Ka Nupepa Kuokoa, Volume XXXVII, Number 4, 28 January 1898 — Ke Kulana o ka Waihona Waiwai o ke Aupuni. [ARTICLE]

Ke Kulana o ka Waihona Waiwai o ke Aupuni.

Aole paha he wahi e ae. i ikea maopopo loa ia ai ke omamaka maikai o ka ulu ana o kekahi ahahui pili kalepa a ano e ae paha. elike me kona waihona waiwai. He akioma maopopo. 0 ka waihona daia o kekahi ahahui. oia puuwai ola oia ahahui. Ua pili pono keia akioma i na ahahui 1 kukuluia e na kanaka elua, ekoiu, eha a oi aku. e hele ana a hoea i kekahi puulu kanaka lehulehu. Ua pili nohoi i ke kanaka hookahi e ku ana ma ke kulana hooholomua iaia iho.

Mamuli o ka maikai ame ka maikai ole o ke kulana ola o keia waihona. e ikea ai ke kulana ikaika a'nawaliwali o ka hoonee ana a ke kanaka hookahi a ahaliui hoi i na hana e holomua ai ua kanaka la, a o ua ahahui la hoi. Ma o ia mea la nohoi e ikeia ai na hemahema ame na makaukau o na hooholomua ana i na kumu e hoouluia mai ai he pomaikai. A ma ka wa e komohia aku ai ka hana a ke kanaka, a o ka Ahahui paha i hoala ae ai a hana aku iloko o na hihipea o ka hiki ole ana i kona kumukanawai, ame na kumu loaa e ae o ua hana la, ke hoiliwai like a waiho maikai na anuunuu i nee aku ai ka hana, alaila, ua hoea mai la ka hopena e apahu pu ia ai ke ola ana ame ka oni hou ana aku oia hana no mua. Aka, ina e ikeia ana, ma o ka hoike oiaio ana mai a ka waihona o ua hana la, ua hiki iaia ke kuea pono i kana mau aeiike kuwaho apau i hoopaaia ma na huahelu dala ame na keneta, me ke koe ana iho o kana mau lako kumuwaiwai no ka hoohana ana 'ku, alaila, aia kela hana ma ke kuiana o ke ola maikai ame ka holomua. Aohe hopohopo ana no kona nee hou ana 'ku no ka lua, no ke kolu a no ka lehulehu aku paha o na manawa ma ia mua aku. 0 keia mau loina liilii ame keia mau hoike ana ae la, ua piii no ia i ke Aupuni. Aole paha i poina ko makou poe heluhelu, raa kahi wa i kaa hope ae nei, ua hoaiai aku makou, o ke Aupuni, he ahahui no ia i kukuluia ma ke ana kiekie loa o na loina kaiepa; a aia iloko o keia ahahui nui, na ahahui liilii o kela ame keia ano, a pela hoi me na hana kalepa o kela ame keia ano, kahi i oni ai me he mau huila liilii la no kekahi mikini e mau ana kona hoohanaia ana.

Mamuli o na lono i hoikeia mai imna o makou, no ka mea e pili ana i ka Waihona Dala o ke Aupuni, ua ikeia, o ka huina loaa Aupuni iloko o ka makahiki i hala aku nei, ua hiki aku ia i ka $2,659,434.16, a o na lilo he huina ia o $2,617,822.89. Nolaila. e koe ana ma ka Waihona he huina o $41,611.27. 0 na loaa maoli o ke Aupuni, mawaho ae o na dala aie, he huina ia o <$2,188,826.79. 0 na lilo i laweia noloko mai oia mau loaa, he $1,924,384.59. Ke hoomaopopoia na hana lehulehu loa a ke Aupuui i hana iho nei no ka pomaikai o ka lehulehu, mai Hawaii a Kauai, elike me na alanui maikai o na Kona ma Hawaii. ame kekahi mau wahi e ae oia mokupuni. ame na hana e ae nohoi malaila, pela hoi ka mokupuni o Maui—kona mau alanui nani; aole hoi e hiki ia Oahu nei ke "makaewaewa" iho i ka nui launa ole mai o i*a hana hou i hanaia ma koea umauma, e laa ke alanui pali o Nuuanu, na alanui hou o loko nei o ke kulanakauhale, mai Kamoiliili aku a hoea i Waialae, ke alanui o Moanalua, a ma na wahi e ae r a pela nohoi ma Kauai, he mau hoike maopopo wale lakou no kahi i hooliloia aku ai he mau heluna dala lehulehu loa. Aka, aia no nae he koena dala ma ka Waihona o ke Aupuni. 0 kela man hoike huahelu o ka Waihona Waiwai o ka lahul Repuba\ika a Roialiti. me na lahul e ae o Hawail nei, huipu me na hana hou i haaaia e ke Aupuni iloko o keia mau makahiki pokole e nee nel ka Repub&lika. aole hiki ia makou ke aua iho i ka hapai aaa ae i ka manao mahalo i na Kahu Malama Waiwai o ka Ahahui I-ahui o ko Hawail Pae Aina r a he mea hoi i ike oie ia iloko o na makahiki lehulehu wale i noho ai kela Ahahui Lahui, malalo o na hookele ana a na Kahu Malama Waiwai o ke au Roialltl. ,