Ka Nupepa Kuokoa, Volume XVII, Number 35, 31 August 1878 — Page 4
| This text was transcribed by: | Anuhea Suzuki |
| This work is dedicated to: | Fred Villanueva |
KA NUPEPA
Kuokoa me ke Ao Okoa
I HUILA.
No a Makahiki 52 @ono Mahina. @1
I@la Kai@a ka Rula.
AUGATE 31, 1878.
HOOLAHA EUANELIO.
E haia nei ana ka Ahahui Euanelio o Hawaii Hikina ma ka Poalua elua o Sept. 1878. Hora 1 p.m. Ke koao ia aku nei na kahu a me na ei@ e eleu ae. Ma ke kauoha.
J. N. KAMOKU.
Kekauole o Puula, Puna, Iulai 29, 1878
S71 5t.
Away with our Sorrow,
(Portland)
Colonial Singer, No. 125.
1
E pau na luuluu o ke ao;
Kokoke ka home mao.
Kauhale aulii kamahao.
Ka home hoomaha mau no.
E pau no ka home oonei,
Ka home paa oie a u,
A loaa ka home maikai,
Ka home mao me Iesu.
2
E pau no koonei kanikau
Ke hiki io iluna’e..
I kahi kuono a mau,
Kauhale maemae nani e.
Aohe he leo haalou,
Aohe he ao pouli e,
Aohe he mea makau,
Aohe he mea wahahee.
3
Kauhale alii makamae.
Kokoke hoea mai no.
O @o na paia aiai,
A nani na hale apau.
Ua malu na hoahanau,
Ua pau no na mea kue.
A komo aku la kakou,
E noho a malu pu ae.
HAWAII.
Haawina Kula Sabati.
HELU 11 SABATI SEPT. 15, 1878.
KUMUHANA:
Ka hooikaika ana ma ka pule. Pauku Babala. Luka 11; 5-13.
5 Olelo mai la hoi oia ia lakou, Ina he makamaka ko kekahi o oukou a hele aku hoi ia io na la i ke aumoe, E ka makamaka, Eo mai hoi na’u i okolu popo berena:
6 No ka mea o kekahi hoaaloha o’u i kona hele ana ua kipa mai ia’u, aole hoi a’u mea e waiho aku ai imua ona.
7 A i olelo mai ua mea la oloko, Mai hooluhi mai oe ia’u; ua paa ka puka; eia au me ka’o mau keiki ma kahi moe: aole e @ ia’u ka aia’e iluna e haawi aku ia oe.
8 Ke olelo aku nei au ia oukou, aole paha @ a e haawi nana no kona hoaaloha @ aka, no kona noi pinepine ana, e ala no @ a e haawi ia ia i kaua mau mea ia makemake ai.
9 K@ aku nei hoi au ia oukou, E noi, a @ ia oukou; e imi a e loaa ia oukou; e @ koke a e wehe ia ia oukou.
10 No ka mea, o ka mea i noi, ua haawiina no ia ia; a o ka mea i imi, ua loaa no ia ia; a o ka mea kikeke, e weheia no ia ia.
11 A owai la ka makuakane iwaena o oukou nana e haawi aku i ka pohaku i kana keiki ke noi mai ia i berena ?@ i wahi ia, e haawi anei oia i ka nahesa nana, nole ka ia?
12 A i noi mai oia i hua manu, e haawi aku anei oia i ka moohueloawa nana?
13 No ia hoi, ma oukou ka poe hewa i makaukau i ka haawi aku i na makana maiLai i ka oukou poe keiki : aole i nei e oi nui aku ko ka Makua ma ka lani haawi ana mai i ka Uhane Hemolele i ka poe e noi aku ia ia.
Pauku Gula. ‘He pono ke pule mau, aole e hoonawaliwali.’ Luka 18; 1.
Manao nui. Ma ke noi pinepine ana e loaa’i.
Mele “ A wehe ke alaula.” Leo Hoomana 21.
Pule i hoomauia ka pule ana
Ka @@ me ka Ninau ana.
Ma ka pauku 1 o keia mokuna, ua pule Iesu, a oki noi iho la kekahi haumana ia ia, e ao mai ia lakou i ka pule, me Ioane i ao ai i kana poe haumana; me he la, aole i ike @ haumana a Iesu i ka pule. Ua ike no nae, no ka mea, he poe haumana lakou mamua na Ioane Bape@i@e, a ua ao ka oia ia lakou i ka pule. Ua lohe hoi lakou i ka ple ana a Iesu. Ua akaka kekahi mau hua pule me kekahi ano o ka pule. Aka, makemake lakou e ike i ke ano pule kupono malalo ae o Iesu ke kumu hou. Ua akaka ke ano o ka pule malalo ae o Ioane. Heaha ke ano o ka pule malalo ae o Iesu? Ma na p, 2, 3, 4, ua haawi mai Iesu i kekahi mau hua pule. Aia nae ka pau o ka Iesu pule ma Mat. 6; 9-13. Ua paanaau ia i ka nui o oukou. He kahua pule wale uo ia. Maluna olaila e kukulu ai kakou i ka kakou mau pule. Me ia e hoohalike ai ke pule a haomahuahua aku. Aole nae ma ia pule ka pau ana o ke ano pule malalo ae o Iesu. Aole oia ka manawa e haawi ai i ke koena. Aia a make Iesu, a ala hou, a hoi aku i ka lani, a lilo i mea uwao no kakou ma ka lima akau o ka Makua, alaila e loaa ia koena o ka pule, oia hoi ka pule ana ma ka inoa o Iesu. Me keia, e ko makou makua ma ka lani, e kala mai oe i ko makou mau hewa ma o Iesu la, ma kona koko&@. Nana a heluhelu mai. Io. 16; 23, 24.
P. 5. Ina heaha ko kekahi? a hee oia i ona a i ka wa hea? E noi aku i aha?
P 6. No ke aha ia noi ana ma ke aumoe? Owai kai puka ma kona hale? A ua nele oia i ke aha?
P 7. A mea mai ka makamaka pehea? Mai hooluhi ia ia no ke aha? Owai pu me ia e moe ana? No ke aha ka hiki ole e ala e kokua? Ua paa anoi i ke kaulahao? No ke kino, no ka naau anei ka hiki ole?
P 8. Ua ala nae oia mahope, a haawi no i na popo berena, ekolu a oi aku paha. No ke aha? wahi a Iesu. Owai kai hana pela mahope? Loka 18; 2-5.
P 9, 10. Ehia kauoha? Noi imi, kikeke, ma ke aha ka like ole oia mau mea ekolu? owai kai oi? o ke kikeke paha, me he mea aneane wawahi i ka puaa o ka hale ke noi, a imi a loaa ole mai. Loaa anei ke noi, imi, kikeke? Pela like anei ma Mat 7; 7, 8?
P. 10, 11, 12. Ehia a Iesu ninau ana? Pela like anei ma Mat. 7; 9, 10? Heluhelu.
P. 13. Na makua hewa, he poe hewa na makua a pau ke hoohalikeia me ke Akua ka makua nui a hemolele loa ua hui pu ka poe hewa me ka poe pono ma keia poe hewa, e haawi aku ana. Peha keia poe hewa? ua makaukau e aha? Ina hoolohe na makua o keia ao, a haawi i na mea a na keiki i noi ai, pehea ka Makua maka lani, hoole anei ke noi aku kakou i ka Uhane
Hemolele? Heluhelu Mat. 7;11. Pili ke noi ana malaila i ke aha?
Male Him. 183, “E ka Uhane Hemolele” p1, 2.
Ninau hoi hope. E aha ana Iesu a kekahi manaw? A oki kana pule, heaha ke noi ana a kekahi haumana?
Aole anei i ike na haumana a Iesu i ka pule mamua? Heaha ke ano o ia noi ana? Pehea hoi ke Iesu pane ana? Mahea i ka kauiai ka Iesu pule a pau/ Ua paanaau anei ia pule ia oukou? Ku iluna a hoopuka like mai i akaka. Paa ole ka i kekahi hapa. E hoopaa ea.
Ma ke aha ka hemahema oia pule mahope iho? No ke aha ka hookomo ole ia ia mau hua ia wa? Pehea ka Iesu olelo ma Io. 16;23;24? Pehea ka poe pule ole ma ka inoa o Iesu? Pela anei kekahi ekalesia? Ae, pela Unitariana, ka poe hoole, aole like Iesu me ke Akua ka Makua. He poe Anekarito lakou. Pule nae lakou i ke Akua; a pehea? aole anei i loaa kekahi mau mea? Loaa paha na mea e pili ana i ke kino, ke ola kino; aka, o ke ola uhane, aole akaka, e loaa ana ia.
Ka olelo nane a Iesu no ke noi i ka makamaka ma ke aumoe, ma ke aha kona pili ana i ko kakou noi ana i ke Akua ka makamaka nui? Ehia a Iesu mau kauoha ma ke ano noi? Ke noi hea ka i pili i ke noi ikaika?
Ma ke aha e loaa’i ia kakou na mea a kakou e noi aku nei? Make aha i hookoia’ai ke noi ana a ka wahine-kane make ma Luka 18;2-5? Pehea ia i pili ai ia kakou? Heaha ka makana nui a kakou e noi aku ai? Hai mai i ke noi ana a Aberahama no Sodoma ma? Heaha ka hemahema o kona noi ana?
Hai mai 1 Tes. 5;17. Luka, 18;1. 11;13.
Mele Hi. 598. “E ke ‘Lii mana mau,” p. 1, 2, 3.
Pule i loaa mai na pono kino, na pono uhane.
Haawina no Sept. 22, Luka 12;13—23.
NO NA KULA SABATI.
HELU 2.
KA AHA KULA SABATI NO NA AINA E.
Ma Amerika Hui keia aha, ua kukulu ia ma ka mak. 1863, kana hana ke kukulu ana i na kula Sabati, na kula Baibala ma na aina e. Imi no keia aha i ka poe kupono e lilo i mau kumu no ka oihana kula Sabati ma na aina e. Ma ka palapala ana a ninau ana i ka poe i ike ma na aina e, i na Kahunapule. i na makamaka malaila i maopopo ai ia poe kupono. Ai ae lakou e lawelawe ia oihana, alailo, hoouna aku keia aha i puu dala i mea kuai i na buke, i na pepa, i na palapala aina, a pela aku, i mea e holo ai na hana Kula Sabati ma na aina e.
Nui na kula Sabati i kukulu ia, o keia aha ma Sepania, ma Potugals, Italia, Geremania, Hunegari, Iasani, Rusia, Amerika Hema, Mesico, Kina, a ma Iapana. Palapala pinepine mai ia mau kula Sabati i na komite o keia aha ma Amerika Hui no ka mahuahua loa o na palapala, ua koho ia i 30 kakauleta i ike i kela i keia olelo i ao ia ma ia mau kula Sabati, hui pu keia mau kakauleta i kela pule i keia pule, e kuka. e hooholo a e pane aku i na leta he nui wale i loaa mai. Ua mahele ia keia poe kakauleta he 30 i mau komite e like me ka nui o na olelo e, he komite ko Sepania e pane aku i na kula Sabati Sepania, he komite Italia e pane aku ai i na kula Sabati ma Italia, a pela aku. Nui loa ka hana a keia mau komite. A eia ka mea i kupono i ka mahalo piha, he poe wahine keia mau kakauleta he 30 a pau, aole he kane hookahi, ua piha lakou i ke aloha i ko na aina e, hana lakou no ke aloha, aole lakou i uku ia, aole makemake lakou e uku ia. Na ka Haku no lakou e uku ma kalani. Ma ka hoomaka ana o keia aha e kukulu i na kula Sabati ma na aina e, nui ke kue ana, nui na mea alai, kue na kahunapule na kahu ekalesia, o ka aoao Lutera, a me ka aoaoa Katolika, kue na makua, makau i ka hoouna ana i na keiki i ke kula Sabati, aka, ma ko ke Akua kokua ana, ua holo pono ka hana, ua lanakila.
Nui no na kula Sabati i kukulu ia, nui na haumana ma Sepania, ma Potugala, ma Italia, ma Farani, ma Geremania, ma Kina, a me Iapana. He mau aha kula Sabati ko lakou, he mau aha lala no ka aha makua ma Amerika Hui, nui ka hua pono o keia aha. nei ka poe i ao ia ma ka Baibala, ma ka himeni, nui ka naauao. nui ka makemake, nui ka poe huli ma ka pono.
(Aole i pau)
LULU DALA O KA EKALESIA O WAIluku no ka Halepale o na Lepera.
E KA NUPEPA KUOKOA E; Aloha oe: --
E oluolu hoi oe e hookomo iho ma kahi kaawale o ka “Nupepa Kuokoa,” i keia mau wahi hunahuna mea hou o ki malu Hekuawa.
Ma ka Ahahui Lunakahiko o na mokupuni o Maui ma Wailuku, ma ka malama o Mei, i hala iho nei. Ua hooholo keia aha e kokua aloha aku keia mau ekalesia i dala e kukulu ai i hale pule no na mai lepera ma Kalawao, a ma ia hooholo ana ua loaa i ka ekalesia o Wailuku ko lakou haawina he $15, ko lakou haawina, a ma ka la Sabati iho nei, la 4 o Augate, ua hana lakou ia haawina mamuli o ka eleu o ke kahu oia ekalesia e like me kona ano mau. Eia iho na inoa o ka poe kokua no keia hana, a me ko lakou mau haawina. S. W. O. Lale 5 data, W. P. Kahale 1, N. P. Nuuhiwa 1, Papu 1, Mrs. Kapehe 1, Napela 1, Laeloa 1.50, Ai(pake) 2, Puu 50 keneta, Mrs. Napahuloloa 1, Mrs. Hainakolo Haole 2, Malailua 1, Miss. Apigaila Minamina 50 keneta, Miss. Lahela Haole 50 keneta, Miss Koleka Haole 50 keneta, James Minamina 1. Hoomanawanui 1, Keawe .50, J. Haole 2, Hoano 1, Kanihoi 50 keneta, Puaole 1, George Nakookoo 1, Alena Kaimu 50 keneta, Mrs. Kahikoku 1, Mrs. Rut@ Kahale 50 keneta, Akanaliilii (pake) 1, Mrs. Hana Akanaliilii 1, Mrs. Aiai 25 keneta, Mrs. Kaniho 25 keneta, Mrs. Naa 25 keneta, Miss. Hakaleleponi 25 keneta, Mrs. Kalua Napue 25 keneta, Alelani 25 keneta, Mrs. Kalama Kapoohiwi 50 keneta, Mahelona .50. Huina o na dala a pau, he $34.00.
Ua oi aku keia lulu ana mamua o ka haawina, aka, no ka oi aku o ka makemake e kokua, no na hana pono, nolaila, ua pakeu pali aku la.
Nolaila, pehea la na poe aole i komo pu iloko o keia haawina, e ae mai ana anei lakou, e kokua pu mai ma keia hana hookahi, oia hoi keia, e uwe aku me ka poe e uwe pu ana, aka, aole paha i pili keia ninau i ka poe i hookomo mua i ko lakou lima e lawelawe i keia hana, nolaila, e ou poe hoa i noho pu ai iloko o ke kula o Lahainaluna, heaha ka kakou e kokua ai i ka poe pilikia ma Kalawao? e noho anei kakou e nana maka, aole anei, kakou e pono ke kokua, i kekahi mau dala i ola pono ai ko lakou noho ana, he okoa ka ke Aupuni kokua, he okoa hoi ka kakou kokua, ke manao nei au, he mau tausani elua o na Lahainaluna a ke Akua i hoopomaikai ai, a ina e pakahi na dala, ua like ia me $2,000,00, aole anei kakou e pone ke hana pela, ke manao nei a’u e pono kakou a pau ke hana, mai kali. E aloha no.
J. HAOLE.
Kakauolelo Ekalesia o Wailuku.
Wailuku Augate 10, 1878.
No ka Make.
O ka make he Anela weliweli loa ia no ke kanaka malama ole i ke Akua; no ka mea ua newa aku kona mau makahiki iloko o ka hewa. Ua hiki mai oia i ka pahu hopu nihinihi loa o keia ola ana, ke komo mai nei ka make iloko ana me he aihue la. a kipaku aku i kona uhane e hele kohana aku. Nani ka minamina i ka pono o ka Haku i hoowahawahaia i ka manawa lealea? Auhea la ka pilikia kupilikii @oi aku e like me ka make ana iloko o ka enemi i ke Akua? Ia minute no pau kona lealea, a haule iho la kona uhane mai na lima aku o ke Akua ola iloko o ka poino mau o ka po! Makau weliweli ke hoomanao ae!
E hana kakou i keia manawa, i na mea e oluolu ai ka manao i ka la o ka make ana. He pokole keia manawa, he mahu ke ola, mai hoomaunauna kakou ia ia i ka palaka. Ke holokiki mai nei ka make me ka menemene ole, a oki pahupu ae i ko kakou ola, e makau kakou ia ia. no ka mea, i ka hora i mamo ole ia, hana mai kela me ka lima ikaika loa, a lilo koke ke kino i kupapau. E kaialupe ia aku no ka uhane no kela ao. Na ke Akua wale no na minute apau o ko kakou ola ana. Aia ma ka lalani oia mau minute na waiwai uhane he nui loa, a hiki no ia kakou ke ohi mau malaila, a piha loa ko kakou uhane i ka pono o ke Akua, i makaukau kakou i ka la e hiki mai ai ka make. Ke hooloihi mai nei keia la i ko kakou ola, a ke hoopokole like no hoi i ke ola koe! A mahope ku koke oe i ka pali nihinihi loa o keia ola ana.
Pehea kou hoomanao ana ia na mea popopo wale, a me na lealea o keia ola ana, i ka la e koi mai ai ka make ia oe e haalele loa i keia ao? I ka manawa ola kuhi ke kanaka he pomaikai io malaila, aole ka! Hiki mai ka make pau ke kuhihewa, akaka elike me ka moana aniani ka wahahee o ka hewa, a me ka mae wale o na mea o ke ao nei. Aole kupono na mea mae wale o ke ao nei i ka uhane o ke kanaka. Aole loaa ma na mea lepo o ke ao nei ka io o ka uhane. o ko Iesu pono oia ka io o ka uhane. E kupaa kakou mamuli o ko Iesu pono, i makaukau kakou no ka la e lalau mai ai ka make, a komo aku ka uhane ma ka home lani.
P. KEAUPUNI.
Makawao Augate 6, 1878.
Hooulu Lahui.
Ma ka Helu 26, o ka 29 o Iune, ua ike au i na manao o J. L. K. Kealakuhilima, no ka hooko pono ia o na mea e pili ana i ka olelo makia a ka Moi he “hooulu lahui,” a ka Moiwahine i hooko iho nei mamuli o kona kaapuni ana iho nei i na mokupuni.
Aka, ma ka apana o Lanai, aole au i ike i ka hooko pono ia, o na luna a ka Moiwahine i koho ai, aole lakou ma keia apena, ua hele i Honolulu.
A no ka manao no paha kekahi o kanaka o Lanai nei, o Kipikona ao ko lakou alii, no ka mea, o ko lakou noho aina ana, aia wale no malalo o Kipikona.
L. ANA@U KAUHI.
Palawai, Lanai, Iulai 31, 1878.
KA
LIO KEOKEO
O KA
WAOAKUA!
KE KANAKA OPIO PUUWAI WIWOOLE,
KE PUKONAKONA O KONA MAU
LA, A O KA OI HOPO OLE
O KONA MAU ENEMI.
MOKUNA I ---- HELU 1.
E na hoa kuili o na moolelo o ko kakou Nupepa ke Kuokoa, ke hoomaka ae la au e kakau i keia mau olelo maikai, i mea e nanea iho ai e na hoa, o keia mau olelo e ike iho oukou i ka maikai mai ka mua a hiki i ka hopena, a me ka lilo io no o keia kanaka opio i ka oi hopohopo ole o kona mau enemi. Owau no me ke aloha. G. L. K.
MA KA mahina o Nov. 1824 ua kuu ka heleuma o kekahi moku ma ke awa ku moku o Valaparaiso, ma Kile ma Amerika Hema, he kuna manuwa keia o kona inoa o ke Sana Mele.
O keia moku no Kile no, eha mau pukuniahi maluna o kona oneki, a o ka inoa o ke kapena o ua moku la o Keoni Pedro, he kanaka ua makaukau ma ka holo moana, aka o kona hewa nui he huna i na kanaka malalo o kona malu.
I kekahi mau mahina mamua o ka homaka ana i keia moolelo ua kepa ia kekahi haole Amerika maluna o keia moku o Kelekona kona inoa.
Ua kepa ia keia haole i kupakako na ke Kapena, ma Sana Carlos kona wahi i kepa ia ai, a ua noho o Kelekona i mahele olelo no ua Pedro nei, oiai aole i ike ua Pedro nei i ka olelo Amerika, aka o Kelekona ua noho no ia he mau makahiki ma Kile a ua makaukau ma ka lakou olelo.
Kekahi la oiai e ku ana ka moku ma Valaparaiso, pii aku la kekahi haole Amerika maluna o ka moku, he haole kalepa keia o Henele Kamaki, (Henry Thomas) ka inoa o ua haole nei mahope iho o kona kau ana maluna o ka moku ike aku la nae ia i ka hahau ana o Keoni Pedro i kekahi o kona poe sela no ka li pono ole ana i ke kaula o ka moku.
Nolaila olelo aku la ua haole kalepa nei no ka hana ino o ke Kapena i kona poe sela.
A no ka lohe pono ole o Pedro i na olelo a ka haole kalepa nolaila, kahea i kona kupakako e hele mai a e mahele pono i na olelo a ka haole i lohe pono ke Kapena.
Nolaila olelo aku la o Kelekona i ka haole kalepa, e hai pololei mai oe i na huaolelo au i olelo ae nei i ke Kapena.
Olelo ka haole ia Kelekona ua olelo iho nei au i ka hana ino o ko oukou Kapena o ka moku i na sela malalo iho ona.
Huli ae la ua Kelekona nei a haiaku la i ke Kapena i na olelo a ka haole kalepa.
A lohe ae la o Pedro pii ae la kona huhu a owaka ae la kona mau onohi maka me he uila la a lalau iho la i ke kumu o kana pahi kaua.
I ae la ke Kapena ia Kelekona, e olelo ae i kela haole e haalele koke iho oia i kuu moku. pela o Pedro i olelo aku ai me ka leo nui kalakala, olelo aku oe ina aohe ia e haalele koke iho i kuu moku alaila kiola aku au iaia iloko o ke kai.
Nolaila olelo aku la o Kelekona i ka haole kalepa, ke i nei ke Kapena e haalele koke iho i kona moku.
Ninau ae la ke Kapena ia Kelekona, ua hai aku nei oe ina olelo a pau loa au i hai aku nei ia oe.
Aole! aole no au i olelo aku iaia e kiola ana oe iaia iloko o ke kai. no ka mea aohe no ou kuleana ma ia olelo ana.
I ae la ke Kapena, heaha la kou mea aole hoolohe i ka’u mau olelo ia oe a pau loa, ua like kau hana me ka pepehi kanaka.
I ae la o Kelekona ia Pedro aole no au i kepa maluna o keia moku i mea kiola i ke kanaka elemakule maikai iloko o ke kai.
Iloko o keia mau hana a ke Kapena a me Kelekona ua iho aku la o Henere Tamaki mai luna aku o ka moku a hoi aku la i uka o ka aina.
A nolaila ke hoole nei oe i kela mau olelo au i kamailio iho nei ia oe, wahi a ke Kapena ia kelekona.
Ae! wahi a Kelekona ke hoole nei no au.
Ia manawa huki ae la o Pedro i kana pahi kaua a hoopili i ka oi o ka pahi ma ka umauma o kana kupakako.
Aole o’u makemake i kekahi kanaka maluna o ko’u moku e hoole i ka’u mau kauoha a pau, wahi a Pedro, ina oe e hana hou e like me keia make oe ia’u aohe ola.
Nana pono aku la o Kelekona ia Pedro ma ke ano makau ole, me ka olelo nae aole no a’u e hoole hou ana i kau mau kauoha a pau.
Olelo ae la nae o Pedro aole pau keia hana mawaena o kaua mahope au e ki aku ia oe i ka pu.
A no ia mau hua olelo a Pedro ua manao o Kelekona he oiaio e hana ana o Pedro e like me ia.
Olelo aku la o Pedro ia Kelekona e hoi aku oe iloko ma kou rumi.
Iho iho la ke kupakako ilalo iloko o kona rumi, a i kona hiki ana i laila, lohe keia i ka uina o na pu elua.
Hoomaopopo keia ua hoonoho ia i mau koa e kiai i ka puka o kona rumi.
(Aole i pau.)
RICHARD F. BICKERTON.
[PEKETONA]
LOIO a he KOKUA ma ke KANAWAI!
E HELE ANA OIA IMUA O NA AHAHOOKOLOKOLO a pau o keia Aupuni ma @a ino @ a pau. @a paha ma Oahu nei, a @a @ Mokupuni e ae.
Ua makaukau mau oia i ka hana ana i @a Palapala pili kanawai o k@ a me @ @.
Ua hiki no hoi iaia k@ k@ie @ aku ma ka moraki ana ina aina, ma ka ukapanee kaahaa @a.
E kana@ @ loaa me ia hikiw@ a @a ka uka haahaa.
Keena @ @ @ a@ Kahepa, ehia puka ma e aka o ka hale koaka o Kaeke Minu@ole. S40 1y
A. McWAYNE,
HALE KUAI LAAU LAPAAU. A ME NA WAIALA e ua ano a pau. me na SOPA ALA o na ano he nei pau. Ma ke kihi o Aianai Papa me Kalepa. @40 15
WM. O. SMITH,
LOIO.
WAILUKU, MAUI.
Ua waiho oia i na Oihana Aupuni a pau a ua makaukau e lawelawe i ka Oihana.
Loio me ke kuokoa. S40 6m
E. O. HALL & SON.
(E. O. HOLO MA.)
NA MEA KUAI I NA MEA MAHIAI,
Na Lole, Na Pena, Na Aila, a me
Na ano Lako e ae a pau he lehulehu wale.
846 Kihi o Alanui Papu me Moi. 1y
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
E LAA NA
Ahinahina, Kalakoa,
Keokeo, Leponalo,
Pena, Aila, Aniani,
NA MEA PIULA!
KOPA, AILA HONUA,
AILA HOOMALOO
Kui Kakia, Pakeke,
Tabu, Kaula, Noho Lio,
Hulu Palaki, na Pulumi.
A HE
AGENA NO HOI NO NA MOKUPUNI O HAWAII NEI NO NA
Lainakini nao,
Lainakini Maoli,
Palule Kalakoa,
Alapia, Kelepa, Kilika,
Na lole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipini, Lihilihi, & e.
LIPINE, LIHILIHI, & e.
A ME NA
Mikini Humuhumu MakeponoLoa!
A HE
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &e.
A he Laau Lapaau Kaulana Loa
A DR. JAYNES.
Laau Kunu,
Laau Hoomaemae Koko,
Laau Hoopau Naio,
Penikila, Huaale,
A ME NA LAAU HAMO, A PELA’KU!
S27 3m S39
PAPA! PAPA!
NO
ALLEN & ROBINSON
UA WEHE AE NEI MAUA I
PA KUAI PAPA
MA
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa Molina.
Na Pena a me na Aila Pena!
NA KUI O NA ANO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE.
NA LAKO KUKULU HALE
O NA ANO A PAU!
E KUAHA MA KE
KE KUMUKUAI HAAHAA LOA
O keia Makeke.
ALLEN & ROBINSON
Honolulu, Ian 1, 1878 S10 3m
PAPA, PAPA
AIA MA KAHI O
LEWERS & DICKSON!
(O LUI MA.)
MA KE KAHUA KAHIKO MA
Alanui Papu a me Moi!
E LOAA AI NA
Papa Nouaiki!
o kela a me keia ano.
Na Papa Nani a Paa no ke Kukulu ana i na Hale!
Na Pani Puka, Na puka Aniani,
Na Olepelepe, Na pou. Na O@a.
Na Papa Hele. Na Papa Ku.
A me na Papa Moe nui loa.
NA PILI O KA HALE
O NA ANO A PAU.
Na Pepa Hoonani, Na Pena o na Wai a pau.
Na Kui mai ke Nui a ka Makalii.
Na Ami Puka, Na Ami Puka Aniani.
Na Ami o na ano a pau.
Na Aila Pena, o kela me keia ano.
Na Aila Hoomaloo, he lehulehu wale.
Na Aila e ae o na ano a pau.
NA WAI VANIKI
A ME NA
WAI HOOHINUHINU NANI;
o na ano a pau loa.
NA BALAKI ANO NUI WALE!
A ke hai ia aku nei ka lono i na makamaka a
pau, ua makaukau keia mau makamaka
o oukou e hoolawa aku ma
na mea a pau e pili ana
ma ka laua oihana
NO KA
UKU HAAHAA LOA!
E like me ka mea e holo ana mawaena o
LAUA a me ka MEA KUAI.
E hele mai! E na Makamaka!!
A e lawa no hoi ko oukou makemake
me ka oluolu a me ka maikai!
845 tf
KOPA KUKAPELE
A
GLENN!
AOLE LUA NO KA HOOMAEMAE I KA ILI!
He mea hoopau i na eha,
Na Ili Puupuu,
A he hoomaemae i na mea ino,
A he hoopau Lomatika,
A he kopa auau no hoi
O keia Kopa ka oi aku o ka mea maikai
I waihoia mai imua o kanaka.
Aole wale no ka Hoopau ana i ka Huehue
Ili Poha, Wela la, Luluaina, a me na mea e ae o ka Ili;
A ma ia holoi ana, o ka hoopalupalu pu kekahi i ka Ili, a keia
Laau Hoomaemae lua ole e hana ai.
O ka hoemi ana iho i na mai o ka Ili, a o ke pale aku i ka mai mai na lole e na Mai Lele, oia kekahi. O na ohana a me na poe makaikai, ina e hoolako lakou i kela
KOPA HOOMAEMAE LUAOLE!
ALAILA, UA LAAKILA LAKOU.
He hoopau i ka lehu o ke poo,
A he Kopa no hoi e kaohi mai ai
I ka lauioho mai ka hina ana.
Ua hooia nui mai na Kauka no ka maikai e keia Kopa!
E loaa no ma kahi o M. McINERNY.
Kihi o na Alanui Papa me Kalepa