Ka Nupepa Kuokoa, Volume XXII, Number 3, 20 January 1883 — KA NUPEPA "KA HOKU O KE KAI." [ARTICLE]

KA NUPEPA "KA HOKU O KE KAI."

I ka Poaono o kela pule aku nei, ua hoea ae ma na |x>ai o ke kulanakauhale nei, a ua hala loa akn no hoi ma na poai o ko kakou mau kaiaulu, ka nupepa hou Ka Hoku oke Kai. Ua puka ae oia me ke kino puipui a maikai, a ua hoopihaia kona mau kolamu me na nuhou maikai o kela a me keia ano, a me na manao kupono e hoonaauao ana i ka lehulehu a pau. Ua hoea malihini ae nei oia iwaena o kakou iloko o keia makahiki hou, a me ia kulana malihini ona makou e manaolana nei, e apo ia mai ana oia e ka lehulehu a hookipa aku iaia iloko lilo o ka puuwai o kela ame keia jxikahi. E heahea aku i ka malihini, e hookipa, e hanai aku iaia me ke aloha. Ua noho Lunahooponopono ia oia e kekahi o na keiki Hawaii Ponoi i hoonaauao kupono ia, a mamuli o kana hookeie a lawelawe kupono ana, ua hoca ae kona kino puipui iwaena o kakou ! i kela pule aku nei. He nupepa puka n\ahina keia, a he manaolana ko makou, a hoea hou ae kona helu elua, e piha ana oia me na nuhou maikai a makamaka. No ka hoj>e o ka makou, ke haawi nei ka Nupepa i kona mahalo pi-ko-i na Lunahooponopono; a ke panai pu aku nei i ke aloha pumehana o kona mau keiki kukulu hua metala.