Ka Nupepa Kuokoa, Volume XL, Number 8, 21 February 1902 — NO NA PILIWAIWAI. [ARTICLE]

NO NA PILIWAIWAI.

Ma kekahi wahi o keia pepa ua hoi- j ke aku makou i ka piliwaiwai ana o ke Jcahi kaikamahine Hawaii ame kona apuka ana ia e kekahi haole. Ke mahalo nei i ka nana pono o keia kaikamahine i' kona waiwai ame kona alualu ana a paa keia haole a lawe ia imua o ka makai, aka, ke menemene nei makou i ka ike aku i na makuahlne ame na makuakane o keia mua aku e hoohala ana i ko lakou manawa ma keia hana waiwai ole. Ua piha na alanui o keia kulanakauhale i na keiki e pili hapaumi, pili mabala a e pili plhi ana paha. Ua plha na uapo i na makuakane e pili 'iaia ana me ko lakou iaau kiai e makaala ana 1 ka hiki mai o na makai. Ua piha na home i na makuahine e ki-pa ina a e kali ana hoi o ka puka mai o na hua ki-pa. E hooikaika ana na keiki e piha ko lakou mau pakeke hapaumi a i ole i ka makani, e hooikaika ana na makuakane e piha ko lakou mau eke i na dala a 1 ole i ka makani, e hooikaika ana hoi na makuahine e loaa na moeuhane maikai i loaa al na hua ki-pa a na Pake. He mau hana keia i ike maka'la, a o na mea i ike maka ia ka makou e lawe mai nei. Ke olelo mai nei lakou apau aohe he waiwai o keia hana, aka, eia no ke hana nei. Ua Ike no i ka nele ma keia hana hoomau no nae me ka manaolana e hiki mai ana kekahi la "iaki." Aole makou e olelo aku ana he hana ino kela a he mea a he mea, oiai ua maopopo i kela ame keia ia mea a na lakou e koho no lakou iho, aka ma ko makou ano he wahaolelo no ka lehulehu, he hana maikai na makou ka hoike ana aku i ka polno o ka lahui ma keia hana, aole o na ohana aka, o ka iahui holookoa. 4 Ina e pili waiwai ka makuakane a ki-pa ka makuahine e hiki anei ia iaua ke papa aku i ka laua mau keiki aole e hana ia mau hana? Ina e hoomaka na keiki e piliwaiwai mai ko lakou mau la opio .mai e hoopau ana anei lakou i ko lakou nui ana ae? Ina e pili waiwai na makua ame na keiki heaha ana ka hopena o Hawaii nei ma kela mua aku? E ae ana anei kakou e lilo kakou i lahui pili waiwai, e lu wale

ana i ka kakou loaa ma keia hana i •maopopo ia kakou aohe he waiwai? E > noonoo a pane i ka haina o keia. mau ninau nou iho. Ke manao nei makou o ka waiona ame ka piliwaiwai na hana nana kakou e hoilihune nei, e paa nei ilalo, a ina kakou e mokumoku ae 1 keia mau! kaulahao e hiWi mai ana he luhile hauoli. E maliu mai e na makua, na keiki, na kakoo o Hawaii, a e wehe ae i keia mau ino, a nee aku imua a iluna no ka pono, ka pomaikal, ame ka hanohano o Hawaii aloha.