aupuni? ua ike no kakou ina e hala eono makahiki o kekahi aie alaila lilo kela aie i mea ole.
Kamailio hou mai ka Hon. L. Aholo me kona manao he pono e waihoia ma ka papa i loaa ai i na hoa he mau noonoo hou, i noonoo pono ia ka pono o kanaka.
Kokua mai ka Hon. W. O Smith i ka hoike a ke komite.
Kamailio mai ka Hon. W. M. Gibson, ua kuai au i kekahi mau Aina, a me na kai lawaia, aka, ua haawi au no na kanaka, aole au i lawe i hookahi ia.
Kokua mai ka Hon. R. F. Bickerton, a olelo mai, ke ku nei au ma ka aoao apono i ka hoike a ke komite. a ua manao no hoi au, he elemakule naaupo kela. Ua manao no paha kela elemakule, o kona Palapala Sila Nui no ia, eia ka aole. Mahope o ka noonoo ana, ua aponoia ka hoike a ke komite.
NA OLELO HOOHOLO.
Waiho mai ka Hon. W. O. Smith he olelo hooholo. E kauoha aku keia Hale i ke Kakauolelo o ka Hale, e haawi aku i na bila i loaa iaia i ka Luna Hoomalu o ke komite hooponopono bila kanawai.
Hoololi mai ka Hon. L. Aholo, i hookahi la mahope iho, hooholoia.
Noi mai ka Hon. J. Nazareta e kapae i na rula, i hiki ai ke hapai hou ia ka noonoo ana no ka uku o ke Kakuolelo, Maheleolelo, Elele &c., hooholoia.
Hamailio mai ka Hon. J. Nazareta, e hoopaa ia ka uku o ke Kakauolelo i $1,000.
Hoololi mai ka Hon. G. B. Palohau i $500.
Kamailo mai ka Hon. L. Aholo a hoakaka mai, pehea la ina he ahaolelo kuikawa, ina no elua ia, alaila $1,000 no dala. Ua manao au, ua pono no kela olelo hooholo mua.
Hoakaka mai ka Hon. W. O. Smith i kona manao, he pono ke hookaawale ia i puu dala okoa no ke Kakauolelo &c, no ka mea, na hookaawaleia ko kakou uku.
Kamailio mai ka Hon. R. F. Bickerton, aole i like ka hana a na hoa o keia hale me ka ke Kakauolelo, no ka mea, he hana oia mahope o ka pau ana o ka hana o kela a me keia la, i he hana no hoi i ka po kekahi, nolaila, kokua au i ka olelo a ka Hope Peresidena, aole e hoololi hou. A nonoi mai e hoopanee loa ia ka hapai hou ana i ka noonoo i ka uku o ke Kakauolelo &c., hooholoia.
Noi mai ka Hon. W. H. Halstead a ae ia oia e heluehlu i kekahi bila kanawai ana i hoolaha mai ai. Hooholoia.
Heluhelu hou mai oia no ka manawa mua he bila kanawai hoololi ai i na Pauku 61 a me 62 ma ka olelo Hawaii, oia hoi ke kanawai e hooponopono ai i ka hana, a me ka hooponopono ana i na hihia Karaima i aponoia ma ka la 15 o Sept. 1876. Haawiia i ke komite hooponopono bila kanawai,
Heluhelu mai ka Hon. W. R. Castle he hoololi o ka Rula 62 o ka Hale, a hoakaka mai i ka pono o ka hoololi ana. Hooholoia.
Noi hou mai oia e haawi i ke komitei pai.
Hoololi mai ke'Lii Kaai e pai pu ia me na hoololi i pai ole ia o kela kau aku nei. Hooholoia.
Hoolaha mai ka Hon. R. F. Bickerton i kona manao. E lawe mai ana oia he hoololi o ka Rula 38 o ka Hale. Heluhelu hou mai no oia no ka manawa mua he Bila Kanawai e hoopau ai i ka mokuna 13 o na Kanawai o 1876, a e hoala hou ai i ka pauku 673 o ke Kanawawai Kivila. Waihoia i ke komite hooponopono bila kanawai.
Hoolaha mai ka Hon. J. Kauai i kona manao, e lawe mai ana oia he bila kanawai e hoololi ai i ka pauku 1, mokuna 39 o na kanawai o 1870, e pili ana i ka auhau holoholona.
Hoolaha mai ka Hon. K. Kamauoha i kona manao, e lawe mai ana oia he bila kanawai e hoopau loa ai i na Pauku 118 a me 119 a me 120 o ke kanawai i aponoia ma ka la 22 o Iune. 1868, e pili ana i na lio kea.
Noi mai ka Loio Kuhina e ae ia oia e heluhelu i kekahi bila kanawai ana e hoolaha mai ana.
Heluhelu mai oia no ka manawa mua, he bila kanawai e hoololi ai i ka mokuna 16 o na kanawai o 1870, e pili ana i ke oki mare. Waihoiai ke komite hooponpono bila kanawai.
Noi mai ke lii Kaai e hoopanee ka hale a noho hou i ka la apopo hora 10, hooholoia.
Hoopanee ka Hale,
LA HANA 7, MEI, 7, 1878.
Halawai ka Ahaolelo ma Aliiolani Hale ma ka hora 10 a. m. e like me ka hoopane ana. Peresidena Hon. G. Rhodes ma ka noho. Pule ia e ka Rev. M. Kuaea. Heluhelu ia ka moolelo o ka la i hala, a ma ke noi a ka Hon. S. Paninani, ua aponoia.
NA PALAPALA HOOPII.
Waiho mai ka Hon. S. Paniani he palapala hoopii no Honolulu. E hoomahuahua i ka uku o na makai i $40 o ka malama. Haawi ia i ke komite waiwai.
Waiho mai ka Hon. G. B. Palohau he palapala hoopii mai Hanalei mai. E haawi ia ka mana oki mare i na Lunakanawai Kaapuni o kela mokupuni keia mokupuni. Haawi ia i ke komite hookolokolo.
Waiho hou mai no oia he palapala hoopii mai Hanalei mai. E kukulu ia i kula haole no Hanalei a me Anahola. Haawi ia i ke komite hoonaauao.
Waiho hou mai no oia he palapala hoopii no Hanalei mai. E hoemi i ka uku o ka Moi, na Kahuina, &c. Haawi ia i ke komite waiwai.
Waiho hou mai no oia he palapala hoopii. E hookuu ia na paahana i na la kulaia o ke aupuni. Haawi ia i ke komite kalepa.
Waiho hou mai no oia e palapala hoopii no Hanalei mai. E hoihoi ia na lepera ma na mokupuni. Haawi ia i ke komite malama ola.
Waiho hou mai no oia he palapala hoopii no Hanalei mai. E hana i kao no Kalihikai, a me Wailua. Haawi ia i ke komite o na hana hou.
Waiho mai ka Hon. M. K. Kealawaa, he palapala hoopii no Puna mai. E hoonoa ia na kai lawaia o na aina aupuni, a me na aina konohiki. Haawi ia i ke komite hookolokolo.
Waiho hou mai no oia he palapala hoopii no Puna mai. E hookaawale ia i wahi e waiho ai na pooleta, wa-hi, ma ia apana. Haawi ia i ke komite o na hana hou.
Waiho mai ka Hon. S. Kaanaana, he palapala hoopii no Ewa a me Waianae mai. E hoihoi ia mai na lepera mai Kalaweo mai. Haawai ia i ke komite malama ola.
Waiho mai ka Hon. K. Kamauoha he palapala hoopii no Kona Hema mai. E hoeia ka auhau lio i 50 keneta. Haawi ia i ke komite waiwai.
Waiho ma ka Hon. A. Kaukau, he palapala hoopii mai Waimea, Kauai mai. E hookaawale ia i $2,000. no ka palewai o Waimea. Haawi ia i ke komite o na aina aupuni me na hana hou.
Waiho mai ka Hon. D. B. Mahoe, he palapala hoopii no Hilo mai. E hoonoa ia na kai lawaia o na aina lei alii, a me na aina konohiki. Haawi ia i ke komite hookolokolo.
NA HOIKE O NA KOMITE.
Heluhelu mai ke Kuhina waiwai no ka ka olelo aelike no na $15,000. no na lilo o keia hale, a hoike mai oia, ua kakau inoa mai ka Moi.
Heluhelu mai ka Hon. W. M. Gibson, ka luna hoomalu o ke komite waiwai i ka lakou hoike no na palapala hoopii malalo nei.
1 He palapala hoopii, e noi mai ana. E hooopau i ka auhau lio, a hoihoi ma ka auhau hapa haneri.
Ua manao ke komite, he mea pohihihi keia, a oiai no hoi, eia ke waiho nei he bila kanawai oia ano imua o ka hale.
2 He palapala hoopii. E hookuu i na makua mea keiki nui i na auhau pili kino.
Ua manao ke komite aole paha i noonoopono ia keia mea, aole pono ke hookuu.
3 E hoemi i ka uku o ka Moi, na Kuhina, a me na Lunakanawai kiekie.
Ua manao ke komite, he pono ke hoemi i na uku, aia nae i ka manawa e noonoo ia'i ka bila haawina, aka, ma ke Kumukanawai, aole hiki ke hoemi i ka uku o na Lunakanawai kiekie.
Noi mai ka Hon. L. Aholo e apono i ka hoike a ke komite. Hooholoia.
NA OLELO HOOHOLO.
Waiho mai ka Hon. J. Nawahi he olelo hooholo. E hookawale ia i $2,000. no ke alanui kaa mahu o Hilo. Haawi ia i ke komite o na hana hou,
Noi mai ka Hon. R. F. Bickerton. E ae ia oia e heluhelu i kekahi rula ana i hoolaha mai ai. Hooholoia.
Heluhelu mai ka Hon. R. F. Bickerton no ka manawa mua, he hoololi o ka rula 38, o ka hale, aponoia.
Noi mai ke Kuhina waiwai. O keia mau hoololi a pau. E haawi ia i ke komite pai, hooholoia.
Hoolaha mai ke Hon. S. K. Kaai e lawe mai ana oia he mau bila kanawai.
1 He bila kanawai. E kaupalena ai i ka manawa e noho ai ka poe pake paahana, e lawe ia mai ana.
2 He bila kanawai. E hookapu loa i ka lawe ana mai i na pake paahana.
Waiho mai ka Hon. K. Kamauoha, he olelo hooholo. E hookaawale ia $5,00. no ka hale hookolokolo, a me ka hale hoopaa o Kona Akau. Haawi ia i ke komite o na hana hou.
Heluhelu mai ka Hon. W. O. Smith he olelo hooholo. E hookaawale ia i $15,000 no ka hana hou ana i ka uwapo ma Wailuku Maui. Haawi ia i ke komite o na hana hou.
Heluhelu mai ka Hon. J. Nazareta he olelo hooholo. E hookaawale ia i $100. no ke awa pae o Pelekunu, Molokai. Haawi ia i ke komite o na hana hou.
Heluhelu mai ka Hon. K. Kamauoha, he olelo hoohole. E hookawale ia i $300. no ke alanui o Kakaako. Haawai ia i ke komite o na hana hou.
Hoolaha mai ka Hon. Kaanaana i kona manao. E lawe mai ana oia he bila kanawai e hoololi i ke kanawai e pili ana i ka laikini awa, aka, eia ka mea kupanaha, ua holaha mua mai no oia he bila kanawai e like me ia, nolaila "Ua huikau na m@kau a ka lawaia i Wailua."
Waiho mai ka Hon. J N Kapahu he olelo hooholo. E halwai keia hale ma ka hora 10 a m a e hoomaha ma ka hora 1, hooholoia.
Noi mai ka Hon. J N Kapahu, e ae ia oia e heluhelu i kekahi Bila Kanawai ana i hoolaha mua mai ai, hooholoia.
Heluhelu hou mai no oia no ka manawa mua. He Bila kanawai, e haawi ana na i Lunakanawai Hoomalu a me na Luankanawai Apana i ka mana e hoolohe i na hihie Kivila apau no ka hoopaahao hewa, haawiia i ke komite hooponopono Bila kanwai.
Noi mai ka Hon. Kuihelani, e hapai i na hana o ka la, hooholoia.
Noi mai ka Lunahoomalu o ke komite hooponohpono Bila Kanawai, e kapae i na rula i hiki ai ke waiho mai i ka lakou olelo hoike, hooholoia.
Akahi. He Bila Kanawai e hoololi ai i ka Pauku 892, o ke Kanawai Kivila i Lunakanawai Hoomalu no Wailuku.
Elua. He Kanawai e pili ana i ka mok. 58, o na Kanawai o 1876.
Ekolu. He bila kanwai. E hoopau loa i ka Pauku 480, o ke kanawai kivila.
Noi mai ka Hon. Kaai e apono i ka hoike a ke komite, hooholoia.
NA HANA O KA LA.
Heluhelu elua ia ka bila kanawai, e hoopau loa ai i ka Pauku 480, o ke Kanawai Kivila.
Noi mai ka Loio Kuhina, e haawi i ke komite waiwai.
Noi mai ka Hon. Kapahu, e haawi i keia bila i ke komite o ka hale, hooholoia.
Noho Ke'Lii S. Kipi ma ka noho Luna Hoomal.
Hoakaka mai ka Luna Hoomalu, o ka hana imua o komite o ka hale, oia ka noonoo ana i ka Bila Kanawai, e hoopau loa ai i ka Pauku 480 o ke Kanawai Kivila.
Noi mai ka Hon. Aholo, e heluhelu pakahi ia na pauku, a e noonoo pakahi i@, hooholoia.
Noi mai ka Hon. Nawahi, e hooholo loa i ka pauku 1 o ka bila.
Kue mai ka Hon. Kapahu, a noi mai, e e hoopanee loa i ka pauku 1 o ka bila.
Mahope iho o ka hoakaka ana o na hoa i i ko lakou manao ma ka aoao kokua i ka hooholo loa i ka pauku 1, a me ka hoakaka ana o na hoa ma ka aoao kokua ana i ka hoopanee loa i ka pauku 1 o ka bila.
Ua noi mai la ka Hon. Aholo, e hoopau i ke komite, a noho hou i ka hora 2 p. m. Hooholoia. Hoomaha ka hale.
Hora 2 p. m. Noho hou ke komite e like me ka hoopanee ana.
Kokua mai ka Hon. Mahoe i ka hooholo loa i ka pauku 1, o ka bila, a hoakaka mai oia i na kumu o kona manao ana pela.
Mahope o ka hakoko ikaika ana o na aoao elua, no keia bila.
Ua noi mai la ka Hon. Castle, e hoopau i ke komite, a noho hou i ka la apopo.
Hoololi mai ke'lii Kaai, e hoopau i ke komite, a e hai aku i ka hale, ua hoopanee loa ia ka pauku 1, o ka bila, hooholoia.
Noi mai ka Hon. Smith, e apono i ka hoike a ke komite, hoohooloia.
Noi mai ka Hon. Nawahi, e hoopanee ka hale a halawai hou i ka la apopo hora 10 a. m. Hooleia.
Noi mai ke'lii Kaai, e hoopanee loa i keia bila.
Hoololi mai ka Hon. Castle, e hoopanee loa ia ke poo, a me ke koena o ka bila. Hooholoia.
Aole i akaka kahi a ka luna o Puna i koho ai ma keia bila, no ka mea, ua kau no kona lima ma ka aoao hoopanee loa, a ma ka aoao hooholo loa i ka bila.
Mahope iho, ua noi mai la ka Hon. Aholo, e hoopanee ka hale a noho hou i ka la apopo hora 10, a. m. Hooholoia.
Hoopanee ka hale.
KAAO HOU. - Ua hoomakaukau ia e kekahi makamaka o Hawaii he moolelo hou no ka NUPEPA KUOKOA; aia a kaawale iki na kolamu o ka pepa a hoopuka aku no makou. He moolelo maikai no.