Ka Nupepa Kuokoa, Volume XVII, Number 31, 3 August 1878 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ma ke Kauoha.

 

Ua oluolu i ke Alii ka Moi ka hookohu ana aku ia Col Charles H. Judd, i Puuku no kona hale Alii a i Kakauolelo ponoi.

Halealii Iolanu, Iulai 5, 1878.             870 3t

 

Ua oluolu i ke Alii ka Moi ka hookohu ana ia ka mea hanohano J. Mott Smith, i lala no ka Papa Hoopae Lima Hana. A nolaila, eia ka Papa piha i keia wa: His Ex. S. G. Wilder, Peresidena; His Ex. J. M. Kapena; Hon. A. F. Judd; Hon. J. Mott Smith; Hon. W. Jas. Smith; Hon. W. L. Green.

(870 3t)

Ua oluolu i ke Alii ka Moi ka hookohu ana aku ia na mea hanohano S. K. Kaai a me Eward Prestion, i mau lala no ka Papa Ola. Eia ka papa piha i keia wa: His Ex. S. G. Wilder, Peresidena; His Ex. S. K. Kaai; His Ex Edward Preston; R. McKibbin, M.D; F. B. Hutchinson, M.D.             870 3t

 

Ua oluolu i ke Alii ka Moi ka hana ana i keia mau hookohu malalo iho: Ia na mea hanohano J. M. Kapena a me Edward preston i mau lala no na Aina Lei Alii. Eia ka Papa o na Komisina Aina Lei Alii; His Ex. J. M. Kapena; His Ex. Edward Preston; His Ex. J. O. Dominis.                         870 3t

 

O ka uku Komisina e uku ia aku ana i na Luna Helu a me na Luna Ohi Auhau no ka makahiki e hele nei, penei no ia" Honolulu, Lahaina, Wailuku, Makawao, Hilo, Kau, Kohala Akua a me Lihue-- Ekolu Hapa Haneri.

  Ewa a me Waianae, Waialua, Koolauloa, Koolaupoko, Oahu; Hana, Molokai a me Lanai; Puna, Kona Hema, Kona Akau, Kohala Hema, Hamakua, Hawaii; Hanalei, Anehola, Koloa, Waimea a me Niihau -- Eha Hapa Haneri.      870 3t

 

Aina Aupuni Kuai.

Ma ka Poaono Aug. 17, 1878, hora 12 o ke awakea, ma ka alo iho o Aliiiolani Hale, e kuai kudala ake a ia aku ana, na aina (2) elua ma ke kihi o ke alanui Moiwahine a me Papu, he (90) kapuai o kekahima ke alanui Moiwahine, a he (100) kapuai o kekahi ma ke alanui Papu. Mai ka elima tausani ($500) pii aku. E ike ia ma ke Sila na kuhikuhi.

SAM'L G. WILDER, Kuhina Kalaiaina.

Keena Kalaiaina, Iulai 12, 1878.         869 4ts

 

Ua hookohu ia ka poe malalo iho i poe Luna Helu no na apana auhau o keia Aupuni no ka makahiki 1878.

Hawaii.

Hilo ………………..D. H. Hitchcock.

Kau……………….. G. W. C. Jones.

Puna………………..T. Kaaihili.

Hamakua……………D. F. Sandford.

Kohala Akau………Godfrey Brown.

Kohala Hema…………Isaac Y. Davis.

Kona Akau……………D. Makainai.

Kona Hema……………H. Manase.

 

Maui.

Lahaina………………..D. Mamaki.

Wailuku………………..L. Aholo.

Makawao………………..Charles H. Dickey.

Hana………………..C. K. Kakani.

Molokai a me Lanai…….S. Kupihea.

 

Oahu

Honolulu………………..Charles H. Judd.

Ewa a me Waianae………H. A. Kahanu.

Waialua…………………...J. Amara.

Koolauloa………………..Paukealani.

Koolaupoko………………..L. Keliipio.

 

Kauai.

Lihuw………………..B. K. Holi.

Koloa………………..S. K. Kuapuu.

Anahola………………..P. P. Kanoa.

Hanalei………………..S. Kaiu.

Waimea………………..I. H. Kapuniai.

JOHN M. KAPENA. Kuhina Waiwai.

Keena Oihana Waiwai, Iulai 1, 1878.            866 1m

 

KA NUPEPA

Kuokoa me ke Au Okoa

I HUIIA.

No ka Makahiki $2. Eono Mahina, $1

Dala Kuike ka Rula.

AUGATE 3, 1878.

Ka Ahaolelo.

 

  Ma ka Poaha la 25, ua waiho mai o Kapahu i ka olelo hooholo e kauoha ia ke Kuhina Kalaiaina e haawi aku i ke Kilauea Hou, na pono wai, na pono uwapo, na pono lanahu, me na pono ae e kokua wale ia i keia manawa ia Likelike. Ua loaa mua ia Mr. Kaai ka papa a wehewehe kela, alaila, me ka manao e haawi i ka papa i Pilipo, a oia ka mea e ninau ano, ua ku koke o Malo e kokua i ka olelo hooholo, nolaila ua haule ka manao o ke Kuhina Waiwai me ka akaaka o ka Hale, maikai paha ka manao o ke olelo hooholo, aka hea mea hiki ole ke ae, no ka mea, hookahi wale no manao o na kanawai he nui e  pili ana i ka hooholo moku mahu pili aina, oia keia; e haawi wale ia kela mau pono i ka moku mahu hookahi. Ua noi ia e hoopanee loa, aka, ua hoole ia alaila, hoololi o ke 'Lii Kamika e haawi i ka mokuai Kilauea Hou, i na pono e pili ana i ka wai a me ka uwapo, aka ua hoole ia ka olelo hooholo. Alaila ku mai o Mr. Hanuna me kekahi olelo hooholo, penei ke ano, no ka hoole ia o ke kokua i ke Kilauea Hou, nolaila, e kapae loa mai loko ae o ka bila haawina na $36,000 na na mokuahi e holo ana i Kapalakiko. Rula mai ka peresidena ua kue ka olelo hooholo i ka rula, nolaila ua hoopii ia keia mea no ka manawa, aka he mea akaka no a noonoo ia ka nila haawina alaila e noi hoi ia e kapae loa ela haawina. Ma ka heluhelu ekolu ana o kekahi mau bila, eia na bila i hooholo loa ia. Ka bila kanawai no ke oli mare, me kekahi wahi hoololi ana i waiho mai. Bila kanawai e pili ana i na laikini no ke kuai liilii; pela ka bila no ka hoololi ana i ke kanawai hoonaauao, pela bila no ka bila no ka hookaa i ka auhau alanui ma kahi o ka hana ana; pela ka bila e hoakaka ana i na hora hana o ka la hana. Heluhelu alua ia ka bila e hooponopono ana i ka hoonoho ia ana o ka Papa ola. Ua hooholoia ka bila no ke kakau poepoe. O ka hoololi i manaoia no ka pauku 20 o ke Kumukanawai, a me ka hoololi no ka pauku 61, ua hoopanee loa ia laua elua, o ka manao o ka mua e ae ole ia kekahi lunakanawai a me na kanaka nona kekahi oihana aupuni e noho ma ka Ahaolelo; o ka lua, aole e ae ia kekahi mea e noho ma ka Ahaolelo, ke ole i loaa iaia ka waiwai i like kona kumu paa me na dala eha haneri.

  Poalima la 26, ma keia la ua noi o Kakela opio e hookomo i hookahi tausani dala iloko o ka bila haawina no ka pai ia ana o kekahi papakuhikuhi me na olela hoakaka, no na kanawai mai ka M. H. 1859, a hiki i keia la. Ua manao ia, e loaa hou mai ia mau dala ma ke kuai ana aku oia buke, aka ua hoole ka Hale. Ma ka auina la ua hooholo ia na haawina e pili ana i ka oihana hoonaauao, a ua hoonui ia ka haawina e pili ana i na kula haole me na kula Hawaii i $46,000 i mea e hiki ai i ka Papa Hoonaauao ke kokua nui i na kula o na kaikamahine.

  Ma ka Poaono la 27, ua hooholo ka Hale i kekahi mau bila, a o na hoololi no ke Kumukanawai i hooholo ia ma kela kau, ua hoopanee loa ia. O ka mua, oia keia e papa ana i na lunakanawai a pau me na kanaka nona kekahi oihana aupuni, aole lakou e noho ma ka ahaolelo, a o ka lia, aole hiki kekahi mea ke noho ma ke ano lunamakaainana, ke ole i loaa ia ia ka waiwai like $500 ka nui. Aole hoopaapaa ia, aka malalo o ka ninau ana ana, ua hoopau koke ia laua a elua.

  Ma ka Poakahi la 29, he nui wale na hoike o na Komite, no na hana i koe paha, ma ko lakou mau lima, alaila noonoo ia ka bila haawina. Ua hookomo ia kekahi mau haawina ma kela me keia wahi, alaila hooholo loa ia ka bila

  Ma ka Poalua la 30, ua hoike kekahi mau Komite hookolokolo, ma ke noi a Kiko e haawi aku ia ia he mau dala no kona hana ma Ainahou, e pili ana i ka papa ole, nui ka hoopaa no keia, alaila waiho ia i ke Komite wae. Hoike mai o Kakela no ke Komite wae e nana ka bila no ka halihali ana i na leta ma keia aupuni, a ua hooholo ia ka bila ma na wahi hoololi. Waiho mai o Kapikona i olelo hooholo e hoookomo i $5,000 iloko o ka bila haawina no kekahi kia hoomanao no ka piha o na makahiki hookahi haneri mai ka holo ana mai o Kapena Kuke, hooholo ia mahope aku o kana haiolelo maikai. Waiho mai ke Komite wae no ka Hotele Hawaii i elua hoike no ka hapanui, e olelo ana oiai ua hemahema kekahi mau mea e pili ana i na hana o ka Aha Kuhina mua, aka, aole i hemahema no na dala; na ka hapa uuku hoahewa ana me ka ikaika loa i na hana a ke Kuhina Kalaiaina mua, no kona mau hana, a me ka olelo ua nalowale kekahi mau dala o ke aupuni, a ua hoapono ia ka hoike o ka hapa uuku. Eia ka mea kupanaha o ka hoapono ia ana o kela hoike me ka akaka maoli aole i hemahema no ke dala uku hoolinalina o ka Hotele, no ka mea, ua ike maka ka hapa nui i ka bila hookaa a Keo Kaaka i haawi ia Kamika no na $3,025 i hoopaapaa ia.

  Ma ka Poakolu la 31, ua hoike mai ke Komite waiwai i ka lakou hoike no ka olelo hooholo a Kakela opio, e kokua ana i ka imi ana i na ia kamano me kekahi mau ia hou e ae no keia aupuni, ua manao ke komite he mea pono ia, a ua kokua lakou i ka olelo hooholo; hoapono ia ka hoike. Ua hoike ke Komite hookolokolo ma ka bila kanawai a Palohau e hoonoa ana i na pono o ke kanawai no ka lawe ana o ka wai maluna o na aina i loaa ole ka pono, kue o Kakela a me Hauna, ka hapa uuku, no ko laua ike he bila kanawai keia e hoopilikia ana i na kanaka, hoapono ia ka laua hoike. Noonoo ka Hale i ka hoike a ke komite wae o ko na aina e, a ua hoapono ia ka hoike me kekahi hoololi a Kakela, e pili ana i ko kakou kuokoa, ma ke ano he aupuni, hooholo ia kekahi mau bila, no ka huikala ana i ke Kuhina waiwai, no na Komisina ala lii me na pono wai. Heluhelu mai o Male he olelo hooholo e uku ia ka Lunahoopuka o Ko Hawaii Pae Aina i $200 no kona hoolako ana i ka Hale me kona pepa, aole i holo a hoopanee e ka hale. Heluhelu mai o Kupau, he olelo hooholo ano like me keia ; oiai o ko Hawaii makahiki Ceneteniala keia, e hoolimalima ka Hale i ka mea pai kii a e pai ia na kii o na hoa a pau a e kau ia ma na paia o ka Hale Ahaolelo. Ma keia la no hoi i haawi mai ai o Kapena i kana haiolelo hoakaaka, e pili ana no ka Ahaolelo a me ka lakou mau hana, ua akaaka na hoa a mamae na iwi aoao no na olelo a Kapena.

 

 

I na Makaainana o Kohala

  He mau pule elua ae nei i hala, owau, ma ke ano Lunamakaainana no oukou, ua lawe mai au he kanawai maloko o ka Ahaolelo, e hooponopono a e hoololi i ka Oihana Leta o ke Aupuni. He kanawai hooholo mua, a he pomaikai no na makaainana, e hookahua ana i ko kakou aina ma ka papahele like me na Aupuni naauao o ke ao nei, me na kanawai maikai a kupono no ka Oihana Leta. O ka hoomakaukau ia ana o ke kanawai, ua haule kahi e hoakaka ana i ka ae ia o na nupepa me ke oo ole mamuli o kekahi ulia ; a i ka la 23 o keia mahina, ua noi au e waiho ia ka bila i kekahi komite me ka hookomo ana i kahi i haule. Ma ka la 27, ua manao iho la o J. U. Kawainui he mea pono e hoopina i kana nupea me na huaolelo inaina pilikino e pili ana ia'u, aole no ka bila ponoi, aka, owau ponoi ka mea i hoino ia mai; a o kekahi mea i makau i kana mau huaolelo a kau iho la i kona inoa o "Beni," ua olelo hoohuahualau me ka manao ino, e i ana, ua kokua au i ka nele ana o ko kakou aina me kona kuokoa, a e lilo i kekahi aupuni e. Aole i kamailio o Mr. Pilipo i kela mau olelo no'u, a in a ua olelo, alaila, ua ike no ia a me Mr. Kawainui, aole oiaio o ia mau kamailio, he hoopunipuni i hapai ia no ka hoopoino mai ia'u.

  Ma ka papahele o ka Hale Ahaolelo, ma ke alanui, ma ka noho'na kanaka, a maloko o ka pepa a J. U. Kawainui iloko o 1873 a 1874 paha, ua ike lea no oia, ua hooikaika no au me ka leo kuemi hope ole e kue aku i kekahi wahi lihi hoohaiki ana mai i ke kuokoa o Hawaii. Ke ku aku nei au i keia la he wahaolelo wiwo ole a kupaa no ke ku kaawale ana o Hawaii ma ke ano aupuni, a ke paki hope aku nei au ma ke ano he hoopunipuni i na huaolelo a pau maloko o ka pepa a Kawainui a me ka poe a pau e kamailio hoinoino ana pela. Aole kanaka e hiki ke hooia a hoike mai ua ku kaawale iki au mawaho o ke kahua hoa'loha oiaio no Hawaii -- ko'u aina hanau.

  No na hoino e ae maloko o ua pepa nei, he lapuwale loa no ka pane ana, ua like loa me ka pepa, he kamalii loa. Ua olelo o Kawainui, ua makau wau no ka pii o ka naauao o na kanaka Hawaii, nolaila, hoao e hoopau i ka lawe ia ana o na nupepa. O ka manao ana e hoonaauao ia mai kana pepa mai he punia lapuwale loa no ka noonoo io ana. Ua heluhelu au i kana pepa mai kona hoomaka ia ana, a ua ike au he wahi mailulu mawaho aw o na nuhou o na aina e, ai ole na kona lolo e haku ia mau mea, i kope wale ia mai me ke kokua o ka upa. Ma ka aoao alakaio ka pepa, kahi o kakou e kuleana ai ke manao aku no kekahi hoike ana o ka noonoo, he mau kamailio kamalii ka mea loaa ia kakou; mawaho ae o na kolamu lehulehu i piha me na mea e pili ana i ko kakou "Bebe" "(ko kakou hiwahiwa") e loaa mau ana ia kakou na hunahuna a me na leta e pili ana i kanaka i piha me na hoino pelapela. He oiaio, o ka hoike oiaio a maikai loa no ka lunahooponopono o keia piha, o ka "upa" i aahuia me ka papale a me ke kuka. Ina he poe me ka noonoo na lima hana o keia pepa, in a la aole e puka kela hewa lalau i kela Poaono aku nei; no ka mea in a aole i hiamoe ia ka mea kakau moolelo maloko o ka Ahaolelo i ka la 23, in a ua hoomaopopo oia eha la mamua ae o ka puka ana o ua pepa la, e hoololi ia ana ua bila nei no ka pakui ana aku i kahi e pili ana i na nupepa. He hopuna olelo kahiko penei: "O ka mea a ka Akua e hookahulihia ana e hoonaukiuki mua ia."

  I na makamaka i koho ia'u, e oluolu oukou e hoomanao i ka'u mea i hai aku ai ma ke KUOKOA mamua iki iho o ke koho ana, e pili ana i ka'u kahua e lawe ai. Ano, ke hai aku nei au ia oukou, ua hana wau a ua koho me ka oiaio no na kumuhana pili laulaha. Ua hooia aku au e hoololi i ke kanawai e hoolei ana i ka hapalua a oi o na lilo o ke oki mare-- e loaa'i ka hopena hikiwawe a hale ole -- a e hoopau ana i na hoahaapa kahiko o ke kanawai. Ua hooia aku au a hoao e hooholoia i puu dala no na hana hou i makemake maoli ia, a ua hooholoia he huina oi aku me ko mamua no na alanui me na uwapo.

  A ano, ninau mai oukou ia'u heaha ka'u i hana no Kohala? Ua loaa ia'u $600 no ka hoonui ana i ka hale hookolokolo me ka hale paahao o Kohala Akau; $100 no ka hoolako ana i ka hale hookolokolo o Waimea; $2,000 no ke alanui mai Kohala a Mahukona, a he hooia ia mai no ka noonoo ia i uwapo no Waimeal a mawaho ae o ia, o na auhau alanui a pau maloko no o ko lakou apana ponoi e hoolilo ia'i. Ua lawe mai au he bila -- a ua holo -- e hoemi ana i na lilo no na kuni palapala. Aka, he mea makehewa paha ko'u hooloihi ana, oiai ke manaoio nei au ua apono no ka poe nana wau i koho i ka'u mau hana; a mahope iho o ka hoomaopopo ana i na pomaikai o ka loaa ana o kekahi kanawai hooponopono oihana leta -- i holo iho nei me ke kulanalana ole i na kue a me na hoopunipuni a J. U. Kawainui -- e hoomanao iho lakou i loaa ia hopena mamuli o na hooikaika a me ka noonoo o ko lakou wahaolelo o 1878, ka mea i holo balota no Kohala mamuli o ke noi ia ana mai, a e holo hou aku no -- aia wale no a noi ia mai -- no ka Ahaolelo; ka mea hoi e manaolana nei e ike i ka la e hiki ai a e hooponopono ia'i ka Paeaina e kekahi kanaka kupono a makaukau mamua o J. U. Kawainui, i mea manao nui i ka oiaio a me ka maemae mamua o ka inaina lapuwale a me na hoino pilikino.

W.R. Castle,

Honolulu, Augate 1, 1878.

 

  NA MOKUAHI HOU. -- O na mokuahi a makou i hoolaha aku ai mamua, e ku mai ana iloko o keia mau la iho. O ka moku a Palaika me Kakalaika, o Waimanalo kona inoa ; ma kahi paha o ke 50 tona kona nui, ua like paha ia me Moi keiki mua. O na wahi holo mau o ia moku Waimanalo ma Koolau a me Waianae, o ka lua iho o ua mau moku nei no Waila ma, he 100 paha tona kona nui, elike paha me Neki, aole i lohe ia kona inoa ; a o kona wahi holo o na awa a puni Oahu nei.

 

NU HOU KULOKO.

  KALI IKI IA. -- E aho nui mai na makamaka, no ko makou piha e i ka moolelo o ka Ahaolelo ua hookaulua iki ua "Ke Kanawai," ke mele a Niihau, a me kekahi mau mea e ae i hoomakaukau ia no keia helu.

 

  MARE IA. -- Ma Kaneohe, July 27, ua mare ia e Rev. S. Waiwaiole o B K Puhi me Hariata Meemano. He 400 a oi na poe i hele ae i ka ahaaina mare, o ka oi ia o na mare o Kaneohe, wahi a ka poe makaikai.

 

  HE mea menemene ia makou ka hoaiai aku i ka hana kohu ole a kekahi poe i ke ao aku i na keiki i ka loina o ka hula Hawaii, a hoolilo aku ia mau hana, he mea maikai e lealea ai a kani na aka. Ua ike ia keia mau hana ma ke Alanui Hotele, mauka iho o ka hale tela lole.

 

  KE ike ia aku nei na Paniolo Aupuni me na kaula i keia mau la, me na kipuka Alukahi, e hoohei ana i na ilio metala ole; nolaila, e makaala oukou e ka poe mea ilio kau ia ka metela o ke Aupuni, i noho ole na hanai a oukou i ka Halewai.

 

  HANA IO KA PAKE! -- He haunaele nui kai hoala ia ae mawaena o na pake paahana o na mahiko o Onomea, Paukaa a me Papaikou ma ka la 13 o keia malama, ua hili aku hili mai me na laau a ua nui na poino o kekahi poe o lakou, pela mai ka leta a Wm. K Makakoa Jr. o ka mahi ko o Onomea.

 

  MOKU HAO KAUA PERUSIA PIHOLO. -- Ua piholo ma ke kowa o Enelani ka moku kaua hao Grosser Kurfurst, i kekahi mau hebedoma i hala aku nei, ma ka hookui ana no me kekahi moku Perusia no o lakou. Ua olelo ia, he 300 ka nui o kona mau luina a me na 'lii i piiholo pu me ua moku ala.

 

  PIHOLO KUPANAHA. --Aia ma kekahi wahi kauhale uuku e kokoke ana ma Deraguigenana i Farani, ua loheia ka halulu nui i kekahi la, me ka naueue kohu olai, a iloko o ka wa pokole loa, ua piholo aku la a nalowale loa kekahi wahi apana aina, nona ka nui he 10,000 a oi aku na kapuai kuea, a lilo aela ia wahi he moana wai, a he mau mea e ae no hoi keia haawina hookahi no ka haneri makahiki i hala makahiki i hala ma ia Okana aina no.

Nature.

 

  KUMAKENA WALOHIA. --Ma ka hora 8 o ke Kakahiaka Poakahi nei, July 22, 1878, ua lalau mai la na lima menemene ole o ka make ia James Keauiluna, a kaualupe aku la ia ia i ka aina malihini. Ua Hanau ia oia na Mr. J. Keawehawaii a me Mrs. Julia Keawehawaii ma Holualoa N Kona, i ka la 25 o Aug. 1877 nolaila he 11 mahina me na la keu ma keia ao, a kuu aku la kaluhi, a ua waiho iho i ka ukana kaumaha maluna o na makua a me na Kupuna he waimaka.

 

HOOLAHA A KA LUNAHOOPONOPONO WAIWAI.

UA hoonohoia ka mea nona ka inoa malalo i lunahooponopono no ka waiwai o Kaohia k o Hamakuapoko, Maui o make, nolaila, o na kanaka a pau a ka mea i aie i ua waiwai la, e hookaa koke mai, a o ka poe e paa nei ma ko lakou lima kekahi waiwai e pili ana ia waiwai, e waiho koke mai ma ka lima o ka mea nona ka inoa malalo nei, a o ka poe i kuleana iloko oia waiwai, e waiho mai iloko o na malama eono me ka hooiaioia, in a aole e pale mau ia.     F. HOOPILI.

870 4t  Lunahooponopono no ka waiwai o Kaohia i make.

 

UA kapu na kanaka a pau o kela a me keia ano, e hele ana a e lawe ana i na mea ulu o kuu aina kuai, e waiho la ma Kauhako, Kona Hema, Hawaii, o uku i ke dala hookahi; kapu na holoholona o kela a me keia ano, o auhau ia he hookahi dala.   POLI.

  Kauhako, Kona Hema, Hawaii, Iulai 29, 1878.      870 3t*

 

E IKE auanei na kanaka a pau, ke hoike aku nei au, o na waiwai a pau o Atin pake ma Halwa, oia hoi ka hale, pipi, lio a me ka aina kanu raiki a me na waiwai e ae a pau, ua lilo mai ia'u ma ka hoolimalima ana me Mr. William o Halawa.

(870 4t*)         AIAU (Pake.)

 

E ko Makawao,

E Naue! E Kipa!! A Ninau!!!

I KA

HALEKUAI HOU MAIKAI LOA O

C. H. KALEKIKA.

 

A e nana i na Lole Hou no lakou na kinohinohi nani i like me na Waihooluu o ke Anuenue ke nana aku ka anapa.

E na Makamaka o Makawao nei, e hele nui mai, i ike ia "Maemae ke kai ka Pua o Kahala."            870 4t

 

Hoikeike Kii Nani,

-- O NA--

MEA KUPANAHA LOA!

--: Ma :--

KAWAIAHAO.

-- Ma ka po o ka --

POAONO, AUGATE 3, 1878.

 

E wehe ia ana ma ka Luakini o Kawaiahao kekahi Hoikeike Kukui ano e.

He mau mea ku i ka hoonaauao a me ka hoohauoli pu kekahi.

 

Na Kii Waihooluu ano e,

Na Kii Hoohauoli,

Na Kii Kanaka Pohaku,

Na Kii o na Mea Kaulana ma ka Hoikeike Ceneteniela.

 

Iwaena o na hana oia po e ike ia ai ke

Kanaka Ai Iole,

Ka Oiwi Kanaka Lelele,

A ME KE

Alii Huhu o Tureke.

 

Me na mea hoakaaka e ae. E wehe ia ana na puke i ka hora 7. Hoomaka na hana hoikeike i ka hora 7 1/2.

 

Uku Komo.

 

Malalo, 50 Keneta; Na Kamalii, 25 Keneta; Maluna 25 Keneta.

(1t*)

 

 

OLELO HOOLAHA.

 

MA ke keena o ka Lunakanawai Kaapuni Apana2 o ko Hawaii Paeaina, ma ka waiwai o John Lewis Kanae no Mapulehu, Molokai i make. Ua heluheluia a ua waiho ia ka palapala noi a Charles Cockett, ka lunahooponopono o ka waiwai o John Lewis Kanae no Mapulehu, Molokai i make, e noi ana e hoapono ia kona moo-waiwai a e hookuu iaia mai ka oihana, a e hooholo ia ka waiwai i na hooilina. Nolaila, ke kauoha ia aku nei na kanaka a pau ke pili, o ka Poalua, oia ka la 20 o Augate 1878, ma ka hora 9 am, ma ka hale hookolokolo ma Pukoo, oi a ka la a me kahi i koho ia o ka hoolohe ana i ua nonoi la; a me na mea kue ke hoike ia.

ABR. FORNANDER,

Lunakanawai Kaapuni Apana 2 H P A.

Lahaina Iulai 26 1878.                        870 3t

 

E IKE auanei na kanaka a pau ke nana mai lakou i keia palapala, owau o Puahau k, no Kalapana, Puna, Hawaii. Mamuli o ka pilikia i loaa mai ia'u, oia hoi ua mai lohi au he makahiki okoa a oi ae, me ka loaa ole ia'u o kekahi mea e pono ai keia ola nawaliwali ana o'u; a o ka'u wahine mare aia no i Kona Akau kona wahi i noho ai, aole on a kokua ia'u e like me ke ano mau o ka noho ana o ke kane me ka wahine. Nolaila, ua kuai iho nei au he elua eka o kuu apana aina ia Kahaipo k, no keia wahi no, a ua lilo loa iaia. Eia ke kumu o ka lilo ana, ua haawi mai oia ma ko'u lina he iwakalua dala maikai, a o keia Kahaipo no ka mea nana e malama nei ia'u i ka ai ka ia a me ka hale e moe ai. A ke noi aku nei au i kuu wahine mare, e hookuu mai i kona hapa o keia mau eka elua, a on a eka he 70 a oi o ka aina i koe, malaila kona hapa. Me ka mahalo. (870 4t*) PUAHAU.

 

HOOLAHA A KA LUNAHOOPONOPONO WAIWAI.

KE hoolaha ia aku nei, o ka mea nona ka inoa malalo iho, ua hookohu pono ia i lunahooponopono no ka waiwai o Kekuanoni k o Honokuhau, Maui i make, e ka mea hanohano Ab. Fornander, lunakanawai kaapuni o ka apana elua o ko Hawaii Paeaina, nolaila, ke kauoha ia aku nei ka poe i aie ia ia, e hookaa koke mai, a me ka poe ana i aie aku ai, e hoike koke mai maloko o na malama eono mai keia la aku, ina aole e hana kekahi mea mawaena o ka manaea i oleloia, alaila, e hoole mau loa ia aku. SAMUEL KAMOAHAKAU.

Lahaina, Iulai 30, 1878.                      870 3t

 

 

EIA KA NANI!

NA NUHOU NANI MAIKAI LOA

Makena Lole Hou ma na Halekuai

--: 0 :--

C. H. KALEKIKA.

--MA--

Makawao, Haiku a me Hamakua i Maui.

E hele ae e ka lehulehu, a e wae no oukou iho, i ike i na nani a pau.  870 4t

 

E IKE auanei na kanaka a pau, ke hoike aku nei au, e haalele ana au ia Honolulu nei. Nolaila, ke haawi aku nei au i ko'u mau hoomaikai ana he nui i na kanaka a pau, no ko lakou lokomaikai piha ia'u a me ko'u ohana, oiai makou e noho ana iwaena o oukou. Owau no me ka oiaio.

870 1t*                                                            T. P. TISDALE.

 

AHA Kiekie o ko Hawaii Paeaina, Oahu, ss. Kau o Iulai 1878. Akaneki w ka mea hoopii no ke oki mare, kue ia B. Kalua k ka mea i hoopiiia, hoopii oki mare. Ma ka palapaa hoopii i oleloia maluna no ke oki mare, ano ua kauohaia o ka olelo hooholo e oki ana mai ka berita aku, e hookomoia ma ka moolelo o ka Aha, mamuli o ka aoao o Akaneki w, no ke kumu o ka moekolohe o B. Kalua k i oleloia, e lilo i mea paa mahope o na malama eono mai ka la i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopii e hoolaha i ke kope i hooiaioia o keia olelo kauoha ma ka Pacific Commercial Advertiser a me ke Kuokoa i keia a me keia o na hebedoma eono; o ka hoolaha mua ana iloko o ka malama hookahi mai ka la aku i hoopukaia ai keia olelo kauoha; i mea e hiki ai i na mea a pau i pili ke hoike mai iloko o na malama eono, in a he kumu ko lakou e hooko ole ia ai ia olelo hooholo a lilo i mea paa.

Na ka Aha:                                                     A. ROSE, Hope Kakauolelo.

 

  Hanaia i keia la 16 o Iulai, 1878.

  Honolulu, ss: Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena o ke Kakauolelo o ka Aha Kiekie.

  Hoike ia e ko'u lima ma Honolulu i keia la 23 o Iulai 1878.

869 6t A. ROSE, Hope Kakauolelo Aha Kiekie.

 

 

MA ke keena o ka Lunakanawai Kaapuni Apana 2 o ko Hawaii Paeaina. Ma ka waiwai o Hila w no Waihee, Maui, i make ma Kalawai, Molokai. Ua heluheluia a ua waihoia ka palapala noi a J. H. Napela, e noi ana e hooiaio ia ka palapala kauoha hope loa a Hila e no Waihee, Maui i make aku nei ma Kalawao, Molokai. Nolaila, ke kauoha ia aku nei na kanaka a pau ke pili, o ka Poalua oia ka la 20 o Augate 1878, ma ka hora 11 am, ma ka hale hookolokolo ma Pukoo, Molokai, oia ka la a me kahi i kohoia no ka hoolohe ana i ua nonoi la a me na mea kue ke hoikeia.

ABR. FORNANDER.

Lunakanawai Kaapuni Apana Elua.

Lahaina Iulai 20, 1878.                       869 3t

 

 

MA ke keena o ka Lunakanawai Kaapuni Apana 2 o ko Hawaii Paeaina. Ma ka waiwai o Kaapuiki k a me Kaahanui w no Halawa, Molokai i make kauoha ole. Ua heluheluia a ua waihoia ka palapala noi a Kahui k, e noi ana e hoonoho iaia i lunahooponopono o ka waiwai o Kaapuiki k a me Kaahanui w no Halawa, Molokai i make kauoha ole. Nolaila ke kauohaia aku nei na kanaka a pau ke pili, o ka Poalua oia ka la 20 o Augate 1878, ma ka hora 9 am ma ka hale hookolokolo ma Pukoo, Molokai, oia ka la a me kahi i koho ia no ka hoolohe ana i ua noi la a me na mea kue ke hoike ia.

ABR. FORNANDER,

Lunakanawai Kaapuni Apana Elua.

Lahaina Iulai 19, 1878.                       869 3t

 

 

PALAPALA HOOLILO I HOPE.

E IKE mai na kanaka a pau, ma keia ua hoonoho a ua hookohu aku nei au ia Bila Whitmarsh i lunahooponopono no kuu waiwai a pau e waiho nei ma Onouli, Kona Hema, Hawaii, oia ko'u hope oiaio a me ka pono ma ke kanawai, ma ko'u pono a ma ko'u inoa iho a ma ko'u wahi; iaia ka mana ma na mea a pau, ke hoopau ole ia e 'u, o na mea i olelo ia maluna ma ka pono a me ka oiaio. I hoike no keia, ke kakau nei au i kuu inoa malalo iho nei i keia la 20 o Iulai 1878.

KAHALOA w.

Onouli, Kona Hema, H., Iulai 20, 1878.

 

 

HOOLAHA A KA LUNAHOOPONOPONO WAIWAI.

OIAI ua hookohu mai o Kahaloa w o Onouli, Kona Hema Hawaii, o ko Hawaii Paeaina i ka mea nona ka inoa malalo nei i lunahooponopono waiwai a i hope nona, nolaila, o ka poe a pau i aie ia Kahaloa w, e hookaa koke mai, a me ka poe ana i aie aku ai, e hoike ia mai na koina oiaio iloko o na mahina eono mai keia la aku o hoole mau loa ia aku; in a he waiwai ma ka lima o kekahi mea e paa nei, e hoihoi mai ma kuu lima.               BILA WHITMARSH,

Onouli, Kona Hema, H., Iulai 20, 1878.                    869 4t*

 

HALEKUAI! HALEKUAI!!

-----

HAO KA MAKANI,

PAU NA MEA ALOHA!

--MA KA--

Halekuai Makepono Loa

--: 0 :--

L. AHLO.

--Aia ma ke--

ALANUI NUUANU,

Ma ka aoao Makai o ka pa o Moiwahine Kaleleonalani, no ka poe makemake i na mea hoohiluilu o na ano a pau.

----

KE kono ia aku nei na poe maikai a pau, e kipa mai ma ko'u halekuai nei, mamua o na hoohehelo ana i ko hai. E hoopiha mai ana au i na ano lole a pau me ke kumukuai haahaa loa, oiai au e noho ana ma keia aina, he makemake heahea, he oluolu mau ko'u ano , a pela no au e hookipa ai i ka poe e kipa mai ana; a e loaa no na kuka oluolu ana me oukou, e loaa no hoi i ka poe makemake palupalu ka anoi a loko, a pela na kane a me opio keikikane, e loaa no ka mea a ka naau e makemake ai; e laa na paa lole maikai ano hou loa, na ahinahina Pelekane, na Kamaa Buti, Kamaa Haahaa o kela a me keia ano, na Kalakoa hou loa o kela a me keia ano, na aila mahu maikai loa, na Ipukukui haahaa o ke kumukuai. Ke kono ia aku nei no hoi ka poe o ka ia hamau leo o Ewa, e kipa mua mai imua o'u, oiai ua mare ponoi au me ka oukou kamalei, a ua kani moopuna hoi au me oukou. E kipa mai, kipa nui mai, kipa mai a pau loa, i ike make ia Hao ka Makani pau na mea Aloha.                                        869 4t*

 

 

OLELO HOOLAHA.

 

AHA Kiekie o ko Hawaii Paeaina, Oahu, ss. @@@@@ Iulai 1878. Kahaawinele w ka mea hoopii no @@@@@@@ kue ia Keoniana ka mea i hoopiiia, hoo@@ oki mare @@@@@ palapala hoopii i oleloia maluna no ke oli mare, @@@@@ haia, o ka olelo hooholo e oki ana mai ka berita mar@@@@@@@ hookomoia ma ka moolelo o ka Aha, mamuli o ka @@@@ Kahaawinele e no ke kumu o ka haalele mau a hala @@@@ kahiki a oi o Keoniana k i oleloia, e lilo i mea paa @@@@ na malama eono mai ka la i hoopuka ia ai keia @@@@@ ke hanaia e like me na olelo maloko nei, ke ole @@@@@@@ kumu kupono e hoole ai. A ua kauohaia ka mea @@@@@ hoolaha i ke kope i hooiaioia o keia olelo kauoha ma ka @@@@ Commercial Advertiser a me ke Kuokoa i kela a me keia hebedoma eono; o ka hoolaha mua ana iloko o ka @@@@ hookahi mai ka la aku i hoopukaia ai keia olelo @@@@@ mea e hiki ai i na mea a pau i pili ke hoike mai @@@@@ malama eono, in a he kumu ko lakou e hooko ole ia @@@@@@ hooholo a liio i mea paa.

Na ka Aha:                              A. ROSA. Hope @@@@@@

Hanaia i keia la 15 o Iulai, 1878.

Honolulu, ss : Ke hoike aku nei au me ka oiaio, @@@ a pau maluna ae, oia no ke kope oiaio a pololei o ka @@@@ holo o ka hihia maluna ae, a e waiho nei ma ke @@@@ Kakauolelo o ka Aha Kiekie.

Hoike ia ma Honolulu i keia la 23 o Iulai 1878.

869 6t                                      A. ROSA, Hope Kakauolelo Aha K@@@@

 

AHA Kiekie o ko Hawaii Paeaina, ma ka hooponopono waiwai, mokupuni o Oahu, Hawaii Paeaina, ss. Ma ka waiwai o Keawekolohe k o Holualoa i make. Olelo kauoha koho ana i la e hooiaio ai ka palapala kauoha, a no ka hoolaha ana. No ka mea, ma ka la 24 o Iulai 1878, ua waihoia mai imua o ka Aha kekahi palapala, i olelo ia, oia no ke kauoha hope loa o Keawekolohe k i make aku la; a me ka palapala hoopii e noi ana e hooiaioia keia palapala kauoha kauoha a e hoopuka hoi ka palapala luna hooko ia H. L. Sheldon, ua waiho ia mai e H. L. Sheldon. Nolaila, ua kauohaia o ka P@@@@@ oia ka la 7 o Augate, 1878, ma ka hora 10 ma ka rumi hookolokolo o ia Aha, ma Honolulu, oia ka la a me ka hora e hooiaio ia ai ia palapala kauoha, a e hoolohe hoi no ia hoi ana @@@ a me ka poe a pau i pili, e kue ana ia palapala kauoha a me ka hoopuka ana i ka palapala luna hooko. A ua kauoha @@@@@ ia, e hoolaha no ia mea no na pule ekolu iloko o ke Kuokoa he nupepa i paiia a i hoolaha ia ma Honolulu. A ua kauoha hou ia, e hoopukaia na palapala kena no na hoike no ka palapala kauoha a me na hoilina o ka mea make, ma keia aupuni e hele mai e kue i keia palapala kauoha i ka wa i oleloia.

Kakauia ma Honolulu, ko Hawaii Paeaina, Iulai 24 1878.

                                                                        LAWRENCE McCULLY.

869 3t                                      Lunakanawai o ka Aha Kiekie.

 

AHA Kiekie o ko Hawaii Paeaina, Oahu, ss. K@@@ iULAI 1878. Kahele k ka mea hoopii no ke oki mare, k@@ia Kapa huume w ka mea i hoopiiia, hoopii oki mare. Ma ka palapala hoopii i oleloia maluna no ke oki mare, ano ua kauoha ia o ka olelo hooholo e oki ana mai ka berita mare aku, e hookomoia ma ka moolelo o ka Aha, mamuli o ka aoao o Kahele k no ke kumu o ka moekolohe a me ka haalele loa o Kapahuume w i oleloia, e lilo i mea paa mahope o na malama eono ma ka la i hoopuka ia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e ho@@le ai. A ua kauohaia ka mea hoopii e hoolaha i ke @@@ hooiaioia o keia olelo kauoha ma ka Pacific Commerical Advertiser a me ke Kuokoa i kela a me keia o na hebedoma @@@@; o ka hoolaha mua ana iloko o ka malama hookahi mai ka la aku i hoopukaia ai keia olelo kauoha ; i mea e hiki ai i na mea a pau i pili ke hoike mai iloko o na malama eono, in a he kumu ko lakou e hooko ole ia ai ia olelo hooholo a lilo i mea paa.        Na ka Aha :                                   A. ROSA, Hope Kakauolelo.

  Hanaia i keia la 15 o Iulai, 1878.

  Honolulu. ss : Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena ke Kakauolelo o ka Aha Kiekie.

  Hoikeia e ko'u lima ma Honolulu, i keia la 25 o Iulai 1878.

869 6t*                                    A. ROSA. Hope Kakauolelo Aha Kiekie.

 

 

$50 MAKANA $50

E UKU aku no au i ka makana i oleloia maluna, i ka mea a mau mea paha, nana e hoike mai i ke kanaka nana i pepehi kuu Bibi hana maikai o Kaopulolia, Kaneohe, Koolaupoko, ma ka la 20 iho nei o Iulai.   H. K. PALEKA

869 4t

 

O MAKOU o  na mea a pau nona na inoa malalo @ ua lilo ia makou ka aina mahiai mauka o Waiawa-uka ma ka apana o Ewa mokupuni o Oahu. Ke hai aku nei ka Hui i ko lakou manao, o ka poe mahi mua a mea kanu maluna o keia wahi, i komo ole ko lakou inoa ma keia Hui, he pono no ia lakou e uku i na $25 no ka makahiki hookahi, e like @@ me ko ka poe Hui uku, i haiia ma ko lakou hoolimalima ana in a i uku ole mai i keia uku i haiia maluna, e lawe koke ia 'ku na mea kanu ma kahi e, maloko o na la he 30 mai keia la aku in a hala keia mau la aole i laweia na mea kanu, aole @@@ uka ia kela uku i haiia maluna, e lilo na mea kanu na ka Hui o ka poe ae e mahi ma keia aina, e mahi no, me ke @@@@ me ka Hui mamua.

J. S. KAANAANA,                           KEAUKAHA

KAUUKU,                             MAUI

W. P. KAHEMA,                   KEKUAWAHAOLI.

W. KAUAHI (opio),              M. ALUALU w

Waiawa-uka, Ewa, I., Iulai 25, 1878.                                     869 4t

 

E IKE auanei na kanaka a pau, owau o ka mea nona ka inoa malalo iho, ke hookapu loa aku nei au no na @@@ kuai a me na kuleana e waiho la ma Papalele a me Kalepa, Hamakua, Hawaii, aole e hele wale na kanaka a pau o kela a me keia ano i kuleana ole, a me na lio, pipi, miula a pela aku aole e kii a lawe wale i na mea a pau o ua mau aina la o'u oiai no'u ponoi; he mana hiki ia'u ke hoopii a ke hopu i na mea i hoolahaia maluna, ke ike kuu hope oia o C. Keawe Kahoa, e hopuia e like me ke kanawai ke hookuli $5, a no na holoholona komohewa $@ o ke poo; e lilo keia i olelo paa ma kona la i puka ai. O ka poe makemake e hoolimalima, e hele mai lakou me a'u a e loaa no au ma Kikihale, Honolulu. Ma ka oiaio o keia, ke kau nei au i kuu inoa.

869 2t                                                  MRS. KAAHANUI.

 

AHA Kiekie o ko Hawaii Paeaina, Oahu ss. Kau o Iulai 1878. Kaaoao w ka mea hoopii no ke oki mare, kue ia Kalama k ka mea i hoopiiia, hoopii oki mare. Ma ka palapala hoopii i oleloia maluna no ke oki mare, ano ua kauohaia o ka olelo hooholo e oki ana mai ka berita mare aku, e hookomo ia ma ka moolelo o ka Aha, mamuli o ka aoao o Kaaoao w no ke kumu o ka moekolohe a haalele loa o Kalama k i oleloia, e lilo i mea paa mahope o na malama eono mai ka ka aku i hoopukaia ai keia olelo hooholo ke hanaia e like me na olelo maloko nei, ke ole nae i ike ia ke kumu kupono e hoole ai. A ua kauohaia ka mea hoopii e hoolaha i ke kope i hooiaioia keia olelo kauoha ma ka Pacific Commercial Advertiser a me ke Kuokoa i kela a me keia o na hebedoma eono; o ka hoolaha mua ana iloko o ka malama hookahi mai ka la aku i hoopuka ia ai keia olelo kauoha; i mea e hiki ai i na mea a pau i @@@ke hoike mai iloko o na malama eono, in a he kumu ko lakou hooko ole ia ai ia ole hooholo a lilo i mea paa.

            Na ka Aha:                  A. ROSA. Hope Kakauolelo.

  Hanaia i keia la 18 o Iulai 1878.

Honolulu ss : Ke hoike aku nei au me ka oiaio, o na olelo a pau maluna ae, oia no ke kope oiaio a pololei o ka olelo hooholo o ka hihia maluna ae, a e waiho nei ma ke Keena o ke Kakauolelo o ka Aha Kiekie.

  Hoike ia e ko'u lima ma Honolulu i keia la 18 o Iulai 1878.

868 6t*                                    A. ROSA, Hope Kakauolelo Aha Kiekie.

 

E IKE auanei na kanaka a pau, owau o ka mea nona ka inoa malalo iho, ke hookapu loa aku nei au i kuu aina kuai, a kuleana a me ka pa hale ma Koloahakai, e pili ana me Lauka, ma Hamakua, Hawaii, aole e hehiia e na kanaka o kela a me keia ano i kuleana ole, a me na holoholona lio, pipi, miula a pela aku, aole e kii wale i na mea o luna o kuu aina oiai no'u ponoi ia waiwai; he mana hiki ia'u ke hoopii a ke hopu i na mea i hoola ia maluna, e hopuia e like me ke kanawai $5, a no na holoholona komohewa $1 o ke poo; e lilo keia i olelo paa mai kona la i puka aku ai. Ma ka oiaio o keia, ke kau nei au i ko'u inoa.                                                         MRS. KEPIO.

  Koloahakai, Hamakua.                                             869 2t*

 

KUAI A KA ILAMUKU.

MA ka mana i loaa mai ia'u mai a Kepahoni mai ka mea kue ia Apana O Waikiki, i aponoia e ka Aha Hookolokolo o Honolulu no na koina he $136.99. Nolaila, e kuai akea aku ana au i na pono a me na pomaikai o Apana, oia hoi 1 halekuai, 1 hale moa e kokoke la i ke alanui o Waikiki-waena ke hiki aku i ka Poaono la 17 o Augate. Aia wale no ke koe o keia mau mea a uku ia mai.       W. C. PARKE, Ilamuku.

(868 4t)

 

O KA'U wahine mare ponoi, o Puhaihai Kaapana, ua h@@@ aku oia mai ko'u poli aku me ka haalele kumu ole mai ia'u, a me ko maua wahi moe, a aia kela i Manua kahi i h@@@lalao ai; nolaila, ke ao maopopo aku nei au ia oukou a pau loa e ka poe waiwai, mai hoaia mai oukou i ko oukou waiwai iaia, o poho oukou. Aole au e hookaa ana ia mau aie, a ke papa hou aku nei au i na mea a pau loa, aole e hookipa wale iaia me kuu ae ole, oiai, aole au i hemahema i ka malama iaia i ka ai a me ka ia a me na pono aahu e linohau ai. O ka mea hookuli, a lohe au a ike pono i ka mea a mau mea nana i hookipa wale iaia, alaila na ke kanawai e ao hope i ka mea hookuli a lohe ole.                                                    Y. N. KAAPANA.

 Kiloakaa, Kau, Hawaii, Iulai 1, 1878.                       868 tf

 

KE papa ia aku nei na mea a pau, na haole, pake a me na kanaka Hawaii, aole e hoaie mai ka'u wahine mare oia o Kekua (Maria) Brown, no ka mea, ua hoopaiia oia ma ke kanawai no ka hihia moekolohe, nolaila, aole au e uku ana i kona mau aie a pau.                             ROBERT BROWN.

  Kaneohe, Iulai 18, 1878.                                          868 t@

 

ALFRED S. HARTWELL,

[HAKAWELA.]

LOIO a he KOKUA ma ke KANAWAI!

AIA kona Keena Oihana maluna ae o ka Hale Baneko Hou o Bihopa ma.  867 tf

 

PAPA KUHIKUHI MANAWA HOLO

--O KA--

MOKUAHI HAWAII

LIKELIKE!

KAPENA, : : : : SHEPHERD.

Poalua, Aug 6, hora 5 pm…………….Kaapuni ia Hawaii

Poalua Aug 13, hora 5pm……….…………………..Hilo

Poakahi Aug. 19, hora 5pm…………….……..Kawaihae

Poalima Aug. 23, hora 5pm…………………….Nawiliwili

Poakahi Aug 26, hora 5pm…………….Kaapuni ia Hawaii

 

  No ke ake nei e hoopomaikaiia ka lehulehu kaawale, ua hoololi ae nei na one Likelike i ka Papa Hoike Manwa o ia Mokuahi e like me maluna.

AOLE AIE NO NA UKU OHUA?

Ma ka Hale Oihana e loaa'i na Palapala.

 

Aole keena o hope e lilo ala wale no a kaa mua mai ka uku moku. Aole e ili ka hewa no na paiki, ukana a puolo paha ke ole e kakauia ka loaa ana mai. E hookaaia ka uku ukana i ka wa e noiia aku ai.

WILDER & CO.