Ka Nupepa Kuokoa, Volume XXXII, Number 42, 21 October 1893 — No ka Ninau o Hawaii ma Wasinetona. [ARTICLE]

No ka Ninau o Hawaii ma Wasinetona.

Ma na palapala i loaa mai nei ma na la mua o keia malama, aohe mea i nuka a maka maoli mai no ko Kalivalana ma mau hoolala hana no ka ninau o Hawaii nei. Ua hoomaopopo loa ia no nae ka oiaio o na mea i loaa mua ia kakou, o ke Aupuni Kuikawa wale iho no ke aupuni i hilinai ia e ka Peresidena, a aohe loa oia e nana iki aku ana i ke aupuni alii, oiai ua nahaha a helelei loa ia aupuni a ua make kanu. Ke hooponopono a hoolala ia nei na mea e kuikahi a e aeiike ai me ke Aupuni Kuikawa no ka hoomalu pono ana mai o Amerika Huipuia a ikaika e maluhia ai o Hawaii, a e poinaikai ai no hoi o Amenka Huipuia ia ia. He mau kumu no e pohihihi ai, a nolaila keia hookaulua ana a hoouna awiwi ole mai ia \Vilhs, ke Kuhina hou. Ua upu ia nana aku ana e kuka pu me na kuhina o ke aupuni ma Honolulu no kekahi mau hana.

Ua manao ia, aia a hapai ia ke kumuhana o Hawaii maloko o ka Ahaolelo Senate, e nui ana no ka hoopaapaa a me ka hoohalahala ana ī ka Peresidena no kona awiwi ole i ka hoohuiaina, a no ka pono ole oka hoopanee ia ana. Ke kali nei kakou a pau o ka puka mai o ka Blount palapala hoike, aka ke mau nei no uae ka huna ia o kela hoike, Aole nae paha hoi e liuliu aua a hoopuka ia, alaila loaa nuii i Hawaii nei.