Ka Nupepa Kuokoa, Volume XXIV, Number 17, 25 April 1885 — FARANI ME KINA. [ARTICLE]

FARANI ME KINA.

O na lono mua i hoea mai i o kakou nei, ua hoauheeia aku na pualikoa Fa rani e na pualikoa pake, a me ka nui o ka poino ona Farani Nolaila, ua hiki na kauoha koa i Farani no ka hoopuipui hou ana aku i na pualikoa i auhee ai, ano ka makaukau no ka lele kaua hou ana aku. A hiki mai nei iloko o keia mau la, ke hookahua la na manao kuikahi mawaena o Farani me Kina. Ua iini loa paha ke aupuni o Kina, ma ka hoomaopopoia aku, e loaa na haawina o ka lokahi a maluhia mawaena o laua, a ina o ka holopono o ia mau hana e hoolalaia la, alaila e kaohi mai auanei paha ke aupuni o Farani i kona mau lima maluna 0 na pake. Aka, ke hoonee mua la no na pualikoa, ke hoomauia la! no hoi ke kukulu o na papu, a ke hoo lako mau ia la no hoi na pono kaua a pau no na pualikoa, elike me na mea e puka aku nei malalo o kopoo o ka Nuhou oko na Aina e Ina hou aku no nae ua manawa e lohe hou ia mai ai