Ka Nupepa Kuokoa, Volume XXXVIII, Number 13, 31 March 1899 — KELA HAUNAELE MA KAHUKU. [ARTICLE]

KELA HAUNAELE MA KAHUKU.

Ua lilo kela haunaele o na Iapana ame na Pake ma ka Mahiko o Kahuku, Koolauloa ae nei, ma ka 1 Safoati aku nei, i mea e koi ia ai na luna mahiko ame na ona mahiko o Hawaii nei, e 6ioonoo i na mea e hiki ai ke kinai loa ia ka ulu ana mai o na hana elike iho la me keia. O ke ano lili pili lahui o keia mau lahui elua, aole ia e E mau ana no ia mea mawaena o laua. O keia haawina lili a inaina i komo iloko o ka houpo o kela ame keia Iapana no nei mea he Pake; a pela hoi ka Pake i nei mea he Iapana, aole ia he haawina i lauhue wale no mawaena o keia mau lahui. Aka, he haawina keia i lumal paa loa ia iloko o . a lahuikanaka apau o ke ao nei. Ua hookumuia nei mea he lili, he inaina ana i ka poiuiu o ka lani, ma ka umauma o ka honua, mahope iho o ka haule an'a o na "hawae mua" o ka laukanaka o ke ao nei. Ua moe kolo lio mai keia haawina a hoea i ka pukui kanaka o ka ohana hookah'i maluna o na ale apiipii a kupikipikio o ke kai a Kahinalii, a hoea loa mai la i ka weli ana o ka hanauna kanaka ,hou ma o na welo la a Noa, a pela ka nee ana mai a hoea i keia mau la, a e mau aku ana no a hoea i o lilo loa e kiei ana i ke au o ka Milenio. Aia a "hoea i ke kau o ka Milenio, alaila, hooki ia keia naawina no ka ulu hou ana iloko o ke kanaka. Aole hoi i kaupale wale ia no keia mau haawina iloko o na hanauna kanaka, aka, aia no iloko o na welo ame na hanauna o na holoholona. 0 ka milenio, oia ka; wa e pau ai keia haawina msi loko mali o lakou, elike me ka pau ana oia mea mai na hanauna kanaka aku. Nolaila, oiai aole i pae mai ka Milenio, he mea pono loa i na kiai o kela ame keia poai o na kanaka—limahana a limahana ole, kauwa a kauwa ole, haumana kula, a pela aku—ke kiaila me ka makaala, o poha ke au' awahia o ka inaina mawaena o ia mau poai, a ninini ia na haawina awaawa, elike la me ka mea i ikeia mawaena o na Pake ame na Iapana ma Ka-huku. He mea pono ma ko makou manao ana, e hoomahuahua na mahiko i na makai kuikawa iloko ponoi iho o ko lakou mau kahua hana.