Ka Nupepa Kuokoa, Volume XXII, Number 42, 20 October 1883 — LA HANAU ALII. [ARTICLE]

LA HANAU ALII.

Ma ka Poalua nei i malamaia ai ka la hanau o Kaiulani, kc kaikamahine alii a ka mea Kiekie Likelike, a laua rne kana kane ka Hon. A. S. Cleghorn. Ma ko laua hoine ulu wehiwehi ma Waikiki kahi i hohola ia ai ka papa aina la h.wiau, a he lehulehu wale o ko ke taona nei i konoia. Nui no hoi na makana maikai i makana ia aku ike alii opio; o ka piha ana keia o ka ewalu makahiki oia pua alii. Maikai a maluhia no hoi na hana a pau. Aole no e nele ka ukali ana o na manao aloha o ko Hawaii poe maikai mahope o na meheu o na makahiki o ia alii hanau 0 ka aina, a elike me ka mahuahua ae ana o kona mau makahiki, pela hoi e ulu ai kona naauao a me kona pono, me kona aloha i ka aina hanau.