Ka Nupepa Kuokoa, Volume XVII, Number 28, 13 July 1878 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I HUIIA

No ka Makahiki, $2.  Eono Mahina, $1

Dala Kuike ka Rula.

 

IULAI 13, 1878.

 

Calling us Away.

 

Colonial Singer, No. 115.

 

1

Sol. Ho mai i mau e heu no'u

I lele au mao,

A ike i na hoa o'u,

Me na anela pu.

Duo. Nui no lakou.

A kakali la no'u.

Kei ko lakou pomaikai.

Cho. Ku lakou a hea,

Ku a hele mai,

A hui oli pu,

I: Ku a hele mai,

Ku a hele mai

I ka aina maikai ae. :I

2

So. He poe kanikau lakou

Mamua, ma keia ao,

A paio no a pale mau

Na ino, na onou.

Duo. Nui no lakou, &e.

Cho. Ku lakou a hea, &e.

3

Sol, Ua lanakila nae lakou,

Ua loaa no na lei.

Nohea la keia pono mau?

No Iesu Kristo mai.

Duo. Nui no lakou, &e.

Cho. Ku lakou a hea, &e.

 

Haawina Kula Sabati.

HELU 4 SABATI IULAI. 28, 1878.

KUMUHANA:

O Iesu ma Nazareta. Pauku Baibala.  Lu

ka 4;16-30

 

            16 A hikihoi ia i Nazareta i kona wahi i hanaia'i, komo ia, mamuli o kana hana mau i ka la Sabati, iloko o ka halehalawai, a ku iluna ia e heluhelu.

            17 A haawiia ae la ia ia ka buke a Isaia ke kaula, a wehe ae la ia i ka buke, loaa ia ia kahi i palapalaia'i;

            18 Mamuli iho nei o'u ka Uhane o Iehova, no ka mea, ua poni mai la oia ia'u e hai aku i ka euanelio i ka poe ilihune; ua hoouna mai kela ia'u e lapaau i ka poe ehaeha ma ka naau, a e hai aku i ka hoola ana i ka poe pio, a me ka ike hou ana i ka poe makapo, a e hookuu i ka poe i hooluhihewaia.

            19 A e hai aku hoi i ka makahiki e aloha mai ai ka Haku.

            20 Hoopaa iho la ia i ka buke, hoihoi ae la i ke kahu, noho iho la ilalo; a kau aku la na maka o ka poe a pau iloko o ka halehalawai maluna ona.

            21 A hoomaka oia e olelo mai ia lakou, O keia palapala i komo ae nei i ko oukou mau pepeiao, ua hookoia i neia la.

            22 Olelo maikai ae la lakou a pau nona, me ka mahalo i na olelo lokomaikai ana i olelo mai ai; ninau iho, aole anei keia o ke keiki a Iosepa?

            23 Olelo mai la oia ia lakou, E hoopili mai auanei oukou ia'u i keia hua olelo nane, E ke kahuna, e hoola oe ia oe iho.  O na mea i hanaia ma Kaperenauma a makou i lohe ai, e hana hou hoi oe ma kou aina nei.

            24 A olelo hou ia, He oia ka'u e olelo aku nei, Aole kaula i mahaloia ma kona aina iho.

            25 Ke hai aku nei au ia oukou i ka olelo oinio, nui no na wahinekanemake ilokoo ka Iseraela i na la o Elia, i ka wa i paa ai ka ua i ka lani ekolu makaiki a me na malama eono, a ni ka wi a puni ka aina:

            26 Aole hoi o Elia, i hoounaia'ku i kekahi o lakou, i kahi wahinekanemake i Sarepeta ma Sidona.

            27 Nui wale ka poe lepero ilokoo ka Iseraela i ka wa o Elisai ke kaula, aole hoi kekahi o lakou i hoomaemaeia, aka, o Naamana no Suria.

            28 Ukiuki loa ae la ko loko o ka halehahalawai a pau i kolakou lohe ana ia mau mea,

            29 Ku ae la lakou iluna, kipaku aku la lakou ia ia iwaho o ke kulanakauhale, alakai aku la lakou ia ia i ke kuemakapali o ka puu i kukuluia'i ko lakou kulanakauhale, e kiola iho ia ia ilalo.

            30 Aka, maalo ae la oia iwaena konu o lakou, e hele aku la no ia.

            Pauku Gula. Luk. 4;32.

Mele. Him. 129. "O Iesu Kristo ke Lii mau" p. 1, 2, 3.

            Pule i ola na mai, i maha na luhi, i hookuu ia na pio.

            Ka wehewehe ana me na ninau a na kumu.

            No Ioane Bapetito kela pule kekahi hana ana, ka bapetizo ana ia Iesu.  Mahope koke iho, ua alakai ia'ku Iesu e ka Uhane i ka waonahele e hoao ia e ka diabolo.  Ekolu wahi i hoaoia'i oia.  Hai mai i na hoowalewale ekolu.  Mat. 4;1-11.  Owai ka i lanakila, Iesu anie?  ka diabolo paha?  Ma keaha i lanakila ai Iesu; Pau keia lanakila ana o Iesu, hoi aku oia i Galilaia me ka piha i ka Uhane Hemolele.  Hoomaka koke i kana mau hanamana, a kui kona kaulana ma ia aina aupuni.  Mahalo nui ia oia.

            P. 16. Hiki Iesu i Nazareta.  Kahi ia i noho ai oia me na makua a oo, a hoomaka i kana oihana.  Heaha kana hana mau ma na Sabati?  He kumu hoohalike oia na kakou, e hele mau i na halawai ma na Sabati.  He mea hou paha keia, ko Iesu ku ana e heluhelu.  Mamua'ku noho oia ilalo me ka poe lohe. Ma ke ano kumu keia ku ana e ao aku.

            P. 17. Eelua haawina heluhelu ma na halehalawai.  Ma ke kanawai kekahi, a ma na kaula kekahi.  Mai Kinohi a Esete@ka hapa kanawai.  Mai Ioba a Maleki ka hapa kaula.  52 mahele o kekahi me kekahi.  Elua mahele i heluhelu ia ma kela ma keia Sabati, i hula ka baibala i ka makahiki hookahi, a hai hou i ke kumu.  Ma keia halawai, a hai paha i heluhelu i ka haawina kanawai.  A i ke ku ana o Iesu e heluhelu i ka haawina kaula, ua haawiia ia ia ka buke, ka owili ke kaula o Iesu.  Ua weheia no ke kumu hana me na pauku baibala no ia la.  A hoomaka oia e heluhelu.

            P. 18, 19.  Aia mahea i kakau ia'i keia mau olelo?  Isaia 61;1-2.  Heluhelu.

            P. 20, 21.  Hoopaa, owili i ka palapala a paa, a hoihoi aku ia wai?  A aha iho la?  Pela ia wa, ku iluna e heluehelu, noho nae ilalo i ka wehewehe ana, o ko Iesu wehewehe ana pehea na kanaka?  Akahi paha lakou a ike i ka helehelena ano like.  Akahi hoi alohe i na olelo ano like.  Me he anela la paha ke ano o ka helehelena.  Me he leo anela hoi kona leo.  Pehea ko Iesu wehewehe ana?  Hoopili ia ia wai?  Maluna o'u, owai o'u?  Iesu ea.  He wanana ia no Iesu, 700 mak, ma mua aku.  Na Iesu i hae e, a na Isaia i kakau.  A na Iesu i hoopili ia wanana ia ia iho.  Oia ka mea i ponin ia e ka Uhane e aha i ka poe ilihune?  E lapaau i ka poe aha b E aha i ka poe pio?  E aha i ka poe makapo?  e aha i ka poe i hoolahi ia?  E hai hai i ka makahiki hea?  Ua hookoia anei keia mau mea a pau mao Iesu la?  Owai, a mahea keia mau poe a pau?  Nawai hoi e kokua i ka hooko ana?

            P. 22. Elua ano o keia mahalo ana, mahalo ia no mamua, mahalo kanalua mahope. No keaha keia mahalo kanalua, a ane hoowahawaha?  Nana ia Mat. 13;55, 56. Io. 6;42.  No kona ano haahaa ka, aohe hanohano me he alii la!

            P. 23. Heaha ke ano o keia olelo nane.  E ke kahuna e hoola ia oe iho?  He olelo maa ia a kanaka.  E lapaau oe ia oe iho a ola, alaila, e lapaau ae ia hai.  E hoonaauao oe ia oe iho alaila e hoonaauao ia hai.  Ua lohe lakou i na hana mana a Iesu ma Kaperenauma, a noi lakou ia ia e hana pela ma Nazareta.  E hoola oe ia makou na makamaka, na hoahana ou mamua, e mahope e hoola ia hai.

            P. 24-27.  I ko Iesu ike ana o lakou na hoahanau, @akamaka ona, e hoowahawaha ana lakou ia ia, nolaila, hoopuka oia i keia mau olelo ekolu, 1 Aole kaula i mahalo ia ma kona aina iho.  2 Me ia no Elia.  Ua imi ia e pepehi ia oia ma kona aina ponoi.  Ua holo oia i ka aina e ma ke kauoha a ke Akua; a e malama ia e kekahi wahinekanemake, i ka wa wi aole e kekahi wahinekanemake ma kona aina iho.  3 Me ia hoi o Elisa.  Na lepera ma kona aina iho, aka, he poe hoomaloka paha lakou.  He lepera nae ma ka aina e.  Ua hoounaia oia i ona la, a ua hoola ia no manaoio.

            P. 28-30.  Heaha ke kumuo ko lakou nei ukiuki loa ana ia Iesu?  Ko Iesu hooi ana i ko na aina e mamua lakou.  heaha ka lakou hana ino ana ia ia?  Pehea oia i pakele ai i ka make?  Holo malu anei oia?  Aole maalo akahele no iwaena konu no o lakou.  Maka@ kou i kona ano hanohano, i kona maka anela.  A hooko ole lakou i ko lakou manao e pepehi ia ia.  Aole i hiki mai kona manawa e make ai.

Mele. Him. 194. "Hosana nui ia Iesu." p. 1, 3, 4.

            Na ninau kaula. Ua kakau ia anei na pauku o keia haawina ma na euanelio e ae?  Heaha ka hana ia Iesu i ka piha ana o na mak. he 30?  Mahope o kona bapetizoia ana, a hoopiha ia ana i ka Uhane, ua ahaia oia e ka Uhane?  No keaha oia i hoao ia'i?  Ua hoaoia Adamu ma, kupaa anei?  Kupaa anei Iesu?  Ma keaha e kupaa ai kakou ke hoaoia?

            1 Heaha ka Iesu kauoha mua no ka mihi?  He mau haumana anei ka Iesu, ia ia i komo ai i ka halehalawai ma Nazareta?  Mahea ka Iesu hana mua?  Heaha ke kumu o ko na kanaka huhu ia Iesu?  Heaha ke kumu o ka huhu o kekahi i na kahuna pule o keia wa?

            2 Na pokii. Elia owai ia?  Paa ka lani i kana pule, aole ua a ehia makahiki? Nawai oia i malama i ka wa wi?  Elisai, owai ka lepero ana i hoola'i?  Owai ke kahuna nui nana e hoola i na mai o ke kino, o ka uhane?

Mele. Him. 241. "Auwe! kuu ano make."

            Pule no na mai, no na ilihune, no na luhi, no ka poe lohe ole i hiki mai ka makahiki Iubile.

            Haawina no Aug. 4, Luka 5;1-11.

 

"Hoku Ao" ma ka Ilikai no

na Pae Aina o Maikonisia.

 

            A mahope o ka uwe ana, ua hai ia mai la ia makou na mea hou ano nui, a eia mai ia mau mea hou, a na ko Hawaii e wae no lakou iho me ke koena ole.

            Iloko no o ka mahina o Iune 1877, ua pau loa ka ai a W.N. Lono, a o ka ai iloko o ka hapa hope o Iune a hiki i na la mua o Sept, he niu a me ka hala wale no.  E ike oukou e ko Hawaii, o ka noho ana o na Misionari Hawaii ma na aina e nei, he poe hoomanawanui, oiai, o ke ola a oukou i haawiai no lakou, he $175, a oia 175 no ka ai, i-a a me na wahi welu lole, a me na wahi pono e ae; a oia wahi ai, i-a, aole e lawa ana no ka makahiki hookahi, i na e hoopololei ia no ka ai ana, a ma kahi ai wale no a oukou e hanai nei, i na e 5 wale no mahina, e pau no ia ai. Aka, ua awili ia ka ai ana me ka niu a me ka hala.

            2 He kaua ma Maiana, eia ke ano a me ke kumu o keia kaua.  He hoahanau elemakule, ua lilo ia i mea nui iwaena o na hoahanau e ae, ka poe ao a me kekahi poe pegana a me Rev. W.N. Lono, a pela hoi o Mr. Lono i ua poe nei; eia nae, o kekahi hapa o poe ka pegana he poe hoino i ua elemakule nei, a me Mr. Lono, a ua makemake ua poe nei, e pepehi i ua elemakule nei.  Aka, i kekahi wa, hele mai na hoahanau, na haumana a me ka poe pili i ua elemakule nei, e noi mai e hele aku e kaua me ka poe e hoino mai ana, aole nae he ae aku o ka elemakule, a ua olelo aku oia penei i kona poe.  "Aole o'u makemake e hookahe ia ke koko o na mea he nui no'u. a ina au e make  ka mea hookahi no ka lehulehu, ua pono no."  Aka, o na enemi nae, ke hoopuni mau mai nei, a ke kaua mai nei hoi.  Aka, o na hoa o ua elemakule nei, ke hoopale aku nei no, me ka hoomanawanui i na ino mai o kela aoao.  A no keia ino e maumaua mai nei a keia poe hoomanawanui e kali ahonui ana, ua pioo hou ae la loko, a noi hou i ua elemakule nei, e oluolu oia e ae e hoomaka ia ke kaua e pale aku i na enemi.

            A no ka manao o ua elemakule nei, o haalele mai kona mau hoa iaia a me ka pono o ke Akua, ae aku la oia e kaua.  A i ke kaua ana, ua pio mau na enemi, me ka lilo pio mau o na mea kaua; pela no ke kaua ana, a hoomaha i kahi wa, aka, i na mahina o Iulai, Aukake, Sept, ua pio loa na enemi; a aia lakou iluna o na waa iwaho o ka moana kahi i noho ai, a ke kiai aku nei ka poe i lanakila ma ka aina, me ka makaala i na e hoi mai na enemi, e kipaku aku ia lakou.  Oiai, o ka poe i pio, ua noi aku lakou aole e kaua ia aku lakou, oiai lakou e lana ana ma ka moana, a e kali lakou a maikai ka makani, e holo lakou no Tarawa, Marakei, Apaiana.  A ia makou i hiki mai ai, ua hai mai no o Lono, o ua poe pio nei eia no ke lana'ala i ka moana.  3 I ka wa kaua ua kauoha mai ua elemakule nei ia Lono, e haawi mau ia i haipule ma kahi e hoomoana nei ke kaua, i na la i hookaawale ia o ka hebedoma i mau la haipule, a e hele mau aku o Lono ilaila, o ua hana ia pela.  A o ua elemakule nei, e pule mau ana oia i na wa kaua e kokua i kona poe, a e haawi i ka lanakila ia lakou, a ua hoolohe mai no ka Haku.  "He pa kaua ikaika ka inoa o Iehova, a malaila e holo ai ka poe pono, a maluhia iho la."  4 He ekalesia ma Maiana, a he 13 mau hoahanau, he nui ka poe ao, a he nui ka poe hele mai i na wa halawai, a ua lana ka manao o ka paahana, e kokua mai ana no ka Haku.

            A oiai makou e hoohialaai ana i na mea hou, ua hoopiha ia na waapa i na ukana o Lono, ua hoopiha ia na waapa i naukana o Lono a lawe aku la iuka.  Eia hoi ua kono mai kamaaina ia makou e holo i uka; a no ke omaimai a me ka pokole o ka wa i ae ia mai no makou e holo ai iuka, ua noho ka maua mau wahine, o Rev. S. P. Kaaia, owau a me ka maua Simeona, kai holo i uka O. W. N. Lono, ua kau aku oia maluna o ka waapa ukana, ma ke ano he pailata, owau a me S.P. Kaaia, Simeona, ma ka waapa o Lono, a lilo aku la na'u ka hookele ana.  Loihi no ka holo ana, i ka pae ana aku iuka ua hookipa ia aku la makou e na lima aloha o Mrs. Lono, a uwe pu iho la.  He maikai kona ola kino, a ua oi aku kona momona i Maiana nei, i ka wa e noho ana makou i Wailuku Maui pela no ka laua kaikamahine.  A oiai makou e noho ana a e lawe ana na sela i na ukana, hoopoino mai la kekahi kanaka, a i ka ike ana o kekahi haumana a Mr. Lono, kolo ae la ia a hoopakele ae la i na sela, me ka manao e hoeha aku i ua kanaka hoino nei i na sela.  Na ia ano nae, ua hoopale aku o Lono a ua kipaku i ua haumana nei, a ua pau ae la.  He home maikai ko Mr. Lono, a ua hoopuni ia me ka pa; I ka hiki ana ae paha i ka hora 5 me hapa p.m. ua haalele makou ia luana ana, a ua hoi aku no ka moku, a o ke kolomeki ke lii waapa, a ua hiki paha makou i ka hora 8 o ka po.  Ma ka la 14 ae mahope o ka aina awakea, ua holo mai o Mr. Lono me Mrs. Lono, a me ka laua kamalii i ka moku nei, a ua noho a ka paina ahiahi, a hoi aku la, me na lulu lima aloha pumehana a me ka haipule ana hoi.  I ka Poaono la 15 hora 12 a.m. ua haalele ia Maiana, a holo aku no Abaiana.  Iloko o ka makani maikai, ua holo o "Hoku Ao," a i kahora 2 p.m. ua ike ia aku la o Tarewa, a mawaena o ka hora 3 a me 4, ua ike ia aku la o Abaiana.

            15 No Abaiana a me kona nuhou.--Iloko o ke konane a ka manina o ka po o ka la 15, ua hookomo aku o "Hoku Ao" no Abaiana, a no ka manao o na lii moku, o ulia makou me na poino no ka hookomo ana i ka nuku, ua kuu ia ka waapa, a ua holo aku ka malamamoku me ka ipu kuikui, mahope iho o ka lele pauti ana o ka moku i ka makani.

            (Aole i pau.)

 

He Nuhou.

 

E KA NUPEPA KUOKOA E; Aloha oe:--

            I na he mea oluolu ia oe e hookomo iho i keia wahi mea hou ma kekahi kowa kaawale o kou mau kolamu, i ike mai ai na kini puni mea hou o kaua; aia ma Honokane Kohala Hawaii kekahi wahine o ka Pihe kona inoa, ua hele oia i ka umeume puhi ma kahakai, aia nae oia e makaukau ana e hana i ka maunu oia ano i-a a ia manawa lawaia aku la oia a loaa mai iaia he mau kauna puhi, a hana hoonaku no oia e like me ka maunu, a loaa mai iaia he wahi puhi uuku 3 iniha ka loaa; a nanahu iho la oia a pakauwili ae la ua wahi puhi nei, a poholo ana iloko a mai loko mai hemo ana i waho ma ka puka ihu, ua paki nae oia i ka  hemo aka mai e komo nae ka puhi iloko o ka opu, ina paha ua pilikia, ke papa aku nei au ia oe mai hele hou e loaa hou auanei i ka pilikia. H. KAMAUOHA.

Pololu, Kohala, Iue 27, 1878.

 

Leta a na Makamaka.

 

Papa Hoike a na Kahu Kula

Sabati.

HOIKE A KE KAHU KULA SABATI NUI O HA

WAII HIKINA.

            He 6 ka nui o na Kula sabati ma ka Apana o Hawaii Hikina.  Haili, ma Hilo, Puula, Kalapana, me Opihikao, ma Puna, a me me ke Kula Sabati o Kapaliuka ma Kau.  O na Kula Sabati o Onomea, me Haili ma Hilo, ke pii mau nei ka mahuahua a me ka maikai o na haumana o ke Kula Sabati, ma ke Kula Sabati o Hilo, he 400 ka nui o na haumana Kula Sabati.  O ke Kula Sabati o Kapaliuka ma Kau, he ano emi hope ka nanaia'na o keia Kula Sabati no ka hui ole me ke Kahu oia Kihapai.  Na Kula Sabati o Puula a me ke Kula sabati o na Ekalesia Huiia o Kalapana me Opihikao, ke nee nei keia mau Kula Sabati imua, ma ke Kula Sabati o Kalapana me Opihikao, he mau Ekalesia keia e noho Kahu ole ana, a nolaila, he ano hemahema no ke ano o ka malama ia ana o na Kula Ssabati maanei, He mau Kula Sabati liilii kekahi malalo o keia Kula Sabati, oia hoi he 1 ma Pohoiki, 2 ma Opihikao, 3 ma Kehena, 4 ma Kalapana o na Haawina e ao ia ai i keia mau Kula Sabati, oia no ka Haawina ma ka aoao 4 o ka NUPEPA KUOKOA. Oia ka'u hoike me ka mahalo.     J. KAMOKU.

 

HOIKE A KE KAHU KULA SABATI NUI O

MAUI KOMOHANA.

            He 6 ka nui o na Kula Sabati i komo maloko o ka Apana o Maui Komohana, e like me ka mahele ia ana e ka Aha hui Nui ma Honolulu, i ka malama o Iune A.D. 1877.  Oia hoi keia, 1 Kula Sabati o Honokohau, 2 Kula Sabati o Kaanapali, 3 Kula Sabati o Lahainaluna 4 Kula Sabati o Olowalu, 5 Kula Sadati o Wainee, O na Kula Sabati o Honokohau, Kaanapali, a me Olowalu, he ano pupu a kuemi hope ke kulana ke nana aku, a ke noi nei au i keia Aha e noi nui aku i ke Kahu Kula Sabati nui maluna o keia mau Kula Sabati.  O ke Kula Sabati o Lahainaluna, ke nee nei keia Kula imua malalo o ke alakai noiau ana a Rev. J.B. Hanaike.  O ke Kula Sabati o Lahaina, oia ka Helu 1 o na Kula Sabati a pau ma ka mahele Komohana o ka Mokupuni o Maui, a ke manao nei au oia no paha ka helu 1 ma keia Pae Aina.  O ka nui o na dala ma ka waihona o keia Kula Sabati he $204.99, a ua hooliloia aku he $70.21 no ke kokua i ka Luakini o Kahana ma Kaanapali, a ua kokua uku hoi i ke Kula Sabati o Kaluaaha, a me ka Luakini o Kalawao, a me ke kokua ana i kekahi Kaikamahine ilihune, a ua uku ia mai ka Elele me ke Kahu Kula Sabati, he 12 dala pakahi.  Oia ka'u hoike me ka mahalo.

            S. KAMOHAKU.

 

HOIKE A KE KAHU KULA SABATI NUI O KA

MOKUPUNI O MOLOKAI.

            He ehiku ko nui o na Kula Sabati o ka Mokupuni o Molokai, he 4 Kula Sabati no ka Ekalesia o Kaluaaha, he 3 no ka Ekalesia o Halawa, ua hele aku au e hoonoho i na kahu no keia mau Kula Sabati a me na kumu mahope iho o ko'u hoi ana aku mai ka Aha hui Kula Sabati nui aku o ko Hawaii Pae aina, i halawai ai ma Honolulu i ka malama o Iune 1877, Ua ku malie ka nui o na Kula Sabati o keia mokupuni a ua emi no hoi kekahi, ua mahalo loa au i ka maikai a me ka eleu o na Kula Sabati o Halawa, a oia ka'u e hooia ak nei imua o keia Aha.  O na Kula Sabati o Kamalo a me Kawela, oia kekahi o na Kula Sabati a'u e hoike aku nei no ko laua holomua.

            O na lilo he $80, no ka Luakini, aole hoi e emi malalo o 50, no na lilo e ae, he 3 mau hoike liilii ana i ka makahiki, 1 hoike hui ana o na Kula Sabati a pau o ka Mokupuni ma Kaluaaha, ma ka pule elua o Aperila, 1877.  O ka nui o na haumana aole e emi malalo o 4 haneri, oia hoi na makua me na keiki.  Ua koe na Kula Sabati o Kalawao, aole i komo ma keia hoike.  Ua ukuia mai au e na Kula Sabati o Halawa a me Honouli he 8 dala.  Oia ka'u hoike me ka mahalo.      M. KANE.

 

HOIKE A KE KAHU KULA SABATI NUI O KA

MOKUPUNI O KAUAI.

            He 6 mau Kula Sabati o keia Mokupuni, a he 4 oia mau Kula Sabati i makaikaiia aku e ke Kahu, oia hoi na Kula Sabati o Hanalei, Koolau, Anahola, a me Lihue, o na Kula Sabati o Koloa a me Waimea, aole i makaikaiia aku, no ka pilikia o ke Kahu, aka, ma na Kula Sabati e ae, ua halawai pinepine au me ka nana ana i ko lakou mau Kula Sabati.  Aole i hoike hui keia mau Kula, aka, ua hoike liilii na Kula o Koloa a me Lihue.  He hoike hapaha ko Lihue a he hoike hapalua makahiki ko ke Kula o Koloa.  O na Kula Sabati o Hanalei, Koolau, a me Anahola, aole i malamaia he hoike iloko o keia makahiki, aka ua malamaia ke Kula i kela ame keia Sabati.  He 3 mau Kula Sabati ano pupu, oia o Hanalei, Koolau a me Anahola, a o na Kula Sabati o Koloa, a me Lihue, ke nee nei laua imua me ka mahalo.            R. PUIKI.

 

He mau Makana.

 

            He mau Makana Aloha mai na ekalesia mai o keia Mokupuni no na palapala liilii i kakau noiau ia e ke Kula Sabati o Waikane i noi ia aku ka lau Oliva pakahi a ke aloha, aka hoi, ua luia mai ke aloha e na manu hulu like i komo ma ke apo o ke kuikahi noluna mai hoi ia a kakou i kui lima pu iho ai ma keia hana.  Penei: no ka ekalesia o ka hana $1.75 no Kahuku $1.50 no Waialua $1.75 no Waianae $2 no ka ekalesia makua o Kamakapili $30.10 ke mahalo piha aku nei ke Kulua Sabati o Waikane, i ka ekalesia makua o Kaumakapili, a me na ekalesia nona keia mau makana.  Me ka mahalo piha i ka lokomaikai o ke Kapena o ke KUOKOA ke oluolu ia e hookomo iho.

            E. AIKUE.

Kahu Kula Sabati.

 

RICHARD F. BICKERTON,

[PEKETONA.]

LOIO a he KOKUA  ma ke KANAWAI!

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau. Ina paha ma Oahu nei, a ma na Mokupuni e ae.

            Ua makaukau mua oia i ka hana ana i na Palapala pili kanawai o kela a me keia ano.

            Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa.

            E hanaia na hana me ka hikiwawe a me ka uku haahaa.

            Keena hana, Helu 23 Alanui Kalepa, elua puka ma o aku o ka hale kauka o Kaula Minuteole.        840 1y

 

A. MoWAYNE,

HALEKUAI LAAU LAPAAU A ME NA WAIALA o na ano a pau, me na SOPA ALA o na ano he nui wale.  Ma ke kihi o Alanui Papu me Kalepa.

840 1y

 

WM. O. SMITH,

LOIO.

WAILUKU, MAUI.

Ua waiho oia i na Oihana Aupuni a pau a ua makaukau e lawelawe i ka Oihana Loio me ke kuokoa. 840 6m

 

E.O. HALL & SON.

(E.O. HOLO MA.)

NA MEA KUAI I NA MEA MAHIAI, Na Lole, Na Pena, Na Aila, a me

Na ano Lako e ae a pau he lehulehu wale.

846      Kihi o Alanui Papu me Moi.   1y

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

E LAA NA

Ahinahina, Kalakoa,

Keokeo, Leponalo,

Pena, Aila, Aniani,

 

KA MEA PIULA!

KOPA, AILA HONUA,

AILA HOOMALOO

 

Kui Kakia, Pakeke,

Tabu, Kaula, Noho Lio,

Hulu Palaki, na Pulumi.

 

A HE

 

AGENA NO HOI NO NA MOKUPUNI O HA

WAII NEI NO NA

 

Lainakini-nao,

Lainakini Maoli,

Palule Kalakoa,

Alapia, Kelepa, Kilikia,

 

Na lole kupono i ka wawae,

Palulue Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &e.

 

LIPINE, LIHILIHI, &e.

 

 A ME NA

 

Mikini Humuhumu MakeponoLoa!

 

A HE

 

MAU MEA AI KANI

 

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina, &e.

 

Ahe Laau Lapaau Kaulana Loa

A DR. JAYNES.

 

Laau Kunu,

Laau Hoomaemae Koko

Laau Hoopau Naio,

Penikila, Huaale,

 

A ME NA LAAU HAMO, A PELA'KU!

827 3m 839

 

PAPA! PAPA!

NO

ALLEN & ROBINSON

 

UA WEHE AE NEI MAUA I

PA KUAI PAPA

MA

KA UWAPO O PAKAKA!

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale,

Na Pepa Molina.

 

Na Pena a me na Aila Pena!

 

NA KU'I O NA ANO A PAU.

 

NA PANI PUKA a  me

NA PANI PUKA ANIANI.

NA PANI PUKA ame

NA OLEPELEPE

 

NA LAKO KUKULU HALE

O NA ANO A PAU!

 

E KUAIIA MA KE

 

KE KUMUKUAI HAAHAA LOA

 

O keia Makeke.

 

ALLEN & ROBINSON.

Honolulu, Ina. 1, 1879.           840 3m

 

PAPA, PAPA

AIA MA KAHI O

LEWERS & DICKSON!

(O LUI MA.)

 

MA KE KAHUA KAHIKO MA

Alanui Papu a me Moi!

E LOAA AI NA

 

Papa Nouaiki!

 

o kela a me keia ano.

 

Na Papa Nani a Paa no ke Kukulu

ana i na Hale!

 

Na Pani Puka, Na Puka Aniani,

Na Olepelepe, Na Pou, Na O-a,

Na Papa Hele, Na Papa Ku,

A me na Papa Moe nui loa.

 

NA PILI O KA HALE

O NA ANO A PAU.

 

Na Pepa Hoonai, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka Aniani,

Na Ami o na ano a pau,

Na Aila Pena, o kela me keia ano,

Na Aila Hoomaloo, he lehulehu wale,

Na Aila e ae o na ano a pau.

 

NA WAI VANIKI

A ME NA

WAI HOOHINUHINU NANI!

 

o na ano a pau loa.

 

NA BALAKI ANO NUI WALE!

 

A ke hai ia aku nei ka lono i na makamaka a

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

 

NO KA

 

UKU HAAHAA LOA!

 

E like me ka mea e holo ana mawaena o

LAUA a me ka MEA KUAI.

 

E hele mai!  E na Makamaka!!

A e lawa no hoi ko oukou makemake

me ka oluolu a me ka maikai!

845 tf

 

KOPA KUKAEPELE

A

GLENN!

 

AOLE LUA NO KA HOOMAE

MAE I KA ILI!

 

He mea hoopau i na eha,

Na Ili Puupuu,

A he hoomaemae i na mea ino,

A he hoopau Lumatika,

A he kopa auau no hoi

 

O keia Kopa ka oi aku o ka mea maika

I waihoia mai imua o kanaka.

 

Aole wale no ka Hoopau ana i ka Huehue

Ili Poha, Wela la, Luluaina, a me

na mea e ae o ka Ili;

A ma ia holoi ana, o ka hoopalupalu pu ke

kahi i ka Ili, a keia

Laau Hoomaemae lua ole e hana ai.

 

O ka hoemi ana iho i na mai o ka Ili, a o

ke pale aku i ka mai mai na lole e na

Mai Lele, oia kekahi.  O na ohana

ame na poe makaikai, ina

e hoolako lakou

i keia

KOPA HOOMAEMAE LUA OLE!

ALAILA, UA LANAKILA LAKOU.

 

He hoopau i ka lehu o ke poo,

A he Kopa no hoi e kaohi mai ai

I ka lauoho mai ka hina ana.

 

Ua hooia nui mai na Kauka no ka maikai o

keia Kopa!

 

E loaa no ma kahi o

            M. McINERNY.

Kihi o na Alanui Papu a me Kalepa,              840 3m