Ka Nupepa Kuokoa, Volume XXX, Number 5, 31 January 1891 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

POAONO, IANUARI 31, 1891.

 

HAAWINA KULA SABATI.

HAAWINA VI.  Feberuari 8, 1891

Ko Ababa Puni Waiwai.  1Nal. 21:1-16.

 

Aole i oleloia he mau mea hou e pili ana ia Elia mahope o kona mahuka ana i Horeba no kekahi mau makahiki.  Ua lanakila o Ababa ma kona kaua ana aku i ko Suria.  Ua loaa ia ia ka maluhia, a pomaikai kona aupuni.  Ua noho oia ma Iezereela a hoolilo aku i ka manawa ma ka hoonani ana i kona kulanakauhale alii.  Ua makemake oia e hoonui ae i ko na pa hale alii.  Nolaila ua iini oia e kuai mai i kekahi malawaina i pili ai.  Ua hoole ka haku aina, aka nae ua hana maalea o Iezebela.  Ma ka hana kolohe ua loaa ia Ahaba ka aina i ake nui ia.  Aka nae ua lilo keia ano hana i mea e hoopau ai i ko Ahaba oihana Moi, a me ka hooilima alii no kona ohana.

 

            EIA hoi kekahi mea mahope mai o ia mau mea, he malawaina ia Nabota no Iezereela, maloko ia o Iezereela, e pili ana i ka halealii o Ahaba ke alii o Samaria.

            2 Olelo mai la o Ahaba ia Nabota, i mai la, E haawi mai oe i kou malawaina,  i lilo ia ia'u i mala laauikiai, no ka mea, e kokoke mai ana no ia i ko'u hale; a e haawi aku au nau i ka malawaina e oi aku kona maikai mamua o keia: a i pono ia oe, e haawi aku au ia oe i ke kala e like kona waiwai me ia.

            3 I aku la o Nabota ia Ahaba, Na Iehova wau e hoole mai, i ole e haawi au i ka hooilina o ko'u mau makua ia oe.

            4 Hele ae la hoi o Ahaba iloko o kona hale me ke kaumaha, a me ka huhu, no ka olelo a Nabota no Iezere ela i olelo aku ai ia ia; no ka mea, ua olelo oia, Aole au e haawi aku i ka hooilina o ko'u mau makua ia oe.  Moe iho la oia ma kona wahi moe, haliu e aku i kona maka, aole hoi i ai i ka berena.

            5 Aila hele ae la kana wahine o Iezebela i ona la, ninau aku la hoi, No ke aha la e kaumaha nei kou uhane, i ole ai oe e ai i ka berena?

            6 Hai mai la oia, No ka mea, ua olelo aku au ia Nabota no Iezereela, i ka i ana'ku ia ia, E haawi mai oe i kou malawaina ia'u no ke kala; a, ina e makemake oe, e haawi aku au ia oe i kekahi malawaina e nona; a olelo mai la oia, Aole au e haawi i kuu malawaina ia oe.

            7 I aku la hoi o Iezebela kana wahi ne ia ia, Ke hoomalu nei anei oe i ke aupuni o ka Iseraela?  E ala'e a e ai i ka berena, e olioli kou naau, na'u no e haawi i ka malawaina o Nabota no Iezereela ia oe.

            8 Kakau iho la oia i na palapala ma ka inoa o Ahaba, a kau iho la i kona aila, a hoouna aku la i ua mau palapala la i na lunakahiko a me na haku, na mea iloko o kona kulanakauhale, e no ho ana me Nabota.

            9 Palapala ae la ia iloko o na palapala, i aku la, E kala aku i ka hookeai, a e hooku ia Nabota iluna mua o na kanaka;

            10 A e hookii hoi i na kanaka elua, i na keiki a Behala, imua ona, e hoike kue ia ia e olelo ana, Ua hoino wale oe i ke Akua a i ke alii.  Alaila lawe aku ia ia mawaho, a e hailuku ia ia i make ia.

            11 Hana iho la na kanaka o ke ku lanakauhale, o na lunakahiko a me na haku ka poe e noho ana ma kona kulanakauhale, e like me ka Iezebela i hoouna aku ai ia lakou, a e like me ka mea i kakauia maloko o na palapala ana i hoouna aku ai ia lakou.

            12 Kala ae la lakou i ka hookeai, a hooku ae la lakou ia Nabota iluna imua o na kanaka.

            13 A hele mai la na kanaka elua, na keiki a Behala, a noho iho la imua ona hoike kue ae la ua mau kanaka la o Beliala ia ia, ia Nabota, ma ke alo o na kanaka, i ae la, Ua hoino wale o Nabota i ke Akua a i ke alii.  Alaila lawe ae la lakou ia ia mawaho o ke kulanakauhale, a hailuku aku la lakou ia ia me na pohaku a make ia.

            14 Alaila hoouna mai la lakou io Iezebela la, i mai la, Ua hailukuia o Nabota, a ua make.

            15 Eia hoi kekahi, i ka lohe ana o Iezebela ua hailukuia o Nabota, a ua make, i aku la o Iezebela ia Ahaba, E eu e komo i ka malawaina o Nabota no Iezereela, ka mea ana i haawi ole ai ia oe no ke kala, no ka mea, aole e ola ana o Nabota, aka, ua make no.

            16 Eia keia, i ka lohe ana o Ahaba ua make o Nabota, ku ae la o Ahaba iluna e iho i ka malawaina o Nabota no Iezereela, e lawe ia nona.

 

PAUKU GULA

            E manao, a e malama ia oukou iho i ka puni waiwai.  Luka 12:15.

 

I.

            Heaha ke noi a Ahaba ia Nabota?  No keaha la ko Nabota hoole ana?  Pehea ko Ahaba hoike ana'ku i kona uluhua?  Heaha ke kanawai umi?  Heaha na manao o keia kanawai i papa loa ai?  Aia mahea ko Ahaba halealii?  Heaha kona manao i mea e hoonanu aku ai?  Ua hewa anei o Nabota ma ka hoole ana i ko ka Moi noi?  Ua kue anei oia i ke kanawai o Mose, ina paha ua kuai aku oia i kona aina hooilina?  Oihk. 25:23-28; Nah. 36:7.  Ua like a like ko Nabota kuleana ma kona aina iho a me ko Ahaba kuleana ma kona halealii?  Heaha ka ino o ka puni waiwai?  Mika 2:2; Ep. 5:5; 1Kor. 6:10.  E hiki ana i na loaa hou ke hoopale loa ai i ka puni waiwai?  Pehea e pau ai keia hewa?  Heb. 13:5; 1Ioane 1:7 1Tim. 6:6-8.  He hewa anei ka uluhua aole paha?

II.

            Owai ka Ahaba wahine mare?  Pehea kona hooluolu ana ia ia i mea e pau ai kona uluhua?  Heaha kana kauoha maalea?  No keaha la ka hookeai i kukala ia?  Heaha ko Mose kanawai e pili ana i na olelo hoohala a ka poe hoike?  Kan. 17:6; 19:15.  Ua maikai anei ka Iezebela hana e hooluolu ai ia Ahaba?  Owai ka mea lawehala, o Iezebela paha, o Ahaba paha?  Oi aku anei ko Iezebela hewa mamua o ko Ahaba?  Heaha na kumu i hoikeia no ka hookolokolo ana ia Nabota?  Ua hoohiki ino anei o Nabota i ka Moi hewa, aole paha?  Heaha ka uku hoopai no ka hailiili ana i ke Akua?  Oihk. 24:11-16; Nah. 15:35.  Heaha ka mea i hana ia aku ia Nabota?  Owai ka poe e ae i hailiku pu ia?  2Nal. 9:26.  Pehea, ua loaa ia Ahaba ko Nabota malawaina?  Ehia mau kanawai i uhaiia makeia mau hana?

III.

            Owai ka poe hoike ma ka hoahewa ana aku ia Nabota?  Heaha ke ano o ka huaolelo Beliala?  Pehea ko laua olelo hoike?  Heaha ko Iezebela koikoi ana ia Ahaba e hana aku ai?  Owai ka mea nana i halawai kino me Ahaba ma ko Nabota malawaina?  Pehea la kana olelo ao?  Ua kaupalena anei o Iehova i ka uku hoopai no Ahaba?  No keaha la keia mau palena?  1Nal. 21:27-29.  Ua hooko ia anei keia olelo wanana?  I ka wa hea? 1Nal. 22:34-38; 2Nal. 9:24-26.  Pehea i pili a o Iezebela i ko Ahaba hoopai ia?  1Nal. 21:23;  2Nal. 9:30-37.  Heaha ka Iesu olelo nane i mea e hoike mai ai i ka ino o ka puni waiwai? Luka 12:15-21.  Heaha kekahi mau olelo aloha mai ia Iesu mai i mea e pale aku ai i keia hewa?  Mat. 6:31-34.

 

NA MANAO PILI.

            1 Ua hoikeia anei ka puni waiwai ma ke ano he hewa, aole ma ke ano he hana naaupo?

            2 Ua pono anei ia kakou ke hoolohe i na olelo alakai a ka poe imihala?

            3 Ua kupono anei ko kakou lilo ana aku i poe lawelawe no ka poe hana hewa?

            4 Ua hiki anei i na wahine ke lilo i mau mea lokoino?

            5 Ua paa anei na loaa kolohe, aole paha?

           

HAAWINA VII.  Feberuari 15.

Ka laweia ana o Elia i ka lani.  2Na'Lii 2:1-11.

 

            A I KE kokoke e lawe aku o Iehova ia Elia i ka lani ma ka puahiohio, hele pu aku la o Elia me Elisai mai Gilegala aku.

            2 I aku la o Elia ia Elisai, ke nonoi aku nei au ia oe, e noho oe ia nei; no ka mea, ua hoouna o Iehova ia'u i Betela.  I mai la o Elisai, Ma ke ola o Iehova, a ma ke ola o kou uhane, aole au e haalele ia oe.  A hele pu laua i Betela.

            3 A hele mai na haumana a ka poe kaula ma Betela io Elisai la, i mai la iaia, Ua ike anei oe e lawe auanei o Iehova i keia la i kou haku mai kou poo aku?  I mai la ia, Ae, ua ike au; e hamau oukou.

            4 I aku la o Elia ia ia, E Elisai e, ke nonoi aku nei au ia oe, e noho oe maanei; no ka mea, ua hoouna mai o Iehova ia'u i Ieriko.  I mai la kela, Ma ke ola o Iehova, a ma ke ola o kou uhane, aole au e haalele ia oe.  A hele pu laua i Ieriko.

            5 A hele mai la na haumana a ka poe kaula ma Ieriko io Elisai la, i mai la iaia, Ua ike anei oe, e lawe auanei o Iehoca i keia la i kou haku mai kou poo aku?  I aku la kela, Ae, ua ike au; e hamau oukou.

            6 I aku la o Elia ia ia, ke nonoi aku nei au ia oe, e noho oe maanei; no ka mea, ua hoouna mai o Iehova ia'u i Ioredane.  I mai la kela, Ma ke ola o Iehova, a ma ke ola o kou uhane, aole au e haalele ia oe.  A hele aku la laua a elua.

            7 A hele aku la na kanaka he kana lima no na hanauna a ka poe kaula, a ku mai ma kahi loihi aku; a ku no laua a elua ma Ioredane.

            8 A lawe aku la o Elia i kona aahu, a opiopi iho la, a hahau iho la i ka wai a hookaawaleia ae la ia, ma o a ma o; a hele aku la laua a elua i kela kapa ma ka aina maloo.

            9 A hiki aku la laua ma kela aoao, i aku la o Elia ia Elisai, E nonoi mai oe i ka mea a'u e hana aku ai nou, mamua o kuu laweia ana mai ou aku la.  I mai la o Elisai, Ke nonoi aku nei au ia oe, i papalua o kou uhane maluna o'u.

            10 I aku la ia, He mea paakiki kau i noi mai nei; ina e ike oe ia'u i kuu laweia ana mai ou aku la, pela e hana ia mai ai nou, aka i ole, aole e hana ia mai.

            11 A i ko laua hele ana aku, e kamailio pu ana, aia hoi, he halekaa ahi, a me na lio ahi, a hookaawaleia laua a elua, a pii ae la o Elia iloko o ka puahiohio i ka lani.

 

PAUKU GULA.

            Hele pu ae la o Enoka me ke Akua, aole ia i make; no ka mea, na ke Akua ia i lawe aku.  Kin. 5:24.

 

MANAO NUI.

            I make, ka make o ka poe pono.

 

NA HELUHELU LA.

            Poakahi-2Na'Lii 2:1-11.  Ka lawe ia ana o Elia i ka lani.

            Poalua - Kin.5:18-24.  Ko Enoka lawe ia ana i ka lani.

            Poakolu - Heb. 11:1-6.  Ma ka manaoio.

            Poaha - Lu. 12:35-40.  Kali ana me ke kiai.

            Poalima - 2Tim. 4:1-8.  Makaukau e hele.

            Poaono - 2Pet. 1:10-15.  Ke komo aku ana.

            Sabati-Hoik. 7:9-17.  Mailoko o na pilikia nui.

1.  Ka hopena kamahao o ke kanaka pono.  1-8.

            Heaha ka ino a Elia i hoahewa ai?  Ua hooko ia anei kana olelo?  1Na'Lii 21:19,20; 2Na'Li 1:2-4; 9:30-37.  Ua loihi anei ka noho kaula ana o Elia no ka Iseraela?  Pehea ka lawe ia ana'ku o Elia i ka lani?  Ua ike anei oia ua hiki mai kona manawa?  Mahea oia, a owai me ia?  Mahea ko Elia loaa ana ia Elisai?  1Na'Lii 19:19-21.  Ma ke ana i hoike ai oia i kona aloha ia Elia?  Mahea na kula a na kaula?  Pehea ko laua hiki ana ma kela aoao o Ioredane?  Heaha ka olelo a ke Akua no kona hele pu ana me kona poe kanaka?  Isaia, mok. 43,p.2.

II. Kona hoomaikai hope. 9,10.

            Heaha ka Elisai i koho ai?  He maikai anei ia koho?  Ua paa anei ko Elisai manao ma ka hana?  Ma ke aha e maopopo ai ua ae ia kana noi?  Ua like anei ke ano o keia mau kanaka?

III. Ka hele lanakila ana. 11.

            Pehea ka lawe ia ana o Elia?  Owai kai ike iaia i kona pii ana?  He kupono anei keia hopena nona?  Owai kekahi mea e ae i lawe ola ia i ka lani?  Kin. 5:24.  He wa ino kela; o Elia ke kau wa wiwo ole a ke Akua kai hoouna ia mai e lawelawe.  Hiki anei i ka mea nawaliwali e waela i ka nahele paakiki?  He pono anei i ka mea hawawa e lapaau i na mai ino?  He lua anei ko Elia ma ka hoihoi, ka wiwo ole, ke kupaa, he kauwa haahaa a ke Akua?

IV.  Mahea ka ike hou ana ia Elia ma ke ao nei?  Mat. 17:1-5.  Heaha ka olelo no ka lanakila ana maluna o ka make?  1Kor. 15:53-57.  Heaha ka Paulo olelo?  2Tim. 4:1-8.  Heaha ka mea i hiki ke olelo ia no Elia?  Mat. 25:21.  Hiki anei i na mea apau e hooko pono i ka lakou mau hanaina no he nui, ina he mea uuku?

            1 - Ma ka nana ana i na hana o kanaka pono, kaulana, ua maopopo no, he hiki ke hoohalike me lakou.

            2 - O ke aloha io, he paa no a i ka hopena.

            3 - E nonoi aku i na mea nui, na mea i oi aku ka maikai.  Hauoli ke Akua i ka haawi ana ia mau mea.

            4 - Ua i mai ke Akua, Heaha ka'u e hana'i nou?  E noi a e haawi ia mai.

            5 - Ma ke noi e maopopo ai ke ano o ka mea e noi ana.

            6 - He ola mao aku o ka luakupapau.

            7 - ke launa mai o Iesu, e malamalama auanei ke ala o ka make.

 

Na Ekalesia.

Malalo o keia poo, e hoopuka mau aku ai makou i ka moolelo e pili ana i na Ekalesia a puni ka Pae Aina.  E kakau ma na mea ano nui, a e hoouka ia aku no.

 

            I na Kula Sabati o Hawaii Komohana - Oiai ua hoikeia mai ia'u e kalunahoomalu o ka Ahahui Kula Sabati o ka mokupuni o Hawaii i noho ai ma Waipio, Hamakua Komohana, ma ka pule mua o Sept. 1890 i hala, oia hoi o Rev. W.M.Kalaiwaa, a penei kana i hoike mai:  "E noho ana ka Ahahui Kula Sabati o ka mokupuni o Hawaii ma Kohanaiki, (he apana o ka Ekalesia o Kekaha) ke hiki aku i ka pule mua o Maraki, 1891; a ua hooholoia 'Aole e hui na Kula Sabati imua o ia Ahahui no ka Hoike Kula Sabati' ".

            Oia ka'u e hoike e aku nei ia oukou na Kula Sabati e kokoke ana i kahi e noho ai ia Ahahui, aohe a kakou hoike Kula Sabati ana imua o ia Ahahui oiai hoi o ka mea maa mau ma na akoakoa ana o na Ahahui a pau, he hoike; a o na Kula Sabati a pau e pili kokoke ana i kahi e noho ai ka Ahahui, e hoike ia lakou imua o ua Ahahui la.  A e hoo makaukau no ko oukou hoike hapaha iloko o Maraki e hiki mai ana ma ko oukou mau Kula Sabati iho.  Me ka mahalo.                        D. ALAWA.

 

            HE LEO PAIPAI - I na Kula Sabati o Hawaii Komohana:  He leo paipai ka'u e waiho aku nei imua o oukou, he mea pono hoi ke hana ia me ka manao lokahi.  Ua pili nae keia i na Kula Sabati i lawelawe ole i ka makahiki i hala aku la, a eia ua leo paipai la:

            E lawe nui kakou na Kula Sabati i ka Nupepa KUOKOA no keia makahiki me ka lokahi io, no keia mau kumu a'u i manao ai he pono ke hana ia:

            1 - Aia malaila e hoopuka ia'i na Haawina Kula Sabati.

            2 - I haawina like ma na Kula Sabati a pau.

            3 - Oia na haawina i kaomiia a o ka mea io oia ke hanai ia aku i na haumana Kula Sabati.

            O keia ka iini nui iloko o kuu naau e lokahi na Kula Sabati a pau ma ka haawina hookahi.  Aka hoi, ina i manao kekahi Kula Sabati e pa'i ia kana haawina Kula Sabati ma na pepa liilii, aia no ia i ka manao ana he pono; o ka Haawina Kula Sabati nae ka mea i manao nui ia.  He manaolana ko'u e apo like mai ana na Kula Sabati o Hawaii Komohana i keia leo paipai, a alakai like aku i na haumana ma ia haawina hookahi.    D. ALAWA.

 

            HE NINAU - "Pehea i maopopo ai ia ia ka Elia oihana?"  (Nana Haawina K.S. Ianuari 18, 1891)  O keia ninau ua ulu mai ekolu mau haina like ole ma ke Kula Sabati o Kona-waena; nolaila, i mea e pau ai ko'u pohihihi, ke noi aku nei au i na Kula Sabati a pau mai Hawaii a Kauai, e hoike mai i ka oukou mau haina no keia ninau.

Kekahi Haumana.

 

HE HOOMAIKAI.

            Ia Mr. I.D. Iaea:  Ua loaa mai kou hae makana ma ke ano he makana ma kahiki hou i ke Kula Sabati o Paia, au i noho kau ai no na makahiki i hala, a ua lawe ae ke Kula Sabate o Paia nei a sila iho iloko o kona puuwai ma o kona mau Luna nui a me na haumana pu o keia mau la, a ke haawi aku nei i ko lakou hoomaikai nui ia oe me kou ohana.  Me ke kalokalo ana e hooi ia kou mau pono a me kou ohana a loaa kela makahiki hou a e hui oe me makou ma ka hoike makahiki o 1892.

            Na ke Akua e kiai ia kakou.

P.PIHENUI, Kahukula Sabati.

 

            Ke huipu nei au i ka hoomaikai nui ia oe no kau makana Hape Nuia i ke Kula Sabati o Paia, kahi hoi au i noho kahu ai mamua, a o kekahi hoi o na Kula Sabati iloko o ko'u hooponopono ana.

P.N.KAHOKUOLUNA.

 

            O makou o na hoahanau, na haumana Kula Sabati me na lala o ka Ahahui Opiopio o na Ekalesia huiia o Kalawao me Klaupapa, Molokai, ma o ko makou mau komite la.  Ke haawi aku nei makou i ka hoomaikai nui ia Mr. J.T.Waterhouse, no kau makana nui, kou lokomaikai a kokua aloha i loaa mai ia makou, ka poe e noho nei iloko o ke kaumaha, ka luuluu a me ka ehaeha a ka mai lepera; a ma o kau makana la, u ahoolanaia ko makou manao, he mea hoi na makou e poina ole ai i kou inoa iloko o na la a pau o ko makou ola ana.  Me ko makou uni nui e lilo kakou i hookahi no ka makana helu ekahi mao.

            A ma o makou iho ke haawi aku nei i ko makou aloha ia oe, ka mea i oi ae mamua o na mea a pau.  A na ke Akua e kau i na haawina o ka hoopomaikai mau loa maluna ou.

M.K.Makaena, K.M. Kahoohiki, J.K. Kainuwai.

 

LA HAPENUIA.

            Hora 9, kakahiaka, ua malama ia na hana hoike Kula Sabati o ke Kula Sabati o Pukaana ma keia hora, a ua ahai ae ke Kula Sabati kuikawa o Kalahiki a me Waiea i ka hanohano o ka la ma ka nani o na mele, na ninau a me na haina.

            Mahope iho o ka pau ana o na hana hoike kula Sabati, ua hoomaka ia ka lulu dala no na lilo kuloko o ka Ekalesia, a ua loaa he $50 a oi.  O keia lulu dala, he hana mua mau i keia Ekalesia i kela me keia la mua o kela a me keia makahiki.

            Hora 12, awakea, ma keia hora i hawaiia ai he mau leo hoailona ma ke kani kuilua ana a ka leo o ka pu g ana pauda; e hai ana i ka lohe i kela a me keia ohana, o ka hora ia e paina hauoli ai no ka makahiki hou, a i ka nana aku a kou mea hanu meheu, ua uluwehiwehi maoli no kela a me keia home me na lau nahele o ke kuahiwi.

            Hora 1, auina la: ma keia hora i hekau mai ai ka mahimahi o na Kona ma ko makou wahi awa nei, a aole i loihi loa iho kana mukiki ana i kahi wai o Puhau, ua niau aku la oia ma ke alahele e hiki ai i ke awa lai o Kou.  ua kukai ia he mau aloha hapenuia mawaena o ko ka aina poe a me ko ka moku ma na hainaka a me ka leo nunulu o ke oeoe o na mahimahi la.  A no ka nui ole o ka ukana, ua hikiwawe loa ka holo ana a ka moku.

            Hora 1?30, auina la, ma keia manawa i ike ia aku @ he heluna nui o na kane, wahine a me na kamalii maluna o na lio a pekipeki wawae no hoi, e holomoku ana i ke kula heihei lio o Papahee no ka makaikai ana i na lealea heihei lio o ka la.

            Eia na heihei lio i malamaia ma ia la o ka hauoli piha.

1 - Heihei Lio Liilii - $10 Makana

2 - Heihei Lio Nunui - 120 Makana

3 - Heihei Lio Liilii - 5 Makana

4 - Heihei Lio Nunui - 5 Makana

5 - Heihei Lio Liilii - 4 Makana

6 - Heihei Lio Liilii - 5 Makana

            Eia na luna nui o na heihei lio:  J.H.Waipuilani, Lunakanawai; W.J.Wright, Lunakanawai; Jos. Kaeo, Lunakanawai; S.Lazaro me ka puali makai, Ilamuku; D.H.Nahinu, Puuku; S.A.Kaawa, Mea Hoomakaukau Heihei me Kakauolelo; Akana (pake) Mea Hai Manawa Holo.

            Ua malamaia keia mau heihei lio me ka maluhia a hiki i ka pau ana, a no ke kaili koke ana aku o Lehua i kana puni o ka la, ua hoopau wale ia na lealea i koe.

            Hora 7 ahiahi, ma keia hora, ua weheia he aha mele ma ka luakini o Pukaana, o ka mea e loaa ana ma keia aha mele no ke kukulu ana i hale halawai no Kalahiki me Waiea.

            He 6 ka nui o na hui himeni nana i wehe i keia hana, a eia iho ko lakou mau inoa a me ko lakou mau alakai:

            Kalahiki me Waiea, alakaiia e C.W.Kaeo.

            Na Lehua i ke Aheahe Malie, alakaiia e R. Kalanipoo.

            Kai Maokioki o Kona, alakai ia e S.A.Kaawa.

            Niu Haohao, alakaiia eC.G.Naope.  Maluohai, alakaiia e S.W.Kaawa.  Lively, alakaiia e Hoopii.

            O na loaa o keia aha mele he $116 a oi.  O ka lua keia o na aha mele i weheia iloko o ka apana o Kona Hema nei, no ka pono o ka hana a ke Akua o ka mua i ka po karisimaka.

            Ua malamaia keia mau aha mele me ka maluhia, a o na himeni i meleia e kela me keia hui himeni he ku maoli no i ka nani a me ke kaili puuwai.  Mena keiki hoonoho hou kepau ko'u welina pu ana.  Me ka mahalo,

SAM. A. KAAWA, Kou Ka Mea Hou Kuikawa.  Hookena, Ianuari 5, 1891.

 

Benson Smith & Co.

Na Mea Laikini ia e kuai Kukaa a me Kuai Liilii aku.

Na Laau Lapaau O NA ANO A PAU.

 

HELU 113 me 115, ALANUI PAPU

O LAUA NA AGENA NO NA Laau Lapaau kuluwai Liilii!

Boreicke & Schrecke A ME NA:

Wai Lukini Onaona Waianuhea!

WAIALA MAILE A ME KE Onoona Lei Aloha!

            O na lako no ka Lauoho a me ka Ili, a me na mea hoonani o ka Home, e loaa no na makamaka ke kipa mai ma keia hale.

 

E LILILEHUA, Loio ma ke Kanawai.

            Notari hooiaio palapala no ka lehulehu, kakau palapala kuai, hoolimalima, moraki, me na ano palapala pili kana ai a pau.

            Keena Oihana:  Kawehionamanu, Kaluaaha, Molokai.

 

PAPA !  PAPA !

AIA MA KAHI O LEWERS & COOKE (O Lui Ma).

Ma ke kahua hema o alanui Papu me Moi E loaa ai na PAPA NOUAKI o keia a me keia ano.

Pani Puka, Na Puka Aniani, Na Olepelepe Na Pou, Na O-a, Na Papa Hele, Na Papu Ku.  A me na Papa Moi nui loa.

Na Pili o na Hale o na ano a Pau.

A ME NA

WAI HOOHINUHINU NANI O NA ANO A PAU LOA.

NA BALAKI ANO NUI WALE.

A hai i ak@ Makamakaia pau, ua makaukau keia Makamaka o oukou e hoolawa aku ma na mea a pau e pi ana ma ka laua oihana NO KA UKU HAAHAA LOA.

E like me kamea e holo ana mawaena LAUA a me ka MEA KUAI, HELE MAI E WAE NO OUKOU IHO.

 

Ka Waiwai o ka Hilinai Saseparila Ayer

AYER, Laau Saseparila, kai kaulana hilinai auiia no ka hoomaemae koko, ma na wahi a pau o na nonua, ne aneane 40 makahiki i hala ae nei, a ua lawelawe nui ia h@ iwaena o na oihana lapaau.  O keia LAAU SASAPARILA, no loko ae ia o ko aa Sasaparila Honedura maoli; ua loaa kamana hoomaemae ma o ka hui pu ia ana mo kekahi mau aa laau e ae, a me kekahi mai mea no loko o ka honua a me ka hao.

HE koko inoino a nawaliwali ane kou?  u awili pu anei me na ano mai ikaika?  A i hui pu anei me na wai awaawa hoopehi Na keia LAAU e hoomaemae ia mau mea ino a pau a maikai.   O na kauka lapaau a pau o Amerika ike ke ano o ka AYER SASAPARILA ua olelo lakou, aole he mea maikai e ae no ka hoomaemae koko ana maina mai i awi pu ia, aka o keia wale no.  No ka HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua au o kekahi ano laau e ae o ko KOKO ino hakuhaku, a nawaliwali hoi kona holopono ana ma ke kino, e hoomaemae ia ana a e hooikaika pu ia no hoi ma o ka ai ana keia LAAU SASAPARILA A AYER.  He mai lahi a he MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale no hooia ana mai na wahi a pau o ke ao nei i hoohana me i keia laau mamua o kahi mau laau e ae AHILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i oolaha waha heewale ia malalo o na inoa @, aka, o na hilinai a me na hooia wale no a ke ao holo okoa, maluna o ka Ayer Laau Sasaparila I HOOMAKAUKAUIA.

Kauka J.C. Aver & Co. Lowell, Mass.

HOLLISTER & CO.

Na Agena @ loa Paeaina Hawaii,

 

Kakela a me Kuke

Ka Halekuai Nui O NA Waiwai Like Ole

E loa na pahiolo, koi hoia, hamale, koi nui a me liilii, kila, wili puaa, rula, apuapu, kui o na @ a pau, kai kaa, hao hoopaa puke, pohaku hoana, kepa, lei ilio, kaula hao ilio, pahi, upa, pahi umiumi, kalapu, kope hulu, pulupulu, pepa @ lakala, lina hao, ami, keehi, a : KAULA OPU

 

PALAU

O na ano he nui wale.

Oo, ho, kopala, pe, kipikua, hao kope, au ho  a  pala aku, kua bipi, lei bipi, kaula hao bipi, uwea pa, uwea keleawe, hao p piula, kaa palala ipuhao, ipu @ pa-palai,

Makau me Aho Lawaia

Ili wai, papa holoi, kopa ala, kauliauaina, hu'akai, ehi wawae, hulu pena, hopaoloi a pela aku.

Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe, PENA HOOMALOO

a me aniani hale,

KILA, MAHU, AILA MIKINI, AILA HAMO AILA KAA, INIKA KAMAA.

PAUDA, KUKAEPELE KIANA, PAUDA, UIKI IPUKUKUI O NA @, ANO HE NUI A LEHULEHU

 

Na Pakeke Po O KE Ano Hou Loa

 

NA MEA PIULA Mikini Humuhumu

MIKINI A WILOX ME GIBBS

NA MIKINI A REMINGTON.

He nui loa na mea hao me na uka:  ie o na ano a pau, aole hiki ke hai pa aku, hewa i ka wai na maka ke @

Laau Lapaau Kaulana Loa

A DR. JAYNE, LAAU HOOMAEMAE KOKO, LAAU HOOPAU NAIO, LA@ KUNU, PENIKALA HUAAINA, PAAKAI, LAAU HOOPAA HI.

Me na Laau Hamo a Pela 'ku.

            Ano, e kipa mai oukou e na makamaka a ike no oukou iho.

KAKELA & KUKE