Ka Nupepa Kuokoa, Volume XXV, Number 31, 31 July 1886 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

 

No ka Makahiki...$200

No Eono Mahina..1.00

-KUIKE EA RULA.-

Peaono...Iulai 31, 1886.

 

Ahaolelo o 1886.

 

(Kona mai @@ @@@@ @@ahi mai)

     Hoopauia ke kom@e, a a@onoia ka hoike a ka lunahoomalu ma ka noho hou ana o @@ @@@@@e o ka hale ma ka Poa@@a no k@@@ @@@a.

     Hoopanee @a hale hora @:15 a noho hou i ka hora 10 ap@p@

 

LA HANA 63 IULAI 16.

Halawai @@ @@@ e like me ka mau.

H@@@@ @@MI@E WAI.

     Na L@@ka@a@i i hoike mai ka hoike a ke komite ka@e@a e pi@i ana i ka au@a@ ia o @@ @ @@@@@ @pa e hoo@um@ia ana ma k@ @@@ @e@ a m@w@@@ a@ paha o ke eke le@a i hookahi ke@@@@ no ke @ope, a @@ @oo@o@@ ke kom@e e hoopanee loa @a @@@a @anaw@@.

     Hale A@aoleo Iulai 1@@h, 1886.  I ka mea han@hano  H @ @ S. WALK@@

     Pe@esi@e@a o ka Ha@e Ahaolelo Kau Kanawa@ @ @ Ma ka mahalo:

     Ma ka @@ @ @@hin@@, ua @aiho mai oe i kekah@ @@a kanawai i kekahi o kou komite an@ nui iloko o keia Hale, oia @e@ko@@ o na @@@na kalepa a me mahiai a @ @a @@nahana, oia hoi ka @@@ @ ana@a i wainoia mai e ka mea, hanoha@@ Hon. J K @@@ale o Kona Akau.

     E @@ole@ hou a@@ i ka papa @ o ka @ 4 @ ka mo@ 1@ o na kanawai o 1878 @ @@@@@@ apono@@ ma ka la 7 o Auga@e @@@@ @ hoike ana ma ka hapa ho@@ @ @@ @@@@ @@ @@@@i@

     "Na Nupepa i pa@ ia ma ko Hawaii Pae Aina, a @a hookonioia ma ka Hale Le@a, a @ ole ia, ua hoouna ia paha mawah@ o ka e@e @@@a e ka poe pa'i no ka poe @@@ napepa, @@ hookahi kene@a @@ uku no ke kope hookahi."

     A @@ noo@oo kou komite a ua ike lakou, ina e hooholo ia ana keia e lilo @ kanawai, alaila, e hoopii loa ae ana na ona nupepa i @a uku o na nupepa maluna o ka mea @@a ma@. E hoopii hou ia ae a@a na uku hool@ha, na mele, na kaniau a me na manao, ma ke kau hou @@@ @ho i na koina papalua no ia mau mea. Ao@e kei@ he holomua kaulike no na loaa auhau nupepa, no na pomaikai he nui i @i loa aku mamua o ke k@n@@a hookahi, a na nupepa e hooaauao nui nei i ka lahui kanaka mai o a o o ka Pae Aina.

     Nolaila ua hooholo iho kou komite e hoopan@e @@@ ia keia Bila Kanawai.

     Me ka mahalo.      Kou komite.

     E. K. LILIKALANI   J.T. BEKA

NA OI @O HOOHOLO & NA BILA.

     Noi o Kaulukou e iilo ka olelo hooholo bila kanawai e pili ana i ka Papa Kuauhau Al@i e heluhelu ekolu i keia la. Ma ka ninau ua hooholoia.

     Na Nahale he olelo hooholo, e kauoha ana i ka makai o ka hale, e hoolako mai i mau mikini lima no na hoa a pau e h@lo ana i Molokai. Ma ka ninau ia ana, ua hoopanee loa ia ka olelo hooholo.

     Heluhel@ mai o Dickey i kana hoololi p@ @o  o ke kumukanawai i hoolaha mai ai.

     Ma ke kapaeia ana o na rula, ua waiho mai o Ka@i @e hoopu na Mai@ e uku ke a@@uni @a@a i $1,000, no kona poho ma ka hoo@imalima hewa ana o ke aupuni i kekahi o @ona aina, a i manao ia he aina aupuni. Haawiia i ke komite hookolokolo.

     Na Amara he olelo hooholo, e haawi ia i $@00 no ke kukulu ana i hoailona moku e alakai pono ia ai na moku ma ke awa o Puuiki, Waialua. Waihoia ma ka papa a noonoo pu me ka Bila Haawina.

     Na Dickey he olelo hooholo e koho ia i komite nana e nana pono na buke dala pepa, na palapala bona a pau o ke aupuni i pau ko lakou manawa. Haawiia i ke komite waiwai.

NA HANA O KA LA.

     Noi mai o Kaulakou e kapaeia na rula i heluhelu @kolu ia ka olelo hooholo, bila kanawai o pili ana i ka Papa Kuauhau A@@. Ma na hoakaka ana a na hoa, ua hoihoi hou o Kaulukou i kana noi.

 Noho ke komite o ka hale, Kaunamano ma ka lunahoomalu.

 Hoomalamalama ia Hilo @aona  $1,000

 Ma ke noi, ua hoomaha ke komite hora 12:1@.

 Halawai hou ke komite o ka hale hora @:@0.

 I mouo no ke awa o Puuiki, Waialua  $500

     Noi mai ke @@li Bihopa, i haawina dala no ke kokua ana i ka halemai Moiwahine, a ua hoololi mai o Aholo @ mahele ia mawaena o na apana. Ho@holoia. Noi hou mai ke 'lii e h@okomo hou i $15.000 no na auhau poe mai o na aina e, e waiho maloko o ka @ihana waiwai, a hooholoia.

OIEANA LOIO KUHINA.

Uku o ka Loio Kuhina             $10,000

   "    "  "   Kakauolelo               $ 5,000

   "    "  "   Iiamuku                        7,000

   "    "  "   Kakauolelo Ilamuku   $3,600

   "    "  "   Kakaulelo (2) Ilamuku  1,800

   "    "  "   Hope Ilamuku                5,000

   "    "  "   Makai Nui o Maui         4,000

   "    "  "     "          "   "  Hawaii     4,000

   "    "  "     "          "   "  Kauai        3,000

     Ma ke no, au hoopau ia ke komite, a ua apono ia ka hoike a ka lunahoomalu.

     Hoomaha ka hale a noho hou hora @o kakahiaka Poakahi:

 

LA HANA 64, IULAI 19.

     Halawai ka hale i ka manawa mau.

NA OLELO HOOHOLO ME NA BILA.

     Hoolaha mai o Keau, e lawe mai ana oia he bila kanawai e pili ana i ke kuai ia o na waiwai o na ekalesia.

     Na Rikini he olelo hoholo e haawi aku keia hale i hoomaikai ana i ke 'lii Waila, no kona hookipa maikai ana i ke komite a me na hoa a pau i holo pu aku ma Kalawao Molokai. Aponoia.

     Na Aholo i heluhelu mai no ka wa mua i ka bila e pili ana i ka Luna Hooia. Waiho ia no ka heluhelu elua ana.

     Na Keau he olelo hooholo, e kauoha ana ina komite a pau na lakou e noonoo nei kekahi mau Palapala Hoopli, Bila Kanawai a me na Olelo Hooholo, e waiho mai i ka lakou mau hoike pakahi e pili ana ia mau mea iloko o na la elima mai ka la apopo, Iulai 20 aku. Hooholoia.    

     Na Aholo i heluhelu mai no ka wa mua i ka bila kanawai e haawi ana i uku hoomau no Daniela Napela, oiai ua lawelawe loihi oia i ka oihana kumukula ma keia aupuni no na makahiki he 41. Waihoia no ka heluheu elua

     Ma ke kapaeia ana o na rula, ua waiho mai ke komite pai i ka bila kanawai e hoomaamalama ana i ke kulanakauhale o Honolulu nei me ke kukui uwila.

     Na ke Kuhina Kipikona i waiho mai i kana hoike i kulike ai me ka olelo hooholo a Kakela, e hoike mai i ke ano o ka hoolilo ia ana o ka $10,000 i haawi ia no ka Papa Kuauhau Alii, a ma ke noi, ua hooholoia e pai ka hoike a ke Kuhina.

     Ma ke kapae ana i na rula, ua waiho mai ke Komite Hoonaauao i ka lakou hoike e pili ana i ka bila kanawai a J. Amara no ka hoonoho ana i mau keiki Hawaii ma ka Oihana Ana Aina, ua hooholo ke komite, he hana ano paakiki no keia me ka nui o ka luhi ka hoomaamaa ana ia lakou, a he kupono hoi no ka poe i hoonaauao kiekie ia, a nolaila, e waihoia ka hoike ma ka papa. Aponoia.

     Ma ka kapaeia ana o na rula, ua waiho mai o Pahia ka lunahoomalu o ke komite 13 i a lakou hoike no kauku o na makai i ke aupuni, a penei na mea i hooholo ia e ke komite:

Oihana Makai o Oahu...$94,520 00

     "           "     "  Maui....44,280 00

     "           "     "  Hawaii.59,280 00

     "           "     "  Kauai....20,280 00

                         Huina...$218,360 00

     Kue mai o Brown i ka hoonohonoho ana a ke komite i na haawina dala o ka Oihana Makai o ke aupuni, oiai ma ka Bila Haawina a ka Loio Kuhina i hoomakaukau ai no keia oihana, he $177,520; oia hoi he 40,840 ka oi o ka ke komite haawina i hooholo ai. Wahi ana, owau kekahi lala o keia komite aole nae au i kauoha ia mai e ka lunahoomalu o ke komite e noho ma kekahi halawai; aole i ike i na mea i hana ia e ka hapanui o ke komite i kakau inoa ma keia hoike, a ano iho la no ka onou ia ana mai o keia hoike e kakau inoa aku au. Ke hoole nei au i ke kau inoa ana, a ke noi aku nei au e waiho i ka hoike ma ka papa, a e lawe mai ana au i ka'u hoike na ka hapa uuku. Hooholoia.

     Ma ke kapae ia ana o na rula, ua waiho mai o Dole i ka hoike a ke komite wae no na noonoo ana i ka bila kanawai waiona, ua hooholo ke komite he elua bila e hooholo ia no ke kakau poepoe, oia na kanawai e hooponopono ana i na auhau maluna o na waina, a me ke dute maluna o na wai ikaika, a e heluhelu ekolu ia ma ka Poaha, Iulai 22. Aponoia.

     Na Dole ma ke kapae ana i na rula, he hoopii na  Waialeale e uku ia aku oia no kona auhau i ohi papalua ia. Waihoia i ke komite waiwai.

     Hora 11:50 hoomaha ka hale a noho hou 1:50

     Akoakoa hou ka hale i ka hora 1:40.

     Waiho mai ka noho i ka pane a na Lunakanawai o ka Aha Kiekie e pili ana i ka ninau kanawai a ka hale i waiho aku ai, e pili ana i ka auhau ia o na pake e komo mai ana ma keia aupuni, a me na pake e noho nei, no ke kokua ana i ka poe mai, ilihune, a aea haukae paha, a no ka hoihoi ana i ko lakou mau home. O ke ano nei o keia hoike a na lunakanawai, e hoike mai ana, aole e hiki ia lakou ke hooholo pono i ka ninau i keia manawa, no ka mea, aol@ i liko i kanawai kahi o ka ninau i @lu mai ai, e hiki ai ia lakou ke hookahua i ka lakou pane maluna o ka ninau. He mea ole ka lakou hooholo ana i keia kanawai, oiai, he kanawai paialewa wale no keia. Aole i kulike ko lakou manao me ke kanawai: Waiho ia ma ka papa.

NA HANA O KA LA

Noonoo ana i ka Bila Haawina. Ke 'lii Ake ka lunahoomalu o ke komite o ka hale.

     Uku Kakauolelo Makai nui o Hawaii he $1,800. Hooholoia.

     Uku Kakauolelo Makai nui o Maui he $1,800. Hooholoia.

     Uku Kakauolelo Makai Nui o Kauai he $800. Hooholoia.

     Na uku Makai o Oahu, Hawaii, Maui, a me Kauai, ua hoopanee ia ka noonoo ana a waiho mai ke komite 13 i ka lakou hoike piha e pili ana i ka uku o na makai.

     Na lilo no na Aha Niele $2,000 Hooholoia

     Kela me keia lilo hihia karaima a me kivila $10,000. Hooholoia.

     Elele $1,200. Hooholoia.

     Ma ke noi a Brown ua hapai ia ka noonoo ana o na itamu i haawe ia i ke komite elua lala malalo o ka Oihana Waiwai penei:

     Uku Kokua Hale Papaa $2,400. Hooholoia.

     Uku kokuaKakauolelo ekolu $2,400 Hooholoia.

     Malalo o ka Oihana Waiwai, ua hookomo mai o Kaulukou he haawina hou oia ke kokua laina mokuahi Oceanic Co., i $48,000.

     Ma ke noi a Dole, ua waihoia keia mau haawina a noonoo pu me ka bila kanawai a me kekahi palapala hoopii e pili ana i na kokua laina mokuahi, a pela aku.

     Noi o Kalua, e kauoha ia ke kakauolelo o ka hale, e hoomakukau i ka papa noi dala a ke Komite Waiwai i hooholo ai e hookomo ia ma ka Bila Haawina. Oia na noi dala o na auhau ohi papalua ia, a pela aku, a e hoike mai ma ka Poakolu i ka wa e noonoo ia ai ka bila haawina. Hooholoia.

     Noi ke Kuhina Waiwai i haawina dala $2,400 i maheleolelo nana, Hooleia.

     Noi ke Kuhina Kipikona, e hapai hou ia ka noonoo no ka Oihana Kalaiaina. Ae ia.

     Noi hou ke Kuhina Kipikona e hookomo ia malalo o ka Oihana Kalaiaina e like me ke noi a Paehaole i $2,500 kokua laina mokuahi holo pili aina o Molokai i kela me keia pule. Aeia.

     Hoopau ia ke komite o ka hale a apono ia ka hoike a ka lunahoomalu. Hoopanee ka hale a noho hou i ka hora 10 apopo.

LA HANA 65, IULAI 20.

     Halawai ka hale e like me ka mau.

     Ma ke kapae ia ana o na rula, ua heluhelu nai o Nahinu he hoopii na ekolu kanaka o Honolulu e noi ana e ukuia i $600 no elua hale o lakou i lawe ia e ka Papa Ola ma Kalupapa. Waiho ia i ke komite Malama Ola,

HOIKE A NA KOMITE.

     Na Kikila Palunu o ke komite wae, no ka haawina kokua no na paahao $90,000 i waihoia ia lakou, i hoike mai e hookaawale i keia puu dala malalo o elua poo, oia no ke kokua i na paahao he $50,000; a no na lilo malama, he $35,000. Aponoia.

     Na Kikila Palaunu o ka hapa uuku o ke komite wae he 13 lala, no na haawina o na Makai o Oahu, Hawaii, Maui, a me Kauai, i hoike mai, e waihoia ka puunaue ana o na uku makai i ka Ilamuku a me na hope makai, e hooholoia na uku o na hope makai e like me ko ka bila haawina, aole hoi e pakui hou iho i $40,800 e like me ka hoike a  ka hapa nui. Waiho ia ma ka papa.

NA OLELO HOOHOLO.

Heluhelu pakahi mua mai o Dole he elua mau hoololi i ke kumukanawai a kauoha ia e pai.

     Waiho mai ke Kuhina o ko ma aina e i na pane o na ninau a Kakela e pili ana i na pake penei: He 916 palapala ae e hoi mai, i hoopuka ia i na pake mai Sepatemaba 1, 1885 mai; he 1387 pake i haalele iho ia Hawaii nei mai Sepatemaba 1, 1885 mai; he 1871 pake i komo mai iloko o ka aina nei, mai Sept. 1, 1885 mai; a he 640 paha o lakou i komo mai me ka palapala ae ole; o na uku palapala ae, ke koe mai mahope o ka lawe ana ae o na lilo, hoihoiia i ka waihona, he mau loaa aupuni,

     Hookahi wahi akaka ole o ka hoike, wahi a Dole, oia ka loaa ana o ka palapala ae i na pake hoi ole i Kina. He mea pono e haawiia ka palapala ae holo i ke kapena o ka moku a ka mea noi e hoi ai. He hana waiwai keia no na pake e kuai ai a nui, hoouna i Kina e piepiele ai, a lilo ka palapala no $5.00.

     Pane ke Kuhina o ka na aina e, ua haawi wale ia no na palapala ae i @a pake e hoike mai ana i na palapala hookaa auhau i uku ia.

     Pehea oe e ike ai, ke hoopunipuni mai nei ka pake ia oe, aole nona ponoi aka, e hoouna ia ana i Kina ma ka leta? Wahi a ka ninau a Dole.

     Pane ke Kuhina o ko na aina e, n@ k@ k@@i@in@ @@@o o Kina maanei o haawi i palapala apono, aka ke hoolaha neike aupuni, e pai ia na kii  o na pake e noi mai ana i na palapala ae.

     Ninau o Kakela heaha la ka lilo o na palapala ae.

     He liilii loa wahi a Kipikona, a ua hoihoiia no i ke keena waiwai mahope iho o ke paniia ana o na buke o ke keena waiwai.

     Malia paha kokoke $4,000 loaa mai no na palapala ae, wahi a Kakela. Waiho ia ka pane ma ka papa.

NA HANA O KA LA.

     Ma ke noi, ua noho ke komite o ka hale no ka noonoo ana i na Bila Auhau hou. Noho o Keau ma ka noho.

     Hoomauia ka noonoo ana no na hoolilo o ka noho mua ana o keia bila.

     Waiho mai o Dole he hoololi, o ka huaolelo waiwai paa ma keia kanawai, oia na aina a pau me na hana hou maluna iho e pili ana maluna o ka aina a me na mea e ulu ana.

     Oiai, e hoopaapaa ana ua hoomaha ka hale i ka hora 12:10.

     Hora 1:50 akoakoa hou ka hale.

     Keau ka lunahoomalu o ke komite.

     Noonoo ia ka pauku @ o ka bila auhau.

     Mahope o ka hoopaa loihi ana no ka pauku me ka hookomoia ana o kekahi hoololi, ua hooholoia ka pauku .I

     Noonoo ia ka pauku 2, a mahope o ka hoopaapaa hahana, e kapa ana ka poe kuokoa, he kanawai hookakumaha keia i ka lahui, ua hoopauia ke komite a hoopanee ka hale a noho hou i ka la apopo.

LA HANA 66, IULAI 21.

     Hoomaka na hana i ka hora 10 A. M. e like me ka mau.

NA PALAPALA HOOPIL.

     Na Kalua mai Makawao mai, ma ke kapaeia ana o na rula, aole e hoonee i ka hale hookolokolo mai Makawao a i Paia. Waihoia ma ka papa.

     Na Kaulukou mai ia William Felhber mai, he kapena makai haole, e uku ia aku ke koena o kona uku makahiki i koe he $240. Waihoia i ke Komite o na Aha Hookolokolo.

HOIKE A KE KOMITE.

     Na ke Komite Waiwai i waihoia aku ai keia mau haawina malalo iho: No ka haawina $20,000 no na kiai awa a pau, e hoemi ia ia $16,000; no ka puu $50,000 no na Kauka Aupuni e hoemi@a i $42,000; no na lilo Papa Ola he $35,000, e hoemiia i $25,000; no ka malama ana i na Halemai he $45,00, e hoemiia i $40,000; no na haawina o na mai lepera he $100,000, a me Kapiolani Home i $8,000, e hoomauia pela; a o ka haawina no Kalakaua Home, e hoopauia.

     Nolaila o ka puunaue ana a ke Komite i na uku o na kauka lapaau no keia mau makahiki elua e hele nei, penei: Kauka o Hilo $1,600, Hamakua $1,500, Kohala $1,600, no Kona he $2,400, Kau $1,600, Lahaina $2,400, Wailuku $3,000, Makawao $3,200, Hana $2,400, Lihue $1,600, Waimea $2,000, Kilauea $2,000, Honolulu $3,000, Waialua a me Koolauloa he $2,400, Waianae $800, Koolau-poko $1,600. Huina $33,200. No na lilo lapaau o na apana a pau he $8,800. Ke huiia a pau he $42,000. Waihoia ma ka papa.

NA OLELO HOOHOLO.

     Na Kakina he olelo hooholo e papa ia ke kuai kudala a ke Kuhina Kalaiaina i na aina aupuni i hoolahaia e kuai kudala i ka la apopo.

     He mea pono wahi a Kakina, e paa ke aupuni ia 1,050 eka aina ma hakalau i hoolahaia e kuaiia aku ana, i mau aina e hookoia ai ke kanawai hookuleana aina mahiai.

     Kokua mai o Kalua i ka olelo hooholo, oiai o ke kanawai hookuleana i hooholoia i ke kau i hala, ua kokoke e pau loa na hoa i ka lokahi, a he meapono e hapaiia na mea a pau e hooo ai ia kanawai.

     Manao o Kaulukou he wahi hemahema ko ka olelo hooholo, no ka olelo ole ia o ka aina e makemakeia nei e mahelehele aku i ka poe e noho aku ana.

     Kue o Kauhane i ka olelo hooholo, no ka mea, aole ia i manao e makemake ana na kanaka Hawaii e noho aku ana ma ia aina.

     Pane o Kakela, me he la aia ka mea i kup hope aenei i ka moana kai lewa, no ka mea, aole i manao ia kela kanawai no ka poe mea aina e makemake ana e hoololi ae i ko lakou wahi e noho ai. He nui na hoopuu i hiki mai e noi ana i na aina aupuni e pili ana i ko lakou mau aina e kuai aku me lakou. Eia hoi na Pukiki ke makemake nei e loaa na aina e kuai ai me ka lakou dala i makaukau. He mea waiwai loa no ke aupuni ke lilo ka aina i ka poe noho paa ma o na auhau la. Ua ike no hoi oia he nui na kanaka Hawaii e ake ana e loaa ona aina maikai e noho ai. Ina e kukala mai ana ke Kuhina Kalaiaina e maheleheleia aku ana ka aina i ka poe makemake noho paa, e nui ana ka poe noi. E loaa ana i ke aupuni he mau pomaikai nui ma o ka noho ia ana la o na aina a lilo i waiwai a me na auhau maluna o ka poe e noho ana ma ua mau aina la.

     Hoololi mai o Kaulakou i ka olelo hooholo, e maheleheleia ka aina i mau aina noho paa e like me ke kanawai o 1884.

     Olelo mai ka Lolo Kuhina, mai kokua no oia i na manao kiekie i puapuai mai nei mai ka mea mai nana ka olelo hooholo a me ka poe kokua, ina he kanawai kekahi e olelo ana, i ka manawa e pau ai ka hoolimalima o na aina aupuni e hoihoiia i ke aupuni. Aole kanawai o ia ano, a o keia olelo hooholo no kela aina wale no. O kela aina, ua hoolimalimaia e ke aupuni, aka no ka uhakiia ana o ka aelike, ua hooholo iho ka Loio Kuhina a me ke Kuhina Kalaiaina e komo hou iloko o ka aina a e kudala aku. Eia hoi, waihoia mai nei keia olelo hooholo a ka hora 11 komo mai nei e keakea i ke aupuni, a olepe i ke kanawai o ka aina. Ina ua manao nui kela poe keonimana no ka mahelehele ana i na aina i ka poe noho paa, heaha ka mea i lawe ole ia mai ona kanawai i na la mua o ke kau.

     Pane mai o Kakina, ke makemake nei au e hoopololei aku i na olelo a ka Loio Kuhina i i mai nei ua lawe mai au i keia hooholo ma ke ano loio no ka pono o Dole, ka loio o kekahi o na aoao e koi nei i kekahi hoolimalima. Ke makemake nei au e ike ka hale o Dole ka loio o kekahi aoao, a o ka Loio Kuhina ko kekahi aoao. Aole o Dole mana ma keia hana imua o keia hale. Ina ke lei nei ka Loio Kuhina i ka lei a-i pipi o Spreckles, he pono iaia e hoike a maka ae, aka mai manao nae oia ua like kekahi hoa me ia ma ka hookauwa i ka haku mawaho. E malama ana anei lakou nei i na pono o keia aina e ileloia nei ma ke kuai kudala akea? Ina e malama ana lakou nei i na pono o Mr. Spreckles, a o Davies paha, aole i ko ka lahui, alaila e pane pololei mai lakou nei. Ke olelo mai nei ka Loio Kuhina, heaha ka mea i lawe ole ia mai ai ona kanawai i na la mua o ke kau, aka ua ike no nae ia aohe@aholelo ma ka honua e hooholo i kanawai e holoi ai i na aelike.

     Oiai e hoopaapaa ana, ua kahea mai la kekahi e hoomaha a hiki i ka hora 1:30 auina la. Aeia.

     I ka akoakoa hou ana o ka hale i ka hora 1:40 P. M. ua hapai hou ia ka olelo hooholo e papa ana i ke kudala ana o na aina aupuni i ka la apopo ma ke noi a Kakina.

     Pane ke Kuhina Kalaiaina, he 150 wale no eka aina o keia aina e kudalaia aku ana i kupono no ka mahiai, a o ke koena he aina ululaau.

     Pane o Kakina, o ka manao o ke kanawai hookuleana aina noho paa, a ka loaa o na aina ma na puu dala liilii. Ina e loaa ana i na Pukiki he 10 a 20 paha eka aina, e olioli no lakou. Ina he 150 wale no eka aina kupono i ka mahi, o ko lakou kumukuai wale no ke haawiia mai ana, a o na aina ululaau e komo wale ana ma keia kudala. Oiai hoi i na e oioki liilii ia ana ka aina, e hoomahuahua mai ana ia i na loaa. O ka pepehi ana i ka olelo hooholo, he kukala ana aku ia i ke akea aohe i makemake ia e hooko i ke kanawai hookuleana aina noho paa.

     Ninauia ka hoopanee loa i ka olelo hooholo a hooholoia.

     Hoolaha mai o Likikini he bila e hookaawale ai i ka auhau ana o kela a me keia apana pakahi.

     Na Kalua he olelo hooholo, e ukuia aku ka aie ia G. Lucas he $7,433.13 no ka hana hou ana i ka halealii he mau makahiki aenei i hala, Waihoia i ke Komite Waiwai.

     Hoolaha mai ke Kuhina Waiwai he bila e hookaawale ai i ka uku ana i na luna aupuni a hooholoia ka Bila Haawina.

     Ma ke noi, ua hapaiia na hana o ka la oia ka noonoo ana i ka Bila Haawina iloko o ke Komite o ka Hale. Noho ke 'lii i lunahoomalu.

OIHANA WAIWAI

     Auhau papalua i ukuia e Keliiaikumu $25.25 Holo.

     Auhau papalua i ukuia e Kalawakua $6.00. Holo.

     Auhau papalua i ukuia e Kanohokula $6.00. Holo.

     Auhau papalua i ukuia e M. Nakuaau $5.00, Holo.

     Na kokua kiai awa $16,000 e like me ka hoike a ke Komite Waiwai. Holo.

OIHANA O KO NA AINA E.

     Uku o ka mea malama Buke $2,400. Holo.

     Uku o ka Elele $1,200. Noi o Palaunu i $1,000. Holo.

     Uku o ke Kuhina noho ma Wasinetona $12,000. Noi o Kale Kika i $10,000. Holo he $12,000, he 19 ma ka ae a he ia hoole.

     Na lilo oihana kuhina noho ma Wasinetona $5,00. Noi o Palau@ i @@,500. Hooholoia $5,000 uku Kakauolelo a ke Kuhina Noho ma Wasietona.

     Na lilo o na Misiona i ko na aina e $50,000. Noi o Kipikona e hoemi i $30,000. Noi o Palaunu e kiola i keia haawina. Noi o Kale Kika i $5,000. Noi o Kakela i $10,000.

     Lilo ka hale i ka hoopaapaa a hoopau wale ia ke Komite.

     Hoopanee ka hale.

 

     No ke koena o ka moolelo o ka Ahaoelo. E nana ma ka aoao ekolu.

 

Hoike a ke Komite Ohi Dala o ka luakiui o Keanae Maui

 

     Eia na inoa o ka poe keonimana a me na lede, e hoomaka ana ma Hana a hiki i Wailuku.

     Geo W. Smith         $1.00

     C. K. Kakani             1.00

     Rev. W. P. Kahale    1.00

     Miss. L. Kahhale      1.00

     Miss. H. Kahale       1.00

     A. P. Kahale             1.00

     W. J.Kahale              1.00

     N. P. Nuuhiwa          1.00

     Emere Baile              1.00

     Hon. J. Nakookoo     1.00

     Akana Pake               1.00

     Kuke (w)                   1.00

     Mr. Noa Poikai          1.00

     J. Haole                     1.00

     Mr. Kewiki                1.00

     W. B. Keanu              5.00

     Mrs. Keanu                5.00

     S. W.Kaai                    .50

     M. K. Beniamina         .50

     Rev. J. K. Iokepa         .50

     B. K. Kaiwiaea            .50

     Frank Kanesb@@@ll .50

     J. K. Hanuna                .50

     Poipe Hanuna (w)        .50

     Hana Sheldon               .50

     Rouvita Kekuahiwinui .50

     Geo. Gardner                .50

     Kailianu (w)                 .50

     Rahela Nuuhiwa (w)    .50

     Nainoaelua (w)            .50

     Kukana (w)                  .50

     Mereama Pilima           .50

     S. P. Waiwaiole           .50

     Kahale Makai              .50

     Rev. S. Kaili               .50

     Huina                 $34.00

S Kamakahiki   Puuku Dala

 

 

L. ADLER.

HELU 13 ALANUI NUUANU.

Mea Eana Kamaa Buti a me Kamaa Haahaa.

     Ua loaa mai no hoi na Kainaa nani no na Kane, n@ Wahine a me na Kamalii. Na Kamaa Kiekie a m ilaahaa, e Kuai ia ana no na Kumu  Kuai Haahaa E hana hou ia no hoi na

KAMAA KAHIKO O NA ANO A PAU MEKA MAIKAI.

A@@@@O@

 

JAMES DOWER

Oia hoi o Kimo Kapiolani, ka ona mua o ka mokuahi Kapiolani. Ua makaukau oia me na lako apau, no ka hana ana i na waapa, a me ka hana hou ana i na waapa naha. Ua makaukau oia me na Wae, na Umii, a me na apana hookui e paa ai na waapa, a me na lako e ae no ke kapili ana i na waapa. E hele mai ma kona hale ma Manamana. Honolulu.    2029-

 

H. HACKFELD & CO.

Mea Kalepa Nui, a Kuai Kukaa i na

Waiwai Lole, a me na Mea Hao.

A HE MEA

KALEPA WAIWAI NUI

Kihi Alanui Papu me Moiwahine.

Honolulu, H. I.   2082-1yr

 

FRANK GERTZ.

MEA KALEPA A LAWELAWE HANA MA

NA ANO KAMAA A PAU NO NA

Wahine, Kaikamahine a me Kane.

     Na Kama Buti a me na Kamaa haahaa no na Keiki Kane a me na Kanaka makua, o na ano aikini hou loa.     @081-@m.

 

PAPA! PAPA!

AIA MA KAHI

LEWERS & COOKE,

(O LUI MA)

 

ma ke kah@@ kahiko ma alanui Pa @@ a m@ Moi

E Loaa ai

PAPA NOUAIKI

o kela a me keia ano.

 

Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papu Ku, A me na Papa Mo@ nui loa

Na Pili o na Hale o na Ano a Pau

 

Na Pepa Hoonani, Na Pena o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoomaloo,

he lehulehu wale,

Na Aila e ae o na

ano a pau.

NA WAI VANIKI

-A ME NA-.

WAI HOOHINUHINU NANI!

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i  na Makamaka a

pau, ua makaukau keia mau Makamaka

o oukou e hoolawa aku ma

ua mea a pau e pili ana

ma ka laua oihana

-NO KA-

UKU HAAHAA LOA.

 

E likeme kamea e holo ana mawaena

LAUA a me ka MEA KUAI.

HELE MAI E WAE NO OUKOU.

 

Kakela a me Kuke

E laa na pahiolo, koi hole,

hamale, koi nui a me liilii, kila,

wili puaa, rula, apuapu, kui o na ano

a pau, kala kaa, hao hoopaa puka

pohaku hoana, kepa, lei ilio, kaula

hao ilio, pahi, upa, pahi @minmi,

kalapu, kope hulu, pulupulu, oepa ka

lakala, lina hao, ami, keehi, a me ke

-KAULA OPU.-

Palau o na ano a pau,

Oo, ho,kopala, pe kipikua,

hao kope, au ho a po

a ali, kua bipi, lei bipi,

kaula hao bipi, uwea

pa, uwea keleawe, hao pili

piula, kaa palala, ipuhao, ipu ti

PA-PALAI MAKAU ME KE AHO

 

Ili wai, papa holoi, kopa ala, kaula

kuaina, hu'akai, ehi wawae,

hulu pena, a pela aku.

Pena wali, kini nui a me liilii o na

ano a pau, me ka pepa kuhikuhi,

pena keokeo, aila

pena, aila hoomaloo,

vaniki kaa, a me

vaniki moe.

PENA HOOMALOO

-a me aniani hale-

AILA MAHU, AILA MIKINI, AILA HAMO IL@, AILA KAA, INIKA KAMAA.

 

PAUDA, KUKAEPELE, KIANA PAUDA, UIKI IPUKUKUI O NA ANO HE NUI A LEHULEHU

 

LOLE MAKEPONO

-@ @@ na-

AHINAHINA, KALAKOA. KEO KEO, LEPONALO, HULUMANU UWE-WAHINE, KUI HUMUHU MU, A MEKA LOPI.

Ke Kuike @ loaa no la ma @a@i o

Kakela & Kuke!

 

NA MEA PIULA

 

Mikini Humuhumu

Makini a WHEELER a me WILSON

MIKINI A WILCOX ME GIBBS

NA MIKINI A

-REMINGTON.-

He nui loa na mea hao me na ukana e ae o na ano a pau, aole hiki ke hai apu ia aku, hewa i ka wai na maka ke ike.

Laau Lapaau Laulana Loa

A DR. JAYNE.

LAAU HOOMAEMAE KOKO LAAU HOOPAU NAIO, LAAU KUNU, PENIKILA, HUAALE PAAKAI, LAAU HOOPAA HI.

Me na Laau Hamo a Pela 'ku.

Kakela me Kuke.