Ka Nupepa Kuokoa, Volume XL, Number 21, 23 May 1902 — Na Ale o ka Moana [ARTICLE]

Na Ale o ka Moana

Ua olelo ia o na ale o ka moana Atelanika Akau, ua hoomaopopoia ko lakou kiekie mai ka 24 a ke 30 kapuai, a o ke kiekie loa aku he 43 kapuai, o ka haahaa loa he 18 kapuai ke pa ka makani ma ke komohana mai. O ke kiekie o na ale o ka moana Pakipika, 33 kapuai, moana Atelanika Hema, 22 kapuai, ke kiekie o na ale ma ka Lae Hao, 32 kapuai; ma ke Kaiwaenahonua, 14 1/2 kapuai; Moana Miana, 12 1/2 kapuai; Kaikuono o Mekiko, 20 kapuai; Kai o Alanuihaha, 14 kapuai; Kai o Pailolo, 9 kapuai; a o ke kiekie o na ale o Kaieiewaho, 4 kapuai. Ea! kau no ka weli i na ale o ka Moana Anu Akau, aka, ua oi loa aku ka weli i ka ino o ka Lae Hao.