Ka Nupepa Kuokoa, Volume XXIV, Number 9, 28 February 1885 — He Ala Loa ke Alanui e pii ai. [ARTICLE]

He Ala Loa ke Alanui e pii ai.

Iloko o na kamailio ana a Professor Wayland ma Kawaiahao i ka po la Sabati, hoike mai la oia no loko ae o ka moolelo kahiko o Enelani penei: He mau haneri makahiki i hala, ikawa e noho hoomanakii ana ka lahui o Enelani, ua hiki ae kekahi poe kumu misionari ma ia aina, aua hoakoakoa ae na alii o ka aina iloko o kekahi hale lole nui; ilaiia kahi a lakou i kuka pu ai no na mea e pili ana i keia poe kumu misionari ame ka lakou hana. Ia lakou e noho ana lele mai ia he manu, a komo mai la iloko o ka hale lole, mawaho mai ke komo ana mai, a puka aku la iwaho ma kekahi aoao o ka hale. Ia wa ku ae la kekahi alii elemakule, a olelo aku !a, penei ke ano o kana mau olelo: Ua like pu ko kakou ola e ola nei me ke!a manu i nalowale la, komo mai nei oia iloko o ka hale mai loko mai o ka poeleele o waho, kaalo ae nei maluna o ko kakou mau ]>00, a kapoo aku la ma kela aoao a nalowale mai ko kakou »iau maka aku. Pela ko kakou ola, hele mai nei kakou mai kahi i ike ole ia, he mau makahiki ka noho ana ma ke ao nei, alaila o ka hele aku no ia ma, kela aoao, ma kāhi i .... „*^ f . r i ike ole ia, e like me Va manu i kapalulu ae la, aua nalowale. Ano hoi, eia keia poe kumu misionari. a ke olelo mai nei lakou oka lakou hana, oia ke j «o mai ia kakou no kahi a kakou i he-1 le mai ai & me kahi a kakou e hele aku ai, nolaila o ko'u manao e ae aku ia lakou e noho ma keia aina e ao mai i ko kakou lahui.

Maloko o keia moolelo pokole e loaa a) paha i ko makou poe heluhelu he manao hoolana no ka lahui Hawaii. Mailoko ae o ka haahaa & me ka poeleele ka pii ana o na lahui hanohano o ka honua e noho nei a ioaa ko lakou noho ana kiekie o keia wa. Aole no hoi i loaa keia hanohano ona lahui malamalama iloko o na makahiki poko--1« a haneri makahiki paha, aka he mau haneri makahiki ka loihi o ka hoomanawanui ana a me ka hakalia, a komo i ka malamalama awakea. Pela oe e Hawaii, e hoao ai me ka paupauaho ole e pii ai iluna. A mai puni oe i ka poe e hoomalimali ana ia oe me na huaolelo hoopunipuni. He poe pahe1* lakou. E pai ana me na olelo pa hee i mea e makapo ai ou mau maka, a haule iho i ka auwaha a lakou i eli ai.