Ka Nupepa Kuokoa, Volume XXI, Number 48, 2 December 1882 — Page 4
| This text was transcribed by: | Francene H Aarona |
| This work is dedicated to: | To those who continue to seek knowledge of our Hawaiian history |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
KUOKOA ME KE AU OKOA.
[1 Huiia.]
No ka Makahiki $ @
Eono Mahina $ @
Dala Kuike ka Rula.
POAONO, DEKEMABA 2, 1882.
O D W. Aiwohi wale no ka i aeia e kakaa inoa no na dala i hookaaia mai ma ke keena o ka Nupepa Kuokoa.
HAMAU E
( Peace Pm Mill.) Gospel Hymn, No. IV.
1
Ikaika ka ino i ke Kumu,
A popoi mai ka wai !
Pooli ke aooli o luna.
Mahea e malo ai ?
Make anei o makou la ?
Moe anei oe, e,
Oiai la he ino ikaika,
A ane poholo e !
CHO.--Ala ʻ e la ke Kumu, a kena e,
Ha---mau, e---
Base. Hamau e ! Hamau e !
Ina koe ka moanawai,
Salana, kanaka, me na mea e,
Aole he holo ka moku e
I moe ai Iesu ke Lii maikai,
Hoolohe no ke kona ke Lii,
Hamau ! Hamau !
Hoolohe no ke kea ke Lii,
Hamau, hamau.
2
Hopo no au, ke Kumu,
Kulou me ka luuluu e.
Ua pihoihoi kuu loko,
Ala ʻ e, a hoola mai.
Mihi no au a makena,
Moku ae kuu puuwai
Make au la, e make, ke Kumu.
E wiki e hoona mai.
CHO.---Ala ʻ e la ke Kumu, &c.
3
Pau e kuu hopo, ke Kumu,
Ua malu ko loko o ʻ u,
Malie ka la, a ua lulu,
He lani maloko o ʻ u.
Noho me a ʻ u la e Iesu
Mai ku kaawale hou,
A e ku oli au i ke awa,
A maha maikai ma o.
CHO.---Ala ʻ e la ke Kumu, &c.
Hawaii
HAAWINA KULA SABATI.
HELU 12, SABATI, DEC. 17.
Kumuhana--Na hana mahope iho o ko Iesu ala hou ana. Pauhu Baibala Mar. 16: 9 - 20.
9 I ke ala ana i Iesu i kakahiaka nui o ka la mua o ka hebedoma, ike mua ia oia e Maria, no Magedala, mawaho ono kona kipaku ana i na daimonio ehiku.
10 Hele aku la oia, a hai aku la i ka poe i noho pu me ia, ia lakou e u ana, a e uwe ana no hoi.
11 A lohe lakou, ua ola ia, a ua ikeia e ia, aole lakou i manaoio mai.
12 A mahope iho o ia mau mea, ikeia oia, me ke ano okoa, e na mea elua, ia laua e hele ana i ke kuaaina.
13 Hoi mai la laua, a hai mai la i kekahi poe, aole nae lakou i manaoio.
14 A mahope iho, ikeia mai no ia e ka poe umikumamakahi, ia lakou e ai ana, a hoohewa mai ia lakou no ko lakou manaoio ole ana, a no ka paakiki o ko lakou naau, no ka mea, aole lakou i manaoio aku i ka ka poe nana i ike mahope iho o kona ala ana.
15 I mai la oia ia lakou. E hele aku oukou i na aina a pau, e hai aku i ke Euanelio i a kanaka a pau.
16 O ka mea e manaoio mai, a bapetizoia, e hoolaia oia, aka, o ka mea manaoio ole mai, e hoohewaia oia.
17 Eia no na ouli kupanaha e pili aku i ka poe e manaoia mai ia ʻ u. Ma ko ʻ u inoa lakou e mahiki aku ai i na daimonio, a e olelo no hoi lakou ma na olelo ano e.
18 E kakai no lakou i na nahesa : a ina inu lakou i na mea make, aole lakou e poino ia mea ; a e kau no lakou i ko lakou i ko lakou lima maluna o ka poe mai, a e ola lakou.
19 A pau ae la ka olelo ana a ka Haku ia lakou, alaila, lawe ia ʻ ku la ia iluna i ka lani, a noho iho la ma ka lima akau o ke Akua.
20 Hele ae lakou, a ao aku la ma na wahi a pau ; hana pu mai la no hoi ka haku me lakou, e hooiaio ana i ka olelo, me na hana mana e pili ana. Amene.
Pauku Gula P 15.
Manao nui. E hele aku na haumana e ao aku i ko keia ao a pau.
Na heluhelu la. Mar. 16:9-20. 2. Mat. 28:8-20 3. Luka 24:12-53 4. I Kor. 15:1-9 5. Io. 20:1-31 6. Io. 21:1-25
7. Oih. 2:1-47.
Ka manawa. Aperila 9, A. D. 33, a me na la helu he 40 a hiki i ka Poaha, Mei la 18, ka la i pii aku ai Iesu i ka lani.
Kahi i hanaia ʻ i. Ierusalema me na wahi e pili ana.
Ua @11 ikeia ana o Iesu mahope o kona ala hou ana.
1 Ia Maria no Magedelena, Io. 20:14, Mar. 16:9. 2 I na wahine e hoi aku ana mai ka lua aku, Mat. 28:9. 3 Ia Petero, Luka 24:34, I Kor. 15:5. 4 I na haumana elua, Luka 24:13-35. 5 I na haumana he @11 ma Ierusalema, Mar. 16:14. 6 I na haumana he 11 ma Ierusalema, Io. 20:26. 7 I na haumana he 7 ma ka Loko o Galilaia, Io. 21:1-24. 8 I na haumana he 11 ma kekahi mauna o Galilaia, Mat. 8:16. 9 I na haumana he 500,I Kor. 15:6. 10 Ia Iakobo ma Ierusalema paha, I Kor. 15:7. 11 I na haumana he 11 mamua iki o kona pii ana i ka lani ma Oliveta, Poaha, Mei 18, Luka 24:51.
Mele. "Nu Maikai," Hoku Ao Nani. p. 1.2
Pule i hoolahaia ia nu maikai.
KA WEHEWEHE ME KA NINAU ANA.
Ekolu Mahele.
I. Na ikeia ʻ na o Iesu. P 9---14.
P 9. Ike mua ia Iesu e wai ? No hea keia Maria ? Heaha ka Iesu hana aloha iaia mamua ? Akaka he wahine hewa loa keia. Ua mihi nae. Ua kala ia. Ua nui kona aloha ia Iesu. Nana Io. 20:11-17.
P 10. Ua ike Maria ia Iesu, a ua kamailio pu. A ua hoi aku e hai ia nu maikai ia wai ? E aha ana lakou ? Kuhi lakou, ua make loa Iesu. Aole e ala hou ana. Ua nele loa lakou i ka mea e hoolaia ʻ i.
P 11. Pehea lakou ? Kupanaha ka manaoio ole ! Ua ike maka ia e Maria. He kuhihewa ka ia nona.
P 12. Owai keia mau mea elua i ike ia Iesu, a kamailio pu ? Nana Luk. 24:30, 31.
P 13. A hoi mai laua a hai ua ike laua ia Iesu, pehea ka poe i lohe ? Aole ka i manaoio. Ua mahuahua na ike maka. Manaoio ole ia nae ka lakou.
P 14. Mahope iho. Owai kai ike ia Iesu ? Ma ka la Sabati mua, he 10 haumana kai ike ia Iesu. Aia o Toma ma kahi e. Io. 20:19-25. Heluhelu. Ma ka lua o ka Sabati ike hou ia Iesu, oia keia ike ana. Ua akoakoa lakou he 11. Pehea Iesu ia lakou ? Hoahewa no ke aha ? Nana Io. 20:26$29.
Hai mai i na ike ana he 11.
II. Ke Kauoha Nui. P 15-18.
P 15. Ua ikeia Iesu e na haumana ma na manawa, a ma na wahi he nui iloko o na la he 40. A ma ka Poaha, la 18 o Mei, akoakoa na haumana he 11 ma ka Mauna Oliveta e kokoke ana ia Betania, e lohe i ka Iesu mau olelo hope.
Heaha kana kauoha ma ka pauku 15 ? Nana Mat. 28:19-20. Mai ao aku ma Iudea wale no, aka e ku a hele aku i na aina a pau, e hai aku ana i ka euanelio i na mea a pau. He misionari Iesu. Oia ke poo o ka oihana misionari. He aha misionari kona poe haumana,
P 16. Owai ka poe e ola ana ? Pehea hoi ka poe manaoio ole ? Heaha ke ano o ka manaoio ole ? He mea aha hoi ka bapetizo ana ? He mea hoike ma kahi akea he kanaka manaoio keia ia Iesu. Aole oia i hilahila e ku imua o ko keia ao, a hoike i kona manao paa e hahai mamuli o Iesu, ke hana maikai ia, ke hana ino ia. E hahai ia Iesu a i ka make.
P 17. Heaha na ouli kupanaha e pili ana i ka poe manaoio ? E aha i na daimonio ? A e aha ma na olelo e ? Ua hookoia anei keia ? Nana Oih. mokuna elua, me 5:16, 8:7, 16:18, 19:12, 10:46, 19:6; I Kor. 12:10, 28.
P 18 Pehea i na nahesa ? Oih. A pehea na mai ? Nana Oih. 5:15, 16, 28:5. Pehea ke inu ia ka mea make ? A pehea na mai ? Nana Oih. 15:15, 16, 9:17, 28:8, Iak. 5:14, 15.
Na hana kupanaha keia i hanaia ma kino hou e na haumana a Iesu, i mea hooiaio i ka olelo a Iesu, me na haumana ana. Ma ka ike ana o na kanaka i keia mau hana mana, manaoio kekahi poe, a huhu kekahi poe a hana ino no i na haumana.
Heaha na hana, na ouli i keia wa e maopopo ai ka oiaio o ka hoomana Karisetiano ? Nui wale. Pau ka hoomana kii. Huli mai na Pegana, ka poe paakiki, ka poe hoomaloka, ka poe hewa loa. Nui na hana aloha, hana manawalea. Ua puni kakou i na hana mana a ka euanelio. Ola no kekahi poe mai ma ka pule a ka poe manaoio. Heaha ka olelo hope loa a Iesu ? Mat. 28:20, ka hapa hope.
III. Ka pii ana ʻ e o Iesu i ka lani. P 19, 20.
P 19. Mahea Iesu me a haumana i ka wa i laweia aku ai oia i ka lani ? Luk. 24:50. 51: Oih. 1:12. E kamailio ana no Iesu me na haumana, e kauoha ana, Luk. 24:49, Oih. 1:4-8. Iaia e kamailio ana, nana lakou, aia hoi, ua laweia aku la oia iluna. Oih. 1:9. Nana aku la lakou i kona pii ana ae. Ikeia he mau kanaka, oia hoi he mau anela elua. Heaha ka laua i na haumana ? Oih. 1:10, 11.
Owai kekahi kanaka i lawe ola ia i ka lani me ka ike maka ole ia ? Owai ka mea i laweia iluna me ka ike maka ia ?
Iho mai Iesu mai ka lani mai ma ke ano keiki liilii. Hoi aku nae ma ke ano alii lanakila, a noho mahea ? Nana ia Hal. 24:7-10. Ko Iesu komo lanakila ana paha keia iloko o ka lani.
P 20. Pehea na haumana mahope iho o ko Iesu pii ana ae i ka lani ? Nana Oih. 1:12-14.
Kali me ka haipule, me ke koho ana i pani no Iuda Isekariota, Oih. 1:15-26.
Loaa ka Uhana Hemolele ma ka la hea ? Alaila hoomaka lakou e aha ? E hai i ka euanelio i na lahui i akoakoa ma Ierusalema. A mahope iho, hele lakou a ao aku ma na wahi a pau. Owai pu me iakou ? E aha ana ?
KA HOOPILI ANA.
1 Ka poe i hana hewa nui a mihi, a kalaia,, pono ke aloha nui lakou ia Iesu, e like me Maria no Magedala.
2 Hiki no ke kalaia ka poe i hewa loa, ke mihi a hele i o Iesu la.
3 E hai aku ka poe i ike ia Iesu, a launa pu me ia, a lohe i kana mau olelo hooluolu, e hai aku ia i na hoa, me ka paipai e hele, a launa pu.
4 Kanalua anei kekahi, ua ala paha Iesu, aole paha, aloha mai paha, aole paha ? E pau ia kanalua. Ua ala io no Iesu. Aloha no oia ia oe.
5 E hookipa ia Iesu iloko o ka hale, a iloko o ka naau, i pumehana, i hauoli, i maluhia.
6 Hoahewa Iesu i ka mea kanalua. E pau kou kanalua ana.
7 Ola ka mea manaoio. Make ka mea manaoio ole.
8 Mana ka euanelio. Ka mea ia e ano hou ai keia ao a pau.
9 E hoolaha aku i ka euanelio i na wahi a pau.
10 Ua pii lanakila Iesu i ka lani, e uwao no na kanaka, i ola.
11 E hoi kou mai ana Iesu, e hoola i ka poe manaoio, a e hoopai i ka poe manaoio ole, i ka make mau loa.
Mele. "Ka Lei o ka Nani," Hoku Ao Nani. p 103.
Pule i hana mau no Iesu, i loaa ka lei mae ole.
Haawina no Dek. 24. Ka hoi hope ana.
KA PULE.
Aia iloko o ka pule oiaio, he mau haawina hoomaemae a hoolana manao. O ka poe i haawi i ko lakou noonoo hohonu nona mea e pili ana i ka noho mana ana o kekahi mea maluna o ka manao o ke kanaka ; ke ano o ka hoohana ana o ka manao o kekahi kanaka hookahi maluna o kekahi poe okoa, a pela lakou e hooko like aku ai ; ua ae like ia e ko ke ao a puni, e loaa aku ana i ka manao he kulana o ke ano like me ka mea i hui pu mau a i kuka pu i kela me keia manawa. Ina he mea kiekie a maemae ua mea la e hui pu mau ai a e kukakuka pu mau ai, alaila, e loaa ana i ua manao la he kulana kiekie a maemae ; aka, ina he haahaa a pelapela, pela no e pelapela ai ka manao i hui pu a kukakuka pu.
Pela no, ina kakou e hoopili aku i ko kakou kumumanao me kela ae la. O ka pule oia no ke kamailio pu ana me ke Akua ; oia ka apana hana kilakila nana e hapai ae i ka mea haahaa i pili pu me ka ili honua, a lawe haaheoia aku la i ka lewa luna loa, i ka nohoalii o ka Mea Kiekie Loa, a malaila e ku aku ai e kamailio pu me ke Akua Makamae Mana Loa. He hiona eehia kamahao; ko ka manaoio e pule ikaika ana. Kamahao na nanaina o na mea a pau e waiho molaelae ia mai ana ana imua o na maka o ka manaoio ! Nani ke kokoke launa ole o ka lani ! O ka manaoio e kukuli ana maluna o kona mau kuli e kamailio pu ana ia iloko o ia manawa me ka mea nana i hana na mea a pau o ke ao holo okoa, a aia oia e hui pu ana mawaena o na tausahi pa umi tausani o na uhane e lapaauia ana, e hoopuni ana i ka nohoalii kiekie. Me na maka o kona naau ke nana aku la oia i ka Moi Mau Loa ike ole ia ; ke kamailio aku la oia imua o ia Moi me he wahi keiki uuku la imua o kona makuakane, e ku mai ana ke Keiki a ke Akua mamua o ka nohoalii e hoolohe aloha mai ana i ka leo uwe o ka mea noi, e mihi aku ana i kona hewa, a e haawi aku ana i na mahalo a me na hoomaikai : a o ka Uhane o ke Akua, ka mea i hoopunana iho maluna o ka wai i kinohi loa, aia pu oia me ka mea nana ke noi, e hapai pu ana i na kalokalo ana me ia, a o Iehova kulou mai la oia e hoolohe i kona leo uwalo, a apo mai la a hookipa aku la i na mohai a ka mea noi haahaa.
Aole anei kela he manawa iloko oke anoano ame ka eehia palena ole ? He hiki anei ia kakou ke hoomaopopo iho i na haawina a pau i pili i keia mea---kona pili i ko ke kanaka hanaia ana e like me ko ke Akua ano : kona haule ana iloko o ka hewa ; kona poino : kona hoopakele hou ia ana : kona aponoia : a me kona hopena mau loa--he oiaio, he mau mea keia e aneane hiki ai ia kakou ke manao ae, e hooko ana na anela i ko lakou mau leo hosana, a e meha ana na mea a pau me ka nana ana mai iloko o ke kahaha nui.
Aka, ke ninau nei au, aole anei keia he hana hoomaemae i ka naau o ke kanaka e hooko ana ia mea ? A ina hoi he oiaio, o ko kakou kulana i keia manawa, oia no ka lawe ana mai oko ke kanaka manao a hoopaa iho iloko ona i na hiona a pau i halawai mau me ia iloko o keia ao, alaila, he oiaio anei, o ka manao i hapai mau ia iluna a hoea imua o ka nohoalii o a lani, e nele ana anei ia i na haawina o ka manao maemae mai na ea mai oka hemolele e hoopuni ala i ka nohoalii nani kamahao o ke Akua ? A e like me Mose. i kona manawai ae ia ai e launa pu me ke Akua maluna o ka mauna, ua hoi aku oia mailaila aku me ka nani lilelile kamahao maluna o kona mau hiohiona a ua hoopowehiwehiia aku la na maka o ko Isaraela a pau ; a pela pu no hoi me ka manao o ka mea manaoio i hapaiia iluna lilo a kamailio pu me ke Akua, e loaa no iaia kela maemae hemolele e haiamu ana a puni ke aupuni nani o ka lani.--Unuhiia mai ka manao mai o Rev. Robert Bickersteth no ke Kuokoa.
HOIKE KULA SABATI NUI.
E Ka Nupepa Kuokoa ; Aloha Oe;---
Ke waiho mua aku nei au i ka lono i na mea a pau iloko o ka pohai auna hookahi o ka oihana Kula Sabati a puni o Molokai, a me na hoa ʻ loha iloko o Karisto Iesu.
Ma ka la 1 o Ianuari, A. D. 1883 e hiki mai ana, oia ka La Hape Nuia, e hoike hui ana na Kula Sabati a puni o Molokai, ma ke ano Pualiinuwai iloko o ka Baibala, a me na moolelo naauao kahiko o ke ao nei a me na leo kani honehone o na buke himeni a me na himeni i hakuia, ma ke ano naauao a a ku i ka maemae. E hele mai na Kula Sabati a pau me ka makaukau i na haawina baibala. E loaa no he puu dala nui a me na buke makana i na K. S. makaukau ma ia la, mai ko makou Komite aku, e like me ka hooholo ana a ka Ahahui Kula Sabati o Molokai, ma ka la 15 o Augate i hala, o keia makahiki, ma ka hale halawai ma Pukoo.
Nolaila, ke kauohaia aku nei na hoa i koe, o na makana Kula Sabati, e hoihoi ae ma ka lima o D. Kailua, Puuku Kula Sabati o Molokai, mamua ae o ka la hoike.
Ke konoia aku nei ka lehulehu mai o a o e makemake ana e ike i na hana oia la, a me kahi hana nui e ae i manaoia e hoikeia ma ia la, e pono no e naue mai, i ike i ka nani o Moaula, o lohe pepeiao auanei.
E makaala na hoa a pau i keia leo o ka oukou wahi kauwa no Karisto. J. W. M. Poohea, Kahukula Sabati Nui o Molokai.
NA HOOLAHA.
NA WAIWAIHOU!
---
NA WAIWAIHOU!
---
Maluna mai o ka moku kalepa hou Glengaber,
Mai Livapulu Mai.
---
E loaa no ma ka halekuai o Diaz me
Gonzalves, Helu 57 Alanui
Hotele. Na waiwai Lole o
kela a me keia ano, i hu-
muhumu lima ia me
ke maiau, a i
humuhu-
mu
palanehe oleia i ka
mikini ma
M A D E I R A .
He pomaikai nui keia no ka
lehulehu ke kipa mai ma ko
MAUA HALEKUAI.
---
Ona waiwai i kinohinohiia he lehulehu wale ma ko maua halekuai, a he mea ono e kilohi akahele ia ko lakou waiwai io. Eia na inoa o kekahi o keia mau ui :
Na Noho huleahulea,
Na Kaula Wati Hululio
Na Rula o keia ano keia ano,
Na Pepa Kakau,
Na Poki o na ano a pau,
Na Pahu waiho mea hana
o na wahine i kinohinohi
ia ma na io laau likeole.
He mau waiwai okoa
iho no kekahi i oi ae
ka nani a me ka
maikai i ko na me
i hanaia ena Kepani,
Na Hainaka, Na
loko Hoonani Dala.
Etc, Etc, Etc.
O keia mau waiwai a pau
e kuai ia me ke kumuku-
ai haahaa waipahe.
Na Kui ona ano a pau.
Diaz me Gonzalves,
@-tf Helu 53 Alanui Hotele.
HOOEAHA HOU.
KA MIKINI
HUMUHUMU LOLE
MAIKAI
ST. JOHN.
E LOAA NO MA KA HALEKUAI O
MR. GEO. F. WELLS.
---
O ka Mikini Humuhumu Lole Maikai
loa keia, i hiki ke huila imua a i
hope, a i ikeia ma ka Pae Aina
Hawaii nei. He Mikini
maikai loa nona ka-
naka Hawaii,
he mikini
luhi
ole.
---
KUMUKUAI $ 55.00
me Hookahi Gita (Ki-
ka) hookani maikai
loa makana.
---
O ka poe ma na kuaaina e ake ana e loaa keia ano mikini humuhumu, e hoouna mai lakou i ke dala ia
GEO. F. WELLS
ma Honolulu, a nana no e hoouna aku ma kahi i makemakeia, me na mea a pau e pili ana i ka mikini, a nana e hookau aku maluna o ka moku, me ke kaki ole ia o ka mea nona ua mekini la.
O ka poe a pau e holo mai ana no Honolulu nei, mai poina lakou i ke kipa ana ae i ka halekuai o
GEO. F. WELLS
Ma Alanui Papu, a e kilohi iho i ua mikini humuhumu la, oia ka
Royal St. John.
Eia pu no me ia na pila hookani o na ano a
pau, o ka loaa koke ana mai nei
no ia mai Amerika
a me Europa
mai, oia
Na Pila Guita ( Kika ), he 150 ka nui, mai ka $5 a hiki i ka $125 ke kumukuai o ka pila hookahi.
200 Koliana mai ka $2 a hiki i ka $20 ke kumukuai o ka pila hookahi.
100 Ohe Puluka, $2.50 a hiki i ka $15 ke kumukuai o ka ohe hookahi.
12 Pahu Hookani nunui, a me 25 Pahu Hookani liilii, a me na ano mea kani keleawe a pau, e loaa no ma keia halekuai i hoikeia maluna me ke
KUMUKUAI EMI WAIPAHE.
Na Piano nunui maikai, e loaa no
me ke Kumukuai Emi Loa i
ike ole ia ma Hawaii nei.
---
He nui aku no na mea i koe, na kela a me keia e kilohi nona iho, ke naue ae ma ko ʻ u halekuai ma Alanui Papu.
E hookoia ka makemake o kela a me keia me ka eleu.
GEO. F. WELLS.
1094 tf Alanui Papu.
NA HOOLAHA.
NA WAIWAI HOU LOA
O NA ANO A PAU.
---
E LOAA NO MA NA HALEKUAI O
WALAKAHAUKI MA !
---
MA ALANUI
Papu, Moi a me Moiwahine
OIA HOI :
Na Noho Lio hou
loa o na ano a pau,
Na Palule Keokeo,
Huluhulu, o na ano
a pau, Na Pio
Ahinahina Pele
kane hou loa o na
ano a pau. Na
Pena Kukaepele.
Na Kopa bulu. Na
Lole o na Wahine o
na ano a pau. Na
pahu Aila Mahu
maikai loa. Na Si-
lika, Pahoehoe, o
na ano a pau. Ki-
hei o na ano a pau.
HAINAKA LAU NUNUI SILIKA O NA ANO A PAU.
---
He nui aku no i koe, he piha pono na Koluma o ka pepa, ina e huai pau ia aku nei.
Eia hou ae a hoea mai i keia mau la iho he Lako Waiwai hou loa o na ano a pau, a he lako hou loa i wae pono ia e J. T. WATERHOUSE, JR., ma
Enelani, a he mau waiwai hoi i kupono loa no ko kakou mau kaiaulu. Nolaila, e eleu mai e na makamaka a me nahoa ʻ loha e hoonuu i keia mau lako waiwai hou loa. 1076 3m
NU HOU ! NU HOU !
---
Na Waiwai Hou Loa !
NA PAIKINI O KEIA AU.
---
E loaa no ma ka la Halekuai o
DILINGHAMA MA.
Ma Alanui Papu.
---
Oia na waiwai malalo iho nei:
Na Palau, Kaa Huilapalala, Kopala,
Piki, Oo, Koi, Koilipi, Na Hama-
re Kamana o na ano a pau,
Na mea Hana a na Ka-
mana, Poe Hamo
Puna, na Am-
ara a me
na mea
hana o ka
Poe Akeakamai
a pau. Pena Aila,
Vaniki a me na Palaki,
Pauda, Poka a me na Kukae-
pele, Palaki Hamo Puna, Pulumi,
Pakeke, Kapu Holoi Lole a me na Papa
Holoi Lole, na Iputi,
na Pa Palai, na Ma
kau Lawaia, Na
Aho Lawaia o na
ano a pau, na Kaula
o na ano a pau, na
Pahi, O, a me na
Puna, a he nui aku
no na mea i koe.
I KUPONO NO KA HOOHIWAHIWA ANA !
NA HALE.
---
I hiki ole ia makou ke huai pau aku, aka, na oukou no e hele mai a e hoonuu iho. O keia maluna ae, e loaa no ma ka halekuai o
Dilinahama Ma,
1036-3m ] Ma ka helu 37, Alanui Papu.
NA HOOLAHA.
PAPA ! PAPA !
---NO---
ALLEN & ROBINSON
---
Ua wehe ae @ @
PA KUAI PAPA.
---MA---
Ka Uwapo o Pakaha.
Na Papa Ulaula o na ano a pau
Na Papa Paina o na @ @
Na Pili Hale Ulaula
Na Pili Hale Ke@
Na Pepa M@
Na Pepa @
Na Pena a me na Aila Pena !
Na kui o na @ @
Na Pani Puka a me
Na Pani Puka An@
Na Pani @
---
NA LAKO KUKULU HALE
O NA ANO A PAU
E kuaiia ma
KE KUMUKUAI HAAHAA @
O keia Makeke.
PAPA ! PAPA !
AIA MA KAHI O
LEWERS & COOKE
( O LUI MA)
ma ke kahua kahiko o na alanui @
E loaa ai na
PAPA NOU AIKI.
o kela a me keia ano
---
Na Pani Puka, Na Puka Aniani N@
Na Pou, Na Ola, Na Papa H@ @
Ku, A me na Papa M@
Na Pili o na Hale o na Ano a Pau
---
Na Pepa Hoonani, Na Pena o na W@
Na Kui mai ke Nui a ka Ma@ @ @
Puka Na Ami Puka Aniani. N @
o na ano a pau, Na Aila Pe@
kela me keia ano Na Aila H
maloo, he lehulehu wale.
Na Aila e ae ona
ano a pau.
NA WAI VANIKI
---A ME NA---
WAI HOOHINUHINU NANI !
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na M@
pau, ua makaukau keia mau M@
o oukou e hoolawa aku @
na mea a pau e pili ana
ma ka laua oihana.
---NO KA---
UKU HAAHAA LOA.
E like me ka mea e holo ana maw@
Laua a me ka Mea Kuai.
E Hele mai ! E na Makamaka "
A e lawa no hoi ko oukou makemake me ka oluolu a me ka maikai.
LOLE MAKEPONO
Ke Kuike e loaa no ia ma kahi o
Kakela me Kuke.
---E laa na---
AHINAHINA, KALAKOA, KEOKEO, LEPONALO, PENA, AILA, AILA HONUA, ANIANI.
NA MEA PIULA,
Kopa, Aila Hoomaloo, Kui Kako @
keke, Tabu Kaula, Noho Lio, H
Palahi, na Palumi, ahe agena
no na mokupuni o Ha
waii neino na Laina
kini-nao
Lainakini Maoli, Ki-lika, Paluke K@
Alapia, Kelepa, Na Lole ku@
ka Wawae, Palule Huluhulu,
Na Lole Huluhulu, Na
ka hoohelo ana, Li
Lole no pini, Li-
hilihi, etc.
A ME NA
Mikini Humuhumu
MAKEPONO LOA.
A he mau
MEA AI KAHI:
KA PALAOA, KOPAA
RAIKI, PIA, HOOHU
PAAKAI, HUAALA.
PIA KULINA, KOPE.
---A HE---
Laau Lapaau Kaulana Loa
A DR. JAYNE
LAAU HOOMAEMAE KOKO
LAAU HOOPAU NAIO.
PENIKILA, HUAALE.
LAAU KUNU.
Me na Laau Hamo, a Pela ʻ ku.
840-tf
PAPA KUHIKUHI MANAWA HOLO
---O KA---
Mokumahu Hawaii.
"LIKELIKE,"
Kapena King.
AOLE AIE NONA UKU OHUA
Ke hooleia aku nei ka ale no ka @ @ a ke hoikeia aku nei i ke akea, ina @ paiki, ukana a puolo hooili ko lakou, @ @ hailonaia me ka moakaka lea. Aole @ @ ia ka lawe ana i na ukana, paiki a @ @ hoailona ole ia ke ole e kakauia ka @ @ mai.
HE KUIKE, KA UKU UKANA
Ma na ukana a pau o na makamaka @ @ e uku mua ia. A e hookoia no na ka @ ka lawe a hiki i kahi i makemakeia. A malamalmaia no me ka makaala na ukana @ me na puolo, lio, pipi a me ka hoki.
E HOAILONAIA ME KA MOAKAKA NA PAHU RAMA A ME WAINA
O ka poe no lakou na ukana o kela @ @ hoailonaia me ka moakaka, a i ole e @ me ka moakaka ka loaa ana mai @ @ lakou keia mau waiwai.
O na koina no na pilikia a me na @ pono e hoike kokeia mai iloko o ka @ hookahi.
Aole e aeia na hookele kaa, na @ me na mea like e pii iluna o ka mokuahi @ wa e pili mai ai i ka uapo, aia wale @ @ na ohua eepakeke i ka lele.
No ke ake nui e hoopomaikaiia ka lehulehu kaahele, ua hoololi ae nei na Ona o Likelike ka Papa Hoike Manawa oia Mokuahi e like me maluna.
Ma Hale Oihana e loaa ai na Palapala.
Aole Keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo, pahu, ke nele ke ka kakauia ka loaa ana mai. E hookaaia ka uku ukana a oi aku. WAILA @MA.