Ka Nupepa Kuokoa, Volume XXII, Number 6, 10 February 1883 — NO KA POWA-KA PEPEHI KANAKA. HE KUAHAUA NA KA ELELE POAKOLU. [ARTICLE]

NO KA POWA-KA PEPEHI KANAKA. HE KUAHAUA NA KA ELELE POAKOLU.

(Kakau ta no ke Kuokoa.) Eia iho ma ka Ekh Poakolu o lanuari 31 o kela pule i hala, e olelo ana me keia: "I ka manawa e hoea mai ai he mau kuee ana i ka Moi Aliiaimoku 0 kekahi lahui, oia ka manawa kupono 1 kekahi makaainana i na no he haahaa loa kona kulana makaainana, oia ka manawa e ala ae ai a kue aku ia mau kue ia ana mai me ka ikaika a pau o kona mau lima. Ina e poino ke ola o ka mea kue i ke Aliiaimoku mamuli o ke kue ana aku o ke aloha alii, ke manao nei makou ua pono." Ma keia kalai manao ana a ka nupepa a Kipikona, a i manao ia he leo no ke aupuni, ahe waha olelo no na Kuhina, ua hiki ia makou ke hoike hopohopo ole i ko makou manao; ke ku ma 1 nei ke aupuni ma ona iho, a ma o kona waha olelo la, e hapai ana he hana inoinO a eleele lua ole, a ke alakai nei i ko makou lahui e hana i ka mea a ko Hawaii poe i moeuhane mua ole ai e hana ia. * Ke ao mai nei i na mea a pau e ala ae mai ko lakou mau noho maluhia ana, a e hana aku i ka powa, ka pepehi kanaka, ka luku aku a luku mai; e hehi i ke kanawai, e hoopau iika noho ma-j luhia ana, e hoolako ia kela a me keia I mea me na mea kaua, e pee poli i pahi 10 kanaka, e malama i mau pu panapa|na ma na pakeke, a mau mea eae pili |i ka pepehi kanaka. E malama ia mea no kou hele ana, a malia, o oe ka kekahi mea e ae e manao mai ana e lawe i kou ola; e wehe ana i kou piko mai kou hoalauna mai, a eia ka hana ke onou ia mai nei nau e Hawaii e hana ai. Aole wale o kakou ena io a me na iwi Hawaii, aka, oko kakou mau hoa malihini mai, e noho pu nei me oe. Ke kahea ia mai nei ka imihala, ka holoholo olelo, e hana laua ika laua hana maluna o ka mea hewa ole, e hapai i ko laua lima, a e lawe i ke ola o ka laua mea i manao ino ai, ina aole he olelo no ke Aliiaimoku. ; Ma keia leo kahea a ka nui>epa a; Kipikona, a ke hooko ia, alaila, e hiki mai' ana ma na Home, ma na alanui, a ma na ala ololi i ka wa poeleele na hookahe koko ana a ke au Karistiano ou e Hawaii i makemake ole al Ma keia hana, ina e ala mai ka aoao o ke Aliiaimoku i ka aoao o ka makaainana, o ke ala no ia o ke kaua kuloko, a heaha ka hopena ? He oiaio, e komo koke mai keia mau mana kaua moana, a e paa ia Hawaii iloko oko lakou mana. Heaha la ko ke aupuni makaukau o kona hookonokono ana i keia hana? Ua manao anei o Kipikona, eia ka lahui malalo o kana mau paipai ana ? Ua ike anei oia i kahi ake au e kokoia nei ? Ua manao anei oia, he ao ana keia e hoowelhveli aku i na mea a pau, a e makau ia ana keia mea? Oke kahea ana a ka nupepa a kekahi Kuhina e noho ona nei, o ke kiekie anei keia o kana hana naauao hooponopono aupuni imanaoai? Ke|olelo mai nai ka poe kahiko, "Malie ke kai, a kaia i ka pohuehne, e kaikoo auanei." Eia ka pohuehue o ka Elele Poakolu, kaia, na uku ia e iho, a na kai hoi ia e pii; malia ua pauaho ka aoao o ke Aliiaimoku ma o kona Kuhina Nui la ika noho malie. Ua uiha paha na koa i ka hoohana o!e ia o ko lakou mau makaukau kaua e noho hoiloli mai nei, a e ake ana e komo koke iloko o na uahi pauda, a me na owe o na pahikaua. E hamau e ka nupepa hoala kipi a ke kanaka kipi, a mai hooni ika wai ua lana malie. Ake hoopaakiki oe maluna o keia kalai manao au, qjaila, aole no e ole ka ohi i na hua awaawa.