Ka Nupepa Kuokoa, Volume XXVIII, Number 26, 29 June 1889 — Page 1
This text was transcribed by: | Francene H Aarona |
This work is dedicated to: | Mahalo nui for allowing all to kokua with this project |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVIII, HELU 26 HONOLULU, POAONO, IUNE 29, 1889. NA HELU A PAU, 2239
HOOLAHA LOIO.
W. R. KAKELA.
LOIO A HE KOKUA MA KE KANAWA He Luna Hooloio Palapala. tf
CECIL BROWN.
LOIO A HE KOKUA MA KE KANAWAI ? Ka Agena Hooloio Palapala no ka Me Aupuni o Oahu
KEENA HANA : Ma alanui Kalepa. tf.
E. G. HITCHCOCK. ( AIKUE HIKIKOKI ).
LOIO A KOKUA MA NA MEA A PAU E PILI ANA MA KE KANAWAI.
E ohi ia no na Hilo Aie, me ka awiwi HILO, HAWAII 2111.1yr.
JAMES M. MONSARRAT ( MAUNAKEA. )
LOIO A HE KOKUA MA KE KANAWAI He Luna Hooiaio Palapala.
E hana no na Palapala Kuai, Palapala Hoolimalima, a me na palapala pili kanawaie ae ma ka olelo Hawaii. Dala no ka hoaie maka moraki ma na waiwai paa.
KEENA HANA : Hale Pohaku hou ma ka aoao ma Waikiki o ka Halewai, Alanui Kalepa.
WILDER & CO. ( WAILA MA. )
Mea kuai papa a me na lako huhulu hale na ano a pau, a me na me no pono a pau o ka hale.
Kihi Alanui Moiwahine me Papu.
PACIFICE HARDWARE COMPANY
---
Na hope o Dilinahama Ma
Mau Mea Kuai Lako Hao
Alanui Papu Honolulu
GEORGE P. KAMAUOHA.
He Loio a he Kokua ma ke Kanawai.
A HE MEA . ..
ANA AINA.
---
E loaa no ma Kohala Akau, Hawaii. 2091-1y
WILLIAM C. ACHI.
Loio a he kokua ma ke kanawai imua ona Aha a pau o keia Aupuni.
He Mea Ana Aina a he Boroka ma na waiwai paa.
Keena Hana, Helu 15, Alanui Kaahumanu Honolulu, oia ke Keena mua iho nei o Kini me Peterson. 2114-y
HOOLAHA.
---
Ke hoolaha ia aku nei ma keia, o na poe a pau he mau koi ka lakou i ka waiwai o NANCY WIRT, i make, e hoike mai i ka mea no na ka inoa malalo iho iloko o na mahina eono mai keia la aku, o hoole mau loa ia aku. W. O. SMITH, Lunahooko no ka waiwai o Nancy Wirt i male. 2233-4t
OLELO HOOLAHA.
---
Ke hoolaha ia aku nei ma keia, e kuai kudala ia aku ana na Lako Noho Lio kahiko o Kahamuile i waiho ia mai ia ʻ u i Iune 25, 1888, no ka hoomaemae hou ana, ma e uku ole ia mai iloko o na la he 30 mai keia la aku o keia hoolaha. GEO. W. YARICK, Wailuku, Maui, Mei 1, 1889. 2234-tf
HALEKUAI BIBI HONOLULU
( Hope Wm. McCandles. )
HELU 6 ALNAUI MOIWAHINE, MAKEKE
MA ULAKO KO.
Na Bibi momona, Hipa, Puaa me Ia, na Lako ai ulu & co.
O na kauoha a na ohana a me na moku ai e hooko koke ia no me ka eleu a me ka hikiwawe.
O na holoholona ola no na moku e hiki no ke hooko koke ia.
Telepone Helu 212. 2185-tf
Umeke Poi ! Umeke Poi ! !
Ua loaa mai he mau Bakeke Umeke Poi o ke ano hou, i hawele ia me ke apo hao, a o ka ai e komo ana iloko o keia ano umeke, oia ka helu ekahi o ka mikomiko, aala a me ke onaona.
E kipa mai ma kahi o KAKELA ME KUKE. Alanui Moi. 2221-3m
NEDE NIKONA
---KA---
Puuwai Haokila a Hooko
Kauoha Poina Ole ;
---A O KA---
Holapu Hope Loa
---A KA---
" ALABAMA, "
---KE---
Ahikanana a Puhipuhiahi o ka Moana Atelanika.
---
" Elua Kupueu o ka moana,
A na O-I a e makau nei ;
O ka Alabama me ke Senedoa,
I ka uhai loloa mai mahope.
---
MOKUNA XIX.
HE PAIO ILOKO O KE ALUIA.
---
" E haawi pio mai ana anei oe ?" wahi a ke kauoha.
" Aole loa " i pane aku ai o Nede.
Ia manawa i haawi ia ae ai ke Kauoha "e na tiga o ka Alabma e lele aku iluna ona ."
He mau leo hooho a he kakani ana na na pahikaua, a ua hoomaka iho la na enemu o Nede e hopu iaia, a no kekahi mau minute oia i pale aku ai ia lakou a hiki i kona paa ana ia lakou.
Hoomaka mai la na enemi e hoohenehene iaia nei me ka i mai---"he wahi kanaka hahana ka hoi oe, ua like kou ikaika me ko ka liona, E hauoli ana o Winslow e kuapo aku ia oe no Fale; a ke aken ui oia no ka hakaka i kala apopo, he hookahi ana Amerika e nele ana ia haawina. "
Me na maka hulili o Nede i nana aku ai, a pane aku la:
" O kou lanakila o keia po, aole ia he hoopakele ana i kekipi Fale. Ua hoea mai kona hopena. "
" E kali aku kakou no ia mea; ina e @h o Winslow iaia, alaila, e li no makou ia oe. A na ia mea e hoomanao aku i ua ilio kai nei a oukou, " wahi a ka pane.
Aohe pane hou aku a Nede, a lawe ia aku la ia.
MOKUNA XX.
WINSLOW, KA LIONA AUKAI.
Lawe ia aku la o Nede Nikonaa iloko o kekahi keena no kekahi hale ,a ku iho la imua ona aliimoku o ka aoao o na mokuaina o ka hema ; he poe hoi i hiki ke hoomaopopo ia ko lakou kulana ma ke ano o ko lakou aahu.
" Eia he pepa, he peni a he inika, e ke kanaka opio, e noho iho iluna o kela noho a e kakau aku oe ia Kapena Winslow, e hai aku ana iaia, e li ia ana oe i ka hora 10.0 ke kakahiaka o ka la apopo ke hookuu ole mai oia ia Pilipi, " wahi a kekahi o na kanaka o ka aahu aliimoku o ka aoao kipi.
O keia kanaka opio i kauoha ia aku la, oia no ke pukonakona Nede Nikona, ka puuwai kupaa hoi no ka pono a me ka lanakila o ka hae o kona aupuni kulaiwi. A hala ae la he mau minute pokole me ka pane ole aku o Nede, ua puoho hou mai la ka leo kalakala o ua aliimoku nei, a pane mai la:
" E hooko ana anei oe i ka makou kauoha ? Malia o hooko ia kela hana no kou hopena mamua ae o ka manawa i hai ia aku la ia oe. Ua makemake makou e kakauia kela palpala ia Winslow a na kou lima e hana. E hele aku oe i kela pakaukau ano, me ka awiwi pu. "
Me ke poo i kau iluna a me, na maka hulili i hele aku ai o Nede me kona mau kapuai maloeloe, a noho iho la luna o ka noho.
" Ano e kakau oe i kela palapala. E hoike aku i ko kapena, aia a hookuu ia mai o Fale, alaila oe hookuu ia aku ; a e hookuu ia mai oia mamua ae o ka hora 10 o kakahiaka o ka la ap@ @ hoike aku no oe eia oe iloko o ka poho lima ona kanaka i kupaa a i a @ i ke kulana a me ke kahua o ke a @ ini o o na mokuaina kukaawale o ka Hema, he poe kanaka hoi i kanalua ole e lima oe ina e paa ia ana o Fale iluna o ke Kearsargei ka hora i hoike ia ae la. E hoouna aku ana au he palapala ia Winslow makau. Ano e kakau aku." O neia na olelo kauoha ia Nede.
Lalau iho la o Nede i ka peni a hoomada iho la e kakau me ka malie, me ka haka pono mai o na maka o na enemi iaia.
I ka pau ana o kana kakau, ua panee mai ia imua o ke alakai o ua poe ei, oiai oia e ku mai ana ma kahi kokoke iaia.
" Ma ka inoa o na uhane ino a pau, aole oe i manao e hoouna makou i keia palapala ia Winslow ?" wahi a ua aliimoku nei me ka aaka imua o Nede.
" No ke aha hoi ? O ka ʻ u palapala wale iho la no ia e kekau ana. "
" Ae paha. A ike io kakou. "
Aohe pane hou aku a Nede, aka, na kona mau maka anapanapa a me na lehelehe i pili pono i hoike aku o kana pane oia no kona manaopaa e like me kana i hoike aku ai.
A o ua palapala nei a Nede i kakau iho la, penei no ia
" Kebuga, Iune : ---
Kapena Winslow:---He pio au iloko o ka poholima o kekahi o ka poe o ka Alabama. Ke olelo nei lakou e kau ia ka make maluna o ʻ u i ka hora 10 o kakahiaka ke ole e hookuu ia o Pilipi Fale. Ke hoole nei au e kuapo ia no kela kipi a powa mahuka lapuwale. E hookolokolo aku iaia a e li koke aku iaia ke ike oe ua hewa oia. Aole loa e hiki i na hooweliweli a keia poe enemi ke hoomaka ʻ uka ʻ u mai ia ʻ u. Ua kupaa mau au no ka @kau, a e manao ana he mea hoohilahila mau loa ka hoopakele ana i ke ola o ke kipi mamuli o ka hooloihi ia ana aku o ko ʻ u ola. Mai kuka pu mai me ka poe e lawe aku nei i keia leta. E ae aku ia lakou e hooko i ka lakou mea i manao ai e hana, ina lakou e aa.
Me ka haahaa Nede Nikona.
O keia iho la na olelo a Nede Nikona i kakaku ai a puka mai ai na olelo piha huhu a ke aliimoku.
"Aole oe e kakau hou i palapala ea ? E ike kakou ia mea i keia manawa koke. E hele mai i elima o oukou me na pu panapana i makaukau.
O keia kauoha a ua aliimoku nei, ua hooko koke ia, a hele mai la he elima mau lulna, a i ko Nede nana ana aku ike aku la ia e paa ana kela me keia he pu panapana ma nal ima akau me ka makaukau.
" Ano, e kakau hou oe i palapala ia Kapena Winslow, e hai aku ana e hoouna mai ia Fale makou wahi. Ke haawi nei au ia oe i elima minute nou a e kakau oe i ke leta, " wahi a ua aliimoku nei.
" Ua kakau au he hookahi leta, " wahi a ua Nede nei.
" Makemake au i leta hou, " wahi a ke kauoha.
"Nau e kakau kau leta,, " wahi a Nede i paneaku ai,
Huli koke ae la ua aliimoku nei imua o na kanaka elima e ku ana, a pane aku la :
" Makaukau !"
Ia manawa koke no, ua kau ia mai la na pu panapana elima iaia nei, a ua hoopololei ia mai la e na maka ona enemi.
Pane hou mai la ke alakai o na enemi, penei :
" No ka manawa hope loa; aole loa he kokua nou e pakele ai mai keia wahi aku. E kakau anei oe i kela leta ?
" Aole !" wahi a ka leo kuoo o Nede i pane aku ai.
Aohe hoohewahewa ana i ka pane a kela huaolelo hookahi, a na ka leo i pu ana ae i hooiaio aku i na mea a pau i ka manaopaa o ka mea nana ka pane.
Ua hiki i kela me keia mea ke lohe i ke pana o ko lakou mau puuwai pakahi, a ua uhi iho na eheu o ka meha maluna o kela me keia, a ua like ua keena nei me he ilina kupapau la. Ua hooholo iho la ka manao o na luina, ua hiki io mai ko Nede Nikona hopena oiai oia e ku aku ana me na maka e hoike aku ana ua makaukau oia no ka make.
ONIU HUA-METALA
---
I aloha mai au kau kauwiia
Aia i ka hale hoonoho-hua
Powahi oniu hua-metala
I ka ike heluhelu o ke kolamu
Iho na Gale ia i ka pohaku
Hoopaa a iloko o ke apohao
E iliki pau au me ka Hamare
I ka ai hoopau kikii-hope
Kuupau e ka mahu a ka wiliki
Hoonee malie i ka ihona
Ekolu pana ana me ekolu
O ka holo ia i ka hora hookahi
O ka lio kea heihei iho ia
Paupono na oni ku sa huelo
Hookahi hou ana he mauu ia
Kaanini i ka wai hoalu kino
Hao e ka mana la o ke Kapena
Ka lima mikioi hooku pepa
Hookahi kope ana he pahee ia
I alawa iho ai ma ka huila.
---
Kale Auwana
----KA---
Lima Puupuu Hao-kila o Vireginia ;
---A O KE---
KIU A SERIDANA
---MA KE---
Awawa Malu-make o ke Senedoa.
---
He Moolelo no ke Kaua Kuloko o ka Akau me ka Hema.
---
MOKUNA XI.
KA LETA KAUA KAUOHA IA KENELA KALANI.
---
O keia huakai hou a Kale Auwana e hoouna ia ana e lawe i ka leta kauoha kaua a Seridana imua o Kenela Kalani, oia kana e hooko aku i ka wa e napoo ai o ka la.
He alahele pilikia ke alanui a ke kiu e alo aku ai mawaena o na mokuaina o ka enemi, aka, ua hapai ae oia i kona wiwo ole a me kona mau lima pauku hao e lanakila maluna o lakou i na wa a pau.
I ka wa i loaa mai ai o kela palapala aina iaia mai ia Seridana mai, e hoike ana i kona alanui hele a me ke kulana o ka enemi, oia kana hana nui i kela auwina la, o ka hoopaanaau i kahi ana e hele aku ai.
E kali ana oia a hiki i ka wa e uhi mai ai o ka po, alaila, haalele iho i ke kahua hoomaha o ka puali.
He lana kona manao, aole ola e hui hou aku ana me Kapena Hawika, ke kanaka i makemake loa e hoopaa pio iaia a hoopokole i kona ola.
I ka wa i uhi ai ai o ka po, ua kau ae la o Kale Auwana maluna o kona lio, a holo aku la no kela aoao o ka muliwai Hapara.
Mai keia wahi aku, ua hoololi ae la i kona alahele no ke kukulu hema o ka aina.
He po pouli ua po la, a e iho mai ana na paka ua kilihune mai ke awawa mai.
O kahi makani kolonahe e pa ana, ua like ia me he kui houhou la i ka aoao o Kale Auwana a me kona lio, oia o Bone.
O keia na haawina e loaa ana i ke koa, a o kona wahi ia o ka lawe mai i na ehaeha a pau oiai oia ma kona alahele.
O keia auhee ana mai o Kenela Pia me kona paau holookoa, ua emi make loa aku lakou no waho o ke awawa o ke Senedoa, a i ua kakahiaka la a ke kiu i maalo ae ai, ua hala hope aku ke kahua hoomoana o ka enemi.
Ua hooholo mua o Kale Auwana i kona manao ma keia kaahele, e hele i ka po a e hoomaha i ke ao.
KE KIPA KAUHALE ANA.
Ua kaalo ae oia mawaho o kekahi hale hookipa, a ike aku la i na mea nona ka hale, he mau negero.
"Aloha kakahiaka oe e papa. " wahi a Kale Auwana i pane aku ai a huli mai la ka negero e nana i keia kanaka iwaho o ke alanui.
"Aloha oe ia oe iho. E hele ana oe ihea ?" wahi a ka negero me kana mau olelo hapakue.
" E holo ana au no ke kulanakauhale o Rikemona. "
" Pehea ! Maluna anei o kela lio puaa ?"
"Oia no hoi, " wahi a ke kiu i pane aku ai, a hoomaka aku la oia e hoopunipuni.
" O ke kumu nawaliwali koke o ko ʻ u wahi lio, oia no ke ala lihi mai kahi hoolulu mai o Kenela Ela, a i ko ʻ u wa i uhai ia ai e kekahi poe koa Amerika, ua kuupau koke au i ka holo o ko ʻ u lio, a oia kona kumu nawaliwali koke au e ike mai la.
Na kela mau olelo i hoopihoihoi aku i ka manao o ka negero a pane hou mai la,---
"Alaila, ua akele mahunehune mai nei kou ola ?"
" Ae no hoi."
He mau helehelena kunahihi ko ua negero la i kela manawa no ka makau i ke kaua, oia hou ka ke kiu i pane aku ai---
" Ua auhee mai nei makou i na koa o Kenela Seridana, a eia au me kekahi kauoha malu a Kenela Ela no Rikemona, ua makemake i ae loaa hou ona mau kokua ke hiki mai iloko o ka wa kupono. "
" Eia ko ʻ u manao ia oe, " wahi a ke kiu e hoomau nei i kana kamailio ana. " He huakai hele ka ʻ u no ka o wale no, a nolaila, e hoomaha iki au i keia lal a po, a e uku i na lilo a pau o ka moe a me ka ai ana.
" O oe kekahi o na aliikoa o Kenela Ela a ʻ u e ike nei i keia manawa, a nolaila, ua hamama keia hale nou e kipa mai ai. Ua pinepine ko ke Kenela hiki ana mai ia nei i na wa a pau o kona kaahele ana. "
Ua lele iho o Kale Auwana ilalo, a hoihoi loa i kona lio ihope o ka halelio, he wahi hale i hoopuni ia e na kumulaau mai ka ike ia aku e ka hale hookipa.
Mamua o kona hoi ana aku no ka hale, ua hele makaikai loa ae oia mahope o ka hale, me ka hoomanao no na ulia o ka manawa e hiki mai ana, alaila, ua kamaaina mua oia i na kuono o hope, kahi hiki ke emi no ka hoopakele iaia iho.
Ua huli hoi aku keia no ka hale, a ua makaukau ka paina kakahiaka i ka negero wahine.
Mahope iho o ka hoonanea ana, ua pane mai la ka negeso kane---
" Pehea kou lio i keia manawa, e hiki io ana anei oe i ke kulanakauhale o Rikemona ?"
" Ina aole au e hiki ilaila, alaila, ua ike au i ka mea e hana ai nona ma ke alahele. "
Aohe mau olelo hou i puka mai ka negero mai, oiai, ua alakai aku oia i ke kiu ma ke alapii hakahaka no ka hooluolu iluna o ka papahele elua, a oia ka ke kiu i pane mai ai.
" Ina e hiki mai ana kekahi poe ia nei i keia la, mai kamailio iki oe eia au iloko nei. "
He hookahi no rumi nui akea o luna o ua hale nei, a elike meko Kale ano mau o ka huli i na poopoo a pau, ua ike ae oia iluna o kaupoku, he puka kekahi e hiki ai iaia ke puka aku no waho o kaupoku.
---
Eia mai ka kakou mau moolelo hoonaue puuwai ke uka aku nei i keia pule me ka puahi nui, a o ka kakou Makai Kiu hoi, na hala loa aku ia ma na apana kuaaina o kakou nei e huli ai i kekahi mau mea pohihihi o laila.
AHA HOOKOLOKOLO KAAPUNI APANA ELUA O KO Hawaii Pae Aina. Ma ka hooponopono waiwai. Ma ka hana o ka waiwai o ANNE LANFORD no Makawao, Maui, i make kauoha ole. Ma ke Keena.
Ma ka heluhelu a me ka waiho ia ana mai o ka Palapala Nui a H. N. Lanford, ke kane mare a ka mea i make, e hoike ana, ua make kauoha ole o Anne Lanford, no Makawao, Maui, ma Makawao i ka la 4 o Aperila, 1889, a ʻ e noi ana, e hoopuka ia ka Palapala Hookohu Lunahooponopono waiwai iaia.
Ua kauohaia o ka
POAHA, ka la 11 o IULAI, 1889.
Ma ka hora 19 kakahiaka, oia ka manawa i kohoia no no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo ma Makawao, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la.
Kakauia ma Wailuku, ko Hawaii Pae Aina, Mei 31, M. H. 1889.
GEO. E. RICHARDSON.
Lunakanawai Kaapuni Apana Elua. 2236-3t.
HOOLAHA HOOKO MORAKI ME KE KUAI.
---
I kulike ai me ka mana kuai o kekahi palapala moraki i hanaia e H Kauaihilo k, me Poipe kana wahine, o Kapaka, Koolauloa, mokupuni o Oahu, ia Antone Lopez, o Honolulu, mokupuni o Oahu, i kakau ia i Okatoba 13, 1883 a i kopeia ma ke Keena Kope Palapala ma ka buke 86, aoao 114 me 116.
Ke hoolaha ia aku nei ma keia, e hooko ia aku ana ka mana kuai o kela moraki, no ka uhaki ia o na kumu aelike, oia ka uku ole ia o ka ukupanee a me ke kumupaa, a nolaila, e
KUAI KUDALA
ia aku ana ma ka rumi kudala o Jas F Morgan, o kela mau aina, a me na pono a pau maluna iho e like me ka hoike malalo iho.
No na mea i koe, e ninau ia W R. Castle, loio o ka mea moraki.
Hana ia ma Honolulu, i ka la 14 o Iune, 1889. ANTONE LOPEZ, Mea Moraki mai.
---
O keia na wahi e kuai ia aku ana :
O kela wahi a pau ma Kapaka, Koolauloa, Oahu, a i hoike ia ma ka Palapala Sila Nui helu 3012, nona ka ili o 1 2-5 eka, i hoolilo ia aku ia Kauaihilo ma kekahi palapala a J Waiwaiole, a i kope ia ma ka buke 47, aoao 327 me ---
E kuai pu ia aku ana kela wahi o ka Apana II, Palapala Sila Nui helu 2909 L. C. A. helu 4055, ia Kaukalio, nona ka ili o 3 41-100 eka, i hoolilo ia aku ia Kauaihilo ma kekahi palapala a Keaka, i kakau ia Okatoba 13, 1883, a i kope ia ma ka buke 86, aoao 8 me 9. 2237-3t
Benson, Smoth & Co.
Na Mea Laikini ia e kuai Kokua
a me Kuai Liilii aku.
Na Laau Lapaau
O NA ANO A PAU.
HELU 113 me 115, ALANUI PAPU
---
O LAUA NA AGENA NO NA
LAAU LAPAAU KULUWAI LIILII !
Boreicke & Schrecke, a me na
WAi Lukini OnAonA Waianuhea !
---
WAIALA MAILE
---A ME KE---
Onaona Lei Aloha !
O na lako no ka Lauoho a me ka Ili, a me na mea hoonani o ka Home, e loaa no ia ina makamaka ke kipa mai ma keia hale. 2204-tf
Ka Waiwai o ka Hilinai
---
Saseparila Ayer
---
A AYER, Laau Saseparila, kai kaulana a hilinai nona no ai hoomaemae koko, mana wahi a pau o ka honua, he aheahe no makahiki i hala ae nei, a na lawelawe nui ia hoi iwaena ona oihana lapaau. O keia
LAAU SASAPARILA, no loko ae ia o ke aa Sasaparila Honedura maoli ; ua loaa @ a mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.
HE koko inoino a nawaliwali anei kou ? Ua awili pu anei me na ano mai ikaika ? A ua hui pu anei me na wai awaawa hoopehu Na keia
LAAU e hoomaemae ia mau mea ino a pau, a maikai. O na kauka lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i auili pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau o ae O ke
KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he
MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma ʻ i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana ma i keia laau mamua o kahi mau laau o ao
A HILINAI IA no ka ikaika kupono a ke ola kino, ma ka maemae ana o ke koko, hoomake pu ia na ma ʻ i, a pela aku. He nui na laau hoomaemae koko i nolaha wahahee wale ia malalo o na inoa Pulehu, aka, o na hilinai a me na hooia wale no a ke ao holo okoa, maluna o ko
Ayer Laau Sasaparila.
I HOOMAKAUKAUIA
Kauka J. C. Ayer & Co., Lowell, Mass.
HOLLISTER & CO
Na A ena ma ka Paeaina Hawaii.
Helu 100, . . . Alanui Papu, Honolulu 2080 tf
10 Dala Makana.
I na kanaka a pau e loaa ana kuu lio ulaula maka hao kuni ano o ma ka uha, he kiko keokeo kekahi ma ka lae a me na wawae elua o mua i nalowale ai ma ka la 14 o Aperila, 1886. AH KEAU. Kawailoa, Kailua, Koolaupoko. 2233 2t
PAPA ! PAPA !
AIA MA KAHI
LEWERS & COOKE
( O LUI MA )
---
@ @ kahiko ma alanui Papu a me @M
I loaa @a
PAPA NOUAIKI
o kela a me keia ano.
---
Pani Puka, Na Puka Aniani, Na Olepelepe
Na Pou, No Ola, Na Papa Hele, Na Papu
Ku, A me na Papa Moe nui loa .
Na Pili o na Hale o na Ano a Pau
---A ME NA---
WAI HOOHINUHINU NANI
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Maka maka
pau, ua makaukau keia mau Makamaka
o oukou e hoolawa aku ma
na mea a pau e pili ana
ma ka laua oihana
---NO KA---
UKU HAAHAA LOA.
---
E like me kamea e holo ana mawaena
LAUA a me ka MEA KUAI.
HELE MAI E WAE NO OUKOU