Ka Nupepa Kuokoa, Volume XXIV, Number 31, 1 August 1885 — Page 2
| This text was transcribed by: | Juanita Allen |
| This work is dedicated to: | John Kaleihulumamo Naiwi |
Ka Nupepa Kuokoa
KE KILOHANA POOKELA NO KA LAHUI HAWAII.
Ma ke Kauoha.
Ka Nupepa Kuokoa
No ka Makahiki, $2.00
No Eono Mahina, 1.00
KUIKE KA RULA
Poaono Augate 1, 1885.
HE MAU HAIOLELO NANI.
I ka po o ka la Sabati i hala, he anaina mahuahua o na haole ka i akoanoa ae iloko o ka luakini o Kawaiahao e lohe i ka haioleo a ka Rev. J. Hemphill. He anaina hui keia o na luakini elua o Kaokeano a me ko Po@, a ma ka olelo haole no na hana a pau.
He makamaka malihini ke kahunapule: I hele mai nei e hoomaha iki, a ua makaikai aku nei i na moku o Hawaii a me Kauai, a e hoi ana i kona kihapai mau, maluna o ka mokuahi e holo ana i keia la. Aia ke poolelo o kana haiao ma ka Halelu 45 a ma ka pauku 13, penei ka heluhelu ana: “He nani loa maloko ke kaikamahine a ke alii, o kona kapa he gula i ulanaia.” O ke ano nui o ka haiolelo, e wehewehe ana i ke ano o “ke kaikamahine a ke alii,” oia no ka ekalesia o Kristo, a me na mea e nani ai a e mana ai ka ekalesia. Ua hoolohe pono ia kana haiolelo me ka luhi ole no hookahi hora.
O ka lua iho o na haiolelo ma ia po iloko o ka luakini o Kaumakapili. He anaina maikai ka i akoakoa ae malaila, aohe nae mahuahua loa no ka nui o ka ua, a o na koa no hoi kekahi. O ka Rev. O. P. Emesona ka haiolelo o ia halawai, maluna o ke kumuhana hoole waiona. No hookahi hora a oi kona kamailio ana me ka uiha ole o ke anaina. A he mea haohao no hoi I ka lehulehu i ka poina ole i ka olelo Hawaii ia Emesona, mahope o kona kaawale ana mai ka aina hauau aku no iwakalua makahiki a oi. He Hawaii oiaio ke poina ole nei ka olelo o ka aina kulaiwi. Ua pau i ka wehewehe ia mai na kulana o ka hana hoole waiona ma Amerika Huipuia; kona hookumu ana, ulu ana a mahuahua a puni ka aina. Ua hoike ia mai ka holomua o keia hana ma ka lima o na wahine. He ahahui ikaika loa ka lakou e hooholo mua ana i ka pono o ka hoole waiona.
Pomaikai ka poe I komo ai i na luakuni ia po a lohe i keia mau haiolelo, no ka mea aohe e lohe hou ana.
E hoi ana ka mua ma ka moku o keia la, a e hoi ana o Emesona maluna o ka moku o ka la 15 o Augate. Aloha laua.
Ka Ahahui Opiopio o Kawaiahao.
Ua lohe mai makou ke nee mua nei keia ahahui me kana mau hana maikai. Ua koho hou ia na luna o ka aha no keia makahiki, oia keia poe: S. Kapu Peresidena, D. Lima, Hope Peresidena M. Keliaa, Puuku, S. Kanoholoa, Kakauolelo.
He nui na hana maikai i hapuia e keia ahahui iloko o ka makahiki i hala ae, mawaena o ke kihapai o Kawaiahao. O ka hana ka mea e holo mau ai na hana maikai: a o ka hana no hoi ka mea e ola ai ka ahahui. Ua make kekahi mau ahahui i ka palanalelo. He ku inoa wale no, a he kamailio a pau wale kahi ikaika. Aole pela keia aha a makou i ike ai, aka he poe lawelawe maoli lakou nei I na hana maikai.
O ko makou no na ahahui a pau o ka poe opiopio iwaena o ka lahui e loaa ke kuleana io e kuleana io e kuleana ai ka inoa maikai he ahahui imi pono io ko kakou poe opio, e loaa no. Aohe mea e nele ai. Aohe o ka makee oihana aupuni a loaa wale me ka hana ole. Aka, ke makee kekahi i ka pono a imi io me ka hoomanawanui, aole e nele.
APOPO
Aia ma kekahi kulanakauhale o Enelani, e noho ana kekahi ohana, he makuakane hoomaloka, me kana wahine haipule, a me ka laua mau keiki ekolu, hookahi kaikamahine nona na makahiki he 15, a me elua keiki kana no laua na makahiki he 18 o kahi, a he 22 o kahi, aka, o na keiki kane elua ua mo ni laua i ka mana o ko laua makuakane (ka hoomaloka) aole pule, aole heluhelu baibala me ko laua makuahine, aka e hele ana laua me ko laua makuakane ia hale aku ia hale aku, i ka inu ona a me ka piliwaiwai a me na hana lealea he nui, a ina e ao aku ko laua makuahina ia laua, e puka mai ana keia mau huaolelo mai ko laua waha mai “Apopo” (tomorrow) a pela no me kana kane oia olelo hookahi no ke puka mai ma kona waha i na wa a pau, a me na olelo hailiili i ka pono.
Ma kekahi po, ia lakou maloko o kekahi hale inu waiona e lealea ana, a e inu ana, aia no kana wahine me ka laua kaikamahine i ka hale kahi i noi ai i ke Akua e hoohuli mai i kana kane a me kana mau keiki elua mai ka lealea, i o Kristo ala, a oiai hoi ka ona kupouli e halii ana maluna o lakou, a e waiho a make ana maluna o ka papahele o ka rumi mahope o ua hale rama nei, a e puka ana kela olelo maa mau ia lakou Apopo! apopo!!! ia wa no i holapu ae ai ke ahi ma kekahi rumi o loko o ua hale nei malalo o kekahi ulia, no na minute pokole loa ua puni ka hale i ke ahi, a mamua o ka hoea ana mai o ka lehulehu, ua pau loa ka hale a me na ola lehulehu o ka poe ona loa e hookahi ana ma ka papahele o ua hale nei i ka amu nui ia e ke alelo ana ole o ke @ a waena o keia peo pau i ke ahi, o keia makukane me kana mau keiki ele@ kekahi i pau, ka poe e pane mau ana “Apopo.”
E na makua hoomalo ia e alakai hewa nei i ka oukou mau keiki i ka ona, ka hula ku-i, a me na hana lealea he nei, e huli a nana i keia makua nana alakai i kana mau keiki iloko o ka poino, e hoomanao, he palena ko na hana ino a pau, e like me kona hikimua, pela no auanei kona ukali.
E na keiki, na opio Hawaii mai hele ma ke alanui o na makua alakai hewa o kakou, o loaa ka poino.
E hoolohe i na olelo ao a ko kakou mau makua maikai, na kumu kula maikai, kumu kula Sabati maikai, a me na kahu Eklesia o kakou, mai pane “apopo.” Ua ao ia mai kakou. Epeso 6:1 3, a pela no na makua i ao pu ia mai ai. Epeso 6:4, oukou hoi e na makua, mai hoonaukiuki aku i na keiki a oukou, aka, e alakai ia lakou ma ka hoopono, a me ka hoonauauao no ka Haku. E nana hoi, Hoku Ao Nani, aoao 163. E ka poe e pane ana, apopo a huli no &c.
Kokania no ke Kuokoa.
MA KA mokumahu Oceanie, i kipa mai i ka la 29 o keia mahina, ua loaa mai na nupepa, a mailoko mai o kekahi o ia mau nupepa, ua ike hou iho makou ia na olelo e pilo ana i ka huakai a Mr. Daggett, i hoouna maluia aku nei e Kipikona no Wasinetona. O keia mau olelo ua hoolahaia ma ka nupepa “Ka Manawa” (Time) o Ladana, i hakuia e kekahi o kona mau mea kakau mea hou mai Piledelepia mai. He mau olelo ano nui keia no Hawaii a me kona lahui kanaka. Ma ka lohe o keia mea, a me kekahi poe e ae he lehulehu, ua hoouana aku nei ke Kuhina o ko na Aina e, i kekahi kanaka a ke aupuni Amerika i kapae ae ai mai kona ano luna aupuni nona, i kanaka nana e lawelawe kekahi hana a ke Kuhina i makemake ole ai e ike a e lohe ia mamua o ka holopono ana me ke ko o ka laua mea i upu ai, a oia mea ua laha ae nei, he hoohui ia Hawaii me Amerika Huipaia. Ma ko makou hoomaopopo ana i ke ano a me ka moolelo o ke kanaka nana e hookele maalea nei na pono o ke Aupuni Hawaii, a e alakai makapo nei i kekahi poe ia lakou ke kiai o ko Hawaii kuokoa a maluhia, he ano oiaio no keia mau lono, olai, aole oia nei e paa mai ana, aia wale no a ko kekahi o na hana kolohe kaulana, alaila oluolu kona manao. Ma na hoohuoi ana aku ia na hana malu e hanaia nei no ke Aupuni, he mea maopopo he mau ehumu ano e kekahi e hoao ia nei e hoohana ia aku e keia Kuhina. Mai kona noho ana mai ma Hawaii nei, he kahuna Moremona, me he la, he moeuhane ka hoohui aina ia Kipikona; a i ka wa i kap@eia aku ai o Iaukea, ua hoomaopopo aina aku makou maloko o keia nupepa, he kumu ko Iaukea hookaawaleia ana, a i ka nana aku i na mea e pu a liilii mai nei, eia iho a puka pono ae na kumu he lehulehu o na hoololi e hooko ia nei; aole o ka Luna @e Nui, aka, o Severana o Kapalakiko, a pela aku. He mea maopopo, ke hoonohonohoia nei e ke Keena o ko na Aina e, na kanaka maluia e malama i na hana o ia Keena, maanei a ma na aina e, ma kahi i manaoia he mau hana malu ke hoohanaia aku ana. He mea maopopo o ka hope aku, e hoopau ia ana o Henere Kaaka, Kuhina Waiwai ma Amerika, ina he hiki i ko Kipikona manao ke hana aku peia, a he hookahi no kumu oia mea o na hana hunahuna a kolohe no a keia kanaka. Ma keia mau hana a ma keia mau hoonohonoho ana, ke hoohaahaa ia nei ka inoa maikai i loaa i ke Aupuni Hawaii ma o Wale, Kauka, a me na Kuhina mua o Hawaii, a aole he kumu e ae o keia haule o ko ke aupuni kulana, hookahi wale no o ka hilinai ole ia o ke Kuhina nana ke alakai. O ka palapala a makou i hoike ae nei, he mau olelo koikoi ka i hai ia, a ua hoolahaia kela mau olelo ma na kolamu o ke pookela o na nupepa o Enelani, “Ka Manawa.” He leo koikoi kona, a he hilinai nui ia ka oiaio o ka mea e puka ana maloko o ia nupepa, nolaila, ke hoohui@a na deta a na makamaka e ninau mau mai nei, me na itamu ma na nupepa, he mea akaka, he kumu ka mea nana i hapai na hoolaha ana a me na ninau – wahi a ka olelo, “ma kahi e pua iki ana he uwahi, aole e nele ke ahi.” Ma kahi e pua mai nei keia mau olelo, aole e nele ke kumu.
HUAKAI I NIHOA.
Hemo mai ka laina o ka mokuahi Iwalani mai kona pahu hoopaa mai, a haalele mai la i ka uwapo ma ka hora 5 a. m. o ka Poakahi Iulai 20. Niau aku la ua nene aukai la me ka palanehe ma ka ilikai lana malie o ke awa o Kou a pulelo ana iwaho i ka moana kai hohonu.
No ka manawa hope loa makou i na na mai ai i ka aina nei a nalo aku la, oiai ka po e hoalii iho ana maluna o ka honua. Aia paha mawaena o na haneri elua ka nui o ka poe i hoio pu ma keia moku, a oiai au e nana ana i ka nui hewahewa o na ohua, ua komo iho la ka manao nalu iloko o’u, pehea la e lawa ai keia poe me na hela moe kupono. Aka, na hoohehee ia ae la ia mau manao ana, no ka mea, ua ike aku la au he lehulehu wale o na hela moe e halii ia mai ana ma ka po iho. Ma ka uhi ana mai o ka po, ua launa ae la na ohua ma ka oneki o ka moku a hoohala manawa iho la ma ke mele ana i kekahi mau himeni Hawaii, oiai na aliiwahine o ka po e kuupau iho ana i kona malamalama nui. Ua nanea nui iho la a hiki wale i na hora kuliu o ia po, a ia wa i ikeia aku ai kela me keia e lapee a lapuu ae ana ma kona wahi hela i hoomakaukauia.
Hiki ka moku ma ke awa o Nawiliwili, a ma ia wahi i lele nui aku ai kekahi poe no ka aina me ka hooilinalii Liliu. Aia mauka he ahaaina nui i hoomakaukauia nona e ke Kiaaina Kanoa a ua ai iho la malaila, inu no hoi, hoonanea iki iho la malaila, a hoi aku la no ka moku. Malaila hou aku no Waimea, a liuliu loa ke ku ana malaila no kekahi mau hora loihi. Ma ka auina la Poakolu, ua kau hou ma ka moku a kau pololei ka ihu o Iwalai no Nihoa. Mamua o ka poeleele ana, ua ike powehiwehi ia mai la o Kauai me Niihau e ka ike a ka maka, a hao aku la ka ihu eku o ka Iwalani no Nihoa ka pahu hopu. Ma ia po a ao ka holo ana, a ma ke kakahiaka nui o kehaki la ae, ua ike ia aku la o Nihoa ma kahi he iwakalua paha mile mai ia makou aku. He puu pohaku keia ma ka nana aku ma kahi kaawale, a nona ke ano me he puu pohaku huinakolu la, a ua kiekie no hoi; aia ma kona aoao akau he kiekie a hooiho’na aku la ma kona aoao hema.
Oiai ka ihu o ka moku e kau pololei aku nei no ka mokupuni meka pakika launa ole i ka ilikai, ua halawai pu mai la me makou na kamaaina o ua wahi la, oia hoi na manu; lele pohai mai la lakou a kau ae la ma na kaula likini, na kia, a maluna o ke kino o ka moku. He mau haneri ka hui o lakou i halawai u me makou, a he liu wale ia holo ana aku a makou, haule iho la ka heleuma ma kahi kokoke i ua mokupuni la, nona ka hohonu i hoomaopopoia aia ma kahi o iwakalua a oi anana. He hohonu ke kai a puni o Nihoa a ua lipolipo no hoi a hiki i kumu pali. Ma kekahi mau aoao o keia mokupuni ua kiekie, nona paha ua kapuai e ewalu haneri a oi ma ka hoomaopopo aku, oia kahi kiekie loa, a he pali ka hapanui a puni. O kahi i kuu ai o ka heleuma o makou he ano kuono ia, aka, he inoino me ka loaa nae he wahi e pili ai ka waapa me ka hoomaka’uka’u no nae. He one no ma ke kauwahi, aka, he kupilikii loa no ka pae ana aku.
Mamua o ka lele ana aku o na makaikai, ua holo mua aku ka waapa o ke kapena a me kekahi poe e iho, no ka nana ana i kahi kupono e pae ai, a ua loaa he wahi ano iho’na iloko o ke kai maluna nae o ke kauwahi pohaku. He kupono wale no nae keia wahi no na kane a no ka poe ano mama i ka lele, oiai me ka eleu loa e kau ai i ka aina. Aia wale no ka hiki pono ke kau maluna o ka aina a pili aku ka ihu o ka waapa ma ua pohaku la i ka wa e pii mai ai ke o-pu ale, a ma e emi iho ana ke kai, e haule loa ana ka waapa ilalo no ka umi kapuai paha; he hala ole ka piono o kekahi ma ia wahi ke poi aku ka nalu, a i ole he pau loa no paha i ka poino.
Lele aku la he heluna mahuahua o na makaikai maluna o Nihoa ma na waapa. He mau tausani o na manu e lele ana mao a maanei o ka aina a me ka moku o na ano he nui, a i ike ole ia paha e na kanaka kia manu manua. He mau mea nuhou loa keia i na makaikai ka ike ana aku i na hua manu ma na punana e waiho mokaki mai ana maluna o ka lepo, a e hehi ana oe maluna o ka hua ke nana kou mau maka ma kahi e. He apuupuu ka aina mai o a o me na alualua, aia nae maloko oia mau wahi popoo na punana manu i piha me na hua no lakou na waihooluu ano e he nui. He mau tausani o na hua e waiho ana. Ua loaa kekahi manu nui, a ua ana ia ka loa o kona mau eheu ke hui ia aia ma kahi o eono kapuai a oi.
He nahele no ko keia mokupuni a me ka manu, aole nae o ka nui loa, a o ka loulu ko laila laau kiekie a ano mahuahua no. Aia na mea a pau ke hele la mao a maanei o ka aina e ohi ana i na hua manu, a loulu, e kanu ana no hoi i na anoano a pela wale aku. Aia no hoi o Bihopa me kana mau mea ana aina; Mr. J. Wiliams no hoi me na mea pai kii a ua hoohalaia he mau hora loihi maluna o Nihoa a hiki i ka hora eha o ka auina la, a mahope ihoua holapu mai la kekahi ahi i na manu a me na lau nahele e ulu ana. He ahi keia i ike ole ia e ka hapanui kahi i hoea ae ai, a ua noonoo wale ia he ahi puhi. Ua pioloke ae la kekahi poe a holo aku la no ka waapa. Hopu ae la hoi kekahi haole i kana mea pai kii a holo aku no ka waapa, a @aia i hoao aku ai e lele, ua loaa mai la oia i kekahi nalu nui nana oia i kulai iloko o ke kai. Me ka eleu no nae ua kau hou oia ma ka waapa. Mamuli o ka pioloke loa, ua nui ka poe i poino me ka paholehole ana o na ili i na pohaku ooi, a he wahine ka i oi loa aku o ka eha.
Kau ma ka moku a haalele aku ia laila no Kaula. Haalele pu aku la no hoi ia Nihoa na ke ahi e ai, a ua pii ae la kona uwahi iluna me he lua pele la. Hiki ma Kaula ma kekahi la ae, a haalele hou ia laila no Honolulu nei.
HE WAHI HOOAKAKA NO NIHOA:
Aia o Nihoa ma ka aoao A.K. ma K@ K. malalo aku o Kauai, a he 244 mile mai Honolulu aku nei. He 400 kapuai ke kiekie, a he pohaku ka hapanui. O kona loa he mile me ka hapa, a he hapa mile kona laula. Ma kona aoao akau he ano ku pololei ka pali, a ma ka hema hoi he ihona ilalo, a he one malaila, a he pae ka waa ma ia wahi i ka wa malie. Ma kahi kokoke i ke kahakai he wahi luawai. He sila me ka manu na holoholona o luna. He hiki ke ku ka moku ma kahi he mile a he hapaha mile paha ka mamao mai ka aina mai, a nona ka hohonu ma ka ehiku a hiki i ka 17 anana. He nui ka manu a me ka mano malaila.
MA KE KEENA O KA LUNAKANAWAI KAAPUNI APANA EKOLU
o ka Hawaii Pae Aina ma ka waiwai o GEORGE PRACHT, no Kau, Hawaii i make.
Ua heluhelu ia a ua waiho ia ka palapala noi a G. W. C. Jones, ka luna hooko no ka palapala kauoha hope a George Pracht, no Kau, Hawaii i make, e noi ana e hoaponoia kana hoike hope, a e hohole ia ka waiwai i na hooilina, a e hookuu aku iaia me kona hope ma ka oihana.
Nolaila, ke kauoha ia aku nei i na kanaka a pau, he pili, o ka Poaha oia ka la 3d o Sebatemaba, M. H. 1885, i ka hora 10 kakahiaka, ma ko Hale Hookolokolo ma Waiohinu, Kau, oia ka la a me kahi i koho ia no ka hoolohe ana i ua nonoi la a me na mea kue ke hoikeia.
F. L. LYMAN.
Lunakanawai Kaapuni Apana Ekolu, H. P. A.
Hilo, Hawaii, Iulai 23d, 1885. 2035-3ts
MA KE KEENA O KA LUNAKANAWAI KAAPUNI APANA EKOLU
o ka Hawaii Pae Aina ma ka waiwai o
Ua heluhelu ia a ua waiho ia ka palapala noi a J. H. L. Martin e noi ana e hooponopono ia ka waiwai o W. T. Martin no Kau, Hawaii i make, a e hoonoho ia J. Kauhane i lunahooponopono no ia waiwai.
Nolaila, ke kauoha ia aku nei na kanaka a pau, ke pili, o ka Poaa oia ka la 3d of Sebatemaba, M. H. 1885, hora 10 kakahiaka, ma ka Hale Hookolokolo ma Waiohinu, Kau,awaii, oia ka la a me kahi I koho ia no ka hoolohe ana I ua nonoi la a me na mea ke hoikeia.
F. L. LYMAN.
Lunakanawai Kaapuni Apana Ekolu, H. P. A.
Hilo, Hawaii, Iulai 23d, 1885. 2035-3ts.
[POO AUPUNI.]
ILOKO o ka Aha Hookolokolo Kiekie o ke Aupuni Hawaii,
KALAKAUA, ma ka lokomaikai o ke Akua o ko Hawaii Pae Aina Moi:
I ka Ilamuku o ke aupuni, a i ole i Kona Hope, me ka mahalo:
Ke kauohaia aku nei oe e kee aku ia AHUNA (p.,) ka mea i hoopiiia, ina a waiho mai ana oia i kana pane i kakauia iloko o na la iwaka @ mahope iho o ka hookoia ana o keia, e hoo@mai imua o ka Aha Hookolokolo Kiekie @ke Kau o Iulai o ua Aha la e malama ia’na ma ke Keena Hookolokolo o ka Hale Hookolokolo ma Honolulu, mokupuni o Oahu, ma ka Poahaki la 6 o Iulai e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a PAAKEA (w) ka mea hoopii, e like me ka mea i hoakakaia iloko o kona palapala hoopii i pakuiia,
A e hoihoi mai oe i keia palapala kii me ka hoike piha o kau mau hana no ia mea.
Ikea ka Mea Hanohano A Francis Judd [Sila] Lunakanawai Nui o ko makou Aha Hookolokolo Kiekie, ma Honolulu i keia la 16 o Iune, M. H. 1885.
WILLIAM FORSTER, Kakauolelo.
Ke hooia nei au o na mea i hoike ia ae la maluna, he hope oiaio no ia o ka palapala kii o ka hihia i hoike ia ae la maluna,
[Sila] Ikea ko’u lima i keia la 11 o Iuiai, 1885
WILLIAM FOSTER, Kakauolelo.
KAUOHA NO KA HOOLAHA.
Oiai mamuli o ka hoike ana mai a ka Ilamuku, mahope o kona imi pono ana, aole I loaa iaia ka mea I hoopiiia, nolaila ke kauoha ia nei e hoopanee ia ka hihia I oleloia, a hiki I ke Kau o Okatoba e hiki mai ana, a e hoolahaia aku I hope oiaio o ka palapala kii iloko o ka Hawaiian Gazette he nupepa I paiia ma ka olelo Beritania ma Honolulu, mokupuni o Oahu, a iloko o ka nupepa KUOKOA, he nupepa I paiia ma ka olelo Hawaii no Honolulu I oleloia no na manawa aole e emi mai malolo o eono, a o ka hoolaha hope loa ana aole e emi mai malalo o iwakalua la mamua ae o ke Kau o ka Aha e hiki mai ana.
Kakau ia Honolulu Iulai 11, 1885.
L. McCULLY.
Lunakanawai Aha Kiekie.
Ikea:
[Sila] WM. FOSTER, Kakauolelo. 2034-6ts.
KUAI HOOPOHO NUI.
Mamuli o ke kauoha a H. Hackfeld & Co. e malama ana au he kuai kudala hoopoho nui ma ko lakou halekuai ma ka
POAKAHI, a me POALUA,
o Augate, oia ka la 10, a me 11, ma ka hora 10 kakahiaka o ia mau la pakahi, oia hoi na WAIWAI
ENELANI,
AMERIKA,
FARANI,
GEREMANIA.
O na ano a pau, e laa na lole
ONIONIO,
HULUHIPA,
AHINAHINA,
HULUMANU,
HULUHULU,
Na SILIKA, na lole no na Wawae me Kuka; na PALULE, na PALEILI, NA KAKINI, HAINAKA, na HULUHULU, me na KAPA APANA.
A laa no hoi na
NOHOLIO, KAULAHAO, NA MEA AI, SOPA, PENA, KIKA.
A me na mea HANA HAO he nui.
E. P. ADAMS
Luna Kudala.
NA HOOLAHA HOU.
HOOLAHA AKEA: – Oiai @ ke noho nei iloko o na kipona @ a me na hoo@ a@ a ka mai hookaawale i ka ohana, aole hoi oia wale, aka, o na manao kue a mok@hana @ @ a me kuu wahine mare, Mrs. Keahi Keihaihae. Ua kipuke mai kela lalo a me kana aloha kak@ iwi e hele au, a ua hoonelo@ pu mai i ka ai a me na pono kino e ae. Nolaila ke hoike aku nei au i na mea a pau, ke makemake nei au e kuai a hoolimalima aku i kuu mau waiwai a me na mea a pau, e like me k@ m@ mea. 1 – Apana aina kuleana ma Kawaihae S. Kohala, Hawaii. 5 – Lie. 1 – Hoki. 1 – Halei@ ma Makalawena nei. 1 – Waapa huelopoki i kapaia o “Kaheilawaia.” 1 – Aho-ahi. 1 – Aho-kalekale a me ke kuleana @ kuu wahine iloko o ka “Hui Kalepa o Makalawena.” O ka poe a pau e makemake ana e hele mai a e kuka pu me au, aohe kuleana o kuu wahine i keia, oiai aohe ona malama mai i ku’u ola, a ke noho pu nei oia me kekahi ipo. He kane hoi aole nana, a ua hoi e malama nei i ko’u ola i keia mau ia, a ua hoole paa mai aole e malama i ko’u ola, a aia au iloko o ka lanai waapa o ko’u hale ia e noho ai.
J. R. KELIIAIHUE.
Makalawena, N. Kona, Iune 30 18 3. 2033 2t.
OLELO HOOLAHA: – E ike auanei na kanaka a pau ke nana mai ma keia Olelo Hoolaha, owau o John Frank ke kane mare a Paikolani (w); nolaila, ke papa aku nei au i na mea a pau, aole e hoaie mai i kuu wahine mare ma kuu inoa, a pela pu no hoi ma kona inoa; oiai ua haalele kumu ole mai kuu wahine ia’u, a ua hele aku mai ko maua home noho aku me kuu ao ole ia hele ana, nolaila e hoolohe na mea a pau.
JOHN FRANK.
Niolopa, Honolulu, Iulai 15, 1883. 2033-3ts
OLELO HOOLAHA: – E ike auanei na kanaka a pau owau o Hinau ekolo, ke Hoolaha aku nei au ma ke akea, aole e hoaie I kuu wahine mare, aia oia ma Maui kahi I noho ai, ua haalele mai oia I ko maua noho pu ana a ua hele mamali o kona makemake iho ke kuu ae ole.
HINAU EKOLU.
Kamanuwai, Honolulu, Iulai 13, 1885. 2033-2ts.
AHA KAAPUNI APANA EHA O KO HAWAII PAE. Ma ka Hooponopono Waiwai. Ma ka waiwai o KAUAKAHI (k) no Waipouli, Mokupuni o Kauai i make. Imua o ka Lunakanawai Kaapuni ma ke Keena.
No ka mea, ma ka la 20 Iulai, M. H. 1883, ua waihoia mai imua o ka Aha ka Palapala Hoopii a Kapookalani (w) a me Pahuilima kana kane mare, e noi ana e hooiaioia kekahi Palapala i olelo ia ua nalowale, oia hoi ka Palapala Kauoha Hope Lea a Kauakahi (k) i make aku la. Nolaila,
Ua kauoha hou ia o ka POALIMA oia ka la 7 o AUGATE, o ka M. H. 1885, ma ka hora 10 kakahiaka ma ka Rumi Hookolokolo o keia Aha ma Lihue, Mokupuni o Kauai, oia ka la a me ka hora e hoolalo ia ai ia Palapala Kauoha, a e hoolohe hoi i ka poe a pau i pili, e kue ia Palapala Kauoha. A ua kauoha hou ia, e hoolaha no ia mea no na pule ekolu iloko i ke KUOKOA he nupepa i pai ia a i hoolahaia ma Honolulu.
A ua kauoha hou ia e hoopuka ia na Palapala Kena no na hoike no ia Palapala Hoike, a me na hooilina o ka mea make ma Kauai nei, e hele mai a e kue i kela Palapala Kauoha i ka wa i olelo ia.
Kakauia ma Koloa, Mokupuni o Kauai Iulai 2, 1885.
JACOB HARDY,
Lunakanawai Kaapuni Apana Eha. 2033-3ts.
MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina. Ma ka Waiwai o NAAI (k), no Hilo, Hawaii, i make.
Ua heluheluia a ua waihoia ka Palapala Noi a J. W. Kumahoa, ka Luna Hooponopono o ka ka waiwai o Naai (k) no Hilo Hawaii, i make, e noi ana e aponoia kona hoike hope, a e hooholoia ka waiwai i ka hooilina me na mea i pili, a e hookuu aku iaia a me kona hope mai ka oihana lunahooponopono waiwai.
Nolaila, ke kauoha ia aku nei na kanaka a pau, ke pili, o ka POALUA, oia ka la 11 o AUGATE 1883, ma ka hora 10 kakahiaka ma ka Hale Hookolokolo ma Hilo, oia ka la a me kahi i kohoia no, ka, hoolohe ana i ua ponoi la a me na mea kue ke hoike ia.
F. S. LYMAN,
Lunakanawai Kaapuni Apana Ekolu o ko Hawaii Pae Aina.
Hilo, Iune 29, 1885 2032-3t
MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina. Ma ka Waiwai o KAINAPAU (k,) no Kohala Akau Hawaii i make.
Ua heluheluia a ua waiho ia ka palapala noi a J W Moanauli Jr. e noi ana e hooponopono ia ka waiwai o Kainapau k. no Kohala Akau, Hawaii i make a e hoonoho aku ia C F Hart i lunahooponopono no ia waiwai.
Nolaila, ke kauoha ia aku nei na kanaka a pau, ke pili, o ka POAHA, oia ka la 13 o Augate, 1885, hora 10 kakahiaka ma ka Hale Hookolokolo ma Hilo, Hawaii, a oia ka la a me kahi i kohoia no ka hoolohe ana i ua nonoi la a me na mea kai ke hoikeia.
F. S. LYMAN,
Lunakanawai Kaapuni Apana Ekolu o ko Hawaii Pae Aina.
Hilo, Hawaii, Iune 29, 1885. 2032-3t.
MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina. Ma ka Waiwai o NIHOA KIPI no Hilo, Hawaii, i make.
Ua heluheluia a ua waihoia ka palapala noi a J W Keaomakani k. e noi ana e hooiaio ia ka Palapala Kauoha hope a Nihoa Kipi w, no Hilo, Hawaii, i make, a ua waiho pu ia mai ia palapala i ka aha, a e hoonoho aku ia J. W. Keaomakani i luna hooko no ia palapala kauoha hope.
Nolaila, ke kauohaia aku nei na kanaka a pau, ke pili, o ka POALUA, oia ka la 11 o AUGATE 1885, ma ka hora 10 kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
F. S. LYMAN.
Lunakanawai Kaapuni Apana Ekolu o ko Hawaii Pae Aina.
Hilo, Iune 29, 1885. 2032-3t.
H L. CHASE. (KEIKI.)
Mea Paikii kaahele ma na mokupuni. E hanaia no na kii me ka maikai a me ka eleu pu no hoi. E paiia no na kii nui a liilii e like me ka makemake o na makamaka. He oluolu ka auhau no ke pai ana. 2014-1y.
JAMES DOWER.
Oia hoi o Kimo Kapiolani, ka ona mua o ka mokuahi Kapiolani. Ua makaukau oia me na lako apau, no ka hana ana i na waapa, a me ka hana hou ana i na waapa naha. Ua makaukau oia me na Wae, na Umu, a me na apana hookui e paa ai na waapa, a me na lako e ae no ke kapili ana i na waapa. E hele mai ma kona hale ma Manamana, Honolulu. 2029-tf.
G L. FITCH. (KAUKA PIKA.)
Ua wehe ae noi au ke Keena Lapaau @ Alanui Maunakea, Honolulu, Helu 70, a e loaa no au ma ke Keena @ ka hora 9 o ka hora 13 o ke kakahiaka a keia a me keia la, hora 3.30 a i ka hora 7.30 ahiahi.22007-y.
JNO. M. KEALOHA.
LUNA Hooia@o Palapala Kepa Paahano no ka apana o Kawaihau, Kauai. He Agena no ka Hoolaio ana i na Palapala ua ka apana o Ka@hou, Kauai. He Komisina Palena Aina no ka apana o Kawaihaau, Kauai, a he Luna Hooke Mare ma ka Pae Aina holookoa.
NA HOOLAHA HOU.
HOOLAHA HOOKO MARAKI: – I kulike ai me kekahi mana kuai i hoikeia maloko o kekahi palapala moraki i ka@a@ia ma ka la 11 o Malaki, 1883, mawaena o Lee Num o Honolulu mokupuni o Oahu, ia N. A. Kinney (etal) o Honolulu i oleloia, a i kopeia ma ke Keena Kope o ke Aupuni ma ka buke 96 ma na aoao 147, 148; a mamuli o ka ohakiia ana o na kumu aolike i hoikeia ma ua moraki la i oleloia, a me ka aku ole ia ana o ua moraki ma ka manawa i hoakakaia ma ke Kanaw@, nolaila, e kuai kudala akea ia aku ana na pono a paa o Lee Num a me ka hale i hoikeia ma na palapala moraki la i oleloia, no ke aelike i u@aki@a e like me ia malalo iho:
O ko waiwai ma ia moraki i oleloia, he elua mau hoolimalima aina ma alanui Kamika (Smith’s Lane) ma Honolulu i oleloia; he hapakolu o ka aina i hoakakaia ma ka Sila Nui 1122 kuleana 149 ia Kawahakui. Ka hoolimalima @a ma hoakakaia ma o kekahi palapala mai ia Kekumu ia Lee Mun i kopeia ma ka buke 70 aoao 212, a e pau ana Dec., 31, 1888: a o ka lua ua hoolimalima ia no umi makahiki i ka inoa mua, a i kopeia ma ka buke 80 ma na aoao 470, 471.
KINNEY & PETERSON.
Na Mea Moraki. 2035-4ts.
OLELO HOOLAHA: – Ua haalele kumu ole mai kuu wahine mare ia’u, oia o Mrs. Kamoonohu o Keauhou, Kona, Hawaii. Nolaila, ke papa aku nei au i na mea a pau loa, mai hoaie iki oukou iaia; no ka mea, aole au e hoolaa ana ia mau aie. O ka mea hoolohe ole i keia kauoha a’u, maluna iho no o oukou ko oukou poho. Eia kekahi, ke hoole nei au i kona kuleana iloko o ko’u mau waiwai, a ke papa pu aku nei au i ka poe hookipa a malama iaia; no ka mea, o kau aku auanei ka poino maluna o ka mea hoolohe ole i keia kauoha a’u. Owau iho no o
KAI (PAKE.)
Waikapu, Maui, Iulai 14, 1883. 2035-1t
OLELO HOOLAHA: – E ike auanei na mea a pau ma keia, o ka’u wahine mare o Mrs. Mamea Kanaina, ua haalele mai ia’u, a ua holo mahuka aku mai ko maua hale aku. Nolaila, ke papa ia aku nei na mea a pau, mai hoaie a hookipa iaia, aole au e hookaa iki i kona aie, a ina e lohe au ua hookipa kekahi mea i kuu wahine a huna paha iaia ma ko lakou mau hale, e hoopii no au ia poe huna ma ke Kanawai.
W. E. KANAINA. 2035-21s.
HOOLAHA HOOKAPU AINA. Mai keia la a mahope aku nei, ua papa a hookapu loa ia na kane, na wahine, a me na kamalii o kela ano keia ano, aole e hele wale maluna o kuu aina hoolimalima a i kapaia ka inoa o WELI LOKO, e waiho ana makai o Kahauiki, Kona, Oahu. Ina o ka mea a mau mea paha e hoolohe ole i keia, a ike au e hele ana maluna o ka aina kahi i papaia ma keia hooloha, e hopu no au a hoouku $5.00, no ka mea hookahi a i ole, e hoopii no an elike me ka manao o ke kanawai.
He lohe ke ola a he kuli ka make.
KAMAI.
Moanalua, Iune 3, 1885. 2027-5t.
HOOKAPU AINA,
Ke hookapuia aku nei na mea a pau, aole e komo, a mahi, a hana wale maluna o kuu apana aina e waiho la ma Kukuipahu, Kohala Komohana, Hawaii, a i kapaia ma ka inoa o POHOLUA, oia hoi ka aina o Huapuaa i make, oiai, eia no ia’u ka mana o ia aina, aole no i hooliloia, aole no hoi i morakiia, oiai, eia no ia’u ke Sila o ua aina nei. O ka mea kue i keia e hoopiiia no ma ke Kanawai.
MRS. TAMARA HAAKE.
Kaikamahine ponoi a hooilina o Huapuaa. 2022-3ms.
HOOLAHA A KA LUNAHOOPONOPONO WAIWAI: – Oiai ua kohoia ka mea nona ka inoa malalo iho i Lunahooponopono no ka waiwai o HERMAN SCHNIVER i make. Ke hoolaha aku nei oia i na mea a pau e waiho mai i ka lakou mau koi aie a koi e ae paha i ua waiwai la, iaia, iloko o na malama eono mai keia la aku, o hoole loa ia. A o ka poe a pau i aie iaia e hookaa koke mai.
H. F. GLADE.
Lunahooponopono o ka waiwai o Hermann Schniver i make.
Honolulu, Iune 5, 1885. 2027-4ts.
AHA KIEKIE O KO HAWAII PAE AINA, Ma ka Hooponopono Waiwai. Ma ka hana o ka Waiwai o EMMA KELELEONALANI MOIWAHINE KANEMAKE o ko Hawaii Paeaina i make. Olelo Kauoha e koho ana i la e hooiaio ia ai ka Palapala Kauoha, a no ka hoolaha ana.
No ka mea, ma ka la 16 o Iune M. H. 1885, ua waihoia mai imua o ka Aha, kekahi Palapala, i olelo ia, oia no ke Kauoha Hope Loa a Emma Kaleleonalani Moiwahine Kanemake o ko Hawaii Pae Aina i make aku la; a me ka Palapala Hoopii e noi ana e hooiaoia kela Palapala Kauoha a e hoopuka ia ka Palapala Luna Hooko no Alexander J. Cartwright Senior i waihoia mai e ia.
Nolaila, ua Kauoha ia o ka POALIMA oia ka la 17 o IULAI M. H. 1885, ma ka hora 10 kakahiaka ma ka Rumi Hookolokolo o ia Aha, ma Aliiolani Hala Honolulu, oia ka la me ka hora, e hooiaio ia’i ia Palapala Kauoha, a e hoolohe ia ai ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha ia ia mea no na pule ekolu iloko o e KUOKOA a me ka Hawaiian Gazett he mau nupepa i pai ia a i hoolaha ia ma Honolulu.
Kakauia ma Honolulu, ko Hawaii Pae Aina, Iune 16, 1885.
A. F. JUDD,
Lunakanawai o ka Aha Kiekie.
Ikea: HENRY SMITH,
Hope Kakauolelo. 2029-3ts.
OLELO HOOLAHA: – Ke kahea nei ka mea nona ka inoa malalo i na keiki a pau a Bila Bell, ka poe no lakou kela apana ai e waiho ia ma Kipi a me Kehena ma Kohala, Hawaii, 320 eka, i paa na inoa a i hoakakaia na palena ma ka Palapala Sila Nui, Helu 1995, oiai ua lawe ae nei na keiki a Wm. Bell i make i kona mahele iloko o na aina nei, ma ke kauoha a ka Aha Kiekie, a ua makemake hoi au e hanaia pela i ko’u kuleana i ua aina nei ma ka mahele o Rebeka a me mary-Ann Bell i lilo mai ia’u, e hele mai oukou iloko o 30 la mai keia la aku.
GEORGE W. LINCOLN.
Kehena, Kohala, Iulai 10, 1885. 12032-2t
AHA HOOKOLOKOLO KIEKIE O KO Hawaii Pae Aina. Ma ka Hooponopono Waiwai. Ma ka hana o ka waiwai o BERNICE PAUAHI BISHOP o Honolulu, Oahu, i make. Ma ke Keena, Imua o ka Lunakanawai Nui A. F. JUDD.
Ma ka heluhelu a me ka waihoia ana mai o ka Papa Hoike a Chas. R. Bishop a me S. M. Damon, na Luna Hooku Kauoha o Bernice Pauahi Bishop no Honolulu Oahu i make, e noi ana e apono ia na hoolilo he $73,306.88, a e hoike ana o na mea i loaa mau ia laua he $78,996.03, a e noi ana e nana a e apono ia kela mau mea.
Ua Kauohaia, o ka POAKOLU ka la 19 o AUGATE M. H. 1885, ma ka hora umi kakahiaka, imua o ua Lunakanawai Nui la, ma ke Keena ma ka Hale Hookolokolo, ma Honolulu, oia kahi a me ka manawa i koho ia no ka hoolohe ana i ua Papa Hoike la i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la. A o keia kauoha ma ka olelo Beritania me Hawaii, e pai ia maloko o ka Hawaiian Gazette me ke KUOKOA he mau nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoole ana.
Kakau ia ma Honolulu, ko Hawaii Pae Aina, I keia la 13 o Iulai M. H. 1885.
A. F. JUDD,
Lunakanawai Nui o ka Aha Kiekie
Ikea: HENRY SMITH,
Hope Kakauolelo o ka Aha Kiekie. 2033.3t.
NA HOOLAHA HOU.
AHA HOOKOLOKOLO KIEKIE O ko Hawaii Pae Aina. Ma ka @nopono Waiwai ma ka hana o ka W@ PETERO WAHAKANE o Hilo, Hawaii i make kauoha oie. Ma ke Keena imua @ ka @nakanawai McCULLY.
Ma ka heluhelu a me ka waiho@ @ ka Palapala Nui a me ka Papa H@ W. AUSTEN WHITING, Lunahooponopono Waiwai o Petero Wahakane no Hilo, Hawaii i make, e noi ana e apono ia na @ $4082.45, a e hoike ana o na @ @ apono ia kela mau mea, a e @ @ mea i kuleana malaila, a e h@ @ kona mau hope mai ko lakou a @ @ ano.
A no ka mea, mamuli o ka p@ @ ia mai, no ka hooia ana i ka @ @ oha no ka hoolaha ana, ua h@ @ mea, nolaila, ua kauoha hou @ @ hou ia ku ka hoolohe ana i ka @ @ ka Lunahooponopono waiwai, @ ka @ KOLU, ka la 12 o AUGATE, @ @ ka ma hora umi kakahiaka, imua @ @ kanawai la, ma ke Keena ma @ @ lokolo, ma Honolulu, oia kahi a @ @ wa I kohoia no ka hoolohe ana @ @ me na Papa hoike oleloia a o ka @ pili malala @ hele mai a e hoike @ @ ina he kum @ oko lakou, e ae olu @ la, a malaila e hoike mai ai na @ @ i kuleana maloko o ka waiwai @ @ @ keia kauoha ma ka olelo Hawaii @ @ e pai ia maloko o ke KUOKOA @ @ Gazette, he mau nupepa i paiia a @ @ Honolulu, i ekolu pule mamua ae @ @ wa i oleloia no ka hoolohe ana. K@ Honolulu, ko Hawaii Pae Aina, i k@ @ @ Iulai, 1885.
L. M@
Lunakanawai o ka @
Ikea: HENRY SMITH.
Hope Kakauolelo @@
HOOLAHA A KA LUNAHOO@ uoha: – Oiai ua hookoh@ @ @nona ka inoa malalo iho i Lunahook@ no ka Palapala Kauoha hope loa a Mrs. @ JESUS I make. Nolaila, ma keia, ke @ aku nei oia i na mea a pau he mau k@ Lakou i ka waiwai o Maria de Jesus @ @ mai i ko lakou mau koi aie iloko o @ na mai keia la aku, o hoole loa ia.
MANUEL SOUZA PEREIRA.
Luna-hooko-kauoha o ka Palapala @ hope loa a Maria de Jesus i make.
Honolulu Iune 25, 1885. @@
HOOLAHA HOOKO MORAKI ME KE KUAI: Mamuli o kekahi @ Kuai i hoikeia maloko o kekahi Palapala Moraki i hanaia mawaena o PIUS F. KOAKA@ o ka aoao mua, a me Mrs. HUMPHREYS @ aoao elua, ma ka la 10 0 Dekemaka, 188@ kakau kope ia ma buke 83, aoao 237 @ muli o ka uhaiia ana o na kumu @ kela moraki, nolaila, ke hoolahaia @ ka mea nona ka aoao elua o ua moraki @ hooko ana oia ia mana kuai, a ma ia h@ ana, e kudala akea ana ia i ka aina i hoike @ moraki, ma ka POAKAHI la 20 o Iune 1885, ma ke Keena Kudala o E. P. A@ma Honolulu, ma ka hora 12 o ia la.
Aia ma kahi o W R Kakela na olelo @ka no keia mea Hanaia i keia la 16 o Iune, 1885.
MRS. HUMPHREYS.
Ma o W R Kakela kona loio.
Mea Moraki mu.
Penei na aina e kudalaia ana: -- O kela @ na aina ma Puanui, Honolulu, e kok@ ke kanawai a e pili ana i ka aina o M. Mc@ny, ahe elua apana, ma ka apana mua@ hapa haneri eke, ua hoakakaia ma ka Palapala Sila nui helu 1808 ma ka inoa o Kek@ a o lua he 22 hapa haneri eka ua @ piha ia na palena ma ka Palapala Sila @ lu 2310 ma ka inoa o Kaiwi. 2029@
HOOLAHA PAPA: – E ike auanei na kanaka a pau o kela ano keia @ @ ka mea nona ka inoa malalo iho, ke @ nei au aole kekahi mea a mau mea @ @ i kuu wahine mare ia Mrs. Kaulaau M@ ka mea, ua haalele mai oia ia’u a me @ wahi moe. O ka mea hoolohe ole i k@ laha e poho no ia, no ka mea, aole au @ ana i kona mau aie a pau.
M. KALA@
Waipio Ewa, Oahu, Iune 19 th , 1883. @@
MA KE KEENA O KA LUNAKANAWAI KAAPUNI Apana Ek@ Hawaii Pae Aina. Ma ka Waiwai @ Yung ch. no Hilo, Hawaii, i make.
Ua heluheluia a ua waihoia ka palap@ a Richardson me Coan, @ @ @ pono ia ka waiwai o Chang Yung, @ @ Hawaii, i make, a e h@ aku @ @ Hitchcock i lunahooponopono no ia @
Nolaila, ua kauoha ia na mea a @ ka POALUA, oia ka la 11 o AUGATE @ i ka hora 10 kakahiaka, ma ka Hale @kolo ma Hilo, oia kahi a me ka m@ hoia no ka hoolohe ana I ua noi la @ mea kue ke hoike ia.
F.S. LYMAN
Lunakanawai Kaapuni Apana @ H. P. A.
Hilo, Hawaii, Iune 24, 1885 @
HE AINA WAIWAI MA KE KUDALA Ma ke kauoha a L. A. THURSTON Kahu malama waiwai o JOSEPH W@ oo ole, a e hana ana hoi malalo o @ ka Aha Kiekie, e kuai aku ana m@ kudala ma ko makou lumi, ma ka la 31 @ 1885, ma ka hora 12 awakea, i k@ @ e waiho ‘la ma Hauhaukoi Ka@ lulu, i hoikeia ma ka Palapala Sila N@ ia Kukui, nona ka iliaina he @.
Ke waiho nei keia aina ma ka @ ke Alanui Moi; mau’a iho o ka @ ia no Simona Kaai, a he elua@ @ o keia aina, kekahi hapa ke kula, @ he loi kalo. Na palapala a pau @ keia ua pono. No kekahi mau @ nau ia L. A. Thurston (Kaki@) @ Alanui Kalepa. Rula Dala kuike, @ Palapala Kuai na ka mea e kuai ana.
LYONS & LEVEY. Na mea @
Honolulu, Iulai 9, 1885. @@
Kuai Kudala Nui
O NA
AINA WAIWAI NUI!
A ME KA
HOOLIMALIMA.
Ma ka hora 12 awakea, ma k@ K@ dala, Alanui Moiwahine, e hoo@ @ ma ke kudala akea ma ka POAONO@ 11, na Aina a me ka Hoolimalima ma@
1 – Kuleana 1627, Sila nui 7399, @ na e waiho la ma Kanewai, M@ @ no lakou ka ili o 4 86-100 kaulahao @ @ Keonea w. me Paao ia S K K@ @ kekahi oalapala i hanaia ma A@ @ kopeia ma ka buke 64, aoao 54 me 55.
2 – He hapalua aina i mahele ole @ @ apana aina e waiho la ma Moe@ Kona, Hawaii, ia Kapae 2, ma ka Sila nui helu 934.
3 – He hoolimalima mai ia Bernice P. Bihopa me Chas. R. Bihopa ia Simona K. @ @ apana aina e waiho la Moanalua, Oahu.
1 Pa hale me ka hale mauka o ke @
2 Elima loi kaio ma ka inoa o M@okah@
3 Elua loi kalo ma ka inoa o Apa.
4 He loi kalo i kapaia o Kepoe.
5 Aina kula a me ka niu o Lapakea.
6 Loi kalo e pili pu ana me ka aina kula, a i ikeia ma ka inoa o Umi.
Elima makahiki hoolimalima e hoomaka ‘na mai ka la 26 o Okatoba A D 1883, he $10.00 no ka makahiki ma ka uku mua. Auhau i ka mea hoolimalima. Kuike ke dala; o ka lilo no na palapala me ka mea kuai; e uku ia ma ke gula.
E. P. ADAMS,
Luna Kukala. 11131-2t