Ka Nupepa Kuokoa, Volume XXIV, Number 39, 26 September 1885 — Ka Moolelo Kaao Nani! O TONERIKA! KA Anela o Mekiko. [ARTICLE]

Ka Moolelo Kaao Nani! O TONERIKA! KA Anela o Mekiko.

Ka mea i oleloia, ka Hokuweiowelo o na mauna Anede* aoka mua loa hoi o k * mea nana > haaheo ka leialii me ke kalaunu o ke keiki alii Beriala. Hoopukaia e ka Haku Moolelo kaulana Mose Manu no ke Kuokoa. IKA pau ana o ka laua holo lio ana, a ku malie iho la ua lio eleele nei, ia wa i kau koke ae ai o Tonelele maluna o ka lio eleele, aole i liuliu īho, aole no hoi he mau wahi huaolelo i pane ia mai i kela wa, ua hoomaka koke ae la ua lio nei e lele iluna i ka Jewa, a no na minute pokole loa ua nalowale aku la o Tonelele iluna i ka lewa, a iaia e lele nei me ka lio eleele, aia no hoi kona lio keokeo ke ukali mai la mahope ona, a no keia manawa, ua hiki pono aku la oia maluna o ka puu a kona kaikuahine Tonerika e noho nei, a i kona ike ana mai i kona muli pokii kaikunane, he mea e kona olioli nui rne na kulu waimaka a kealoha; nolaila, ua hoomanao ae la oia, ua pololei ka olelo a kona kahu hanai luahine Satone i olelo mai ai iaia, a ua hooko no hoi kona lio i kana mau olele, e like me kona makemake.

I ka manawa i hiki aku ai o Tonelele i kahi a kona kaikuahine e noho ana, ua hoike mua mai la kona kaikuahine i na hiona o kona aloha pokii, oiai oia e hoike pau mai ana i kona helehelena n»a o kona mau kii onohi me na kulu waimaka, e like me ka o ana mai o na kukuna malamahma o ka la ma ke ka kahiaka. A iaia e haka ponoana i kona wahi kaikunane me ka piha i ke aloha, aia hoi ua puili pu aku la o Tonelele mp ia haawina hookahi, a mahope iho o ko laua hui aloha ana, ua ninau mai Ia o Tonerika i kona kaikunane i kona wahi i hele loihi ai, a no ia mea, ua haha'i pololei aku la o Tonelele i na mea a pau o kona hele ana, e like me na mea i ikeia ae nei ma na helu mua o keia moolelo e pili ana īaia. Ai ka lohe pono ana o Tonerika i na huaolelo a pau a kona kaikunane, ua hoomanao ae la oia i ka mea a ka luahine i olelo mua mai ai iaia. Oia hoi ua loaa ia To nelele he mau haawina kiekie o ka pomaikai, a ua like ia me ka mea ana e lohe pono nei ia Tonelele. A pau na olelo ana a laua nei, ua kau like ae la laua maluna o na lio a huli aku la ko laua mau alo no ka home noho mauna.

Ia laua i hiki aku ai a ike pono aku la i na maka a me na helehelena o ko laua mau makua, he mea e ka piha i ka olioli a me ke aloha o na makua a me kahu hanai o laua, a hoike inai la na hiona a pau o ke kaumaha maluna o lakou no ka pilikia o Tone!ele a lakou i manao wale, ua poino la oia ma kona nalowale ana ina la i hala ae. E like me ka mao ana ae o ke ao a me ka ohu e uhi paa ana maluna o na kuahiwi, pela no ko lakou mau ano a pau i ho ike mai ai ia manawa. A pau na hoike ana o ko lakou aloha me na kulu waimaka, ua ha'i pau aku la o Tonelele i na wahi a pau ana i hele ai, e like me kana ha'i ai ia Tonerika mai ka mua a ka hope, a i ka lohe ana o ko laua mau makua a me na elemakule nana oia i hanai, aia hoi ua hoike mai la kolakou ri.au ano a pau i ka hauoii, a kupu ae la na manaolana iloko o ko lakou puuwai. He mea oiaio e loaa mai ana no na pomaikai ia lakou mahope aku, ao!e ho mea e nele au Ano keia manawa a lakou e luana wale mi, ua heo aku la ke kaikamahine Tonerika me kona lio lele ma kona home noho pali,

(E ka mea e heiuhelu ana i keia moolelo, ke ike nei oe ua hoi mai o Toneieie me kona kaikuahine a hui pu me ko laua mau makua ma ko iakou home mauna, me na puuwai o ka oiioii no ka pomaikai a lakou e kali aku ai no ka manapa e hiki mai at Nolaila» e huli ae kakou a nana hou ae i ke keiki aiii B?ria!a a me kona hiki ana ma ka ho me ponoi o ka mea nona keia mooielo.)