Ka Nupepa Kuokoa, Volume XXVII, Number 14, 7 April 1888 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

Hupepa Kuokoa:

KE KILOHANA POOKELANO KA LAHUI HAWAII

 

BUKE XXVII HELU 14      HONOLULU, POAONO, APERILA 7, 1888         NA HELU A PAU, 2175

 

HOOLAHA KUMAU

GEORGE P. KAMAUOHA

 

He loio a he Koua ma ke Kanawai.

A Me Mea

ANA AINA

E loaa no ma Kohala Akau, Hawaii.

2091 1y

 

VOLNEY VAILLANCOURT ASHFORD,

AKEPOKA

He Loio, Hoakala, Pale ma ke Kanawai, Kakau olelo, Lunahooponopono a me ka hana ana i na Palapala hoolilo.

 

LAWELAWE ILOKO O NA AHA A PAU O KE AUPUNI

 

E hana ia no na Palapala pili Kanawai a pau.

 

Kaena Hana Helu 21, Alanui Kalepa Honolulu Hale. (2150 1y)

 

A ROSA (AKONI)

LOIO O HE KOKUA MA KE KANAWAI.

He Luna Hooiaio Palapala

KEENA HANA: Ma ke Keena Loio Kuhina. tf

 

CECIL BROWN.

LOIO A HE KOKUA AMA KE KANAWAI?

HE Agena Hooiao Palapala no ka Mokupuni o Oahu

KEENA HANA: Ma alanui Kalepa. Tf

 

WILLIAAM C ACHI.

Loio a he kokua ma ke kanawai imua o na Aha a pau o keia Aupuni.

 

He Mea Ana Aina a he Boroka ma na waiwai paa.

 

Keena Hana, Hele 15, Alanui Kaahumanu Honolulu, oia ke Keena mua iho nei o Kini me Peterson.  2114-y

 

JOHN MAHIAI KANEAKUA

LOIO A HE KOKUA MA KE KANAWAI. HE MEA UNUHIOLELO MA KA OLELO BERITANIA A ME KA OLELO HAWAII.

Keena Hana, maluna no o ka Banako o Hihopa ma. 1 yr.

 

JAMES M. MONSARRAT (MAUNAKEA.)

LOIO A HE KOKUA MA KE KANAWAI

He Luna hooiaio Palapaia.

            E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai paa.

KEENA HANA: Alanui Kalepa.

 

KAMIKA, KAKINA a me KINI, LOIO, LOIO, LOIO

KEENA HANA: HELU—Alanui Papu, @ Honolulu

 

S.B. DOLE, LOIO, LOIO, LOIO.

He Luna Hooiaio Palapala

KEENA HANA: Helu 15 alanui Kaahumanu 2070 1y

 

W.R. KAKELA,

LOIO A HE KOKUA MA KE KANAWAI

He Luna Hooiaio Palapala.

 

M. THOMPSON, LOIO MA KE KANAWAI.

Keena Hana, aia iluna o ka Hale Pohaku o Kimo Campble, kihi o na alanui Papu me Kalepa, Honolulu.

 

HE LOIO IMUA O NA AHA.

            Ina i makemakeia, alaila e haawai no oia kona manao kanawai ma ke kakau ana ma ka pepa, no ke ano o ka hihia e manaoia ana e hoopii maluna o na olelo ike e waiho ia mai ana e ka mea nana ka hihia. 2121-1y.

 

WILDER & CO. (WAILA MA.)

            Mea kuai papa a me na lake kukulu hale na ana a pau, a ma ka mo ne pono a pau no ku hala.

Kihi Alanui Moiwahin me Papu. tf

 

E.G. HITCHCOCK (AIKUE HIKIKOKI)

LOIO, A KOKUA MA NA MEA A PAU E PILI ANA MA KE KANAWAI.

E ohi ia no na Bila Aie, me ka wewi HILO, HAWAII. 2114. 1 YR.

 

S.K. MAHOE.

LOIO A HE KKOKUA MA KE KANAWAI.

 

Ma Agena Hooiaio Palapala Kope ne ka Makupuni o Oahu.

 

He Luna Hooiaio Palapala Kepa Paahana me ka Apana o Waialua, Oahu.

E loaa no ma Waialua, Oahu. 2128-1y.

 

WILLIAM McCANDLESS.

            HALEKUAI BIPI O WILLIAM MA KALALENA ma Ulakoheo. Na ano Bipi a me na ia a pau o ka makeke no na kumukuai oluolu. Uala Kahiki a pela`ku. 2002-1y.

 

HE MOOLELO WALOHIA

NO

MINEWA

KA Nani.

KA

Ui Aloha KAmahao.

KA

Manu Aloha Lawe Leta.

ME

Ka lio Maalo pu me ka

Mahina.

Unuhiia no ka Nupepa Kuokoa.

            Ina mea a pau, e kali ana o ka lawe ia aku o ke kaikamahine alii, a he mau minute i aui ae o ka hora ia, ike ia aku la ke kaa alii e holo pololei mai ana no ka uwapo.

I ke kaa i hiki aku ai ma kahi o ka moku e ku ana, ua olowalu like mai la na leo aloha mai makaainana me ka u ana a me ka minamina no ke kaikamahine alii

O na hiona a me na helehelena nani o Minewa i na la i hala ae. ua nalo ahu ia, o ke kino wiwi me na helehelena o ka mea mai pilikia loa, oia ke kua mai ana, a o kona uew mau nae no kana mea i aloha ai he oia mau no.

I na mea a pau e uwe ana, e kaniuhu ana, lele iho la ua kaikamahine la mai luna iho kona kaa a kau aku la iluna o ka moku, ola a me na haia wahine elua.

Ua hoolawa ia ka moku me na mea ai he nui loa e lawa ai ke kaikamahine alii no ka noho ana i na makahihi he lehulehu.

Mahope iho o ka hui aloha ana o na makaainana me ke kaikamahine alii, ua wehe ia ae la ka laina o ka moku a holo aku la ua moka la me kana ukana ka kaou lei aloha hoi ma keia mua aku o Minewa ka nani.

Ma keia lawe ia ana o ke kaukamahine alii, aole i kau aku kekahi o kona ohana, a me kona mau makua.

He mea oiaio, ua ili iho ke kaumaha a me ka ehaeha maluna o na makaainanapu kekahi.

Maanei, e waiho kaua e ka mea heluhelu i ke kamailio ana no ka moi a me ka lahui kana o Peresia, oisi, aole i aloha oiaio maoli ka moi Hanorema i kana kaikamahine e like no me kona ano mau ka puuwai elele.

a hala ae la kekahi mau la loihi o ka holo ana o ka moku, hiki aku la lakou no ka mokupuni o Canakia, hoolele ia aku la ke kaimahine alii a me kona mau kauwa wahine elua.

Kukulu ia iho la kekahi hale no ua kaikamahine alii la me kana mau kauwa wahine, a i ka paa ana o ka hale hu li ae la ka moku a hoi aku la no ka mokunui o Peresia.

I ka moku i hala aku ai, noho mehameha iho la ua Minewa la me kana mau haia wahine.

He hookahi o keia mau wahine he oluolu, a ha hookahi hoi o laua he ano manao lokoino.

No kekahi mau la loihi keia noho ana o Minewa maluna o keia mokupuni me kalulumi mau ana o keia haawina maluna ona oia hoi ke aloha kamahao e uwe ana i ke ao a me ka po.

Iloko o ia mau la pau ae la ka lakou mau mea ai, a noho wale iho la lakou me ka make i ka pololi a ka ai.

Hele mai la ka haia wahine oluolu a pane mai la iko laaa aliiwahine:

E ko maus haku, e make ana kakoa i ka ai aohe a kaou mau mea ai i koe ua pau.

Pane aku la o Minewa, e ka'u kauwa aloha, he mea oiaio kau e pune mai nei aka, auhea la kau ai e haawi aku ai ia olua oiai, ua nele kakou.

No ia mea, uwe mai laua haia wahine ia me ka ehaeha me ka pane ana mai.

Nani ke aloha ole o kou mau makua ia oe, eia ka e make ana oe i ka pololi, mai oi aku ka nani loa, ina i oki mua kakou i ko kakou mau puu mamua o ko kakou holo ana mai i keia wahi.

Pane aku la ua Minewa la me ka naau luuluu:

E kuu hoaloha o keia aina kanaka ole mai kaumaha kou naau no keia mea, oiai, e make ana no kakou, aole nae e hookaumaha nui, o ko kakou kali wale aku no i ko kakou manawa e make ai, oia wale no ka mea i koe.

Me keia mau haawina ua poe kaikamahine la i noho iho ai maluna o ka mokupuni Canadia a hala na la elima, ano nawaliwali like mai la lakou a pau i kau a mea o ka noho ai ole.

I kekahi awakea, oiai o Minewa e moe ana msluna o kona wahi moe, a o kana mau uaia wahine hoi, e kulou ana ma kona aoao.

Ia Minewa nae e kaia ia ana e ka hiamoe a ka ololi.

Aia hoi, ala ae la ka haia wahine lokoino a pane aku la i kona kokoolua menei:

E kuu hoaloha, aole anei oe e ae i kuu manao?

Pane aku la kekahi wahine, heaha ia manao ou?

E pepehia kaua i ke kaikamahinealii, a i make oia alaila, e lawe kaua i kona io a paila i ke ahi i loaa ona mau mea ai na kaua i ola loihi iki aku ai kaua a loaa hou aku he mau la ia kaua.

Pane aku Ia ka haia wahine oluolu penei:

Aole kaua e pono e hana pela, no ka mea he hana ia na ke aloha ole, oiai he ekolu wale no kakou maluna o keia mokupuni kanaka ole, a ua loaa like kakou i keia mau haawina hookahi a ka pilikia ai, e aho i hookahi o kakoua mea nana e pepehi o ka wololi.

Pane aku la ka haia wahine lokoino penei:

Heaha ka kaua nana iaia, oiai aole oia e ola ana, e pepehi kaua iaia a make i ola kaua.

Hoole paakiki aku la ka haia wahine oluolu me ka pane nou ana aku:

Mai hana kaua pela he hana aloha ole ia.

Iloko o keia mau kukai olelo ana a na haia wahine, ua piipii kai loa mai la ka wahine lokoino.

A no ia mea, i uwa leo nui ae ai ka wahine oluolu i wahi no Minewa e ala ae ai.

Ia wa nae a Iaua e hoopaapaa ana, puoho ae la o Minewa a ninau ae la ia laua:

E aha ana olua e a'a mau aikane aloha?

Pane aku la kekahi wahine, e hoopaapaa ana maua e makemake ana o ia nei e ai ia oe, e hoole aku ana hoi au, ulelo iho nei o ia nei e pepehi ia oe a make a e kupa i kou io i mau mea ai na maua, hoole paakiki aku nei au.

Ia wa pane mai la o Minewa me ka leo o ka mea nawaliwali:

E a'u mau haia wahine ano e, eia au ke hooko aku nei i ko olua makemake a penei nae e hana ai:

E lawe mai i o'u nei i ekolu laau liilii loloa a na'o e hana aku i mea e hooko ia ai o ko olua makemake.

Ae aku la kekahi wahine a lawe ia mai la ekolu laau liilii.

Pane aku la o Minewa, e o'u mau hoa noho keia aina makua ole, aloha no olua aloha no hoi au.

O keia mea a'u e hana nei imua o olua, he mea no e kaia mai ana i ko kakou mau kino iho, e make ana kekahi o kakou a e ola ana elua, aole nae e hiki ia'u ke olelo aku, owau paha ke makeana, o kekahi paha o olua e noho mai la.

Ka i no paha e waiho ana ko kakou make na ka pololi e pepehi mai, eia ka ke kuko mai nei no olua ia'u.

Eia na laau ekolu imua o kakou e hopu olua i ka olua mau laau e makemake ai, a o ka mea o kukou e hopu ana i ka laau lohi oia ke make.

Pane aku la kekahi haia wahine, ua pono kelo.

O ka wahine lokoino, oia ka i ae, a o ka wahine oluolu hoi nohe ona ae mai.

I ka holo ana o kela manao ia lakou ua hopu pakahi ae la ua mau wahine la i ka laua mau laau.

Ma keia hopuhpu laau ana o lakoa lilo aku la ka laau loihi i ka wahine kokoino, a o na na laau pokopoko oia kai a Minewa ame kekahi wahine.

I kela wa; nane akula o Minewa, e ku'u kauwa lokoino, ooe o kakou ke make ana, no ka mea, ooe kai lalau i ka laau loihi.

Ia wa. uhaki aeia ua wahine iokoino ala i kana laau a pane aku la me ka hoopaapaa ana "O ka'u ka laau pokole loa o ke kahi o olua ke make."

Pane akula o Minewa mai hoopaapaa mai oe, no ka mea o kau ka laau loihi.

Aole, aole au e ae ika olua, hoopaapaa wale no olua, nana mai olua i ka'u laau he laau pokole ka'u, wahia a ka wahine lokoino.

Aole maua e ae aku i kau: wahi a Minewa,

I kela wa noke ihola lakou i ka hoopaapaa, a i ka hope loa o ka lakou hoopaapaa ana, lele aku la ka wahine okoino maluna o Minewa, me kona manao e eha ana Minewa iaia.

Iaia nae e lawelawe lima ikaika ana ia Minewa, lele aku la ua Minewa la a pepehi aku la ua wahine lokoino la a make iho la oia.

Ia wa huli ae la o Minewa a pane iho la i kona kokoolua:

Pehea kou manao e ai ana no anei oe i keia io kanaka?

Ae, wahi a kona kokoolua, he pono paha i ka ai aia ka pono o ka maona, a me ka hala ae o kekahi mau la.

Pane aku la o Minewa, mai ai oe, e lawe aku iaia a kanu iho iloko o ke one, a hoi hou mai oe i o'u nei a na'u no e haawi ia oe i na mea ai i oi ae mamua a keia.

Ae aku la ua baia wahine la a lawe aku la i kona kokoolua hana lokoino e kanu.

I kona nalo ana, huli mai la ua haia wahine la a hoi mai la.

Iaia i hiki mai ai i ko lakou hale ike mai la oia i kana aliiwahine e hiamce ana.

Hele iho la ua haia wahine la a kaomi malie iho la maluna o ka umauma o kana aliiwahine me ka pane ana iho:

Eia nei e, ua moe iho nei ka oe.

Iloko o keia mau huaolelo a ua haia wahine la aole i pane leo ae ua aliiwahine la.

No ia mea, haha iho la ka haia wahine i kona umauma a aohe nae he hanu ae o ua aliiwahine la.

No kekahi mau minute keia hoala ana o ka haia wahine i kana alii, a no kona ala ole ae, manao iho la ua haia wahine la ua make kana aliiwahine.

Ia wa Koke no i hookiekie ae ai ua haia wahine la i kona leo a uwe iho la me ka ehaeha nui o kona naau no kana aliiwahine.

No kekahi mau hora loihi keia uwe ana ona, a no ka nui pakela manaonao o ua kaia wahine la no kana aliiwahine nolaila, manao iho la oia e hele auwana maluna o ua kopuni la a hiki i kona wahi e make aku ai.

Mamua ae o kona haalele ana iho i kana alii wahine e moe lolii ana maluna o kahi moe, kii aku la ua wahine la i kekahi o kona mau holokua keokeo a hohola iho la oia maluna o ke pakaukau a lalau aku la oia i kekahi nanahu oiai, na nele oia i ka inika a me ka pepa, a hoomaka iho la oia e kakan i i ke ia mau huaolelo penei:

I kuu haku alii,

Ke kaikamahine alii Adphora Minewa Hanoruma.

Walohia wale kaua.

Eia au la ua eha ka puuwai nou, eia au kea naauaua nei nou.

E hele ana au i ka loa a me ka laula o ko kaua alna malhini nei, e hoonana i kuu aloha nou a hiki i ko'u wahi e make aku ai.

Ina i moe oe i kou make a i ola ae oe, mai manao ae oe e imi ia'u no ka mea eole au e loaa ola ae ana ia oe aka e meke ana no.

E kuu haku alii, e uumi i ke aloha nou a me a'u.

Kau haia wahine haahaa,

Alolina Kauwa

I ka paa ana o keia palapala i ke kakau, ia wa huli ae la na haia wahine alolina la hele aku la mai iloko aku o ka hale me ka uwe kamakena ana no kana aliiwahine.

He mea ehaeha no kaua e ka mea heluhalu ka ike ana i keia mau wahine pilikia e loohia mau ia ana e na pilikia aka, e hoomanawanui e na makamaka na ke au o ka manawa e hoike mai i na pomaikai no kaua lei aloha Minewa           (Aole i pau.)

 

LAUDILA.

KA NAITA HOOPAHAOHAO O NA

KAKAI MAUNA ME NA KAEI PALI O ITALIA

Ka Olali oke Kahu kaua.

Ka eueu nana I hookunihi ka Onohi malamala o ka Lai ka Ui kelakela I malamala mawaena o na kuahiki me na kualonoi ka nani nana I hoomalule ka puuwai o na aliiwahine a pau o Europa a I eh aka “eha lima ole a ke aloha”

Ka Makani Puahiohio Wiliau o ka Hikina.

 

A o ke kupueu I wikani o ka Makakila

I ka ike ana o ke kupua lopina Gula ua makaukau oia, ua kauoha aku la oia I kona mau lihikaua nui e hele mai imua ona no ka mea, ua makemake oia e hai aku I kekahi kauoha imua o lakou.

I ka hiki ana mai o ua mau alihikaua nui nei, oia hoi o Keheraha a me Apaturo, na lima akau o ua kupua Lopina Gula nei.

Ua pane aku la oia, e o’u mau pukaua ikaika, i kauoha aku nei au ia olua e hele mai imua o’u no ka’u mea I manao ai e hana oia hoi:

E kauoha aku olua I ko kakou mau naita kino pahaohao e hele mai imua o olua no ka hoomakukau ana no ka he le ana aku e kaua me ka poe pakaha wale I ko kakou mau waiwai.

Ma kuu manao o he kupua Aekoahi kekahi iloko nei o keia huakai o na enemi, a ina oia kekahi, alaila, ua nui ko kakou hopohopo, no ka mea ua lohe wale no au he oi aku oia o ka ikaika a me ka mana mamua o na mea a pau.

I ka lohe ana o ua mau alihikaua nei ua pane aku la laua.

E ko maua haku, aole no ia he mea no maua e hopo ai, no ka mea,no maua e hopo ai, no ka mea, o ia mau puali a pau ua hiki loa ia maua ke pulumi aku I kea o holookoa.

A e ko maua haku, e nana iho no hoi oe, o na kupua a pau ua hiki mai lakou a pau e kokua nou.

Nolaila, mai makau oe, ua law aka ikaika nou e hiki ai ke kulai I ka mana o na kupua a pau e noho ana ma na wahi a pau.

I ka makaukau ana o kona mau naita pahaohao ua puka mai la oia mawaho o ka nanai o kona halealii a pane mai la.

E ou mau naita pahaohao ka poe a’u I kappa aku ai, na olali o ke kahua kaua.

I keia la e hoomakaukau oukou I ka koukou mau mea kaua, e anai I ka maka o ka oukou mau mea kaua a oi, no ka mea e hele aku ana kakou no ke kakahua mau enemi me ka luku ana aku ia lakou me ka weliweli nui.

E ao aku hoi I na ilio kawau e hookohukohu mai la I ko kakon halepaahao.

I ka lohe ana o na koa pahaohao o ua kupua Lopina Gula nei, ua haawi ae la lakou he mau leo huro o ka hauoli, a huli hoi aku la lakou no ko lakou mau wahi no ka hoomakaukau ana I na mea e pono ai ma ke kahua paio, me ko lakou manao e lanakila ana lakou maluna o na hyena o ke aupuui pahaohao.

I ka makaukau ana ua puka mai la ke kupua Lopina Gula a ninau mai la ina ua makaukau kona mau kanaka.

Ua pane like mai la lakou aole makou e kala I makaukau ai I hakalia wa le no ia oe.

I ka lohe ana o ke kupua Lopina Gula, ua olu iho la ia he wai ko lalo a oia no ka manawa I hoonohonoho ai na papa kaua a penei ka hoonohonoho aua.

Ka mahele kaua mua loa, oia ke kupua o ka welau akau oia o Lopinahiu me kona mau tausani naita kino pahao hao.

E paa ana lako me na hao wela a me na ihe maka derakona.

Ka mahele elua, Malalo ia o ke kupua o ka welau hema oia o Apadula kea lii o na kupua ma ka welu hema, me kona mau naita kino pahaohao.

E paa ana lakou I na koi kaua maka derakona a me na pohaku I hana ia me na kaula I mea maa.

Ka mahele ekolu malao o ke alakai ana a Laehokela, kea lii o na kupua e noho ana ma ka hikina, me kona mau tausani kupua.

E paa ana lakou I na pahikaua niho derakona he mau kukaa kaula kila ma ko lakou mau kua.

Ka mahele eha, malalo o ke alakai ana a derakona ulaula, me kona mau tausani naita.

Ua lako like lakou me na palekaua a he mau ihe pokopoko ma ko lakou mau lima.

Ka mahele elima malalo o ke alakai ana ke kepua Merata.

E noho mana ana keia kupua malu na o ka lewa a maluna o na luaahi he 16.

O keia kupua, e noho mana ana oia maluna o ka uwila ka u aka hekili a me ka makani a me na mea ino no hoi a pau.

Ua olelo ia no hoi aole he kupua e lanakila maluna ona.

Ka eono hoi o ka mahele, malalo no ia o ke alakai ana a kekahi moo nui I kapaia kona inoa Lepakeka.

Oia hoi kea lii o na wai a me na mo ana wai me kona mau tausani kupua I makaukau I na mea mana e hiki ai ke hoopio.

I ka makaukau ana o keia mau mahele eona, ua hoonoho mai la ke kupuaLopina Gula I kona mau mahele naita kino pahaohao oia ka hiku o na mahele me ka hanohano nui keia poe a me ka piha mana.

Ua manao iho la ke kupua Lopina Gula aohe loa he mea nana oia e hoopio, no ka mea, ua lawa oia I k aka mana a me ka ikaika e hiki ai ke hoopio I ko na mau enemi.

Aka aia no he wa e hoohuai ia mai ai ke au o ka mana a e hoohiolo ai iaia I mea ole.

Ma keia wahi o ko kakou moolelo, e hoalu ae ko kakou kamailio ana no ke kupua Lopina Gula, no ka mea ke hele aku nei lakou imua o ke kahua kaua e molia ai I ko lakou ola, me ka ma nao uilani iloko o lakou e loaa ana he lanakila ma ko lakou aoao.

E huli ae ko kakou kamailio ana no ka hanai a Aekoahi a me ka ui Hiaralia.

I ka wa I kau pono iho ai o ke aupu ni o ua ui nei Iluna pono o ua kuahiwi nei, oia hoi kela pohaku nui a’u I hai aku ai ia oukou I na helu I hala mua aku nei.

I ka ike ana o ua ui nei ua kukulu paa ia kona aupuni maluna o ka halepaahao kahi hoi o na pio e noho ana.

Ia wa I kauoha aku ai oia I kona kupunakane e hele mai imua ona.

Emoole ua hiki mai la kona kupuna kane imua ona.

Ia wa I pane aku ai ka ui Hiaralia penei:

I kauoha aku nei au ia oe e hele mai imna o’u no kekahi mea a’u I makemake ai:

Oia hoi, e hiki ana no anei ia kaua ke imi I ka puka e hemo ai o keia hale paahao?

A mamua hoi o ka hiki ana mai o ke kupoua Lopina Gula

Malia o hiki mai lakou a kii mua I na pio a lawe malu hou aku I na pio a pepehi aku ia lakou

Nolaila ua noonoo au a me kuu lei aloha nei e kii mua aku kakou I na pio, e wehe mai.

A ina e hemo mua mai mamua o ke kaua ana alaila ua pono loa.

E kuu moopuna, ua hiki no ia’u ke hele e huli.

Pano aku la o Hiaralia, e hele pu aku olua me Aekoahi. a e hana olua I ka mana a hemo ai o ka puka.

Ua pono, e kii ae au no ka mea, aia no oia iluna o kaupoku.

I ka hiki ana aku o ke kupunakane o ka ui Hiaralia imua o Aekoahi, ua ninau mai la o Aekokahi:

Heaha kou makemake e kua puluna.

Pane aku la ke kupunakane o ka ui Hiaralia.

I hoouna ia mai nei au e na lii opio e hele mai e hai aku ia oe:

Ua makemake na lii opio e kii mua kaua e wehe mai I na makua a me ka poe a pau e noho ana iloko o ka hale paahao.

Ae ua pono e hele aku kaua, wahi a Aekoahi.

Ia laua I hiki aku ai I kahi e waiho ana o ua pohaka nei, ua huli aku la laua nei I ka paka aole nae he loaa iki.

I ka elima o na puni ua loaa aku la ka manu nunu gula e puka mai ana mai loko mai.

Ia wa no o Aekoahi i leie aku ai e hopu a paa ana ua manu nei.

Pane iho la o Aekoahi:

Ahaha , paa oe ia’u e nunu gula, kahi manu auwana.

Au I haalele ae ai ia’u a noho ana oe i keia wahi i kauwa na ke kupua ino.

Noiaila, e make oe ia’u e pono ai.

Ia wa no i pane ae ai o Nunu, e kuu haku, ina au e make aole e loaa la olua ka puka.

A ina au e ola, alaila e loaa ana kau maa I makemake ai.

E ola no o eke hoike koke mai oe i ka puka o keia halepaabao i hiki ai ia’u ke kii aku i kuu haku, ina au e make aole e loaa ia olua ka puka.

A ina au e ola, alaila e loaa ana kau maa i makemake ai.

E ola no o eke hoike koke mai oe i ka puka o keia halepaahao I hiki ai ia’u ke kii aku i kuu haku a me na keiki a maua.

Ia wa i pane aku ai ua manu la ua loaa.

Ia wa i luai mai ai o nunu i ka huihui ki a hemo mai la.

Ia wa, lalau iho la o Aekoahi a ki aku la i ka puka a hemo ana.

Ua hele aku la lakou a hiki i ka rumi i hoopaa ia ai o Kelaudila laua me Meliba a hui aloha iho la.

(Aole i Pau.)

 

NA MEA HOU O HOLUALOA.

KONA A HAWAII.

 

E ka Nupepa Kuokoa, Aloha oe:

Ma ka la 25 o Mar. ua malamaia kekahi papaaina nui ma ka hale halawai o Holualoa no ka Hon. G. W. Pilipo no kana mau hana kaulana, a no kana mau hana aloha, a o ka Imi Pomaikai.

Ma ka hora S ponoi o ke kakahiaka o ua la nei i hoomaka ai o ka ai ana, oiai na kanaka e nuu ana i na kohi kele a ka puukolu, ia manawa i ku mai ai o G. W. Ikaika a wehe mua mai la a kalae i ka haiolelo mua o ka la no ua liona nei o Kona.  Mai kona hanau ana mai, kana mau hana kaulana, a hiki i kona make ana.

I ka pau ana o kana, ua ku mai ka mea hanohano ka Lunakanawai apana i kokua ia e Kamaliikane a me ka loio kaulana Hanuwela. A ua paipai ia na haiolelo e ke anaina.

I ka pau ana o kana, ua ku mai ka mea hanohano ka Lunakanawai apana i kokua ia e Kamaliikane a me ka loio kaulana Hanuwela. A ua paipai ia na haiolelo e ke anaina.

Ua ai na kanaka ma ia la a po, a ao, a hora 12 hookuu na hana me ka maikai.

Ma ia la no ua hooholo na kupa o Holualoa, e hoomanao ia ka la 22 o Maraki ka la hoi hanau ai o G. W. Pilipo.

Ma ka Poakolu mai la 28, ua noho ka halawai no ka noonoo ana i ke Kia Hoomanao o ua Pukuniahi nei, a ua hooholoia i elima dala pakahi a kela a me keia  lala o Holoaloa nei, a ma ka la hope o Iune e lulu ai, a ke manaolana nei au i keia makahiki ae paha e ku ai.

KAIEWE

 

MEA HOU O PAPAIKOU

 

Eia iho na mea hou o kea la lipoa o Mokihana, e ahonui mai oe e hookomo i keia:

Mar. 18, ua kaiehu ia mai kekahi ha ole luna hana mai ka hui mahiko aku o Onomea, no ka hookuu pulapula ko i ka la pule, a kue hoi i ke kanawai o ka aina.

Ihea la na makai kahi i hiamoe ai; ua ona ia paha i ka awa.

Mar. 24, ua hanau mai he keiki kane nui mohaha na Miss Makapua a me ka uhane hemolele, a eia oia ke ola nei maikai.

E ola loihi ke kamaiki o ke au hooulu lahui.

Ma ia wahi no, ke pahemohemo loa mai nein a haumana Kula Sabati i nei wa, aole hoi e like me mamua ka piha pono.

Nui ka hooikaika o Mrs. Teny I ka hele ana I na kauhale e paipai ai na opio me na makua.

E hele nui mai kakou, a hapao like i keia hana maikai, aole he kaumaha o ka Kristo hana, he mama no.

Mar. 24, ma ka hora ro o ka po, ua ike ia aku la kekahi ahi mauka a ua holapu ae la i kekahi aina ko, aole nae maopopo ke kumu.

J.U. Moi.