Ka Nupepa Kuokoa, Volume XL, Number 7, 14 February 1902 — Aia ma ka Lumi Kalaunu i keia wa LIKE KE KIURE NIENIELE ME NA LUNAMAKAAINANA—KIAI PAA IA LAKOU. [ARTICLE]

Aia ma ka Lumi Kalaunu i keia wa

LIKE KE KIURE NIENIELE ME NA LUNAMAKAAINANA—KIAI PAA IA LAKOU.

Kauoha ia Kekahi Mau Makai e Kial Mawaho o Hele ae Kekahi Poe e Nana i na Kiure ma ka Lakou Hana. Aia na Kiure Nieniele, a i ole Kiurej Kiekie paha, ma ka lumi kalaunu o kai Hale alii kahi i malama ai i ka lakou! mau hana i keia mau la. He noho kalaunu ko ka lakou lunahoomalu, a he pakaukau hoi ko kela ame keia kiureUa like loa lakou, ke nana aku, me na Lunamakaainana o ke kau kiure i hala. He lumi nui keia o lakou a ua lawa pono hoi me' ka maikal, a he hookahi wale no pilikia o ka nui loa o na puka aniani o keia lumi, a nui hoi ka poe hiki ke hele aku e nana i ka lakou hana, a hoolohe paha oiai lakou e nieniele ana i na hoike. Ua Ike ka Makai o ka Aha i keia piiikia i ko lakou manawa i hiki aku ai. Ua maopopo iaia he ekolu aoao o keia lumi i paa i na puka aniani, a ua hiki loa 1 na kanaka mawaho ke nana mai ia loko. Aia wale no ka pono 'a he pani mau ia no keia mau puka aniani a paa loa, a oiai he mau la wela keia o kakou, ua kupono ole e hana ia pelaUa hele koke aku la oia e hoike i keia mea i ka lunakanawai Gia a kauoha ia mai la oia e hele aku e hui me Makai Nui Balaunu. I kona hele ana e hui me ka Makal Nui ua haawi ia mai la iaia he elua makai no ke kial ana i ka maluhia o ka hana a na kiure. I ka hiki ana aku o keia mau makai ua kauoha koke ia laua e holoholo mawaho a e papa hoi i na kanaka mai ka hele ana mai e nana a e hoolohe paha i ka hana a na kiure. Nolaila i keia manawa ua pau ka maka'u ana ae o ike ia aku ka lakou hana a hoolohe ia aku paha ka lakou mau ninau i na hoike. O kekahi o na hihia ano nui a lakou e nieniele nei oia ka hihia o Henry Ahfai, ke keiki pake i make ai i ka uwila ma ka Hale kual nui o Makanani i kekahi manawa i hala aku nei. Ua hoike ia aku nei kona make i kekahi o kona mau ohana ma Kina a ua noi mai nei lakou e koi poho ia ka hui uwila a 1 ole ia ka hui o Makanani no keia pilikia. Ua haawi ia keia hana i

loko o ka lima o kekahi mau loio ma Hawaii nei, a ua lawe ia aku hoi imua o ke kiure nieniele. (>'kekahi mea nui loa, oia ka maopopo ana o ka aoao i hewa. Aole i maopopo owai la kai hewa o ka Hui Hale Kuai paha o Makaiiani ma, a i ole ia o ka Hui Uila paha. E noho hana ana keia keikl malalo o Makanani ma i ka manawa i loaa al iaia keia piiikia, a aole hoi maialo o ka hui uila. Eia nae ua loaa iaia kona make, aole mai ka hui mai o Makanani ma, aka, mai ka hoohemahema mai o ka hui uwila i ka lakou mau uwea uwiia.