Ka Nupepa Kuokoa, Volume XL, Number 8, 21 February 1902 — Ku ke Kuka o ke Kapena i ka Poka PAKELE KONA OLA I KA PU A KE KUENE O KA MOKUAHI PERU— UA PAA OIA. [ARTICLE]

Ku ke Kuka o ke Kapena i ka Poka

PAKELE KONA OLA I KA PU A KE KUENE O KA MOKUAHI PERU— UA PAA OIA.

Ua Hana ia Keia Hana ma Hongkong Oiai Keia Moku Malaila —Ua Manao ia Ua Aloha Like Laua i ke Kai- . kamahine Kuene o Luna o Keia Moku. O kekahi o na mea hou ano nui i loaa mai na aina e mai oia ka hoao ana o kuene Albert Marshall o ka mo-ku-ahi Peru e ki i ke Kapena A. F. Pillsbury i ka pu. Ma na olelo ike i loaa mai, me -he mea ala ua a! )ha like laua 1 ke kaikamahine kuene o luna o keia moku, a iloko o ko laua aloha ua lili aku kekahi i kekahi. He laki wale no ka i)akele ana o ke ola o .ke kapena mai ka poka aku a keia kuene. Ua ku lihilihi aku la oia ma kona kuka, a puka ka poka ma kekahi aoao me ka loaa ole iaia o kekahi pilikia. O kekahi kumu paha hoi i hana ai ke kuene i keia hana oia kona ona. Ua lehulehu na manawa i ike ia ai oia e hana ana i na hana kupono ole i kona manawa ona, aka, o ka manawa mua loa keia ona i iawelawe ai i ka

pu. Eia oia ke paa ia nei ma Hongkong a hiki i ka manawa e hookolokolo ia ai kona hihia. Penei ka oielo ike a ke Kapena i kona manawa i ninaninau ia ai: "O ke kuene he kanaka maikai oie oia *i kona manawa ona. I ka po i hana ia ai keia hana, \ia ike' aku la wai e hele ana i ka lumi o ke kaikamahine kuene a hoio aku la wau e hookaawale iaia mai ia wahl mai. Ila hoopaakiki oia a aumeume maua a hiKi mai ke kiai po ame kona \ima kokua ua hoihoi aku ia maua iaia iioko o kona iumi. Ua noho malie oia no ke,.kahi manawa. Mahope maj ua hele hou mai la oia e mihi i ke kaikamahine mamuii o ka nui o kona maka'u i ka ike ana mai ia mauA e aumeume ana. Ua noi aku la wau i ke e hoi hou aku oia iloko o ka lumi u ana i noho mua ai. Ua hele py aku la wau me iā. a hiki iloko o keia lumi ona. Ua moe aku la oia iiuna o W koki a ,noho iho la wau ma kekahi wahi kokoke i ka puka e komo aku.ai lioko o keia lumi. Ua hamama ka yuka ae a ana no ke kukui mamua pono o ka puka o keia lumi. Ua piha paha ka iwakalua minute o ko maua noho ana iloko o keia iumi i ka manawa a'u i iohe aku ai i ke kuene e pii mai ana me kana pu me ka olelo pu ana mai, "E Kapena Pillsbury e make ana oe ia'u." I keia manawa wau i nana aku ai iaia a ike aku la iaia e hoorriakaukau mai ana e ki ia'u i ka pu. Mamua o ka hiki ana ia'u ke hoopakele ia'u iho ua lohe aku la*wau i ke kani o ka pu a ku mai la k.o'u kuka i ka poka a puka ma kekahi aoao. I keia wau i holo aku ai e "hookaawale a* i kana pu, a ia maua e aumeume ana no keia pu ua hili ia mai la ko'u poo me ke au o ka pu. I keia manawa i lohe mai ai kekahi alii moku ame ke kiai po ia maua a hoJo mai la e kokua ia'u. Me ko iauk kokua ua hoihoi ia a hoopaa ia ke.ia kUene. I ke kakahiaka ae ua heie aku la wau iloko o kona lumi a loaa aku la kekahi pahu poka e waiho ana iluna o kona moe. ITa noho keia kuene ma ka moku-ahi Peru no umi kumamaiima mahina. He inoino oia ke ona." I ka hoike ana o keia kaikamahine i kana olelo ike ua like loa no me ka keia Kapena koe wale no aolē oia i , ike mai i kel«ahi mau hana i hana ia mawaho o kona lumi mawaena o laua. Ma ka hoike a keia kuene ua maopopo loa ua keakea aku ke Kapena iaia mai ka. hui ana aku me keia kai- | kamahine, a mamuli o keia kumu ua pii kona huhu a hooholo e hana i ka hana ana i hana aku la. | . Aole i maopopo ka mea e hana ia ana i keia kuene. Ke olelo nei keia kapena i kona laki. Ina oia i loaa pono mai i keia poka'me nei aole oia e ike hou i ka moana uliuli ana e kaahele nei.