Ka Nupepa Kuokoa, Volume XXXV, Number 33, 14 August 1896 — Ke Kulana Aupuni Hoohui Aina ame Hoomalu Aina. [ARTICLE]

Ke Kulana Aupuni Hoohui Aina ame Hoomalu Aina.

Mamuli auanei o ka loaa ana ia Hawaii nei ke. kulana Aupuni hoohui aina maoli me Amerika Huiia oia ka loaa ana iaia o keia mau mahele pomaikai elua: (1) Ka noho hoomalu ana mai o ka Mana Aupuni o Amerika maluna o Hawaii nei; (2) Ka loaa ana o ka pono koho baloa kuloko i na makaainana o loko ponoi o ka aina nei, no ke koho ana i ko lakou mau elele kaukanawai, a pela hoi me ke koho ana i na luna Aupuni o kakou iho nei, ma na oihana Aupuni. Mamuli auanei o keia kulana Aupuni e ku ai o Hawaii nei ma ke ano mokuaina maoli iloko o ka huina o na mokuaina o Amerika Huiia. E oni ana nona iho, e nee ana nona iho, a e hana ana nona iho, elike me ke kulana e hooneeia ana e ka ikaika koho balota i loaa i kela ame keia kanaka iloko nei o keia aina. Ma keia ano, aole hiki i na hana pai punahele a na poo Aupuni ke rula i na hoonohonoho ia ana o na luna alakaiia ana e ka ikaika koho balota e paa ia ana e leela ame keia kanaka koho balota. E hamama ana hoi na ipuka apau o na oihana Aupuni i hookuuia ma ke koho balota ana e loaa ai, i kela ame keia Hawaii i loaa na hilinaiia ana e ka lehulehu. Ma na mokuaina o Amerika, na lakou ponoi no e koho i ko lakou mau luna Aupuni kuloko iho, a o keia hana, aia ia iloko o ka lima o kela ame keia kanaka i loaa ka pono koho balota, ilokō ponoi iho o ka mokuaina. O keia ke ano nui oke kulana Aupuni mokuaina maoli, a oia kulana hoi ke loaa mai ana ia Hawaii nei, ina he hoohui aina oia ano, kai makemake ia e Hawaii nei ame Amerika Huiia.

A ina hoi ma ke ano hoomalu wale no, alaila, he kulana Aupuni ia ke ole makou e kuhihewa, elike no me keia a kakou e noho nei i keia wa, a ina he mau wahi hoololi kekahi, alaila, he mau wahi loli liilii loa ia, e loaa ole ai ke kulana Aupuni mua a makou i hoike ae la.

O keia ka makou i ake nui ai i ko makou poe hoa lahui e ike mai lakou i na keehina o ka pono lahui akea e loaa ana mamuli o ke kulana hoohui Aupuni maoli ame ke kulana hoomalu Aupuni wale no. He oiaio, no makou iho, aole no makou i ike iki, heaha la ke ano hoohui Aupuni i makemakeia a no ia ike ole o makou ia mea i keia wa, i ka wa nohoi I hala ae nei, a ma keia mua aku no paha, i koi aku ai makou i kekahi mau hoa Ahaolelo Hawaii i noho ma ke Kau Ahaolelo i hala ae nei, e ninau pono aku i ka Aha Kuhina, ma o

]-ekftbl olelo hooholo la f no ke ano o ka hoohui Aupuni ine Amerika, i makemake nui ia e ke Aupuni, aka, aole nae i loaa ia kulana inalamalama i na "Solona Hawaii" ia wa, a i ole, u manao paha lakou he mea waiwai ole ia, nolalla, i hana ole ia ai keia hana, a makou hoi i ike ai, he mea waiwai loa ia. Aka nae, oiai e moe malie ana keia kumuihana, ma ka papa hoonohonoho ana a ka Repubalika o Hawaii nei, elike me ia i kaklaia ai a paa iloko o kona Kumukanawai, a lelp.ela hoi ma ka papahele o ka Ahaolelo Nui o Amerika Huiia, ame ka papa hana a ka Aoao Repubalika no keia kau koho Peresidena ae, aole hewa ia kakou ke iiaawi ! na noonoo ana, me ke akahele maluna o keia ninau.