Ka Nupepa Kuokoa, Volume XXXVII, Number 6, 11 February 1898 — OLELO HOALOHALOHA. [ARTICLE]

OLELO HOALOHALOHA.

Ia Mrs. H. Kamakahiki ame na keiki i hooneleia i ka makuakane ole, welina wale:— Oiai, "aole he wahi paa maanei, nolaila, ko ke Ao uwe ana" a oiai ua oluolu ia e ke Akua Kiekie ioa ka lawe ana aku i ka Uhane o kekahi o na makua o ka pono o ka olelo maikai a ka Haku me ka minamina nui ia ma ka po Poalua, Jan. 25, hora 9 p. m. ma Kalaupapa nei, i ka Aina a ka Ehaeha; Nolaila Hooholoia, O makou o na lala ame na hoa o ka Ahahui Hodikaika Hana Karistiano o Kalaupapa, Molokai, ke haawi aku nei makou i ko makou aloha. nui i ka ohana i hoonele loa ia i ka makua oie, ame ka makuahine i nele i ke kane ole, a nolaila; B hooholoia, ke komo pu aku nei makou i ka u pu ana no ka mea i hala aku me ke aloha nui ia, a ke pule nei makou e hoomama ia mai ka naau kaumaha oka ohana; oko kakou ola ana, he mahu no ia i pu-a ae a nalo iho. Ma o WM. NOTLEY, ;Peresidena. ROBT. M. KAAOAO, Kakauolelo. Kalaupapa, Molokai, Feb. 2, 1898.