Ka Nupepa Kuokoa, Volume XXXIX, Number 18, 3 May 1901 — KA AHAOLELO. [ARTICLE]

KA AHAOLELO.

Oiai ua pau k<?ia kau Ahaolelo me ka laknu mau hana he mea kupono paha ka wehewehe pokole ana i ko makou manao no na hana I hana ia e lakou. He kanaono la a oi I hala ae nel ua hoomaka lakou i ka lakou hana. Ua kali aku hoi kakou ka lahui o ka ike i ka lakou mau mea e hana mai ana no ko kakou pomaikai ame ka holomua hoi o Hawaii aloha. E like no me ka mea maa mau i na poe akahi no a hana I kekahi. hana hou ua loihi ka manawa i hala mamua o ko lakou ike ana i na hana kupono a lakou e hana ai. Mamua o ka noho ana o keia kau ua hul mau na Home Rula no ka hoomakaukau ana i na bila ano nui a lakou i manao ai lawe mai Imua o keia Ahaolelo. Ua noonoo pu lakou me na hoa akamai e ae mawaho o lakou no keia mau mea eia nae ka mea apikT i ka hiki ana mai o ka manawa no ka hana ua ae lakou e waiho ia keia mau bila ano nui a lakou i manao ai a mahope loa. Ua hana lakou 1 ka hana me kahi ike 1 loaa ia lakou. Ua ae wale kekahi o lakou i na hoowalewale ia mal e hookomo Ina bila ano ole. Nui ka hoopaapaa la o na rula. Nui ka olelo ia ua lawe kekahi o na Lunamakaalnana 1 ke dala kipe, aka nae aole he mau mea e hooia mai ana i ki oiaio maoli o keia mau olelo. Ua nui ka ulolohl, o na hana. I ka ike āna nae o na Lunamakaainana ua kokoke e pau ka manawa a he uuku loa na wahi mea i hanaia ua hoomaka koke lakou e lawe mai ina bila ano nui a hana ke ao me ka po i pau koke. Ua hoao aku lakou e noi i ke Kiaaina e haawi hou mai i mau la hana hou no lakou aka ua ike ke Kiaaina i ka pau wale o ka manawa ma na mi*a ano ole. ame ka nui ino o na hoolilo, nolaila ua hoole mai oia aole e ae e haawi hou mai i mau la hana hou no lakou. XJa ike iho la lakou aohe mea i koe o ka hana wale iho no e like me ka eleu i hiki ia lakou i ike mai ka lehulehu ua hana lakou i ka hana. a i na aole e kakaulnoa ana ke Kiaaina i keia mau bila i hooholo ia me ka pupuahulu nui meia no ia ua hana aku la no lakou i ka lakou hana. Holo ka bila Kalana a me kekahi mau bila ano nui e ae a koe no hoi kekahi mau bila \ manao nui la 'e lakou, a lakou hol I olelo aku 1 ka lehulehu e hana ana lakou.

Oiai ua hiki mai ka manawa hope loa 0 ka lakou hana a ua ike ia na meā 1 hana ia ame na mea i hana ole la ua hiki ia kakou na makaainana ke ku iho a nana, ua hana auanel lakou i ka hana mie ka holomua a aole paha? Ma ko mkou noonoo ana me ka hoopllimea ai ole ua hiki ia makou ke olelo ae ua uuku na pomaikai, nui na hoolilo me na mea waiwai ole, aole i hooko ia ka makemake o ka lahui, ua hoikeike aku lakou la Amerika i ko lakou ike ole ma na hana kalaiaina, ua hiki ole ia lakou ke kue i na Repupallka kakaikahi a ua uhauha wale i ka manawa ma na mea waiwai ole. Ua hoao no lakou e hana i ka hana, aka, ua nele i ka lke kupono no ke kue ana i na Hepupaiika naauao kakalkahi. No ke >45,000 a kakou ka lahui i hoolilo ai no ka lakou hana ua loaa mai ka emi o na auhau o na illo wahine, ame na wahi pomaikai kakaikahi loa.

Ke noi aku nei makou ia ouhou ka lahui e noonoo pono i keia kau Ahaolelo ae. a mai ae e koho i na kanaka i kupono ole i kela hana ano nui no ka mea he Home Rula oia aka, e koho i n<i kanaka au i manao maoli ai no ola ka mea kupono loa, me ka nana ole I kona aoao Kaiaiaina. Ina aia oia ma ka aoao Repupalika a he kanaka kupono nae oia a ua manao oe e hana ana oia i na mea e pomaikai ai kakou ka lahui e koho iaia me ke kanalua ole. Pela n«» ma ka aoao Demokarata. Eia hou kekahi mea I ike ia i keia kau oia no ka hoi ana mai nei oka Elele WiilkoKl a a'o mal ia kakou, ka lahui. o na Repupalika ka aoao maikai loa a ola no hoi ka aoao ikaika loa ma Amerika. Noīaila i na ua makemake kakou e ku ma ka aoao e loaa mai ai ka pomaikaiia kakou e koho kakou i ka hapanui ma keia aoao. Mai manao kuhlhewa oukou o ka Home Rula Repupalika o Hawaii nel ua like ia me ka Repupalika o Amerika aole loa. Oka Repupalik \o; Amerika he Repupalika noia a o ko kakou nei Home Rula Repupalika he oikoa no ia, a ua Uke ko laua like ole me ka po a me ke ao. E pono kakou e koho ma ka aoao e loaa- mai ana na pomaikai ia kakou ao la no ka aoao R* pupalika a ko kakou Elele i hoi mai nei a hooia mai ia kakou. ka lahul.