Ka Nupepa Kuokoa, Volume XXXII, Number 34, 26 August 1893 — E Hoomalu Mai Ana na Mokukaua Amerika. [ARTICLE]

E Hoomalu Mai Ana na Mokukaua Amerika.

Ma kekahi la o kela hebedo- j ma, ua lohe maopopo o Adima> | rala Skerrett no ka ohumu j ana o kekahi poe e hoohaunae!e nia Honoluiu neu me ka hoopahu dainamaita ma kela me keia wahi. U kona ala mai no ia me ka eleu, a hele aku iluna o na mokakaua, a kauoha e hoomakaukau koke no ka hoolele ana i na koa a me na luina iuka, i ka manawa e ala mai ai ka hoohaanaele.

He kauoha hoomau ko ke aupuni Amenka i na moknkaua ma Honolulu, e hoolele iuka i na koa a me na luina i ka wa haunaele e hoomalu a hoopakele i na waiwai a me na ola o ka poe kupa Aineiika, i ole e poino i ka poe hoohaunaele. Pela no lakou i hana pinepine ai mamua. Pela no ka lakou i hana ai i ka la 16 o lanuari i hala. Pela no e hana hou ai, ke loaa ke kumu no kekahi hoohaunaele e ulu mai ai.

Ma ko makou nana ana, aole e haunaele ana. Ua ike ia e na aoao a pau ka makaukau loa o na koa aupuni, oia na pualikoa kumau. a me na puali kokua. Nolaila, aole eae ana kekahi poe e hoala mai i na hana kipi a hoohaunaele paha.