Ka Nupepa Kuokoa, Volume XXIX, Number 7, 15 February 1890 — PALAPALA MAI SAMOA. [ARTICLE]

PALAPALA MAI SAMOA.

Maiapele, I)ek 26, 18X9. Keoni Samoa: Aloha oe. Ua loaa mai ia'u kau palapala a ke palaoala aku nei au'ia oe me ke aloha pumehana. Oka mea hai aku ia oe ua maikai "ke aupuni o Samoa i keia manawa. Ua pau ka noho ana o Mataafa 1 alii no Samoa nei mamuli o ka manno ana o na aupum nui Amerika, a me Beritania, ame Geremania. Ua hoihoi ia 0 Malietoa i Kalanimalu i alii a i Moi hoi no Samoa nei. Eia kekahi, ua hoomaikai mai o Tamasese 1 ka Moi Malietoa ame Mataafa. He nui na popilikia ma Samoa nei i na la 1 hala aku; oia hoi ka makani nui, ke kaua a me ka ino, nolaila i keia manawa ua loaa ka pomaikai mai ke Akua mai; ua 00 na nlu me na kalo a me na maia, a hookahi mea pilikia aohe poi. E kuu makamaka, e hoi aku ana au, i ka pule hope o keia mahina, a e hui pu ana kaua iloko o ka hauoli a me ke aloha o ke Akua. Ua haawi mai 0 Malietoa 1 kona nou. Ke awiwi nei au i keia palapala nau. E hele ana au i Sawaii. Ua pau keia palapala. E aloha kaua. |Owau no, H. Kaumialii.