Ka Nupepa Kuokoa, Volume XL, Number 44, 31 October 1902 — Pahu e Lele loa iloko o ka Lewa. PAHU KA PAUDA ELEELE MA KAHI WAWAHI POHAKU MA PUUNUI—MAKE O J. M. GARRATTA I KA MANAWA POKOLE LOA. [ARTICLE]

Pahu e Lele loa iloko o ka Lewa.

PAHU KA PAUDA ELEELE MA KAHI WAWAHI POHAKU MA PUUNUI —MAKE O J. M. GARRATTA I KA MANAWA POKOLE LOA.

Ma ke pahu ana o ka pauda eleele iloko o ka lua pao o kahi wawahi pohaku ma Puunui, he hapalua mile mai kahi aku o ke alahao o ka Hui KaaUwila, i loaa aku ai ka make hikiwawe loa ia v J. M. Garratta he Pukiki hana i hana' malaila. I ka Poaiima i hala, Okatoba 24, i loaa ai kela. pilikia i ke kanaka. E like me na mea i loaa aku i ka oihana makai pili i ke kumu o ka ulu ana mai o ka pahu ana, ina he mau kumu kekahi, ua loaa aku keia ia la{kou, ua kau aku keia poino maluna o ' ke kanaka mamuli o kona hemahema no. He wahi wawahi pohaku nui kēia o Puunni. Ma kahi o ka hana e ku ana he enekini mahu kahi e loaa aku ai ka ikāika i ka mikini wawahi pohaku, a o ke keiki a ke kanaka i make ai oia no ke paoahi, a oii. no ka mea i ike i ka pahu ana o ka pauda. Ma ka auwina la o ua la la ma ka hora 3:30 e hana ana o |Sarratta maluna aku o kahi hana pohaku; o kana hana malaila oia no ka pao ana i na pohaku nunui kahi hoi e hookomo aku ai i ka pauda no ka hoopahu ana, a i'ka manawa e pahu ai aole e nele ke kakaa mai o na pohaku ma kahi o ka hana, kahi i makemakeia ai e kakaa mai. I ka hohonu kupono ana o ka lua ua hookomo aku la oia 1 ka pauda eleele iloko o ka iua pao a o ka mea i hoo- . maopopo ia he 4% klni pauda oia ka lawa kupono. He pauda no ka i nininiia iioko o ka lua alaiia hoohana aku la me ka hao loihi nona ka loa o 35 kapuai a he elua paha kini me ka hapa o ka hoopiha ana me ka hoomau no i ka pahupahu i ka pauda me ua hao loihi nei i mea e pili iho ai ka pauda, oia no ka wa i hoopuiwaia ae ai ka poe noho o Puunui a lele ana iloko o ka lewa na pohaku ame ka lepo. O John Piko, ka mea e ku ana ma kahi o ka pauma, oia ka i alawa ae i i ka lewa i ka manawa jp hoi i kupono > loa i loaa ai iaia no ka/ike pono ana i . ke kino o Garratta lluna. i ka lewa e » iho mai ana me na pohaku I hooleleia i e ka ikaika o ka pauda. I ka manawa

i mao ae ai ka lewa i ka pouli o ka uwahi lepo a ka pauda i hoopuehu liilii ai ua hele koke aku la o John Piko ame ke keiki a ke kanaka i poino i kahi 0 ua kanaka nei e waiho ana ua loaa aku la ia laua ka ike ua kiolaia a haule aku o Garratta he kanawalu kapuai mai kahi ona i waiho ai a hiki i kahi ona i hana ai. Ua loaa aku kona kino e waiho make ana. Ua hai koke ia ae ka lono i na makai a o ka pii koke mai la no ia o *ka Hope Ilamuku Chiilingworth ame kona hoa hana i kahi o ka hana. Ma ka hoomaopopo ana ua ikeia he pahu ikaika kela mamuii o ka loaa ana aku o kekahi pohaku nui i kiolaia he haneli kapuai mai —kahi mai i pahu ai a kahi ona i loaa aku ai e waiho ana. Ua hoao ae ka hope ilamuku e olokaa i ua pohaku la ua hiki inoino iaia ke olokaa aku. Aia he mau palapu maluna o ke kanaka aole nae i ka inoino loa a ua laweia kona kino 1 kahi o ka Papa Ola. O kia mea wale no i loaa aku no ke kumu o ke pahu ana oia paha ka huna ahi mamuli o ka pahupahu ana o ke kanaka i ka hao a pa paha i ka paia pohaku alaila loaa aku i ka pauda ke kumu hoi o ka pahu ana a puehu lillii ana na pohaku ame ka iepo iloko o ka lewa. He kanaka o Garratta i hiki aku na makahiki i ke 46 a aia hoi kona home 1 Kalihi. Ua haaiele iho oia ma keia ola ana he wahine, he mau kaikamahine ame hookahi keikikane.