Ka Nupepa Kuokoa, Volume XVIII, Number 12, 22 March 1879 — Page 4
KA NUPEPA
Kuokoa me ke Au Okoa
I HUIIA.
No ka Makahiki, $2. Eono Mahina, $1. Dala Kuike ka Rula.
MA RAK1 22, 1879.
Hoolaha.
Mar. 15 1879.
Ke kauoha ia aku nei na hoa a me na lala o ka Ahahui o ka Mokupuni o Kauai. O ka Poakolu elua o Ape rila, A. D. 1879, oia ka manawa e noho ai ia Ahahui, ma Koloa, Kauai, nolaila, e makaala na hoa a pau mamua ae o ka manawa i hoolaha ia.
902 3t. R. PUUKI
Hoolaha Euanelio.
E halawai ana ka Ahahu Euanelio o Hawaii, Hikina, ma Haili, Hilo, i Ka Poalua elua o Ape rila, 1879, hora 1 P. M. Ke kono ia aku nei na Kahu a me na elele e eleu ae. Ma ke Kauoha.
J. N. KAMOKU.
Kakauolelo. Puula, Puna, Mar. 13, 1879. 903, 2t.
Na Misiona.
HELU 13.
Koena o kela pule no na Katolika. Ko lakou manao no na kula aupuni ma Amerika, a ma na wahi e. He mau kula akua ole lakou. Aole ke Akua iloko. O ka baibala Perotesetane, ko kakou baibala no ia, he baibala kue i ke Karistiano oiaio. Pono ke kipaku ia iwaho o na kula. He baibala hoopunipuni. E kipaku la hoi na pule, koe ka hapa o ka pule a ka Haku. E ko makou Makua &c.
No ke aha i kapaia'i na kula aupuni, na kula akua ole ? No ka mea, aole i ae ia e aoia maloko na tii Katolika, na pule ia Maria, me ko lakou ano hoomana apau.
Na kula Ka tolika, oia ka na kula akua, na kula hemolele. E pau i ka ulupa ia na kula e ae apau. A ke imi maalea nei lakou e loaa ke dala aupuni i mea e lanakila'i ka lakou mau kula.
He olelo hoike na ka waha mai o kekahi Bihopa Katolika i hoohiki ma ka baibala e hoike i ka oiaio, i ka oiaio wale no.
He mana nui anei na buke a—iloko o na kula Roma me na ekalesia Roma a puni ka honua? Ae. E heluhelu mai oe i na kanawai ekalesia Roma e pili ana i na heretika. (Oia ka poe hoole pope, a haalele pope.)
1 O ka mea i okiia mai ka ekalesia Ka tolika aku, ua hookapuia ka honi ana ia ia, ka pule ana me ia, ke aloha ana ia ia, ka ai pu ana me ia, i ka hana ana i kekahi mea iki me ia, Sana Siguori buke 9, aoao 162.
2 E hoomanawanui iki ia na heretika, a aoia e hoi mai i ka ekalesia. Ina aole lakou e ae e hoi mai ma ke ao elua ana, e oki loa ia no, a e haawiia aku lakou i ka mana aupuni e hoopau ia'ku.
3 Ina mihi na heretika, e hoopai ekalesia no. Ina haule hou, hiki no ke mihi, aka, o hoahewaia lakou e make, aole hiki ke hookuu ia. Sana Toma si, buke 4, aoao 91.
4 O ka mea i okiia no ka haalele i ka ekale sia Katolika, i na he haku, he alii oia, ua hookuu ia na paahana, na kanaka malalo ae ona, mai ko lakou hoohiki ana e malama ia ia. Sana Tomasi, buke 4, aoao 94.
He mau mea e ae i heluhelu ia e keia Bihopa malalo ae o kona hoohiki ana. " Ke oki nei a hoomainoino nei makou i ka poe a pau i hookiekie kue i ka ekalesia Katolika hemolele, e hoahewa ana i na heretika apau me ka nana ole i ko lakou mau helehelena like ole. Ua like lakou ma ka nakiikii pu ia'na me ko lakou mau huelo.
E haawi ia'na lakou i na mana aupuni e hoopai ia. Ina he poe kanaka kahuna ole, e haoia ko lakou mau waiwai. Ina he poe kahuna, e hoopau ia ko lakou kahuna ana, a e haoia ko lakou waiwai i mea e pono ai ko lakou ekalesia.
E aoia na luna aupuni a pau, me ka hoopai ekalesia ia ke hoolohe ole, e hooikaika loa no ka ekalesia Katolika, a e kipaku loa aku i na heretika i hoahewaia mai ko lakou mau aupuni aku. Pela e hoohiki ai ka poe apau e lilo ana i luna aupuni, a i luna ekale sia.
I na hoole kekahi luna aupuni, aole e malama i keia ao ana, aole kipaku aku i na heretika, alaila, e hui na Bihopa, a oki aku ia ia. Ina mau ka hoole ana, a pau ka makahiki okoa alaila, e hookuu ia na kanaka mai ka malama ana ia ia, a e hoopauia oia, a e haawiia'ku kona oihana luna i ka mea e ae ana e kipaku i na heretika.
E lawe na Katolika i ke kea a e hele e kaua aku, a hoopau aku i na heretika. E okiia ka poe launa, kokua, kuai pu me na heretika. Aole e loaa kekahi oihana aupuni ia ia. Aole e ae ia e lilo oia i hoike ma na aha hookolokolo. Aole hiki ia ia ke lilo i hooilina, aole hiki ke hooili aku i kona waiwai ia hai. Aole hiki ia ia ke hoopii ia hai no ka hana ino mai. E hoopii ia nae oia e hai ke hana ino aku. Ina he lunakanawai oia, he mea ole kona hoopai. Aole hoi e hiki ke hoopii ia kekahi imua ona. Ina he loio oia, he mea ole kana mau hana. E hoahewa pu ia lakou me ia." Hooholoia ma ka aha Latesana, A. D. 1215.
Ua hoohiki keia Bihopa ma ka baibala, aole loa i hoopau ia keia mau kanawai. Ua mau no ko lakou mana a hiki i keia wa. Ua hoohiki oia, ua kena ia oia e heluhelu i kela i keia makahiki imua o ke Akua, na ke Akua i hooili hua ia Sana Tamosi e kau i keia mau kanawai no na heritika. Ina aole oia e heluhelu pela, e lilo ana oia i ka hoahewa ia i ka make mau loa.
Ma ka olelo La tina i kakau ia'i keia mau kanawai, a na keia Bihopa i unuhi ia ma ka olelo Beritania imua o ka aha hookolokolo, a na kekahi loio e noho ana, a e hoolohe ana ma ia aha, i kakau a hooili i ke kope e pai ia ma kekahi nupepa.
A ke unuhi nei au ia mau kanawai ma ka olelo Hawaii, i pai ia, i ike ia ke ano o keia holoholona poo ehiku, pepeiaohao 12 e hookipa pumehana ia'na ma ka poli o keia aupuni; i hiki hoi i na haipule ke pule nui, pule ikaika, pule mau i oki ia na poo ehiku, i uhaiia na pepeiaohao 12 o keia holoholona e holoholo maalea ana iwaena o kakou a o na lahuikanaka he nui wale.
E pule nui i puka mai ka poe i wae ia mailoko mai o ke koena i hana ia ke kowa, e like me Hoike. 19 ; 20,21.
Behold ! the Bridegroom Cometh.
Gospel Hymns. No 2. Hymn 36.
1 Ke a nei kuu kukui,
Aiai ka lole o'u.
Eia'e ke Kane mare !
E komo anei au ?
He mea pono ole,
Aole he waiwai.
Kuu lama, aila, lole nei,
No Ie su wale mai.
Cho. Eia'e ke kane mare !
E komo oe ano,
Ke aiai nae kou lole,
A a ka lama ou.
2 Eia'e ke Kane mare !
E hele e halawai,
A lohi no ke ala,
Mai kona nani mai.
E ae e komo iloko,
Ua hea io no.
E paa na lama a komo ae,
A oli no a mau.
Cho. Eia'e ke Kane mare, &c.
3 Hoolohe i ka hea,
Ke kane mare e,
Ei'ae la ma ka puka,
Ala'e na hoa ai.
E komo ano no la,
A ahaaina pu,
O pani ia ka puka
Aole wehea hou.
Cho. Eia'e ke Kane mare, &c.
HAWAII.
Haawina Kula Sabati.
Ka hapaha elua. HELU 1. SABATI APER. 6, 1879.
KUMUHANA.
Ka hoolilo ia'na o na pilikia i mea e pono ai. Pauku Baibala. Ioba, 33 ; 14—30.
14 No ka mea, hookahi ka ke Akua olelo ana mai,
A elua hoi aole nae i manaoia oia.
15 Ma ka moeuhane, ma ka hihio i ka po, I ke kau ona o ka hiamoe nui maluna o kanaka, I ka hiamoe ana maluna o kahi moe;
16 Alaila wehe ae la ia i na pepeiao o kanaka,
A hoopaa mai ia i ke ao ana o lakou,
17 I hoololi ai ia i ka ke kanaka hana,
A e hookaa i ke kiekie mai ke kanaka aku.
18 Ua hoopakele no ia i kona uhane mai ka luakupapau mai,
A i kona ola hoi mai ka make ana i ka pahikaua.
19 Ua hoopaiia oia i ka eha maluna o kona wahi moe,
A o ka haukeke o kona mau iwi, ua ikaika ia.
20 Ua hoopailua kona naau i ka berena, A o kona uhane i ka ai maikai.
21 Ua hoopauia kona io mai ka maka aku, A ua ahuwale mai kona mau iwi i ike ole ia.
22 A ua hookokokeia kona uhane i ka luakupapau,
A o kona ola i na mea hoopau.
23 Ina me ia he anela, he hoikeolelo, Hookahi noloko mai o ke tausani,
E hoike aku i ke kanaka i kona pono ;
24 A aloha mai oia ia ia, a i iho la,
E hoopakele ia ia mai ka iho ana i ka lua; Ua loaa ia'u ka uku hoola.
25 E hana hou ia kona io me ia i ka wa kamalii,
E hoi hou no ia i na la o kona wa opio :
26 E pule aku no ia i ke Akua, a e oluolu no oia ia ia :
A e ike aku ia i kona maka me ka hauoli; A e hoihoi aku no ia no ke kanaka i kona pono.
27 E nana mai no ia i na kanaka, A e olelo iho kekahi, Ua hewa au,
A ua hookahuli au i ka pono, aole nae i hoouku ia mai au ;
28 E hoopakele no ia i kona uhane mai ka hele ana i ka lua,
A e ike kona mau maka i ka malamalama.
29 Aia hoi o keia mau mea a pau i hana pinepine ai ke Akua me ke kanaka,
30 E hoihoi mai i kona uhane mai ka lua mai,
E hoomalamalamaia i ka malamalama o ka poe e ola ana.
Pauku Gula. E ka'u keiki, mai hoowahawaha oe i ka hahau ana mai a ka Haku, aole hoi e maule i kona hoeha ana mai ia oe. Heb. 12 ; 5.
Mele. Him. 158. " I kuu pilikia ana." p. 1, 4.
Pule hoomaikai no ka loaa ana mai o ke Kula Sabati mua o ka hapaha elua o keia makahiki, &c.
Ka Wehewehe a Ninau ana.
He buke hou keia, a kahi no kakou a kula ma Ioba iloko o keia mau makahiki ehiku.
He kanaka kahiko loa Ioba. Mamua aku paha ia o Mo se, a o Aberahama paha. He keiki, he mamo paha oia na Nahora, ke kaikuaana o Aberahama. Aia kona aina ma Uza, he aina i kapa ia mamuli o Uza, ke keiki a Nahora. Kin. 22;21. Huza, Uza, ua like pu. Aia no ia ma ka hikina akau o Idumea, oia hoi o Edoma.
He kanaka ano alii, hanohano, waiwai loa Ioba. Nui na holoholona, nui na keiki. A na ka waha mai o ke Akua ia Satana, he kanaka pono oia, aohe mea like me ia ma ka honua, he kanaka pono me ka pololei, ua makau, i ke Akua, a ua hookaokoa i ka hewa Mok. 1 ; 8.
Aole nae i ae Sa tana i ko ke Akua hoapono ana ia Ioba. He pono owaho kona, he pono hookamani, he pono hoopilimeaai. Ua hoolako ke Akua ia ia i na pomaikai he nui wale. Ina hoopau ke Akua i kona mau pomaikai a pau, alaila, e hoino oia i ke Akua imua o kona maka.
Elua mea i pono ke hoao ia, ka oiaio o ka ke Akua olelo, me ka oiaio o ko Io ba pono.
Na mea hoao. 1 Satana. 2 Ka Ioba wahine. 3 Na makamaka eha o Ioba. 4 Ke Akua.
1 Satana. Ma ko ke Akua hookuu ana, hoopau oia i ko Ioba waiwai a pau, me kana mau keiki, a hookau mai i ka mai ino loa maluna ona. Aole nae Ioba i hoino i ke Akua. " Na Iehova i haawi mai, a nana i lawe aku. E hoomaikai ia ka inoa o Iehova wahi ana. Ua hoomaopopo ia ke kuhihewa o Satana." Ua hoonele ia oia i na mea a pau. Ua hoeha loa ia i na mai ino loa, aole nae oia i hoino i ke Akua, aole loa oia i malama i ke Akua i mea hoopili mea ai. Akaka hoi ka oiaio o ka ke Akua olelo, he kanaka pono Ioba, ua makau i ke Akua, ua pale aku i ka hewa.
2 Ka Io ba wahine. Hookonokono oia ia Ioba, e hoino i ke Akua a make iho. Pane oia, ua like kau olelo me ka na wahine naaupo. E loaa anei ia kakou ka maikai mai ke Akua mai, aole anei e loaa ia kakou ke ino kekahi.
3 Na makamaka eha o Ioba, Elipaza, Biledada, Zopara, Elihu. Nui na olelo kike mawaena o na makamaka mua ekolu me Io ba. O Ioba ka i hoomaka. A pane mai Elipaza. A pane aku Ioba. A pane mai Biledada. A pane aku Ioba. A pane mai Zopara. A pane aku Ioba. Pela ka olelo kike ana a pakolu na pane. A paa na waha o na makamaka ekolu. Nui wale na olelo noeau a hohonu ma na aoao elua. Ma ke kuhihewa o na makamaka, he kanaka hookamani, a hewa loa o Ioba; nolaila ka ili ana mai o na pilikia he nui wale. Paipai ikaika lakou ia ia e ae, ua hewa, a e hoahewa ia ia iho, e hoolaulea i ke Akua, i loaa ka maluhia. Paakiki nae Ioba i ka hoole, aole no ka hewa wale no i hahau ia'i na kanaka. Hoopilikia like ia ka poe pono, ka poe hewa i kekahi manawa. Hoopilikia ia ka poe pono i kekahi manawa, a hoopakele ia ka poe hewa a lanakila ma keia ao. A hoopaa oia ma kona pono iho. Aole ae, he kanaka hewa oia. Ua ae no, ua hewa no, e like me na kanaka e ae. Aole nae oia i hewa e like me ka manao o na makamaka ekolu. Aole oia he kanaka hookamani he kanaka aia, alunu, hookaumaha i na ilihune, a hoino i ke Akua ma kona naau. E hoopili mau aku au ia Iehova ke pepehi mai ia'u, wahi ana.
A noi oia i mea uwao, i mea kokua nona. He poe hoahewa wale na makamaka ekolu, aole he wahi olelo hooluolu iki ka lakou i hoopuka mai.
O ka hoea ana mai no ia o Elihu ka makamaka eha. Ua hoolohe oia i na olelo kike a na makamaka ekolu me ka Ioba. Ua hoahewa oia i na makamaka ekolu ma kekahi mau mea, ma ke kuhihewa ana no na kumu o na pilikia, a no ka ke Akua mau hana. A ua hoahewa akahai ia Io ba ma kekahi mau olelo ana nona iho.
Mok 33; 14—17. Ma keaha ka ke Akua ao ana i na kanaka ? Ma ke ao hookahi wale ana no anei ? I aha oia i ka ke kanaka hana ? A hookaa aku i keaha ?
P. 18-22. Ina hoolohe ke kanaka. Ua aha ke Akua i kona uhane ? Ua like ka uhane me ke kanaka ma keia pauku. Ua aha hoi ke ola ? Heaha na eha, na pilikia i kau mai ? Pehea ka io, na iwi ?
P. 23—28. Oiai e kaa ana ke kanaka iloko o keia mau pilikia me ka maopopo ole o ke kumu, heaha kona makemake? I anela, i elele, i hoike olelo. O Ioba keia kanaka pilikia, e ake ana e hoea mai he anela, he elele, he mea uwao, he mea kuhikuhi i ka aoao i pono, i ka aoao i hewa a e hoopau i keia paio ana me ka hoapono, a hooluolu paha ia ia. A ma ka nana aku o Elihu no ia elele ma kona manao, he elele no ia mawaena mai o ke kausani. Hai mai i na olelo a ka elele p, 24—28. He hoailona paha keia elele no ka Mesia, nana i haawi i kona ola i uku hoopakele i ka make mau loa. Aka, aole paha i maopopo keia mea ia Elihu.
P. 29, 30. No keaha i hana pinepine ai ke Akua i keia mau mea? No keaha oia i hoopilikia ai i na kanaka, i ka poe haipule ?
Mele. Him. 235. " Hele mai ka poe luhi." p 1,2,4.
Na Ninau Hoi Hope.
Hai mai i ka pauku gula. Owai ka mea i hahau nui ia ma keia haawina? Nawai i kau i na ino maluna ona ? Nohea ka mana o Satana e hana ino ai ia Io ba ? No keaha i hookuu ai ke Akua ia Satana e hana ino ia Ioba ? Ehia mea hoao ia Ioba ? Ma ka hoao ana, owai ka i lanakila ? Owai na makamaka ekolu i paio me Ioba, a hoohewahewa ia ia? Owai ka makamaka ano okoa, ano oluolu ? Hai mai i kekahi poe i hahau ia, i hoopai ia i mea e pono ai lakou. Nui wale lakou, Adamu me kana poe mamo a pau.
Kipaku ia Adamu me Ewa iwaho o Edena no keaha ? Kipaku ia Kaina i kahi ino no keaha ? Hahau ia Iakoba no keaha ? He kanaka maikai Io sepa, ua hahau ia nae no keaha ? Hahau ia na Iseraela ma kawaonahele, ma Kanaana, ma Babulona no keaha ? Hahau ia Davida, no keaha ? Hahau ia Iesu no keaha ?
Hoomaau ia na luna olelo, na haipule no keaha ? Mea aha ua kaua, na wi na mai ahulau, na pilikia he nui wale ? Heluhelu Hebera 12; 6—11. Mahea e hoopai ia'i a lilo ole ka hoopai ana i mea e pono ai ka poe i hoopai ia ?
Mele. Him. 197. " Aia pau ke ola ou." p, 1,2,3.
Pule i lilo na hoopai ma keia ao i mea e pono ai.
Haawina no Aper. 13, Ioba 42 : 1 — 10.
Ke Ano o ka Hana ia'na o na Mea i ike maka ia ma kela ao, a ma na ao e ae i ike maka ia.
HELU 2.
Na mea ulu. Ka mole paha ke kumu. Me he aha la hoi ia ? Me he lua, me he aa liilii la ia. He aa, he eke, he wahi, he lua, he mau mea ano like paha ia. He lua, a mau lua okoa no, he mau huina lua ko na mea ulu.
He wahi ko waho o ka lua hookahi me he pale aniani la no ka lua oloko. Pela ko na lua a pau.
Me ia no na mea ola. He mau lua no na kumu iike maka ole ia. Ma na ohe aniani hoonui hua e ike ia'i.
Nana i ke akamai, i ka noonoo o ka mea nana i hana. I na he mea maikai ko loko o ka lua, he io, he wai, he mea palupalu, alaila, he oolea, he paakiki ka wahi, ka ili, ka iwi owaho i mea e pale aku ai i ke ino.
Me ia no ka hua niu, me kekahi mau hua e ae.
I na o ka wai ka mea e pono ai ka mea ulu, ua hoolako ia i na aa na mea e komo ai, e pii ai, e holo ai, e iho ai ka wai.
I na he mea i hiki ai ke hoolaha ia ka mea ulu kai makemake ia, ua loaa no, oia ka palena, he mea mama me he hulu manu liilii loa la, maloko o na pua a puhi ia i ka makani ma o, ma o, a lilo i mea e nui ai ia mea ulu.
E nana i kekahi mau mea e pili ana i ke kanaka, a i na holoholona, i ike ia ko ke Akua noonoo, noeau, lokomaikai,
Nana i ka ili. Elua no ili, he ili oolea iki mawaho, he ili lahilahi, palupalu maloko.
Ka ili mawaho, he mea malama i ka ili maloko me ka io hoi. Ka io hoi, ua like ia me na kaula rope liilii loa i wahi pakahi ia e kekahi wahi uaua, i mea e malama ia ai. Pela ko loko o ke kino, ka opu, ka naau, na aa, he mau wahi no ko lakou i mea malama.
E nana i ka Adipose, ka momona, ka aila oloko. He mau lua ia. He mana ko lakou e hana 'i i ka aila maloko. He poepoe kekahi, he huina kinikini kekahi.
Ka aila oloko, he mea ia e hanai ai kekahi; a he bela moe oluolu kekahi no ka maka, me na mea palupalu e ae. Aia hoi ia ma na poho lima, poho wawae, he mea pale i ka mea oolea.
Aole nae ia ma na wahi hemahema ole.
He mea hoi ka aila, ka momona, e mahana ai ke kanaka, holoholona ma kahi anu.
E nana hoi i na tenedona, na kaula ano olona, na mea e hui ai a kui ai a paa ai na io. He mau mea kokua, hoomalu, malama, pale ino lakou. He mau uhi ia no ka lolo, a no ka maka. He mau mea i hiki ke hooloihi ia, a hoopakele ia a waiho wale ia pela. Aia lakou ma ke poo, ma ka ai, ma ke kua. Na mea ia e moe ai, e ku ai, e hele ai, e paa ai ke poo iluna.
O ke kumumu, (gristle,) oia kekahi mea e paa ai, e ikaika ai, e ala ai, e kukuli ai, e hele ai na lala o ke kino.
Na io, na iwi,. na niho, na aa, na maiao, na pepeiao hao, na hulu, na lauoho, he mau mea ia e pono ai ke kino. A e maopopo ai ka noeau a me ka lokomaikai o ke Akua. (Aole i pau.)
100 Hili ana ke kumu Kuai?
He haku aina ma Italia, he ahaaina mare kana. Ua akoakoa na hoa ai. Ua hemahema nae no ka ia ole. Heaha ka pono ? pehea la e loaa ai ka ia, ia lakou; e noonoo ana, ku mai la kekahi kanaka lawaia me kekahi ia nui.
Eia ka ka ia, wahi a ka haku aina. Heaha ke kumu kuai? Hookahi hane ri hili ana ma ko'u kua me ka uhi ole ia i ka lole, wahi a ka lawaia. Aole e hoemi iki ia keia kumu kuai. Kupanaha keia kumu kuai, wahi a ka haku aina. Aole anei oe e ae i na dala he nui ? aole, aole, o na hili hookahi haneri wale no; aole au e ae i ke kumu kuai e ae. Pehea kakou, ua nele i ka ia ole. Ka ia ka mea e pono ai. Pono ke loaa mai keia ia. Malama ua pupule paha keia lawaia. Pono ke hooko i kona makemake. E hili mama nae ia ia.
Ae, ua ae makou i kou kumu kuai. E wehe oe i kou lole. Ka wehe ia no ia o kona lole, a hoomaka kekahi e hili ma kona kua. Hili no a pau ka 10 ka 20 ke 30 ke 40 ke 50 hili ana. Alia, wahi a ka lawaia, he hoa kuai ko'u, nona na hili he 50 e koe ana. Pela anei? ae, owai ia hoa? Aia la ihea? e kii ia aku. O kou kiai puka no ia, pane ka lawaia i ka haku aina, hele mai au i ka puka o kou hale. Hoole oia ia'u, aole au e komo ke ae ole au e haawi ia ia i ka hapalua o ka uku i loaa mai ia'u no ka ia.
O kii ia aku oia, kena ka haku aina, i loaa piha kona hapalua. Ua kii ia no, a ku oia imua o kona haku, a hili ia a hiki i ke 50 hili ana. Alaila, hoopau aku ka haku i kona kiai puka ana. A uku nui oia i ka lawaia i ke dala maoli no kona ia nui. ARTHUR MAGA ZINE.
OLELO HOOLAHA.
A. McWAYNE,
HALE KUAI LAAU LAPAAU, A ME NA WAIALA oi na ano a apu, me nea SOPA AILA o na ano he nui wale. Ma ke kihi o Alanui Papu me Kalepa. 840 ly
DR. RODGE RS,
OIA O
KAUKA LOKEKE.
UA hoonee ae nei i kona keena oihana mai ka hale ae o Ailuene ma Monikahaae a iloko o ka Hale Mu, helu 54 Alanui Papu. Ma keia hope e hoomakaukau ana ke Kauka i kona mau Laau ponoi a puunaue aku i ka poe kii mai. O kona hale noho, aia no ma ka pa o ka Hotele Hawaii, ma kahi i noho mua ai.
E. STREHZ,
(AILUENE.)
MALAILA E LOAA AI NA ANO LAAU A pau; a me na wai hoomaemae o kela a me keia ano. E hamama mau ana ka ipuka ma na po Poaono a pau. Ma ke kihi o alanui Papu a me Hotele, ma Monikahaae. (845 1y)
E. O. HALL & SON.
(E. O. HOLO MA.)
NA MEA KUAI I NA MEA MAHIAI, Na Lole, Na Pena, Na Aila, a me Na ano Lako e ae a pau he lehulehu wale. 846 Kihi o Alanui Papu me Moi. 1 y
LOLE MAKEPONO
Ke Kuike.
E LOAA NO IA MA KAHI O KAKELA ME KIKE! E LAA NA Ahinahina, Kalakoa, Keokeo, Leponalo, Pena, Aila, Aniani, KA MEA PIULA! KOPA, AILA HONUA, AILA HOOMALOO Kui Kakia, Pakeke, Tabu, Kaula, Noho Lio, Hulu Palaki, na Pulumi. A HE AGENA NO HOI NO NA MOKUPUNI O HAWAII NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika, Na lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipini, Lihilihi, &c. LIPINE, LIHILIHI, &c. A ME NA Mikini Humuhumu MakeponoLoa! A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A he Laau Lapaau Kaulana Loa A DR. JAYNES. Laau Kunu, Laau Hoomaemae Koko, Laau Hoopau Naio, Penikila, Huaale, A ME NA LAAU HAMO, A PELA'KU ! 827 3m 839
PAPA! PAPA!
NO
ALLEN & ROBINSON
UA WEHE AE NEI MAUA I PA KUAI PAPA MA KA UWAPO O PAKAKA Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale, Na Pepa Molina. Na Pena a me na Aila Pena ! NA KUI O NA ANO A PAU. NA PANI PUKA a me NA PANI PUKA ANIANI. NA PANI PUKA a me NA OLEPELEPE, NA LAKO KUKULU HALE O NA ANO A PAU! E KUAIIA MA KE KE KUMUKUAI HAAHAA LOA O keia Makeke. ALLEN & ROBINSON Honolulu, on Ha 187 g 840 3m
AIA MA KAHI O
LEWERS & DICKSON!
(O LUI MA.)
MA KE KAHUA KAHIKO MA
Alanui Papu a me Moi!
E LOAA AI NA Papa Nouaiki! o kela a me keia ano. Na Papa Nani a Paa no ke Kukulu ana i na Hale! Na Pani Puka, Nu Puka Aniani, Na O lepelepe, Na Pou, Na O-a, Na Papa Hele, Na Papa Ku, A me na Papa Moe nui loa. NA PILI O KA HALE O NA ANO A PAU. Na Pepa Hoonani, Na Pena o na Wai a pau. Na Kui mai ke Nui a ka Makalii, Na Ami Puka, Na Ami Puka Aniani. Na Ami o na ano a pau. Na Aila Pena, o kela me keia ano, Na Aila Hoomaloo, he lehulehu wale, Na Aila e ae o na ano a pau. NA WAI VANIKI A ME NA WAI HOOHINUHINU NANI! o na ano a pau loa. NA BALAKI ANO NUI WALE! A ke hai ia aku nei ka lono i na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ku laua oihana NO KA UKU HAAHAA LOA! E like me ka mea e holo ana mawaena o LAUA a me ka MEA KUAI. E hele mai! E na Makamaka !! A e lawa no hoi ko oukou makemake me ka oluolu a me ka maikai ! 845 tf
KOPA KUKAEPELE
A
GLENN!
AOLE LUA NO KA HOOMAEMAE I KA ILI !
He mea hoopau i na eha, Na Ili Puupuu, A he hoomaemae i na mea ino, A he hoopau Lumatika, A he kopa auau no ho O keia Kopa ka oi aku o ka mea maikai I waihoia mai imua o kanaka. Aole wale no ka Hoopau ana i ka Huehue Ili Poha, Wela la, Luluaina, a me na mea e ae o ka Ili; A ma ia holoi ana, o ka hoopalupalu pu kekahi i ka Ili, a keia Laau Hoomaemae lua ole e hana ai. O ka hoemi ana iho i na mai o ka Ili, a o ke pale aku i ka mai mai na lole e na Mai Lele, oia kekahi. O na ohana ame na poe makaikai, ina e hoolako lakou i keia KOPA HOOMAEMAE LUA OLE ! ALAILA, UA LANAKILA LAKOU. He hoopau i ka lehu o ke poo, A he Kopa no hoi e kaohi mai ai I ka lauoho mai ka hina ana. Ua hooia nui mai na Kauka no ka maikai o keia Kopa! E loaa no ma kahi o M. McINERNY, Kihi o na alanui Papu me Kalepa