Ka Nupepa Kuokoa, Volume XXVII, Number 1, 7 January 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

No ka Makahiki,         $2.00

No Eono Mahina,       1.00

KUIME MA MULA

 

P@@@ne,     Ianuari 7, 1888

Ekalasia.

KOKUA ALOHA IA MAI AU E KA Y.M.C.A. O KOLOA

            E kuu KUOKOA, Aloha no: - E oluolu @e hoike ae i keia hana ano nui a ka Y.M.C.A. o Koloa, Kauai, a oia keia, oiai au me iakou no na la pokole.

            O na lilo a pau o ke ala huli hoi i ka home nei o kamahele, mai na lilo ponoi no ia o ka Y.M.C.A. mai ka uku kaa he $2.50 a hiki i ka uku moku rumi helo 4 he $6, a me na lilo e ae i hiki aku ka huina he $15.

            Ea, e ha Ahahui Imi Pono Karistiano o Koloa, e aloha nui kakou.

            No ka oukou hana lokomaikai nui, ke haawi aku nei au i ko'u hoomaikai nui no ka oukou hana aloha i ko oukou hoa nei, a ke lawe nei au i ka oukou makana i lei no'u a me kuu ohana no ka wa mau loa.

            Ke pule nei au i ko kakou Haku e hooholom@a ia ka oukou hana imua a hiki i ka lanakila ana, me ka waiho pu aku i ko kakou ola nana e diai mau loa aku.

            Owau no me ke aloha nui,

            SAM P. K. NAWAA.

            Kawahilani Home, Waiawa.

 

NO NA EKALESIA O LIHUE, KOLOA A ME NA MEA ANO HOU.

            Wahi a ke Kahu o Lihue, Nov. 20, ma Nawiliwili ka makou anaina pule.  Mahuahua no ko makou anaina a maluhia maoli no.

            Mahope o ka pua ana o ke anaina pule, ua nohoka Aha Ekalesia e noonoo no na mea e pili ana i ka lilo o ke Kahu no ka Elalesia o Koloa.

            Ua ninau ia mai ke Kahu penei:

            "Ua kahea io mai anei ka Ekalesia o Koloa e hoi oe ilaila i Kahu no iakou, a haalele mai oe ia makou?"

            "Ae, wahi a'u."

            "Ua ae aku anei oe ia noi?"

            "Ua ae aku au i ka Makua, aole nae malalo o na rula o ka buke lawe lima ia ae ana o'u."

            Ku mai kekahi hoahanau o ka Ekalesia a kamailio mai penei:

            "Aole au i manao he mea maikai ia kakou ka hookuu wale aku i ko kakou Kahu malalo o na kumu maopopo ole a kakou e hookuu ai.  Ua manao au e au-a no kakou iaia malolo o keia mau kumu : -

            1  O ke noi a ka Elalesia o Koloa, aole ia malalo o na rula o ke noi Kahu, a aole hoi na ka Ekalesia holookoa, aka na ka makua Rev. J. W. Smith wale no.

            2  O ke noi Kahu i olelo ia mai nei, aole he Kahu maoli, ma ke ano e noho loa me lakou, aka, he wa wale no, a pehea ia ka loihi e noho ai.  No ka mea hoi o ka wa wale no i olelo ia ai keia noi, o ka wa e noho ana o ko laila Kahu malalo o ka mai, a ina e pau a hoi hou mai oia no kona k@hapai, pehea keia Kahu kuikawa, e noho no anei no Koloa, a i ole e ku paha oia a hele me ke kuewa wale, a he hana maikai anei ia na kakou i ko kakou Kahu i noho ia me ke aloha?

            3  Loihi konamau makahiki me kakou, make kana wahine, a mare hou, a no kona ike ua kupono ole ke noho me ia wahine, ua hookaawale aku oia.  A mai ia wa mai a hiki i keia la, aole loa i lohe ia he lono ino nona e like me ko na Kahu mua aku o kakou, a o kakou no na hoike no ia mea; nolaila, mai ae kakou e hookuu."

            He nui na hoa i ku a makailio, a o ko lakou manao hookahi no ia.  Nolaila, ua kakau ilakou he palapala pane i ka Makua Rev. J. W. Smith, a owau no ke komite i hui ai me ka Makua.

            He hale Kahu maikai ko Lihue, a he maemae ka pa, e hoonani ian ana e na pua o kela a me keia ano.  He maemae a maikai o loko me na hoonani hale, a he ku maoli no i na rula o ka noho keonimana.  He oluolu a ohaoha maikai ke-ola o ke Kahu a me kana kamalei.

            He elua wahi e malama mau ia nei ko makou mau anaina Sabati, mauka nei o Lihue i kekahi Sabati, a ma ka hale halawai o Nawiliwili i kekahi Sabati, aole nae he nui o ka poe hele mai a pela aku.

            Aole he aina kahuahale o keia Ekalesia, o kahi e ku nei ka hale kahu, no ka haole no malalo o ka hoolimalima a pela aku.

 

NO KA EKALESIA O KOLOA.

            Sabati, Nov. 27, hora 11 a.m.  Malama ia ke anaina pule a na ke kahu o Lihue i malama, olelo i hai ia ma Ioane @:29.  "E nana i ke keiki hipa a ke Akua, nana e lawe aku ka hala o ke au nei."

            I.  Mahea kakou e nana ai i ke keiki @ipa a ke Ak@a? (a) maloko o ka @@@@@

            @  Ma@@@@ kakou e ike ai i kona @@@@@@ @@@@@@@.

            II.  Malaila kakou e ike ai i kona oiaio.

            III.  Malaila kakou e ike ai i knoa lilo ana hoola no kakou.

            Maona na uhane i ka olelo o ke ola a nui ke anaina ma keia la, a maluhia no hoi.

            Ma ka hora 12 a.m., malamaia ke Kula Sabati i noho alakai ia e J. Wa. Alapai Esq.  Maluhia a maikai na hana, wahi a ka koike a ka mea alakai o ia ia i ka hina nui o na haumana, he 106.

            Ma ka hora 3 @, noho ka halawai hana a ka Ahahui Opiopio Imi Pono Karistiano, i noho alakai ia e Mr. J. W. Alapai, ma na mele pule a me na hai manao pokole mai na hoa mau, a me ka hookomo ana ia Aikaha i hoa kuka a me kona hoohiki ia ana.

            Hoike a na komite.  Na Mrs. E. Alapai L. H. o ke komite kaahele i hoike mai i kana hoike, maika a mahalo nui ia

            Na Mr. C. Kaoi L. H. o ke komite Kula Sabati i hoike waha mai i ka lakou hoike, a ua mahalo ia.

            Na Mrs. Elizabeth Kaio ka L. H. o ke komite manawalea i hoike mai i kana hoike, ku i ka naauao a mahalo nui ia keia hoike.

            He wahi manao paipai pokole mai ka mea e kakau nei, a hookuu ia na hana me ka maluhia.

            Novemaba 28.  Ua hoomanao ia keia la e ka Ahahui O. I. P. K. a nenei na hana:

            He wahi kilihune ua ko na hora kakahiaka, ua moe aku la nae na puaa elua iloko o ka imu.

            1.  Hora 11 am.a kani ka pele haipule, hora 12 a.m. malama ia ke anaina haipule e ka Kev. B. Hanaike.  Olelo i alakai ia.  "E hoopoina ana au i na mea i hala, e kikoo aku ana i na mea o mua."  Ua lohe aku kou mea kakau i keia mau mamala olelo penei:

            Ua hooili ia mai e ka makua Rev. J.W. S. na hooponopono ana o ka Ekalesia a pau maluna iho o'u, ma ke ano e noho kahu a makua no keia Ekalesia, no ia mea ua ae aku au.

            "Lawe a lilo a hiu a wela o Koloa la, @ele oe e Lihue i ke Kahu, monia ke koko e ka Ekalesia o Lihue, oiai he ae ka ke kahu o oukou i kue i na rula o ka buke l@we lima, ka mea ana i hooia ai.

            A ma ka aoao o ka Ekalesia o Koloa mao, ua pane ia Mr. W. Kekoa mai penei:

            Ma ka aoao o ka Ekalesia, ke hoomaikai aku nei makou i ka Haku, no kona hoopomaikai hou ana mai ia makou, ma o kou ae ana mai i ka makou noi ma o ko makou makua, e lilo oe i makua a i kahu e hanai mai ia makou i ka olklo o ke ola, nolaila, ke apo aloha aku mau olelo ao a pau, a pela aku. 

            He mau manao pokole mai ka mea kakau, himeni, a hookuu ia na hana me ka maluhia.

 

PAINA HAUOLI.

            Ma ka hora 3 me 4 p.m. paha, i malama ia ai ka paina hoohauoli o ka A. O. I. P. K. maloko o ka balekula aupuni olelo Hawaii i noho kumu ia e Mrs. J. Puni.  Ua hele no hoi a ohuohu i na mea ai like ole, mea ai Hawaii a me haole.  Ua kono ia na hoahanau o ka Ekalesia e hele nui mai e paina hauole, no ka ua paha aole no i hiki nui mai.  Piha no nae na papaaina i na hoahanau, a no io phia ua kalina lala o ka hui, a mahope lakou e ai ai.  Malaila ke kahu o Koloa a me kou mea kakau nei, a ua pule ia e ke kahu hou i ka wa paina ma o ke kono ana a Miss J. Smith.  O i nuu iho a lihaliha i ka momona ke kiu wai ahulu i kau a mea o ka nui o na ono i nuu ia ai.

 

NA MELE HOONANEA.

            I ke anaina i piha ai na lua o ka inaina, a hoolai iho, pae aaa ka leo nanahe o Miss J. Smith penei:

            Ke Komite hoohauoli, kuu ia mai ka nani o na mele hooni puuwai, a pela aku:

            I loa no a kuu iho ia leo nahe, ia wa no ka leo nahe o ke alakai i kuu mai ai, i kokua ia mai e Mrs. Elizabeta kaio, Mrs. J. Puni, Mrs. R. Kekoa, a me na hoa a pau, aole no hoi o ka nani a koe aku ke hele a, uheuhene i ka pua Koolau o Malama.  Nui no hoi na ono i hookuu ia mai oi nuu aku na pepeiao a he ole ka pau mai, i ka nui o ka ono me ka lihaliha, palanehe a palamimo no hoi na manamana lima o Mr. C. Kaio i na kaula o ke gita, a au kohu no oe i Capt. no ke Komite hoohauoli. 

 

NA PAANI HOOIKAIKA KINO.

            Oiai no e walea ana i ka ono a na puukani o ua Y. M. C. A. nei, pa e hou ana no ka leo, me he leo la no ke Kolohala, o ka wa keia o na paani hooikaika kino, a e naue aku kakou i ke kahua o ia mau hana.

            Ke ko ke wale la a hiki ana i ke kahua i hookaawale ia no ia hana.  I ka Y. M. C. A. no a kuu iho, hoea mai ana no hoi ka huakai o ka hui, a i hoohanohano ia ia huakai (hui) e ke Alii Makai o Koloa nei me kana le@e, me na leo o na mele a me na Ukeke gita, me ka haawi ana i na hoohauoli La Kuokoa ou e Hawaii oiaio.

            O na lealea i malama ia, oia ke kinipopo nunui peku wawae, kikipopo pai laau, koloke.  Ma ka paani hope ua komo pu au, ka Rev. J. B. H., a ua paani pa me ka hauoli maikai, me na lala o ka Y. M. C. A.

            Ua ka no i ka hanohano na opio wahine me na opio kane, a ua lilo maoli no lakou he mau keonimana a he mau @ede ke nana aku.

            Ua hoomau ia ka paani ana a hiki wale i ka haol@@ ana iho o ka pouli i ka i@ honua, a ua hookuu ia na hana o ka la me na mele mai ka Y. M. C. A. a me ka hui, me na leo eehia anoano hoomokumokuahua mai ka Miss J. Smith mai penei:

            Auhea oukou e o'u hoa luhi, ano, ke hookuu aku nei au i na hana o keia @a me ka hauoli nui.  A oiai, au nawaliwali loa o papa, aole i maopopo ka hala o keia po, molaila, e hoi oukou me ka hoomanao pu o ka oukou leo pule i ko kakou Haku no ko kakou papa; aloha kakou a pau.

            Pa-e pu aku la ka leo o na mea a pau penei:  E hai aku oe i ko makou aloha nui ia papa; aloha oe.  Hoi aku la makou a pau me na manao kaumaha no ke aloha Makua. 

            Ke ike ia aku nei ka okioki ia mai a me ka hoolala ia o ke kahua o ka hale o ka Y. M. C. A. o Koloa nei, ma o ka noho poo kamana ana o Mr. C. Kaio; o ka loa, 38 kp.  Imua aku a ke Y. M. C. A. o Koloa a lanakila. 

 

UA HALA KA MAKUA REV. J. W. SMITH.

            Ma ka hora 12:15 o ka po Poakolu, Nov. 30, a ao ae Poaha, Dec. 1, i lawe palanehe ia aku ai ka uhane o ka Makua e kona Haku, a ua koe iho kana mau keikikane a me na kaikamahina a me na moopuna a me kona hoa pili he wahine ma ke ao nei, e kali ana no ia ala hookahi.

            Ma na hora ahiahi, iloko o ka ua, ua malama ia kona anaina haipule ma kona home, a he nui o na hoa'loha i hiki mai e ike hope iaia.  Aia no maloko o kona pa i waiho ai kona kino lepo me ke aloha nui ia.

 

NUI KA UA MA KAUAI NEI.

            Mai ka po Poakolu a ao ae Poaha, a me ka Poalima, nui ka ua ma Kauai nei, a ke mau nei no a hiki i ka Poaono.  Oluolu na manao o ka poe mikiala hana i ka lulu ia iho o na kulu paka ua, i omamaka aliali ae ai ka ulu o ke gula (ko.)

            Dec. 3, e haalele ana au ia Kauai nei, a hoi aku no Oahu, maluna o ka Mikahala.  Hora 1:30, kau ma ke kaa a holo no Lihue, a hiki loa i Nawiliwili hora 5 ahiahi.  Kau i ka moku hora 5:15, haalele ka moku a holo mai no Honolulu.  Aloha kakou a nui.

            Kou haahaa,    S. P. K. NAWAA.

            Oneki O Mikahala, Dec. 3, 1887.

 

Hoole Waiona.

HELE MAI E KOKUA IA MAKOU.

[W. C. T. U.]

            "No ke aha e ka hoa, Keia hana ole ou.  Haule, eha a poino, Na uhane makamae.  Pa-e mai ka leo pane, Aole hana i hiki ia'u.  Ala ! e holo ! ! e kokua, Wahi a Iesu ano.

            A lohea ia leo @ea, Pane olioli ae.  E ka Haku, eia au la.  E hoolilo i kauwa Nau.  kanu, waele, a kipulu, Ma ka mala laula ou.  Na ka Haku e hoohauoli, Nana no e hoomaikai.

            Aole pono ke waiho aku ia mea me na momi laa, no ka mea, o ke kumu keia i kuai ai i ke koko, Mat. 27:6.

            No n dala he umikumamalima, ua kuai ia o Iesu e Iuda Iscariota.

            No ka hoahewa ana paha o koua lunaikehala ia@a, ua kiola oia i keia mau dala ma ka luakini, a lohe ia ka nakeke ana ma ka papahele. 

            Heaha ka mea kupono e hana ai me keia mau dala?  Wahi a kekahi, "E waiho ma ka waihona dala," a o kekahi hoi, aole pono, oiai, he dala koko keia; he kumukuai o ke ola o kekahi, aole pono ke lilo ia dala no ke aupuni a no ka luakini paha.  Ma ke kuka ana, au hoolilo ia ia mau dala no kahi e kanu ai ka poe ilihune. 

            I keia wa, e noonoo i ka pono o ke kaohi ana, ka hooponopono ana, a o ka hoopau loa paha i ke kuai rama, ma ke kau ana i $500 a i ole, i $1000 no ka laikini kuai rama. 

            Ua olelo ia, oia ka ka mea e pani ai ua hale kuai waiona @@ku, na mea e hoopoino ana i ka aina, a i kekahi poe kakaikahi wale no ka laikini kuai.

            Eia hou, o na dala i oaa hou ma keia laikini pii loa, oia ka mea e ola ai na hale ilihune, kahi i hoouna ia na wahine kane @hauha.  Aole anei pela?

            Na keia laikini pii loa e kokua i ka malama ana i na hale paahao, kahi i hoonoho ia na kanaka no na karaima i hana ia i ka wa i pupule i ka rama.  Aole anei pela?

            Na keia laikini kaumaha e uku i na lunakanawai, no loio, no makai, na kiure a me na hale hookolokolo, i lilo nui ma ka hopu ana, hookolokolo, a hoopai ana i ka poe kue i na kanawai i ka wa ona.  Aole anei he oiaio ia?

            Pehea la i hoomakapo ia ai kekahi a hoomaopopo ole i keia haawi ana i laikini pii loa, he hana kue loa i ka hoole waiona.

            Aole anei i maopopo o keia pani ana i na wahi kauai rama liilii a pau, a ae ia na hale kuai rama nui, he mea ea e hoohanohoano ai ke kuai rama a me ka inu rama. 

            Ina ike ia ka opio e kipa ana ma na hale kuai liilii, aole emo a lilo kona wahi ma kahi ana i noho ai e hana.

            Ina pani ia keia mau wahi, a koe na hale nui a nanu kahi e kipa ai ka poe hanohano.

            Aole ma na hale ku@i rama u@ku ka nei o ke ino.

            Mahea ka hoomaka ana o ka inu rama ana?

            Ua hoo@aka ia ina na h@le inu @i maikai, a i ole ia ma ka hotele he@@ akahi.

            I ka na@a aku e manao ana e paniku i na hale u@ku, a waiho hamama i na ipuka o ka make.

            Pehea e a@aku ai e ae i kekahi e kuai i ka mea make ma kona hookaa ana i $500 a $1000 no ka laikini a hoole i kona hoa ia pono, no ka loaa ole iaia i $100 a i $50.00 paha no ka laikini, a no kona nele maoli no paha.

            No ke aha ka papa ana i ka mea e kuai liilii ana i na mea make, oiai ua komo no ia mau mea ma ka waiwai - oia ka logwood, strychnine a me ka blue vitriol - a e ae aku i ka poe waiwai nui ke kuai.

            No ke aha ka papa ole ia o na hale hana palaoa, a loaa ka laikini $1000 -

            No ke aha ke paniku ole ia o na hale kuai bipi a pau, aia a hookaa ia i $1000 a i $500 paha no ka laikini, a pela hoi na hale lo@e. 

            He okoa paha ia, wahi a oukou.  No ke aha?

            Aole he mea poino ka palaoa, ka bipi, a me ka lole, a he mea poino no ka wai@ ke, oia?

            Ina he mea pono e kuai rama, e ae like i na mea a pau e kuai rama, a ina ua hewa alaila, o ka $500 a $1000 paha, he mau dala kipe wale no i haawi i ke aupuni e kekahi poe uuku, a hoonele ia ka nui. 

            Wahi a kekahi, ua ahona ka hapalua o ka popo palaoa i ko ka nele loa, oia hoi, ua ahona ke kinai ana i kekahi hapa o na hale kuai rama, ina aole hiki ke kinai ia lakou a pau.

            Ea, in a ua ino kela hapa o ka popo palaoa, mahea kou pomaikai?

            Eia ka uwapo maluna o ka muliwai, a i ka po ua kahe nui mai ka wai, a lilo ka hapalua o ia uwapo.

            E holo mai ana e kaa ahi mama ma ia po.

            Ma ke poo o ia uwapo e ku ana ke kiai po, e paa ana ke kukui ma kona lima.  Ua maika no ia welau o ka uwapo, ua paa a holo kibi mai ke kaa i ke aumoe, kauno ma ka uqapo me ka manao e holo ana i kela kapa, aka, iwaenakonu o ka iliwai ua lele ino kela puuluulu kaa a i ka hohonu, a he 200 kanaka i make.

            Aho paha ka uwapo ole, alaila ua hoike mai ke kiai i ka poino e waiho mai ana.

            Ua oi anei ka pono o ka hapalua uwapo i ko ka nele loa?

            Wahi a kekahi, ua hiki ole e hooko i ke kanawai hookapu waiona, a nolaila, e kau oke i kanawai.

            E na hoa, owai na kanawai i hookopono ia?

            He mau kanawai no ka hehi ana i ka la Sabati, ka wawabi hale, ka aihue, ea, he pono paha e kapae i kela mau kanawai no ka hooko pono ole ia, a e laikini i kekahi poe e hoohiki ino, e aihua a e pepehi kanaka paha. 

            H $5000 a he $10000no ka laikini aihue.       

            He pono e imi i mea e pau ai na aihue liilii, a no ka laikini pii loa, e ae ia kekahi poe e apuka, no ke $50000 paha. 

            I laikini no $1000 @ pau na aihueliilii a holo lanakila ka poe aihue i na miliona dala.  Aole e pau aua ka aihue a ae ia kekahi poe kakaikahi ia pono ma ka laikini ana ia lakou. 

            Pela no hoi ka pepehi kanaka.  He ane hiki ole e ku ka hewa, a hoopai ia ka poe pepehi kanaka.  He mea ole ke kanawai e paha ana.  Eia ka pono, e hoopau i ka pepehi liilii ana, a e kau i laikini pii loa, no kekahi poe uuku, na lakou ia hana o ka pepehi kanaka. 

            Ea in a ua pono ke kuai rama, he pono e ae i na mea a pau e lawelawe ma ia hana, a ina ua hewa, alaila, mai no a lawe in a $5000000 i laikini kuaurama. 

            Aole he pono i kekahi hana e hoopilikia, a hookeakea i kekahi hana e ae. 

            Ua hele kekahi kanaka i ka mahele aina o Georegia e lawelawe hana, no ka mea, wahi ana, au hooholoia, aole e haawi i laikini waiona malaila.  Ua ike oia o ke kuai waiona he mea e kue ana i na hana e ae a pau.  Ina ua hoolilo na miliona dala o ka rama ma na hana e pomaikai io ai ka aina, ua ike ia auanei ka holomua ana.

            Aole hiki ke kuikahi ke Akua a me na pono io o ka aina, a me ka rama.

            ma ko ke Akua mama e pio ana keia ino - mahea e ku ai kakou - ma ka aoao anei o ke kinai rama, ka pono a me ka lanakila.

 

KA @AHAHUI LIPINE SOLU O LAUPAHOEHOE BEACH.

            E ka nupepe KUOKOA, Aloha oe: -

            Ma ka halawai o ka la hana IV, Augate 5, 1887, ua komo hou mai he ekolu iloko o ka hoole wainoa.  No lakou hoi keia mau inoa.

            17.  Mrs. L. Kaainoni,

            18.  E. Kanamu,

            19. Miss. Hattie

            A he lulu dala no ka waihona o ka Ahahui kekahi mea i hana ia ma keia halawai.

            Ma ka halawai o ka @a hana V., Augate 19, aole poe i komo hou mai iloko o ka hoole wainoa, aka ua koho ia o W@ Laiana i Kakauolelo no ka Ahahui, mamuli o ko E. M Hanuna waiho ana mai i kona kuleana Kakauolel@, a holo aku no Maui.

            Ma ka halawai o ka la hana VO., Okatoba 7, hookahi i komo mai iloko o ka hoole waiona.

            20.  Wm. Keeaumoku, no Kaawalii.

            Ma ka halawai o ka la hana I., ma Puuohua, Okatoba 9, ua komo mai he ekolu iloko o ka hoole wainoa, a no lakou hoi keia mau inoa:

            21.  N. Kekaula, no Pohakupuka

            22. P. Kaauhau, no Kahinano

            23.  G. Kawaihae, no Honomaino.

            Ma ka halawai o ka la hana 7 ma Laupahoehoe, Okatoba 28, ua komo mai no he ekolu iloko o ka hoole waiona.  No lakou keia mau inoa:

            24.  Chas. Kahue, no Kaohaoha,

            25.  Mrs. Kaanaana, " "

            26.  Miss. Luahine, " "

            Ma ka halawai hou o ka la hana II., ma Puuohua, Novemaba 13, ua komo hou mai no kekahi poe i ka hoole waiona.  A no lakou no hoe keia mau inoa:

            27.  J. K, Hueu, no Kahinano

            28.  Mrs. Aa, " "

            29.  " Kaohu, " "

            30. " Keikiole, " Pohakupuka

            Ma ka halawai o ka la hana VIII., ma Laupahoehoe, Dekemana 16, ua komo hou mai he eha peo piopio iloko o ka hoole waiona, a no lakou iho keia mau inoa:

            31.  Mrs. William,

            32.  Mrs. Loo, no Kaawalii,

            33.  Miss. K. Palea,

            34.   " Lukolani. 

            Nolaila, he kanakolukumamaha ka huina pau o na lala o ko makou ka huina pau o na lala o ko makou Ahahui Lipine Bolu, ke hui ia me na luna nui, mai ka hoomaka ana mai mai Iune 23, 1887, a hiki i ka halawai o Dekemaba 16, 1887.  A mai loko ae o na lala he 34 ka nui o ko makou Ahahui nei, ua ike ia kekahi poe lala o makou e ai hou ana no i ko lakou luai wainoa; oiai, o ka mea no ia a lakou i luai aku ai.  Nolaila, aole no lakou i lanakila maluna o waiona ma.

            A no kekahi poe Lipine Bolu o ko makou Ahahui nei, he oia mau ke kupaa, a no lakou ka lanakila mau maluna o waiona ma.  Mai nana oe i ka waina i kona ulaula ana, i kona aleale ana ma ke kiaha, i kona hu ana a maikai. 

            Mahope iho, e nahu mai me he nahesa la, a e pa mai me ha moonihoawa la.  Sol. 23:31, 32.

            WM. LAIANA.

            Dekemaba 29, 1887.

 

WOLFE & CO.

            Mea Kuai i na Ano a pau o na Mea

            AI, HUA AI, O NA ANO A PAU.

            Eke Palaoa, Berena Waiu Bata, Berena manoanoa, Berena huinaha, mea ono, o kela ano keia ano; Ko paa, Kope, Ti, Aila mhu, a me na @o a pau.

            Helu 66, Alanui Hotele, Halekuai mua o Lewis & Co

            E loaa koke aku no na kauoha a pau loa me ka hakalia ole, a me ka maikai o na @@ malu ia ana.  E hooko ia na kauoha o ke kulanakauhale nei me ka hikiwawe ma na ka @@ ka uku ole.  O na kauoha mai na mokupuni, e lawelawe koko ia.  2085-6m

 

Nuhou! Nuhou! Nuhou!

AILA MAHU MAIKAI!

HOOKAHI DALA WALE NO NO KE

KINI AILA HOOKAHI!

E kuai pau ia aku ana no ka nui loa o ka aila i keia manawa.

E AU E NA MAKAMAKA! E AU!

E kipa ae ma ka halekuai o

Kakela me Kuke.

 

B.F. EHLERS & CO., PAINAPA

Poe Kuai i na Ano Lole a Pau.

Helu 99 alanui Papu.  Honolulu.

E loaa mau ana na lole hou o na ano a pau maluna o kela a me keia moku.

 

Ka Waiwai o ka Hilinai

            KA AYER Laau Sasaparila, kai kaulana a Hilinai nui ia no ka hoomaemae koko, ma no wa@ a pau o ka honua, ne aneane 40 makahiki i hala ae nei, a ua lawelawe nui ia hoi iwaena o na oihana lauaau.  O keia

            LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

            He koko inoino a nawaliwali anei kou?  Ua awili pu anei me na ano mai ikaika?   A au hui pu anei me na wai awaawa hoophu Na keia

            LAAU e hoomaemae ia mau mea ino a pau, a maikai.  O na kauka lapaau a pau o Amerika ike ke ano o ka AYER SASAPARILA, ne olelo lakou, aole he mea maikai e ae no ka hoomaemae koko ana mai na mai i awilipu ia, aka o keia wale no.  No ka

            HOOMAEMAE ana i ke koko, a me ka hookahua pono ana i na mea a pau ma kekahi mau ano maii ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke

            KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma ka ana i keia LAAU SASAPARILA A AYER.  He maalahi a he

            MAIKAI loa hoi keia Laau, aole no ka hoomaemae wale ana no i ke koko, a ka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.

            A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hooia wale no a ke ao holookoa, maluna o ka

            Ayer Laau Sasaparila.

I HOOMAKAUKAU IA E

Eauka J. C. Aver & Co., Lowell, Mass.

HOLLISTER & CO.

Na A ena ma ka Paeaina Hawaii. 

Helu 100 - Alanui Papu, Honolulu

2086-tf

 

Laau Mai Lepera Helu 1.

A S. H. Meekapu e hoomau ia ana no ka lehulehu, i loaa ai ka pono a lanakila ke inu i keia laau e hoopau i na mai Lepera kaokao, ko ko ino, mai hui, a me kua hanee, e hoouna ia no ke hoouna mua ia mai na lilo laau.

*S. H. MEEKAPU M. D.

Waikahalulu.

 

PACIFIC HARDWARE COMPANY

Na hope o Dilinahama Ma.

Mau Mea Kuai Lako Hao

Alanui Papa. Honolulu.

 

HOOLAHA KUMAU.

 

Kakela a me Kuku

HALEKUAI NUI O NA WAIWAI

E laa no pahiolo, koi hole,

@an@ale, koi nui a me liilii, kila,

wili p@aa, rula, apuapu, kui o na @@@

a pau, kaia kaa, hao hoopua pu@@

 

pohaku hoana, kepa, lei ilio, kau-

la hao ilio, pahu, upa, pahi umiumi,

kaiapu, kope hula, pulupulu, oepa ka

lakala, lina hao, ami keehi a me

 

KAULA OPU.

Palau o na ano a pau,

Oo, ho, koala, pe, kipi-

kua, hao kope, au ho a pe

a aku, kua bipi, lei bi-

pi, kaula hao bipy, uwea

pa, uwea keleawe, hao pili

piula, kaa palala, ipuhao, ipu ti

 

PA-PALAI, MAKAU ME KE AHO

Ili wai, papa holoi, kopa ala, kaula

kuaina, hu'akai, ehi wawae,

hulu pena, a pela aku

 

Pena wali, kini nui a me liilii o na

ano a pau, me ka pepa kuhi

kuhi, pena keokeo, aila

pena, aila hoomaloo,

vaniki kaa, a me

vaniki moe,

 

PENA HOOMALOO

a me aniani hale

AILA MAHU, AILA MIKINI, AILA HAMO

AILA KAA, INIKA KAMAA.

 

PAUDA, KUKAEPELE, KIANA

PAUDA, UIKI IPUKUKUI O NA

ANO HE NUI A LEHULEHU

 

LOLE MAKEPONO

E aa ua

AHINAHINA, KALAKOA, RE@

KEO, KEPONALO, HULUMANU

UWE-WAHINE, KUI HUMUHU

MU, A ME KA LOPI.

Ke kuike e loaa no ia ma kahi o

 

Kakela & @@ uke

 

NA MEA PIULA

 

Mikini Humuhumu

Makini a WHEELER a me WILSON

MIKINI A WIILCOX ME GIBBS

NA MIKINI A

REMINGTON

He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike

 

Laau Lapaau Kaulana Lo

A DR. JAYNE.

LAAU HOOMAEMAE KOKO

LAAU HOOPAU NAIO, LA@@

KUNU, PENIKILA HUAALE

PAAKAI, LAAU HOOPAA HI,

@@ @@ Laau H@m@ a Pela @k@.

Kakela me Kuko