Ka Nupepa Kuokoa, Volume XXVI, Number 33, 13 August 1887 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

No @ Makahiki.  $2.00

No Eono Mahina.  1.00

-KUIKE KA RULA.-

 

Poaono  Augate 13, 1887.

 

No na Ekalesia.

 

“@ hoopoina ana au i na mea i hela, a e kikoa aku ana au i na mea mamua”

 

KAWAIAHAO

 

            Ua haiolelo ke kahu i ka la Sabati i hala maluna o ka poolelo ma Hoikeana mokuna elua, pauku umi, hapa hope:  “E kupaa oe ma ka pono a hiki i ka make, a na’u no e haawi aku ia oe i ka lei o ke ola.”  Ua wehewehe ia na mea e keakea ana i ko kakou kupaa ana ma ka pono.  Elua ano nui o ia mau mea.  @  Na mea kino, na keakea i ike maka ole ia, na manao kupono ole, a me na kuko waiwai ole, na hoowalewale i ike maka ole ia.  Ke kauoha o ke poolelo, ua maopopo, e kupaa ma ka popo.  He kupaa uhane alaila kupaa pu me ke kino.  I pono maloko, alaila e pono pu no me ka noho ana o ke kino.  O ka lei o ke ola, he ola mau loa, ka i haawiia i ka poe kupaa.  Aia ka pahu hopu i ka palena o ke ola, aole ma keia aoao.

            I ka po iho imua o ke anaina hui, ma ka haawina Kula Sabati o ia la ke kumuhana.

            E hapai ana o Kawaiahao i ka lulu no na hana hou o ka luakini ma ka la 21 o keia mahina.  Ke paiapai ia aku nei na komite a pau e makaala a e hooikaika nui no keia mau la pokole, a i ka la 21 e hoihoi pu mai i ka pepa kakau inoa a pau me ke dala pu.

            Ma ka la Sabati iho nei ua noi ia na wahine o ka apana ekahi ma ka apana elua e hele nui mai i ka Poakahi ae, a e hoomaemae i ka luakini me na puka aniani hou.  Ua hele mai kekahi poe a ua hana lakou me ka hauoli.  Ua maikai na aniani, a ua holoi ia no hoi kahi hapa o loko o ka luakini.  Ke haawiia aku nei ka mahalo piha i ka poe kokua ia la.

 

KAUMAKAPILI.

 

            Ia Waiwaiole ka haiolelo o keia lua kini i ka la Sabati iho nei.  Aohe i hoi mai ke kahu, a ua lohe mai makou ua nee ae oia mai Lahaina ae a aia i Wailuku i keia wa kahi e hoomaha nei.

 

WAIKANE.

 

            Na ka Lunakanawai Kiekie Kauka i malama ka halawai o ke anaina pule o keia luakini i ka la Sabati nei.  Aia kona poolelo ma Roma, mokuna ewalu, pauku @:  “Ina he poe keiki kakou, he poe hooilina hoi;  he poe hooilina na ke Akua, a he poe hooilina pu ma Kristo.”  He mahuahua ka poe i hele ae i ka pule, wahi a ka lono i hai ia mai.  Aole no e nele ka hoopomaikai ia o ko laila poe e na hana pono, oiai na la a ka Lunakanawai e noho pu ai no ka wa hoomaha me lakou.

 

EWA

 

            I ka malama ana o ka Ahaaina a ka Haku ma ka Ekalesia o Ewa nei no na la Sabati ekolu, oia o Iulai 24, 31 a me Augate 7, aole mea i hookomoia ma ka hoike manaoio, aole ma ka palapala, aole hoihoi, aole kapae, aole i okia.

            O na keiki i Babetizo ia elima.  O na dala loaa no ka hana kuloko o ka Ekalesia iloko o keia hapaha, he $18.95.

            Ke nee malie nei no makou.  Kou oiaio.        S. P. K. NAWAA.

            P.S.  O kekahi Luna Ekalesia o Ewa nei oia o Mikaela Kalaa, na hala ma ka aoao mau o ka honua, ma ka mahina iho nei o Iulai.  Ua koe iho ka wahine me ka lehulehu me ke aloha nui.

 

Haihai na Iwi o ke Kalohe.

 

            Ma ka la 16 o Iulai, ua loaa aku la kekahi mau apiki i ko makou makamaka S. W. Kawelo e pupue ana iloko o ka poopoo pohaku, a penei kahi moolelo pokole:  Ma ka po o ka la 4 oia hoi ka la a na puuwai  Amerika e kuupau ana i ko lakou lealea hope loa, ua holo mahuka aku la o Kaanaana (k) a me Hohe (w.) he mau opio like laua a elua , a noho aku la iloko o ka pohaku me ka huli nni ia o keia mau keiki opiopio e ko laua ohana pilikana, aka, he neo ka mea i loaa mai:  a ma ka la i hoikeia maluna, ua loaa aku ko laua mau kino.  A mamuli o ka eleu o ko makou makamaka, ua hele ae oia e hai i ka ohana o keia mau opio a noho ana i ke awa hoolulu o ia ano moku ma Kapaau.

            Ma ka la 18 ae o Iulai, ua noho ka aha e noonoo no ko laua hewa moe apiki, a ua hoopuka ka aha i kana olelo hooholo penei.  Kaanaana (k), $15 ka hoopai a me $1.30 ke koina.  Hohe (w) he $15 hoopai, he $1.30 ke koina;  mamuli o keia olelo hooholo, ua nei ka aoao i hoop@ia, e hoohalahala hou ana a mamuli o ka ike no o ke kahu hanai o Hohe no kona hewa pono ole no hoi, a eia mai oia ke hoouna ia aku la no Kawa ka ihu e ao a ike i ka hana pono.

            O Hohe, he kaikamahine opiopio he 14 a oi na makahiki, a o Kaanaana, he 18 a oi na makahiki.  O keia Hohe, oia no ka wahine a Kalahoouka i hoolaha ia mai ai e ko Hilo poe, a no ia kumu no i mahuka mai ai a noho pu me kana keiki oia o Kaanaana.  O keia Kalahoouka he kupuna ponoi no ia no keia Hohe;  a o keia Kaanaana hoi, he makuakane ponoi no hoi ia no keia Hohe.  Ma ka ike a kou makai kiu, he mau moe apiki kupanaha maoli keia.  Ma Mookini kahi i loaa aku ai o ke a mau opio.  He koena mai paha keia no Kaiooni a i ole he makau maoli no paha iaia.  Owau no me ka wiwo ole.      S. W. KEAUNUI.

            Kapaau, North Kohala, Hawaii.

 

LAUDILA.

 

KA NAITA HOOPAHAOMAO O NA

KAKAI MAUNA ME NA KAEI PALI O ITALIA

 

Ka Olali oke Kahua Kona.

 

Ka @

@

@

@

@

 

Ka Kakani Pua@io@io Wilia@ o ka Hikina.

 

A o ke Ku@ue@ Iwikani o ka Makakila

 

I ka puka ana mai o ka la i ke kakahiaka nui, a o maila kona mau kukuna olinolino maluna o na kuahiwi a me na ululaau’o Italia, oia koke no ka wa, i kahiko iho ai ke kulanakauhale alii o Ikalia i ka uluwehiwehi o na hae o kela aupuni keia aupuni, a pela no hoi na aumoku o kela a me keia aupuni, ke nana aku i na hoohiwahiwa he ku i ka hanohano, o ka oi loa aku nae o ka ulu wehiwehi, o ke kakela alii no, o ke lii opio, no ka mea o loko ua hana ia me na wehi o ka waokele, a me na pua i hoonani ia me na poke pua o na ano pua a pau o ka honua holookoa.

            I ke kani ana mai o ka hora ehiku, ua ike la aku la na mahele naita me ko lakou mau kahiko like ole, e hulali ana ko lakou mau kahiko me na mea hoonani o kela ano keia ano, o na alakai hoi ua kahiko ia lakou me na aahu kila paa loa, i kinohinohi ia me ke gula, a me na huihui gula e luhiehu ana ma ko lakou mau kipoohiwi.

            I na mahele naita hoi i komo aku ai iloko o ke kahua kaua, ua haawi mai la ke anaina i na leo hulo o ka hauoli, i ke kuu ana iho oia no ka wa i hoi aku ai na mahele naita i ko lakou mau hale lole i hoomakaukau ia, aole no hoi i liuliu, ua ike ia aku la ka huakai a na lii o Europa, e holo mai ana maluna o na kaa, i ke komo ana mai a na lii a me na hooilina alii, na kama’lii hoi o Europa, ua puia hou ae la ka lewa i na leo hulo o ka hauoli, i panai pu ia me ka leo nahenahe o na mea kani, i ke kuu ana iho, ua hoolai iho la ke anaina no kekal@ mau minute, aole i liuliu ua ike ia aku la ka haule ana iho o ka hae alii mai luna iho o ka puea o ke kakela alii.

            I keia wa no i hooh@ ae ai na mea a pau, eia ae ka huakai a na @i opio ke hele mai nei, aole i liuliu ua kokoke loa aku la ka huakai alii.

            Mamua ae nae o ko ke keikialii makaukau ana i kona kahiko alii, ua komo mai la kona makuakane a pane mai la, e kuu keiki, e hoolohe mai, eia kou la e ike ia ai o kou koa, a me kou ikaika no ka mea, i keia la e hiki mai ana ke keikialii o ke aupuni Nepetai, ke aupuni hoi e kokoke aku ana i ka maka o ka la, ke keiki h@ a ke kupua Putalo, ka oi hookahi a puni na aupuni i ka maka o ka la;  e kii mai ana oia e kaili i kau aliiwahine, no ka mea, ua nui loa kona makemake i kau aliiwahine, he kanaka manao maua, he makona kona mau helehelena o keia ke kanaka kino lau hookahi, nolaila, e kupaa e kuu keiki a e koa no hoi, nolaila, ke kauoha aku nei au ia oe, e kahiko i kou mau aahu kaua a e hele aku no ke kahua kaua e kali ai o ka hiki mai o kou hoa paio.

            Ae aku la kana keiki, i ka makaukau ana o na mea kaua a ke alii opio me kona mau naita he 18, ua puka aku la ka huakai alii me ko lakou mau kahiko piha i hele a kauluwela i kau a mea o ka nani.

            I na lii i hiki aku ai ma ka puka komo o ka pa kaua e malama ia ai na lealea, ua haawi mai la ke anaina i na leo hoomaikai i na alii opio, i ka hiki ana aku o na lii i kahi i hoomakaukau ia no laua a me ko laua mau hoahele, oia no ka manawa i kani mai ai na mea kani mamuli o ke mele ia ana mai o ke mele lahui o Italia.

            I ka hoo@uu ana iho, ua noho iho la na alii ma kahi i hoomakaukau ia no laua, a noho pu iho la no hoi me ko laua mau hoahele, iloko o keia manawa elua puali naita o ke alii opio, kekahi puali e paio aku ana me na naita o Europa, o ke alii opio hoi e paio aku ana me ke keikialii o ke aupuni o Nepatai.

            I ka wa o ke anaina e oni nei i o a ianei, oia no ka wa i komo mai o kekahi mau naita he 18, a o keia mau naita he poe kino loloa lakou, no lakou paha na kapuai he o, o ko lakou alakai hoi, he 10 kapuai ke kiekie, hele mai la lakou a ku mai la imua o na alii opio a me na ilamuku o ka la, pane mai la ke alakai i ka ilamuku a me na alii, o makou kekahi mau moho o ka la,  nolaila e kakau ia ko makou mau inoa malalo o keia inoa, na naita kaulana o ke aupuni Napetai.

            I ka lohe ana o ke alii opio a me na Hamuku o ka kahua lealea, ua kunou like aku la lakou, oia no hoi ka wa o kekahi kanaka aoo i hele aku ai a ma kahi kaawale, hili iho la oia i kona kookoo no ekolu manawa, ia manawa i pua mai ai ka uahi mai loko mai o ke kookoo, a uhi pu iho la ia loko o ka pa kaua holokoa, he mau sekona pokole wale no ua pau ae la ka uwahi, aia hoi ma kahi o ke kookoo i hili ia ai, e ku ana he halelole silika i molina ia me na lipine o na ano a pau.

            Ke nana aku i keia hale lole, aohe lua e loaa ai ma Europa a puni, i ka paa ana o ua hale lole nei, oia no ka manawa i huli aku ai ua poe naita nei a hoi nui aku la no ko lakou hale lole kamahao, maloko o laila, i hooluolu iho ai ua keikialii nei o ke aupuni Nepetai me kona mau naita.

            Ke haohao mai nei paha o’u poe heluhelu moolelo o ke keikialii Laudila i keia kanaka kamahao nana i kukulu keia hale lole kamahao, ae ua haohao io no oukou, nolaila, e wehewehe aku ka mea kakau.

            O keia kanaka, he kanaka kiiokilo oia no ka aina o Nepetai, a oia ke kilo punahele imua o ka moi Pu@aro, o kona inoa o Nu@ia, he kanaka i kaulana i ka ike a me ke akamai, a he loea hoi no ke kahua kaua, oia ae la kahi moolelo pokole e pili ana no keia kanaka.

            I ka hala ana o kekahi mau minute, ua kani mai la ka o-le a ka puuku,oia no ka wa i meha iho ai o ke anaina, aole i liuliu, ua kani hou mai la ka leo o ka o-le, i ke kuu ana iho ia wa no i puka mai ai ka naita Kale elua me kona mau naita he @8, a ku nui aku la no ke kahua kaua.

            Ike pu ia aku la no hoi kekahi mau naita o ke alii opio i ka hele ana ae me ko lakou alakai, a ku ana i ke kahua kaua, aole i liuliu ua kani hou mai la ka leo o ka o ie, oia no hoi ka manawa i kuupau iho ai o ua mau nai ia nei i ka holo o ko lakou mau lio ao le i liuliu iho, ua halawai ae la na aoao e elua, oia no ka manawa i hoao ai o ua mau naita nei e kaili i ka hanohano o ke kahua kaua, o keia manawa he manawa kupilikii no ke anaina me ko lakou au ana owai la auanei o na puali naita e loaa ana ka lanakila, aole i liuliu keia koele ana o na ea kaua, aia hoi, ua meha pu iho la ka nakeke o na mea kaua, ike pu ia aku la no hoi ka waiho mokaki mai o na naita o Sekokia ilalo o ka ili honua, ia wa no i haawi ae ai ke anaina i na leo hulo o ka hauoli a me ka mahalo no na naita o na kakai mauna o Italia.

            O keia mau hauna pahi a na naita o Italia, aole lakou i uhau ma ka oi o ka lakou mau pahikaua, aka, ua uhau lakou ma ka palahalaha o ka lakou mau pahikaua, e like me ke kauoha a ko lakou alii opio, no ka nui ikaika o na hauna, ua poniuniu a waiho ilalo.

            I ka ike ana mai o ka poe nana e hapai, ua kii mai la ka poe hapai a hapai aku la i ka poe i loaa ka eha, i ka ike ana o ka haku puuku ua kaawale ke kahua lealea, oia no kona wa i kena aku aku ai i ka mea puhi o-le e puhi, ia wa i kani aku ai ka pu puhi a i ke kuu ana iho, oia no ka wa i puka mai ai ka naita Ulomedia o Sepania me kona mau naita he 18 hele mai la lakou a ku ma ke kahua kaua, kani hou mai la ka leo o ka o-le oia no ka manawa i ulele iho ai o ua mau naita la, ke nana aku i na naita o Sepania, he ku i ka eleu a me ka hanohano, me he mea la e kaili ana lakou i na makana o ke kahua lealea, he mau minuke keia kaua ana o na aoao a elua, ua pau loa iho la na naita o Sepania i ka helelei i ka ili honua, a o ka elua hoi ia o ka lanakila ana o na naita o na kakai mauna o Italia.

            Kani hou mai la ka pu kala oia no ka manawa i puka mai ai ka naita kaulana o Penemaka oia o Olekana me kona mau naita he 18, a ku nui ana i ke kahua kaua, kani hou mai la ka leo o ka o-le, oia no ka wa i kuu pau iho ai ua mau naita nei o Denemaka i ka holo o ko lakou mau lio, aole i liuliu, ua hookui ae la ua mau pualikaua nei i ka nana aku, ua like a like ka makaukau o na aoao a elua o keia mau naita o Denemaka ua helu ia lakou ma ka papa ekahi, puka ae la ka lakou mau pahikaua, akahi no a ike ia aku ka helelei mai o na huna ahi mai ka lakou mau pahi kaua mai, lohe pu ia aku la ka leo hoolana o na alakai i ko laua mau naita.

            Aole i liuliu, aia hoi ua meha pu iho la ke anaina, i ka mao ana ae o ka ehu o ka lepo, ike ia aku la na naita o Denemaka e momoe nui mai ana i ka ili honua, me ko lakou alakai hapauea, ka mea a Denemaka i hilinai ai, aole he mea ona nana e hoopio, a puni o Europa.

            Ia manwa i nana mai ai ke anaina me ka paipai ana i na naita o na kakai mauna o Italia, aole i liuliu, ua kani hou mai la ka o-le, a wawalo hele ae la i na paia o ka pakaua, i ke kuu ana iho, ua ike ia aku la ka naita Pomenalia, o Pelikiuma me kona mau naita he 18, e puka mai ana a kai nui ae la lakou no ke kahua kaua, i ke ku ana aku imua o ke kahua kaua, ua haawi hou mai la 8 kani ana o ka o-le, i ke kuu ana iho oia no ka wa i hookui ae ai, o na puali i kahi hookahi, puko ae la ka lakou mau mea kaua.  Ike ia aku la ka hiolo ana iho o na huna ahi mai ka lakou mau mea kaua mai, aole i liuliu ua kaili haaheo ae la na naita o Italia i ka hanohano, o ka eha keia o na mahele naita i hoopio ia e na naita o Italia.

            I ka ike ana mai o ka puuku ua kaawale ke kahua kaua, oia no ka wa i kani mai ai, ka leo o ka o-le, i ke kuu ana iho oia no ka wa i puka mai ai, ka naita Bometoria, o Enelani, me kona mau naita he 18, i ka ike ana mai o ka haku puuku, ua kena koke aku la oia, i ka mea puhi o-le, i ke kuu ana iho o ka leo o ka o le, oia no ka manawa, i ulele iho ai o ua mau naita nei, i ka lakou mea kaua, ke nana aku i ua mau kaeaea nei, he keu o ke akamai o na aoao a elua no na minute loihi keia noke ana ua ka@ hou ae ia no na naita o Italia i ka lanakila.

            I ke kaawale ana aku o ua naita Enelani, oia no ka manawa i kani hou aku ai o ka leo o ka o-ie, a i ke kuu ana iho, ua puka mai la, ka naita Arematini o na ululaau kapu, o Peresia me kona mau naita he 18, a kai nui aku la no ke kahu@ kaua, i ka ike ana mai o ka haku puuku, ua makaukau na aoao a eiua, oia no ka wa i kani kapalili mai ai ka @ o ka o-le, i ke kuu ana iho, oia no ka wa i hookui ae ai na mea kaua a holo aku la ke kani wawalo i na paia o ka lewa, e haalulu ana hoi ke kapuai o na lio i ka honua, e kuehu ana hoi i ka ehu o ka lepo i ka lewa, no na minuke loihi keia paio ana ua huli hou ae @a ka lanakila i na naita o Italia.

            I ka ike ana mai o ka puuku ua akea ke kahua oia no kona wa i kena aku ai i ka mea puhi o-le e puhi aku he manawa ole ua kani aku la ka leo o ka ole, i ke kuu ana iho, ua puka aku la ka naita Anakerita o Helewetia me kona mau nana he 18.  Hele aku la lakou a ka ana i ke kahua kaua, oia no ka manawa i kani mai ai ka leo o ka o-le, i ke kuu ana iho, o na aoao a elua i ka nana aku aole he mea a ka maka e hoohalahala ai i ka houna pahi a na naita o Helewetia, ua liuliu keia mau paio hahana ana, aia hoi ua huli hou ae la ka lanakila ma ka aoao o na naita o Ikalia, ia wa i haawi mai ai ke anaina i na leo hulo o ka hauoli, no ke kaa hou ana o ka lanakila ma ko na naita o Italia, pele i haawi mau ai na makaikai i ka mahalo piha, i ua mau ihu kani la o Italia.

            Aole i liuliu mahope iho, ua kani hou mai la ka leo o ka “O-le, a oia no ka wa i puka hou mai ai kekahi puali naita, e alakai ia ana e ka naita Belasetima o Potugala, me kona mau naita he umikumamawalu.

            Hele mai la lakou, a ku imua o ke kahua kaua, kahi a na Ihukani o Italia e kakali mai la.  I ko lakou hiki ana aku, oia koke no ka manawa i kani mai ai ka ole, a i ke kuu ana iho, oia no ka wa i ulele iho ai ua mau naita ‘la ke nana aku oe, ku ke ehu o na waa liilii a aole i liuliu, aia hoi ua ikeia aku la ua mau naita nei, e kuwalawa la mai ana mai luna mai o ko lakou mau lio, a waiho pahu ana lakou a pau ilalo i ka honua.

            I ka ike ana mai o ka lehulehu, ua kaa hou no ka lanakila ma ka aoao o na naita o Italia, ua piha koke ae la ka lewa i ko lakou mau leo huro o ka hauoli, i panai pu ia hoi me ka leo o na mea kani.

            Mahope iho o ka pau ana o na hauwalaau, ua kahea koke ia mai la ke alakai o na naita, e hele aku imua o ke alii opio me ka u’i Pomelia.

            I ka hiki ana aku o ke alakai, ua haawi koke ia mai la na makana i hookaawaleia noia lealea, a ua kauoha pu ia mai la kona mau naita a pau e hele aku imua o ko lakou alii opio, a ua hooko koke ia ke kauoha, a ia wa i makana like ia mai ai lakou, me na hoku daimana elua, me elua kea hoohanohano, he mau makana manuahi wale no keia mawaho, aole i komo i na makana o ka la.

            Mahope iho o ia wa, pane mai la ke alii opio penei:  E o’u mau naita wi kani o ke oolea, ka poe hoi a’u i hookaulana ai a puni ke ao nei, ano, e kupaa oukou a hiki i ko oukou hoouka ana i kekahi kaua kaulana me kekahi kupua, oia hoi ke keiki alii o Nepekai, ka mea a’u i manao ai, oia ka mea nana e hoopoino i na naita o Europa a puni.  Nolaila, ua manao au i keia wa, na’u ponoi a me ko’u mau ukali e kau aku i ka hoopai maluna o kona kino.

            I ka pau pono ana o na olelo a ke alii opio, ua huli hoi aku la ke alakai a me na naita lanakila a pau ma ko lakou kahua, a kauoha pu ia mai la lakou e hoi no ko lakou mau hale lole e hooluolu ai no ia wa.

            I ke kaawale ana aku o ua mau naita nei o Italia, oia koke no ka wa i kani kapalili mai ai ka leo o ka o-le no ekolu manawa, me elua kani maokioki ana a hoomaha iho la, ia wa koke no i puka mai ai kekahi mahele naita me ka hiehie nui, a ku hookeha keha iho la imua o ke kahua kaua me ka hiehie launa ole.

            Ma ka hoomapopo aku i ke kulana o keia poe, he ano ihiihi maoli, a o ke alakai o keia poe naita, he keiki opiopio wale no, nona paha na makahiki he umikumamawalu, e kau haaheo ana oia maluna o kekahi lio Palomino nani, a e uilani ana ua keika ‘la i o ianei me ka hiehie launa ole, a ua uhi ia iho oia me kekahi kapa kila poni eleele, a e kau ana ma kona umauma na ke’a hoohanohano, a ma kona poo he papale mahiole dala, me na hulu lelo o Abadurasemia ka manu kupua.

            O keia mau naita, no na ululaau o Bohemia, a he 19 ko lakou nui ke hui pu me ke alakai.

            Oiai ua poe naita nei e ku ana, ua pane aku la ke alii opio i kana wahine he mea kupanaha, he opio wale no ke alakai o kela mau naita, a ina e lanakila ana kela mau naita a me ko lakou alakai, alaiia, e lilo auanei oia i hoa aloha maikai no’u, aka o ke kuiana ea mehe@a he kaikamahine.

            E na hoa heluhelu o ko kakou @lelo, o ka olelo a ke aia opio, he mea oiaio ia no ka mea, he wahine mapopo oia, he kaikamahine oia na kekahi naita kaulana loa o Europa oia o Bohemia, a nolaila no hoi i kapa ia ai ka inoa o ke la mau ululaau, na ululaau kapu o Bohemia.

            O keia mau naita, no ke aupuni mai o Sekotia, aole no hoi lakou i ikeia e na naita a pau i hele i ke aupuni o Italia no ka mea, i ka la i ku aku ai kona moku mai na hulana aku o Sekotia, o kekahi la ae no ka la e hoomaka ia ai na hana lealea.

            Ua lawa ae la ko’u wehewehe ana i na mea e pili ana i keia nau naita, a e nana aku kakou no na hana.

            Mahope iho o ka manawa e ku ana o keia mahele naita imua o ke kahua kaua, ua kani kapalili hou mai la ka leo o ka o-le no elua manawa ia manawa i puka mai ai ke alii Powa o na ululaau o Denemaka, oia hoi o Sekalita a ku ana imua o ke kahua kaua, a aole i liuliu iho, kani hou mai la ka leo o ka o le a i ke kuu ana iho oia koke no ka manawa i hui ae ai o na mekala kila a ua mau naita nei, a holo ae la ke kani oeoe o na pahikaua i ka lewa, e halulu ana hoi ka honua i ke kapuai o na ho kaua a aole i liuliu iho, aia hoi ua ikeia aku la ka lele walawala ana mai o ka naita o ka ululaau o Denemaka, a pahu ana kona pauku kino i ka honua, a koe hookahi aku la ke alii powa Sekalita ma luna o ke kahua.

            Ia wa i kauoha ia mai ai e ka puuku o ka la, o na alakai wale no ke hakaka mai.  I ka lohe ana o na hiena o na hilana o Sekotia, ua emi aku la lakou i hope, a ku iho la ua mau moho nei me ka haka pono ana o ko laua mau maka kekahi i kekahi.

            I ke kani hou ana mai o ka o-le oia no ka manawa i ikeia aku ai o ua mau moho nei, e hele ana ka naita opio no ka hikina , a o Sekalita no ke komohana, ia wa i kani hou mai ai ka o-le, a huli mai la laua elua, a hookuene pono iho la i ko laua kulana.

            I ke kani hou ana mai o ka pu oia no ka manawa i kuu pau iho ai ua mau holo lio nei i ka holo o ko laua mau lio he manawa ole ua hui hou ae la ua mau moho nei, iloko o ka weliweli o ke kahua kaua a lohe pu ia aku la ke kani pohapoha o ka laua mau pahi kaua, ma ka nana aku me he mea la, he mau naita wale no laua i hele a paulehia i ka oniu ana o na mea kaua.

            Aole i liuliu ua haki pu ae la ka pahi kaua a ka powa Sekalita, ike ia aku la, ka holo ana o ua Sekalita nei, me ke kumu o kana pahikaua ma kona lima, a hui aku la me kona mau kauwa lawelawe, a huli hou mai la oia no ke kahua paio, a huhui hou ae la me kona hoa paio, a hoo naka hou iho la ka paio ana, he mau minuke helu wale no, aia hoi me ka naau kaumaha, ua ike ia aku la ka walawala ana aku o ka powa Sekalita a haule pahu ana i ka honua, holo mai la kona mau kanaka lawelawe, a hapai aku la iaia no ka hale lole, me ka manao ia ua lele loa e la ka hanu ola, eia ka auanei, he mau pala pu wale no ka i loaa iaia.

            Oia no ka manawa i haawi mai ai o ke anaina i na leo hulo o ka olioli.

            Mahope iho ua hoopio ia he ehiku mahele o na puali naita o kela aupuni keia aupuni, i aa aku e paio me ka naita opio, o na Ailana o Sekokia, i ka haule pio ana o na mahele naita ehiku, i ua naita opio nei, oia no ka wa i puka mai ai ka walu o ka mahele, o keia mahele i puka mai ai, oia no ka mahele naita mai Nepetai mai, i ka hiki ana mai i ke kahua e paio ai, ua kani koke mai la ka leo kahea, o ka ole, i ke kuu ana iho, oia no ka wa i halawai ae ai o na pahikaua a ua mau moho nei, a iloko o keia paio ana ua like a like ke akamai o na aoao a elua iloko o keia manawa, aka, o ka oi aku o ka mahalo ia, o na naita o na hulana o Sekokia no ka mea, o ko lakou mau kino he mau kino kanaka e like me kakou, o kela poe hoi o Nepetai, he poe nunui lakou he 9 kapuai, ke kiekie, he poe i piha i ka ikaika, aka iloko o keia manawa ua hoohoka ia lakou a pau, e keia poe naita, no ka @apaluaholaokoa keia hakaka ana, ua kauoha ia mai la lakou e hoomaha, aka o ke keiki alii o Nepetai, ua kuaki loa oia me kona manao e kaa e no iaia ka lanakila o ke kahua kaua.

            I ka maha ana, ua hoomaka hou iho la ka paio ana, i ka hala ana o ka hapalua hola hou, ua ano nawaliwali mai la na naita o na hilana o Sekokia, a pau nui aku la i ka haule ilalo, me ka loaa ole nae i ka poino, a koe wale iho la no ka naita opio e ku ana imua o ke kahua kaua.

( Aolei pau. )

 

KAUKA IWAI (IAPANA.)

 

            Kauka lapaau a Kauka oki;  ma kahi o Kauka Goto, e lapaau ana i na mai e like me ka Kauka Goto hana ana.  Manawa hana ma Kakaako mai he hora 9 a hiki i ka hora 11 A. M. o na la @ Smit@ oe ka la Sabati.  E hele no oia i na ha KON@ poe i mai ke kauoha ia mai.

            O na mai e ae, ma kona hale kauka e hele ai, kihi o na alanui Puowaina me Beritania Manawa hana, mai ka hora 1 a hiki i ka hora 5 P. M. o na la noa;  a mai ka hora 8 A. M. a hiki i ka hora 12 M. ma na la Sabati. – Telepone Bell Helu 387. 2131-3ms.

 

HOOLAHA KUMAU

 

Kuai Makepono Loa.

 

            Ke panee aku nei ka mea nona ka inoa malalo iho i kona maa waiwai a pau no ke kuai makepono ana aku maloko o kona.

 

HALEKUAI LOLE NUI LOA

-MA-

MONIKAHAAE !

-@OIA HOI O-

MAUNAWEHI !

 

            Nolaila, ua makemakeia ka oluolu o ka lehulehu e hele nui mai.  @ke kumaka ai oukou i ka makepono maoli o na @waiwai e kuai ia aku ana ma ka

 

Poaono Iulai, 16, 87

 

            Na Arabia o na wai like ole he nui, he $1.00 no ka ia mamua, he hapalua wale no i keia wa.

            No Arabia o na wai like ole he nui, he 30 iniha ka laula, he hapalua no ka ia.

            Na Huluhipa pahee o kela a me keia ano, he like ole na kumukuai o ka ia, he 25 ken. ko kahi. 30 hoi ko kekahi a he 50 ko kekahi.

            Na Huluhipa nanahe, mamua he 50 ken. no ka ia a he 25 ken. wale no i keia wa.

            Na Huluhipa ahinahiha, he 50 ken. no ka la mamua a i keia wa he 25 ken. wale no.

            Na Pahoehoe o kela a me keia ano, mamua he 75 ken. no ka ia a he 35 ken. i keia wa.

            Na nanahe Vitoria o keia a me kela ano, he 1.50 no ka apa mamua a he 1.00 wale no i ke ia wa.

 

PAPALE WAHINE MAIKAI

 

i hele a ohuohu i na pua a me na hulu, mai ke nui a ka liilii

            Na papale lole bebe, he $1.00 mamua a he 50 ken. i keia wa.

            Na lole keiki, he hookahi dala mamua, a he hapalua wale no i keia wa.

            Na huluhipa papamu. he 25 ken. o ka ia.

            Na makalena nahenahe, he $2.75 no ka apa.  Makalena 30 iniha ka laula, he 10 ia no ke dala.

            Na hainaka lilina pelunui, he 65 no ke kakini

            Na pale ili keokeo o na kane, he 25 ken.

            Na muumuu keokeo o na wahine, he 50 ken.

            Na mamalu liilii me ka lihilihi a puni, he $1.50

            Nolaila, e ka lehulehu, e naue nui mai i ike pono i ka emi o na kumukuai.

 

Ku Kima.

2137-@m.

 

FRANK GERTZ.

 

MEA KALEPA A LAWELAWE HANA MA

NA ANO KAMAA A PAU NO NA

Wahine. Kaikamahine a me Kane.

 

            Na K@ Ba@ me @ Kam@haahaa no na Keiki Kane a me na Kanaka makua, o na ano pukini hou loa

20@-@.

 

PACIFIC HARDWARE COMPANY

 

Na @ope e Dilinahama Ma.

Mau Mea Kuai Lako Hao

Alanui Papu.  Honolulu.

 

HALE PAIKII ALANUINUUANU

I WEHEIA NO EKOLU MAHINA.

MAHOPE IHO O NA HOOPONOPONO hou ana i wahi e loaa ai he wa maikai no kela a me keia e hele mai ai e pai kii no lakou iho ma ka uku oluolu, ua hoopaa iho makou e hoolako aku i ka poe a pau e like me keia malalo iho:

            Kii pepa, 6, no $1.00.

            Kii lako hale, lumi, hale a pela aku @, no $1.00.

            Kii nui 8x10 1, no $1.00; a i ole $8 no ke kakini.

            Hoomaemae a hoolele hou ana i na kii ka hiko, ma ia uku hookahi no.  Hookahi kii pena 8x10 a me ka laau, he $6.00

H. A. LUSCOMB.

Helu–Alanui Nuuanu.  2116-tf

 

PAPA !  PAPA !

AIA MA KAHI

LEWERS & COOKE.

(O LUI MA)

 

ma ke kahua kahiko ma alanui Papu a me Mo@

E loaa ai

PAPA NOUAIKI

o kela a me keia ano

 

Paka, Na Puka Aniani, Na Olepelepe

Na Pou, Na O-a, Na Papa Hele, Na Papu

Ku, A me na Papa Moe nui loa

 

Na Pili o na Hale o na Ano a Pau

 

Na Pepa Hoonani, Na Pena o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoo-

maloo, he lehulehu wale,

Na Aila e ae o na

ano a pau.

 

NA WAI VANIKI

-A ME NA-

WAI HOOHINUHINU NANI !

O NA ANO A PAU IOA.

NA BALAKI ANO NUI WALE.

A ke hai ia aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

-NO KA-

UKU HAAHAA LOA.

 

E @ kamea e nolo ana mawaena

LAUA a me ka MEA KUAI.

HELE MAI E WAE NO OUKOU

 

HOOLAHA KUMAU.

 

Kakela a me Kuke

HALEKUAI NUI O NA WAIWAI

 

E laa na pahiolo, koi hole,

hamale, koi nui a me liilii, kila.

wili puaa, rula, apuapu, kui o na ame@

a pau, kala kaa, hao hoopaa @

 

pohaku hoana, kepa, lei iho, ka@

la hao ilio, pahi, upa, pahi @

kalapu, kope hulu, pulupulu, @

lakala, lina hao, ami, kee@ a @

 

-KAULA OP@-

 

Palau o na ano a pau,

Oo, ho, kopala, pe kip@

kua, hao kope, au ho a pe@

a aku, kua bipi, lei bipi,

kaula hao bipi, uwea

pa, uwea keleawe, hao p@

piula, kaa palala, ipuhao ipu@

 

PA-PALAI MAKAU ME KE AHO

 

Ili wai, papa holoi, kopa ala, kaula kuaina, hu’akai, ehi wawae, hulu pena, a pela aku.

 

Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo vaniki kaa, a me vaniki moe

 

PENA HOOMALOO

-a me aniani hale-

AILA MAHU, AILA MIKINI, AILA @

AILA KAA, INIKA KAMA@

 

PAUDA, KUKAEPE@, KIA@

PAUDA, UIKI IPUKUKUIONA

ANO HE NUI A LEHULEHU

 

LOLE MAKEPONO

-H@ @ @

 

AHINAHINA, KALAKOA, KEOKEO, LEPONALO, HULUMANU, UWE-WAHINE, KUI HUMUHUMU, A ME KA LOP@

 

Ke Kaike o loaa no la ma kahi @

 

Kakela & Kuke !

 

NA MEA PIULA

 

Mikini Humuhumu

 

Makini a WHEELER a me WILSON

 

MIKINI A WIILOX ME GIBBS

 

NA MIKINI A

 

-REMINGTON-

 

He nui loa na mea hao me na ukana ae o na ano a pau, aole hiki ke h@ ia aku, hewa i ka wai na maka k@

 

Laau Lapaau Kaulana Lo@

A DR. JAYNE,

LAAU HOOMAEMAE KOKO

LAAU HOOPAU NAIO, IA@

KUNU, PENIKILA, HUAALE

PAAKAI, LAAU HOOPAA HI.

 

@ na Laau Hamo a Pela ‘ku

Kakela me Kuke