Ka Nupepa Kuokoa, Volume XXXV, Number 34, 21 August 1896 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXXV. HELU 34.  HONOLULU.POALIMA,AUGATE 21,1896 NA HEL APAU 2612

Hoolaha Loio.

W. R kakela,

@ he kokua ma ka kanawai.

@hooiaio palapala.

370

 

Hoolaha Humau

Allen & Robinson

NA MEA KUAI PAPA O NA ANO APAU

E loaa no ka Uwapo o Pakaka, Honolulu ma ke kumukuai makepono loa, no ka maikai o ka lehulehu e makemake ana e @ hale. E kipa mai a e ike kumaka.

2369-q

WILDER & CO., (WAILA MA.

Mea Kuai Papa a me na Lako kukulu hale o no ano a pau, a me na mea a ae apau e pono ai o ka hale.

Kihio Alauai Moiwahine me Papu.

396-q

 

PAPA! PAPA

 

AIA ME KAHI O

 

Lewers & Cooke

(LUI MA)

Ma ke kahua hema o Alanui Papu me Moi.

E LOAA NO NA

PAPA NOUAIKI

 

O kela a me kela ano.

Na Pani Puka, na Puka Aniani,

Ua Olepelepe, na Pou, na O’a,

Na Papa Hele, na papu ku,

Me na Papa Moe he nui loa

 

NV PILI HALE O NA ANO A PAU

 

A me na

 

WAI HOOHINUHINU NANI

 

O na ano a pau loa

 

Na Balaki o na Ano he Nui Wai

 

Ke hai ia aku nei oukou e na makamaka a pau, ua makaukau keia mau makamaka ooukou e hoolawa aku ma na mea a pau ili ana ma ka laua oihana no ka

 

Uka Haahaa Loa,

 

a like me ka mea e holo ana @ o Laua a me ka Mea Kuai.

Hele Mai e Wae no Oukou Iho

2398-q

 

POWAIA O KIMO KAMABELA!

 

Ka Ona Miliona o Lahaina ma Kapalakiko!!

 

Ma k eke ana mai o ka mokuahi Belgic ma ka Poaono aku nei, Aug.15,I loaa mai ai ka lono kaumaha a hoolele hauli, mai Kapalakiko mai, no kekahi uila poino I kau aki maluna o Kimo Kamabela, ka “Ona Miliona o Lahiana,” mamuli o kona hoowalewaleia ana e kekahi haole o Oliver W. Winthrop kona inoa, e hele laua e ike I kana wahine, ma kahi mamao loa mai ka hale hotele a Kamabela ma I noho ai, a ma ia hana ana, ua komohia aku la keia kamaaina kuonoono o Hawaii nei iloko o ka pilikia, I ku maoli no I ka make, A penei ka lono ano nui I loaa mai ia makou no keia pilikia ana o nei kamaaina kuonoono o kakou nei:

Ma ka auina la Poakahi, Aug.3, haalele iho o Kimo Kamabela I kana wahine ma ka hotele Occidental, ma kapalakiko, me ka olelo ana mai I kana wahine e hele ana no ia a hoi mai. O kona kokoolua ma keia hele ana, he haole malihini no ia, aole no oia i kamaaina I na poe paahana o loko o ka hotele. O keia wa a Kamabela e hele nei me keia haole, he wa ia no laua, me kana wahine, e makaukau ana no ka huli hoi mai no Honolulu nei ma ka mokuahi e haalele aku ana ia laila (Kapalakiko) ma ke kakahiaka Poalua ae. Ua loaa ko laua mau palapal uku-moku no ka hoi ana mai.

Ia hele ana ma keia auina la Poakahi, aole oia I hoi iki mai a hoea I ke ahiahi ana, a hoea I ka Poalua, aole no ia i hoi iki mai a hoea I ke ahiahi ana, a hoea I ka Poalua, aole no ia I huli hoi mai, nolaila, ua kauoha ka wahine e hoopau ia ka waiwai o na tikiki uku moku. Ma ka hora 9 o ka po Poakolu, ua hoi mai la oia I ka hotele, ua hele a nawaliwali, me ke kau ana o kekahi mau wahi alina liilii maluna o kona mau maka. I kona hoea ana I ka hotele, ua kauoha koke ia o Kapena makai Lee, a mahope iho o kekahi mau kukai kamailio ana, us holo aku la is ame Kamabela maluna o kekahi kaa a hoea I kekahi hale ma Alanui Kaleponi, helu 4109. Ma keia hale I olelo ai o Kamabela, oia kona wahi I hoopaa ia ai, I hoopaa pio ia ai iloko o na hoia he 48 a oi aku e elua mau kanaka, a na laua I aihue mailoko aku o kona mau pakeke he $305, ma ka dala maoli, me ka hookikina ana hoi iaia e kakauinoa oia malalo o kekahi bila kikoo dala no ka huina o $20,000. Ua hoike ois, o ke alakai nui nana I hana I keia hana maluna ona, he haole, ia non aka inoa o Oliver W. Winthrop, a o kona kokoolua, wahi ana, he kanaka ia I uhiia kona mau maka me kekahi ia I uhiia kona mau maka me kekahi palulu maka, a ua mau ka paa ana o na maka o ua kanaka la ma ia ano, no elua la ame elua po I paa pio ai oia. Ma ka Kamabel aolelo hoike, ua ki ia mai oia I ka pu e keia kanaka I paa kona mau maka I ka uhiia me ka pale, oiai ko laua aumeume ana, Ma ka Poakolu mai kon hokuuia ana, a nana I alakai aku iaia a hoea I kahii o ke kaa “hapaumi,” ma alanui Greary, oiai hoi, ua mahuka mua aku o Winthrop. O keia kanaka o Winthrop, ua hookolokolo ia oia ma kela makahiki aku nei, no ka haawai ana I ka laau make ia Mrs.Jennie Matthews ma Laurel Hill Cemetery. A ua hookuuia nae oia.

 

KAMABELA IMUA O KA AHA KIURE NUI.

Ma ka auina la Poalima, ua ku o Kimo Kamabela imua o ke Kiure Nui, a hoike aku la I ka moolelo o kona halawai ana me Winthrop ma ka Hotele Vendome ma Sana Jose, ke ano o kona halawai hou ana me ia ma ka Hotele Occidental maloko o keia kulanakauhele; kona hele pu ana me ia (Winthrop) ma ka auina la Poakahi i ka hale helu 4109 o Alanui Kaleponi; kona pepehiia ana e Winthrop ame kekahi kokoolua ona i hoomaopopo ole ia na helehelena, kona powaia ana, hookomoia ana o kona waha i ka wel, ame kona hauhoaia ana i ke kaula, kona hanai ole ia ana i ka ai no kekahi wa loihi, kona hooweliweliia, kona kauohaia ana e na mea na laua oia hoopaa e kakau i kekahi mau palapala kikoo dala, ame kona hookuuia ana, mahope iho o kona paa ana no elua po ame elua la, me ka haawiia ana mai iaia he 5 keneta no ka uku kaa hapaumi e hoi ai i ke kulanakauhale (taona).

Mahope iho o ko ua kiure loha ana i ka Kamabela moolelo, ua hoopuka lakou i mau palapala hoopii hoahewa e kue ana ia Oliva W. Winthrop ame John Doe no ka powa ana ame ka hoana e eha, me ka manao e lawe i ke ola me ka manao ino.

Eia ka moolelo piha e pili ana i keia hana puuwai elele, i hoike ponoi ia ai imua o ka lunahoomalu o na kiure, oia o Maskey:

Elua pule i hala ae nei, wahi a Kimo, iaia e noho ana ma ka lanai o ka Hotele Vedomme ma Sana Jose, e kamailio ana me kekahi hoaloha ona, no na mea e pili ana i na mokupuni (o Hawaii nei) ia wa i hele mai, o Winthrrop, a me he mea la ua lohe mai oia i na mea kamailio ia manaena o laua nei (Kamabela ame kona hoaloha), a ninau mai la iaia, ina paha mai Honolulu mai oia. Ae aku la o Kamabela, ua hoomaka mai la o Winthrop e ninaninau mai ia ia no na mea e pili ana i na kulana oihana kalepa ame oihana mahiai ma na mokupuni (Hawaii nei). Olelo mai la ia, o kona kuai lilo ana aku no ia i kekahi aina hanai holoholona no $70,000, a ua makemake oia e hookomo ia mau dala ma ka oihana mahi kope. Olelo mai la no hoi oia ia Kamabela, makemake loa oia, ma Honolulu e noho ai, no ka pono o  ke ola o kana wahine. Ninaninau mai la no hoi oia ia Kamabela, no ke ano o ka ea malaila (ma Hawaii nei) a ua makemake ia e ike i ko Kamabela manao, ina paha he mea no kana wahine e pono ai, ka loaa ana iaia ma keia loli ana o ka ea. Pane aku la i Kamabela, manao ia he mea ia nona e pono ai. Olelo mai la o Winthrop, ua kamailio oia me kana wahine no ia mea, aka, ua makau nae oia i ka loihi loa o ka holo ana i ka moana, manao oia he mea ia e hoopilikia ana apau, wahi a Winthrop i hai mai i kona hoaloha hou, aole hiki iki iaia ke hoohuli ae i ka manao o kana wahine, ma ke ano, he mea e po no ai kona ola, ma ka hele ana ma keia huakai moana, aole hoi ia he mea e pilikia ai.

Ma hope iho o keia wahi kamailio maikai ana, hoike aku la no o Kamabela imua o ke kiure nui, ua kaawale oia mai a Winthrop mai, aole hoi oia i ike hou iaia a hoea wale i ka auina ia Poakahi. Ua huli hoi mai oia, mai Sana Jose mai, ma ke kakahiaka Poakahi, a hele mai la no ka Hotele Occidentsl. Ma ka auina la, iaia e kamailio pu ana me kekahi mau hoaloha ona maloko o kke keena oihana o ka hotele, komo mai la o Winthrop a hele mai la imua ona.Mahope iho o kekahi mau kamailio liilii wale ana, kamailio hou oia no ka makemake ole o kana wahine e hele pu me ia i Honolulu nei.

Olelo Kamabela, ua haalele iho oia ame Winthrop i ka hotele, hele aku la ma ke Alanui Kamabela a hiki i Clay, a olelo mai la hoi o Winthrop o na kaa “hapaumi” ma ia alanui, oia ko laua mea e hoea aku ai i ke alahele pokole loa i kona hale. Kau lana maluna o kekahi kaa a holo aku la maluna o ua kaa la o na Alanui Clay me Sacramento, me ko laua kamailio ana nohoi ia wa a laua e holo nei. Holo aku la laua, a holo no, wahi a Kamabela, a hiki i kona uluhua ana, a kamailio aku la oia ia Winthrop, i ka loihi launa  ole mai o kona wahi i noho ai mailoko mai o ke kulanakauhale: Pane mai o Winthrop he mau wahi kulana-hale (blocks) kakaikahi wale no koe a hoea aku laua i kona hale. Mahope iho o ko laua hoomao ana i ka holo ana aku, wahi Kamabela, haalele iho la laua i ke kaa, ma kahi ana i ika ai mahope mai o ke Alanui Akolu ia (Third Avenue) a heie aku laua ma kekahi alanui ana i haiia mai mahope mai, o ke Alanui Kaleponi ia. Hele aku la laua ma keia alani, no kekahi manawa, a komo aku la i loko o kekahi hale.

 

KE KUPAA ANA KANI KA PUPANAPANA HALA-HIA KA POKA KA HINA ANA KE KUPEEIA ANA

 

I ke komo ana iloko o ka hale, wahi a Kamabela, ua hookamakamailio mai la o Winthrop iaia. He mau minute ko laua kamailio ana; alaila, ninau aku iala o Kamabela ia Winthrop no kana wahine. Pane mai la o Winthrop, aia ma kekahi aoao o ka hale a he hoi mai koe. Alaila, hoomaula ke kamailio ana. Aole i liuliu keia wa o ko laua kamailio ana, komo mai la kekahi kanaka iloko o ka rumi, ua paa kona mau maka i ka palulu ia, a ma kona (ko Kamabela) manao aku, he hainaka eleele ua mea la i paluluia ai ma ka maka o ua kanaka la.

Kau mai la oia i ka pu panapana i kona poo, a kauoha mai la iaia e hapai i kona mau lima iluna. Ua pane aku nae oia, aole loa oia e kau i kona mau lime iluna ma o ke kauoha la a kahi kanaka, me kona olelo aku i ua kanaka nei, e ki mai i kana pu. Ia wa i aumeume ai o Kamabela me ke kanaka i palulu ia na maka, a mahope iho o ko laua aumeume ana, ua hina iho la laua ilalo. Ma ka wa o laua i kaawale ae ai, oia ka wa i ki mai ai ua kanaka la i kana pu, a halahia ae la ma ka maha o kona (ko Kamabela) poo, puka pu ae la kona (ko Kamabela) poo, puka pu ae la kona papale a kapoo aku la ka poka ma ka paia o rumi. I keia wa i hahauia mai ai oia e Winthrop mahope mai o kona poo me kekahi mea kaumaha. Na keia mea i hoohina iaia iho ilalo a pau ae la kona ike no kekahi wa. Oiai oia ma keia ano, ua paa iho la kona mau lima me na hao hoopaa lima, a hoopiha ia iho la kona waha i ka welu. Alaila, hapaiia ae la ia a kau iluna a hoomoeia iho la maluna o kekahi moe ilioko o ka rumi, a hauhoaia iho la a paa i ke kaula. Hoopaaia aku la kona mau wawae me na kaulahao a paa i na ku mahope o ka moe, pu ia ae la kona mau lime ma ka umauma a nakiikiiia iho la me ke kaula, a poai puni ae la i kona kino, a komo ae la ma na apo kila e hoopaa ana i na apo hao hoopaa lima.

Mahope iho o kona hauhoaia ana a paa iluna o ka moe, ua huli iho la o Winthrop iloko o na ekeeke o kona mau lole, a lawe ae la he $250 ma ke dala maoli, a he $55 ma ke dala gula. Lawe pu aku la nohoi oia i kekahi bila kikoo banako ( o ke kulanakauhale o Kapalakiko) nona ka huina o $10,000, eia nae, i kahi wa mahope iho, us hoihoi mai no oia i ua bila kikoo la. I kekahi wa mahope iho o kona hauhoa ia ana a paa iluna o ka moe, ua lawe mai la keia mau kanaka elua he mau pepa lehulehu loa,a hookikina mai la iaia e kakau i kona inoa. O keia mau pepa, he mau palapala ia e hoolilo ana i kekahi huina dala nui, a ua hoole oia i ke kakauinoa ana ia mau palapala a hoole nohoi i ka heluhelu ana. I keia wa apau e hanaia nei keia mau  mea, aia no ke paa la kona waha i ka popo welu. No ko Kamabela hoole paakiki ana, aole e kakau i kona inoa ua hooweliweli mai la ua mau kanaka nei, ma ka olelo ana, e hana no laua i na hana hoehaeha manaonao maluna o kona kino, a hiki i kona wa e ae ai. Iloko o keia wa apau, ke paa la no oia iloko o ka rumi, aole hoi he wahi manawa i waiho hookahi ia iho ai oia. E kike ana nohoi ke kiai ana a nei mau kanaka iaia. A o ka inoa o ka lua o ke kanaka oia o “Pele,” ma kana lohe aku i ke kahea a Winthrop. O ke kanaka hoi nana oia i ki mai i ka pu, aole loa oia i wehe iki i ka palulu e uhi ana i kona mau maka, nolaila, aole hiki iaia ke hoomaopopo i kona mau helehelena.

Ma ka Poalua, wahi a Kamebela, maope iho o ka hoao hope loa ana a ua mau kanaka la e hoi iaia e kakauinoa i na pepa, ua haalele mai la o Winthrop i ka hale, aole oia i hoi hou mai. Mai keia wa aku a hoea i ke ahiahi Poakolu, aia ke noho pu la me ia ke kanaka i paluluia na maka me ka uhi. I kela ame keia wa, oiai ua kanaka la e kiai ana, ua hele aku oia ia Kamabela e ninau mau ai, ina paha ua makaukau oia no ke kakau ana i na palapala, eia nae, ua hoole mai no o Kamabela, ma ka luliluli ana o kona poo. Mamua iki iho o ka hora 8 o ke ahiahi Poakolu, wahi a Kamabela, ua hookuuia ae la oia e ke kanaka maka i paluluia, alakai aku la iaia ma ka puka, ma ke alo o ka hale, haawi aku la iaia i 5 kenata i mea uku no kona kaa e hoi ai i ke kulanakauhale.

Me ka pololi ame ka nawaliwali hoea aku la i Kamabela i ka Hotele Occidental, a malaila oia i hoike ai i keia moolelo i kona poe hoaloha ame ka makai.

Mahope iho o ka pau ana o kana hoike ana i kana mau olelo, ua ninau ia mai la oia e ke Kokua oio Hoopii o ka Apana, oia hoi, o Hosmer, ina paha ua maopopo loa iaia o Oliver W Winthrop, ke kanaka nana oia ipowa. Ua ae aku oia.

 

MEA HUNA POHIHIHI

MOKUNA VI.

Ka Makuahine ame ke Kaikamahine.

 

Noho iho la oia ilalo, lalau mai la ia i kana lei aloha a pane mai la, me ka leo i hiloia me na maawe o a walohia:

“E kuu kaikamahine, ke ike nei au i kou aloha ia’u, mamuli o kou manao ana e haawi aku ia oe iho ma ke kuahu o ke kanaka paahana, i mea e loaa ai kau ai ame kau i’a, elike me kau, e kuu aloho i kamailio mai nei. Aka, ke hai aku nei nae au ia oe, aole loa au e ae e hookuu aku ia oe mai a’u aku nei; aole hoi au e ae e haalele iho oe i na kiai makaala ana me ke aloha a ko oukou makuakane. O keia home au, ame kou mau kaikunane e noho nei, he puuhonua ia no oukou e pakele ai mai na hoowalewale mai o keia ao. E hiki mai ana no ka manawa, ma keia hope aku, a hooponopono maikai  la no ko oukou noho ana, i oi loa aku i ko keia wa; aka, he mea pono nae ia oe ke kali me ka manaolana no ua manawa la, elike me kau. A e lilo ana hoi kau mea i hoike mai nei ia’u, e kuu kaikamahine, i mea na’u e noonoo nui ai, mahope o kou haalele ana iho ia oukou, a me he mea la i keia pule ae, e lohe ana no pha oe i kekahi mea ano nui loa mai a’u aku ; nolaila, e hoomoe kaua, e kuu aloha, i ke kamailio ana no keia mea i keia pule.”

O! Beatirisia, nokeaha la oe i kaomu ai i ka mea oiaio? Nokeaha la oe i hoike ole ae ai i ka mea oiaio imua o kau kaikamahine? O! Beatirisia, aole loa i kinaiia na manao kuhihewa e hoopunana la iloko o kau lei aloha.

He oiaio, mahope iho o na huaolelo hope a Beatirisia i pane mai ai, ia Alamira, ia wa oia i olelo hou mai ai imua o ua kaikamahine le ana;

“Ano, e kuu aloha, e hele aku oe a loaa ou mau kaikunane, a hoomakaukau oukou i wahi paina liilii na kakou i keia la.”

Ku ae la ua kaikamahine la iluna a halele iho la i kona makuahine, a iho aku la ia e halawai pu me kona mau kaikunane; aka, aia na kulu waimaka eloelo ka hoopulu la i kona mau papalina, aia nohoi na manao walohia aloha ke opuopu la iloko o kona houpo no kona makuahine , kona makuakanu, a me kona mau pokii kaikunane; a iloko nohoi oia wa hookahi, aia oia ke olelo la iloko ona:

‘Aole aole au e noho, e kuu mama aloha. E hele no au. E hele au e imi i ai na’u, a i home no’u. E hoomanawanui no au i na luhi ame na inea apau e kau mai ana maluna o’u i mea hoi no’u e pono ai, oiai, aole hiki ia’u ke hoomau aku i ka noho ana ma ka home aloha o kuu makuakane i mea e nui ai kou kaumaha e kuu makuahine. O! Mama, me ka walohia ehaeha iloko o kuu puuwai, e hele ana no au.”

Me keia mau manao iho la ua lede opio Alamira nei a halawai aku la me kona mau kaikunane, a hoomakaukau iho la lakou i na mea e pono ai ko lakou paina liilii (picnic) oia la.

Oiai hoi ua poee keiki la e hoomakaukau ana ia mau mea, aia ko lakou mau makua ke kamailio la no na mea e pili ana i na olelo a Alamira i hoike aku ai imua o ko lakou makuahine, elike me na mea i ikeia ae nei e oe, e kuu makamaka heluhellu. Oiai laua e kamailio ana, ua ulu mai la kekahi noonoo ana iloko o ka Lede Beatirista a hoike aku la oia ia mea imua o kana kane oia hoi he makemake oia e hoihoi ia Alamira me ia ma Hametona Kakela, ma ke ano kaikamahine lawelawe, aka, ua hoole aku ke Kauna Arevalo ia manao, me ka hoakaka pu ana aku i ka pilikia launa ole oia hana ana pela, oiai, mamuli auanei o ka helehelena ui ame ke kulana hanohano i loaa ia Alamira e komo ai na hoohuoi he nui iloko o ka poe apau e ike ana iaia ma Hametona Kakela, a ua hiki no ia lakou ke olelo iho, he kaikamahine o Alamira i pili i ka Lede Hametona, ma  kekahi ano, a o ka hooilio ana iaia i kauwa lawelawe noloko o Hametona Kakela, he hana hoouhiuhi wale no ia. O kekahi nohoi, aole paha e hiki ana ia Alamira ke hunakele iloko o kona puuwai i kona kaikamahine ana nau, a pela hoi me kou makuahine ana nona.

He oiaio, mamuli o keia mau olelo a qe Kauna Arevalo, ua ike io iho la o Beatirisia i ka hewa nui o kana mea i noonoo ai, nolaila, ua hoopau iho la ia i ka manao ana e hana pela.

 

Nolaila, e kuu makamaka heluhelu, e haalele kaua i ke kamailio ana no ka ohana o Kauna Arvalo i keia wa a e huli ae kaua a nana aku i ka huli hoi ana o ka Lede Beatirisia no Hametona Kakela.

I ke ahiahi o ua la la, ma ka wa e uhi ana ka pouli, ia manawa i hoi aku ai ka Lede Beatirisia no kona numi komo kapa, a komo iho la i kona aahu e huli hoi aku ai no Hametona Kakela. Ua komo hou ae la no ia i na aahu ana i hele mai ai i ka po mamua iho. I ka makaukau ana, ia wa i komo aku ai kana kaikamahine iloko oia o Alamira, a ma ia manawa i puili aloha iho ai ka makua ame ke keiki, i loko o na kipona o ke aloha wlania.

Aia o Alamira ke haawi la i na hoohanini ana a kona mau waimaka, oiai, ua ike iho la ia o kona wa hope loa la e ike ai i kona makuahine aloha, nokamea, ua paa kona manao e haalele i ka home a e auwana aku ma kahi e hiki ai iaia ke imi i mea nona e pono ai. O ka lede Beatirisia hoi, e haawi ana oia i kona loha, no kona kaawale ana mai kana kaikamahine mai ma ia wa a hoea i kekahi pule ae, ka wa ana i manao ai oia kona wa e hiu hou ai me kana lei aloha.

Mahope iho o ka pau ana o ka laua haawi ana i na haawina o ke alona ka makua i ke keiki, a o ke keiki hoi i ka makua ua iho aku la laua e halawai me ke Kauna Arevalo ame na keikikane elua. I ka pau ana o ka hui aloha ana o lakou apau, us kau aku la ka Lede Beatirisia no luna o ke kaa o ka home ponoi iho, a huli hoi aku la. Aia hoi o Alamira ke ku mau la no ma ka lanai o ka hale a hiki wale i kona lohe ole ana aku i ka hakeke o na huila o ke kaa e ahai ana i ko lakou luaui makuahine aloha no Hametona, Kakela, Alaila, kulou iho la kona poo ilalo a hawanawana iho la oia iaia iho:

“O! S kuu mama, aole au e ike hou ana ia oe. He wa loihi paha, a loaa ia kaua ka wa e hui hou ai. E hele ana au e imi i ko’u ola iho. Aole loa au e kali ana a hiki i kou hui hou ai. E hele ana au e imi i kou ola ihho. Aole loa au e kali ana a hiki i kou koi hou anamai i a hale nei i keia pule ae, a hele kou ike ana ia’u, kau kaikamahine nei, e nui ana no kou kaumaha, aka, e ike iho ana no nae oe ma ia wa hookahi no, e kuu makua, no kou pono i hana ai au i keia hana. He hN pono no’u ka haalele ia olua e o’u mau makua aloha ame ko kakou home aloha, na pokii kaikunane hoi o’u. Aole o’u manao, he mea pono o makou apau ke kaukai i ko makou pono maluna o ka mea hookahi, elike me kuu mama aloha. He ea pono i hookahi o makou e hele, a oia mea, owau no ia. Nolaila, aloha oe, e kuu mama. O! Mama! Aloha.

Aia hoi na kulu waimaka eloelo ke hiolo la ma kona mau papalina, alaila, huli ae la ia a komo aku la iloko o ka hale. (Aole i pau).

Ina o ka hoolilo ana ‘ku ia $100 i mea e hoopaaia ai ke ola o kekahi ohana mai na umii ana mai a na mai o ka opu iloko o ka makahiki, alaila, e lehulehu auanei ka poe e manao ana he hana ia i kau iho maluna o lakou, e uku aku lakou ia huina dala; oiai, aole hiki ia lakou ke hoomaunaauna wale aku i ko lakou mau ola, a pela hoi me na oia o ko lakou mau ohana no ia huina dala. E loaa ana i kela ame keia mea hoopaa ola no 25 keneta, oia ke kumukuai no ka omole hookahi o ka LAAU HOOLA KORELA A KAMALENA. Aneane ma na wahi apau, ua make kekahi mea mamuli o ka loohia ana i kekahi ma’i o ka opu mamua o ka loaa ana o kekahi laau, a o kekahi kauka paha. E hiki ana anei ia oe ke hoomaunauna wale i kou ola mamuli o kou ole ana e haawi i keia wahi huina dala uuku loa? E kualia ana e na mea kuai laua lapaau o na ano apau, ola o BENSON, SMITH & CO., na Agena ma ko Hawaii Pae Aina.