Ka Nupepa Kuokoa, Volume XL, Number 44, 31 October 1902 — Na mea hou o Maui. [ARTICLE]

Na mea hou o Maui.

KA PEPEHI KANAKA MA KIHEI. MAUI, Okatoba 25.—Ma ka la 23 o Okatoba oia ka Poaha, a i ka auwina ia ka hana ia ana o kekahi hana ku i ka manaonao e kekahi Iapana i kane maluna o kekahi wahme Kepani riīa Klhei. E hookahekahe wai ana ka wahine Kepani iloko o ke ko oiai oia e hana ana ma ka mahiko oia no ka manawa 4 houhouia aku ai kona kino e kekahl Kepani kane ma ka inoa o Fujita me ka pahi. Mahope koke iho o ka hana ia ana o ka hana e ua Kepanl nei ua ike koke ia aku la oia e ka hapanui o ka poe Kepani a oia no hoi ka manawa i haalele aku ai ke kanaka pepehl wahine i kahi a ka wahine e waiho make ana. Ua loaa aku o Fujita ke kanaka pepehi kanaka i ka llma o na makai a noho ana iloko o ka halepaahao o Wailuku a ma ka hoblohe ana o ka L.una-1 kanawai McKay ua aku ka hoahewa maluna o ka lawehala a e laweia' aku ana i ka aha klure e noho mai ana i "Lahaina i ke kau o Dekemaba ae nei no ka hoolohe ana iaia. E lawe loa ia aku ana oia i Honolulu i keia la. I ka manawa i loaa aku ai lta wahine ua make loa oia a e kau ana na r>f*«*.ar> u pahi maluna o kona umauma he ewalu ka nui o na pahuna pahi i ikeia. j Ma ka olelo a ke kanaka pepehi wahine Fujita ua hoike ae ia mau olelo ua aelike ka wahine me ia e male laua oiai iaua i Hawaii aka ua holo malu mai ka, wahine a pela i loaa ai keia manao mamuli o ka lili wahine ke kumu o ka hana ana i kela h$na hoomainoino. i LELE I KE KIANA PAUDA. E Mr. Lunahooponopono: Aloha oe: E oluolu oe e hookomo iho i keia wahi mea hou ma kahi kaawale o ka kaua mllimili: Ma ka la 20 o Okatoba, ma Honokohau, Maui, ua pahuia o Geor&e Kenikeni e ke kiana pauda a ua loaa iaia na palapu ku i ka manaonao, ua moku ka peahi lima, ua lele paha i ka lewa me na manamanalima aole 1 loaa. Ua palapu ma ka umauma pela no hoi me na maka, a ke nana aku he ku i ka manaonao. I hele oia i ka hoopahu ia oia wale no a loaa ai iaia keia poino. Ua kelepona ia ke kauka i Lahaina a ua hiki mai oia i ka la 21, a ua lawe ia ka mea i poino i Lahaina na ke au- { puni e malama. Aole ona ohana maanel, aia kona ohana i ka aina KetTtkeni. Nolaila, eia ka leo ao i o'u mau kini mai Hawaii o Keawe a Kauai o Mano, mai lawelawe hou i keia hana o polno ka noho ana me ka ohana pilikia ka wahine ame na keiki. Nolaiia, he kuli ka make he lohe ke ola. JOHN KAPAKU. Honokohau, Maui, Oct. 21, 1902. HE HANA I MANAOIA E HOOPOINO. Ma ke ahiahi Poalua, la 21 o Okatoba i hanaia ae ai kekahi hana lokoino ma ka halekula o Maunaolu. Ka hana i hanaia oia no ka hoao ana ae e puhi i ka halekula o Maunaolu i ke ahi, aka, aole nae i ko kela manao ino. Ua hoomaka ae ka a ana o ke ahi ma kekahi mau pela o loko o ke keena malama ma'i a ua hoopio koke ia i ka manawa no i ike ia ai. O ka mea i oi loa ka €haehrf oia no ka hoahewa i kau aku maluna o elua haumana kaikamahine na mea i hana i keia hana aloha ole, o laua no hoi na kaikamahine i ikeia no ko laua hoohalahala mamuii o ka ma'i i loaa aku ia laua o ke aioha i na makua. He mau kaikamahine opiopio laua, hookahī> no Kauai mai nona na makahikl he 12, a o kekahi no liahaina nona na makahiki o 17. He mau haumana komo hou laua, o ke komo ana iho nei no ia i ka hoomaka ana o keia hapaha kula. Ua laweia ae laua i Makawao i ka Poalima la 24 no ka hooloheia mai e na ldure. PAKE LAWE OLA. Ma ke kakahiaka Poalima, la 17 o Okatoba i loaa aku ai ke kino o kekahi Pake ua make loa e lewalewa ana iloko 0 ka hale Misiona Pake ma aPia oiai ua nikiiia kona kani a-i me ke kaula. O ka nanaina o ke kanaka ke kumu o ka loaa ana aku o keia haawina maluna ona oiai he kanaka nawaliwali oia ma ka noho ia ana e ka nia'i iloko o kona akemama, he mea hoonahili wale aku 1 ka noonoo a loaa ka mea uiha e koiia ai ka noonoo o ke kanaka e hana i ka hana lawe ola. Ma ka po aku mamua ua hele mai oia a noi e aeia aku oia e moe iloko o ka hale Misiona Pake. Ma ka noho ana o ka aha kolonelo ua loaa aku ka lakou olelo haoholo ua make ke | kanaka mamuli o kona kaawe ana iaia iho.