Ka Nupepa Kuokoa, Volume XXIV, Number 5, 31 January 1885 — LA MAKAHIKI HOU MA WAIOHINU. [ARTICLE]

LA MAKAHIKI HOU MA WAIOHINU.

HOIKEIA NA KLTLA SABATI. I ka wehena mai o ka malamalama o kakahiaka o ka la ekahi o lanuari 1885, ua ikea ka olioli ana o na mea a pau no ka la mua o ka makahiki hou. Maikai a malie mai kakahiaka a hiki i ke ahiahi ana. Nui wale na liana e hoohauoli ana i ka manao; o ka meaoi loa, oia ka maluhia. Aole i ikeia kekahi mea e haunaele ai; aole ka ona, aole ka hakaka, aka, o hauoli wale no. Ma ka hora 10 a. m., ua hoomaka na hana pili i ka hoike ana 0 na Kula Sabati, peneia : Kula o \Vaiohinu o J. H. S. Martin xe kahu. Ksi huakai mai ka hale noho o ke kahu me na hae a hiki īloko 0 pa luakini. Kula 0 Naalehu 0 J. K. Kekaula ke kahu. Kai huakai mai ka hale noho o ke kahu me ka hae a hiki i ka halepule. Kula o Honuapo o Kahopu a me Wm. Kaaeamoku na alakai. Kai huakai mai ka hale noho 0 W. Kaaeamoku a hiki i ka halepule; kohu koa na haumana 0 keia kula me na papale 0 ka oihana kaua. Hora 10:30 hoomaka na hana me ka himeni hui o na kula a pau. Pule 0 Rev. J. Kauhane. Hoikeia ke kula 0 Honuapo: maikai ua haawiaa a me na mele; mama no ka hana o ka hoike^na

0 keia kula; aka, he maikai nae, hiki ole ke uumi i ka mahalo nui īa Wm. Kaaeamoku a me na kumu e ae 0 keia kula. Kula o Waiohinu oia ka lua 0 na kula i hoikeia. He kula nui keia 0 na haumana; elima papa kula. Nuika maikai o na haawina a me na mele i meleia. Ua mahalo nui ia na kumu no ko lakou eleu a me na haumana pu. Hiki ole ke kaohi iho i ka hana a loko he olioli. Kula o Naalehu oia ke kola ona kula i hoikeia. Maikai na haawina a pela me na mele; nui ka olioli 0 ka poe hoolohe. Mahalo nui Ina kumu no ko lakou eleu; a pela no i na haumana. Mamua oka hookuu ana o na hana, he lulu dala hanai kahu ka i malamaia; ma ia wa i haawi nui ia ai ka mahalo piha i ke keiki lalawai o Honuapo W. Kaaeamoku, no kona ikaika lua ole i ka paipai ana i ke dala no kana kula, a ua loaa na dala he 110.

Kula o Naalehu he 37 aoi dala; ma keia wahi e hiki ole iho ai ke aua i ka mahalo i na lede Mrs. Henry Martm a Mrs. W. Smithies, no ko laua eleu ma ka paipai ana i dala no ke kula o Waiohihu, aua loaa he 206.80 dala. Nolaila o ka nui 0 na dala i luluia no ka hanai kahu he 353.80. Mahope iho 0 ka hookuu ana o na hana ma ka luakini, ua kai huakai na mea a pau me na hae i alakaiia e ka poe puhi ohe, a hiki ma ka hale noho o ka Lunakanawai J. H. S. Martin; ilaila i hoolawaia'i a kena; nui na makamaka haole i akoakoa ae e paina pu. Oka pau ana ia o na hana. E hoomau aku e na haumana a me na kumu i keia hana maikai a loaa hou ka la hoike nui i lanuaii 1886. Makaikai.