Ka Nupepa Kuokoa, Volume XXXV, Number 29, 17 July 1896 — EBINE LANOKA. [ARTICLE]

EBINE LANOKA.

MOKUNA IV. "E hana oe elike me kou manao e kuu keiki, aka e hoike moakaka aku nae oe, ua kue loa au kou makuakane i kela hana au e kuu keiki!" i pane aku ai ke Cauna me ka haalele koke ana i lee kaikamahine, a hoi aku la oia noloko o kona keena kakau. Maiaila, ua hoohaahaa aku oia imua o ke Akua no keia ino hou e hoea hou ae nei ma kona home, oiai o kekahi keia o na hoohilahila loa i hana ia e kona koko imua o kona alo. Melia noonoo maikai ole, ua hoi aku la o v Violeta ma kona keena, a malaila, ua hoomaka iho la oia e kakau i leta na ka Naita Opio. I ka pau ana ua heluhelu iho la oia, a ike iho la oia, ua kupono. Penei na olelo o ua leta la: "I ka Naita o ke Kakela Ulaula, ka oi p na koa. Aloha oe e/ kuu koa wiv/o ole: "No kekahi kumu, ke nonoi aku nei au kau kauwa haahaa. ioa, e kala mai oe ia'u. Mahope iho o kou haalele ana iho ia Italia nei, ua halawai iho nei au me kekahi kanaka, a o ua kanaka la, oia no ka Moi o Italia nei. He oiaio aole loa au i maopopo mua iki ia mea he aloha ia mea he kane. O ke āloha o'u ia oe, ua kuhihewa au he aloha la ia, eia ka he makahehi wale no ia, a' he mea pau wale. Aka o ke aloha i komo iloko o ko'u puuwai no ka Moi, he okoa loa ia mai ka haawina i loaa ia'u nou. Nolaila, ke nonoi aku nei au ia oe e hookuu mai ia'u mailoko mai 0 ka aelike hopalau i hana ia mawaena ou ame a'u. No ka mea, aole paha he mea maikai e mare ia oe me a'u me ko'u aloha ia hai. Aka ke manaolana nei au e loaa aku ana ia oe he wahine 1 oi aku ka maikai a kupono mamua o'u; a e mare ia oe me ia me ka hauoli. Aka, e hoomau ia no nae ko kaua launa maikai ana ma ke ano kaikunane a kaikuahine. Me ka lana o ko'u manao o ka holopono o kau huakai. Owau iho no, Me ka haahaa, VISI-CAUNA VIOLETA AGASTINA. Hale Kakela, Mauna Hoomaha. Ia Ebine e nanea ana maloko o kona keena, ma kekahi o na hotele hanohano loa o Parisa, mahope iho o kona lanakila ana me ka haaheo maluna 0 na Hui Powa, ame na enemi apau o kona makuakane, a oiai iloko oia mau la, ua kaa ka hooponopono ana o ke Aupuni o Farani iloko o kona mau lima, a i kela wa, e noonoo akahele ana oia i na lala kupono o ka Aha Kuka Aupuni ana e hookohu aku ai, ua komo mai la kana wahi kauwa me kekahi leta maluna o ke pa dala nani, a panee mai la imua o ke alo o ke kanaka nana e paa ana ke Aupuni o Farani me ka mana nui. Hoomaopopo leoke iho la ka Naita Opio, na Violeta keia palapala, oiai e kau ana ka hoailona alii o ke Cauna Agastina mawaho o ka wa-hi o ka palapala. Nolaila, ua kapae koke ae la oia i kana mau mea e hana ana, oia hoi ka papainoa o na poe kanaka koikoi o ke kulanakauhale. Ia wa, ua wehe koke ae la oia i ka wepa o ka ieta me ka houpo kapalili, aka i kona homaka ana e heluhelu no kekahi mau sekona pokole, ua hoomaka koke ae la kona helehelena ui mohaha e haikea, a i ka pau ana. ua kulou iho la oia no kekahi mau minute loihi, aka i kona ea ana ae nae, ua nalohia aku la na hiohiona kaumaha mai kona helehelena āku; a ua hoomaka koke oia e hoomau ma kana hana e hana ana, me he la, aohe Hekahi kaha-maha i hoea ae iwawena o kona wa e hana ana. Ua wae ae la oia he poe inoa maiwaena ae o na alii hanau o ka aina. A pela hoi ka Aha Kuhina o ka Moi. 1 ka pau ana, ua houna aku'la oia i kekahi'o kana poe elele e lawe aku i ua papainoa la imua o ka Emepera. Ia wa, liomaka koke iho la oia e pane aku i ka leta a Violeta a i kona heluhelu ana, ua hoo iho la oia iloko o ka wa-hi a hoouna koke aku la no ka Hale Leta. Penei kanai kakau akii ai: f ka Visi Cauna Violete Agastina. Aloha oe a nui loa : Ana, ua loaa mai kau palapala ia'u, a ua ike hoi i na manao apau oloko. Ua noi mai nei oe ia'u e kala aku au iaoe.Eia ka haina: Aohe ou hewa a'u e kala aku ai! Aole no ia'u ia mana, no ka mea he hookahi wale no mea iaia ia mana oia hoi ke keiki hiwahiwa loa a ke Akua . He mea oiaio, okou aloha ia'u ua like ia mea he inea ole 'la, oiai, ua hoolilo oe i kuu puuwai i meapaani nau; aka, e ka Lehe, ke hoike aku nei nae au ia oe, ua piha au me ke ke aloha ia oe mai ka piko o kuu poo a ka manea oko'u mau kapuai. Ua punia hoi ko'u kino ame ko'u uhane i ke aloha nou; a ua makaukau au e waiho aku i kuu ola ma kou mau wawae i na wa a pau. Eia nae, aole loa e hiki ia'u, a aole no hoi au e ae 'iki ana e a-u-a aku ia oe mai kau mea i makemake ai. Ke lana nei ko'u manao, e noho aku ana no olua iloko o ka hauoli a me ke aloha oiaio, ke kakoo ikaika hoi o ka maluhia; aka, me he la nae, ke hoike mai nei kekahi mea ia'u e hahai ana ka poino a me ka pilikia ia oe ma keia hope aku. E noonoo oe e kuu aloha, he kanaka kela

i lae ula ma ia hana a he naaupo hoi oe elike me a'unei. A he mea oiaio, e noho iho ana olua a hiki i kona wa e manaka ai ia oe, a oia kona wa e lawe hou mai ai i wahine houna i ala a noho pu me oe. E ae ana anei oe e noho pu me ka punalua? He mea oiaio ua hookuu au ia oe me ka laelae, a e hana elike me kou makemake. E haawi i ko'u aloha a niu i kou makuakane maikai, a e hai aku oe iaia, aia a ike no au, aole oia i makemake iki i kou manao. Ua lohe paha oe i ka lanakila i loaa ia'u ma Farani nei? Eia ma ka poho o ko'u lima ka mana piha o keia aupuni He haawi loaa ia'u mai ke Akua mai, aole hoi ma ko'u lima iho, oiai nana ka ikaika a me kapuuwai wiwo ole i haawi mai ia'u. E noho me ka hoopono, e ka mea a kuu uhane i aloha ai Me ka haahaa, EBINE LANOKA. Mana Hooko a Hookele o ka Emepera o Farani. Hale alii L de Faranse Dußois. He mau la mahope mai, ua loaa aku ka leta aka Naita opio ia Violeta. He mea e ke kaumaha o kona naau i kona wa i heluhelu iho ai i na olelo o ua leta la. Akahi no oia a hooinaopopo iho i kona hewa ame kona kuhihewa nui. Ua kuhi loa oia e liuhu mai ana la ka opio, a i ole, e aua mai ana la iaia; a i ole, e hoike mai ana la i kona hoohalahala. Aka me kela mau mamalaolelo puanuanu wale no, ua hoeha ioa ia kona naau. Ua ike pu iho la nohoi oia i ka naauao ame ke akea o ka manao o ka Naita opio. Nolaila, ua ulu hou ka minamina iloko o kona puuwai no ka Naita. Ua hilahila oia, aua honohopo pu nohoi i ka hoike ana aku i keia palapala i kona makuakane. I kekahi la ae ua ninau mai la ke Cauna iaia no kana leta, oiai ua maopopo no i ke Cauna ua loaa mai ka leta a ke kaikamahine mai ia Ehine mai, nolaila, ua ninau mai la oia ia Violeta: "Heaha na mea hou o kau leta mai iaEhine mai?" "Aohe mea hou ano nui, aka ua ae mai nei no nae oia i ka'u nonoi. Eia wale no, ua lanakila oia maluna o kona poe enemi, a aia iaia ke hookele ana o ke Aupuni o Farani i keia wa," wahi a ua kaikamahine la. "He makemake au e heluhelu ponoi i ua leta la, e kii aku oe a haawi mai ia'u," i nonoi aku ai ka makuakane. He oiaio, he hilahila loa o Violeta, aka aole loa e hiki iaia ke pale ae i ke kauoha a kona luaui, nolaila, ua kii aku la oia me ke kulou ana o kona poo, ame ka puapuai ana o ka ula ma kona papalina. O kahi ana i makemake ole ai e ike ia, oia no na huaolelo hope a ka opio, ma kahi ana i wanana mai ai, e komo aku ana ua kaikamahine la iloko o ka noho ana kaumaha ame ka poino o kona noonoo. He mau minute mahope mai, ua hoea mai la o Violeta me ka leta a ka Naita ma kona lima. Lalau aku la ke Cauna, a hoomaka iho la oia e heluhelu; iaia nae e heluhelu ana, ua hoea mai la ka Moi. Komo mai la oia a noho iho la ma kekahi noho e ku kokoke ana ma kekahi aoao o kahi a ke Cauna e noho ana. I ka pau ana o ka heluhelu ana o.ke Cauna, ua ea ae la oia.iluna a pane aku la i kana kaikamahine: "E kuu keiki, he mea oiaio loa, e hoea io mai ana no na mea a ka. Naita e olelo mai nei: a he hookahi ka hoi mea kaumaha o oe! He pomaikai, ina e kamau ko'u ola a hiki ia wa, aka ina nae au e make e ana, alaila o oe ka hoi ka mea aloha!" "Heaha keia mea," i ninau ae ai ka Moi. Me. ke kanalua ole, ua hoakaka ko.ke aku la ke Cauna i na mea a pau imua o ua Moi la. I ko ka Moi lohe ana, ua hoohiki koke aku la oia aole loa oia e lawe hou mai i kahi wahine e aku a noho huikau me laua ina laua e mare ia ana. Ua olelo aku la hoi ke Cauna, he mea pono e mare koke ia laua iloko oia mau la kolee no. Me ka naau kaumaha, ua hoomakaukau ia e ke Cauna na mea e pili ana no'ka mare ana o kana kaikamahine me ka Moi. Ua kono ia na alii hanau a pau o Italia ame ko AuseturiaHangeri e akoakoa mai no ka ahaaina mare o na alii. Ma ka hoomaopopo ana mai o na makaainana ame na poe e ae, ua maikai, a kupono loa keia mare ia ana; aka ma ka noonoo nae o ke Cauna k aole loa he maikai. Ika hoea ana mai o ka la e mare ai o na alii, ua hapai ia na hana me ka nani ame ka hanohano; a ua hoea mai hoi na malihini o kela ame keia ano. I ka nana aku o ka ui nohea o Italia ka oi aku 0 ka nani ame ka ui iwaena o na wahine a pr.v., a ua like a like no hoi ka Moi. Oia no paha lea oi iwaena o na kane. 1 ka wa nae e hoonanea ana ke anaina, ua kamailio nui ae na malihini no na hana koa a wiwo oie a ka Naita o ke Kakela Ulaula, ame ka hoopuka ana ae 0 ke keiki alii o Hangari, o ua Naita la o ke Kakela Ulaula ka oi o ke kanaka ui loa ma ke ao nei, a wahi ana i olelo ae ai: "O ka Naita oke Kakela Ulaula ka oi o ke kanaka ui o ke ao nei, he ui ma ka nanaina, a he ui ma kona puuwai! Ina he kaikuahine ko'u, hooikaika koke au e mare ia me ia!" I kalohe ana o Violeta i kela mau olelo a ua keiki alii la, ua puapuai koke ae la ka ula ohelohelo ma kona mau papalina, e hoike ana aole oia i lealea 1 kela mau olelo. Eia nae, ua hoomaopopo koke kela keiki alii i kela ano o

ka Moiwahine opio, a oia kana i ha\ anahawana koke aku ai i ka Moiwahine opio, Violeta. "He oiaio anei ka'u e ike nei, ua eha kou puuwai no kela mau olelo a'u?" 'Aole , he ano hikilele ko'u i ko'u lohe ana aku nei i ka inoa o ka Naita o ke Kakela Ulaula, no ka mea, ua kamaaina au iaia i kona wa i hele mai ai ia nei nei„ a hoopio ai oia i ka Hui Powa o Roma nei," wahi a Violeta. "Aole anei oe i huhu ia'u i ka lioopuka ana ae nei no ka mare ia o ka Naita opio me ona wahine?" wahi a ua keiki alii la i ninau alui ai.