Ka Nupepa Kuokoa, Volume XXXIV, Number 19, 11 May 1895 — Ua Hala o Rev. D. Puhi. [ARTICLE]

Ua Hala o Rev. D. Puhi.

Ma ka hora 7 paha o ka la 8 o Mei, ua hala o Rev. D. Puhi, kekahi kahunapule kahiko o keia Paeaina. O Haneoo i Hana kona wahi noho. No ke koho ia ana i haiolelo, ua hoi mai oia i Kaupo a noho pu me ka mea kakau, he 10 ko'u mau makahiki ia manawa a he 30 kona, nolaila, ua piha ke 80 o kona mau makahiki. He oihana kahunapule kana oihana a kuu aku la ka luhi. Ua noho loihi oia i ka Ekalesia o Kipahulu, a no ka nawaliwali, ua waiho aku oia a ua hoi mai i Pauoa ae nei e noho pu ai me na keiki a me na moopuna a hala wale aku la. Na kana hunona i hoomakaukau i na mea e pono ai kona kino lepo, a haalele iho, au aku kela no ka Ipuka Gula no ka imi ana i ke ola no ka ohana, oia kekahi o na keiki Puhiohe Lahui. Ua loihi na la, ua piha nae me na popilikia. Pomaikai ka mea make iloko o ka Haku. J. P. IWA, Kana Keiki-hanai. Auwaiolimu, Mei 9, I890.