Ka Nupepa Kuokoa, Volume XLI, Number 12, 20 March 1903 — E na Hoa Kaukanawai. [ARTICLE]

E na Hoa Kaukanawai.

Eia no ke oili pulelo hou aku nei ke poo manao o kela pule i hala aku nei iloko hoi o na kolamu o ka kakou hiwahiwa nei imua o oukou i keia la, a nolaiia e heiuheluia me ke kui'o. Ua hoouna pakahi ia aku oukon, e na hoa kau kanawai iloko o na £>aia ihiihi o ke Kapitola Hale, no ka hana ana i kanawai a mau kanawai naha no ka hooholomua ana i ke aupuni iniua a no ka pomaikai o kahi koena iahui i koe mai o a o o ka aina; no ka hooponopono ana ,i na kanawai e hookupiiikii nei i ka aina ame ka lahui, a no ka hooholo ana i mau haawina dala no ka hoonee ana i na hana o ke aupuni imua. O keia mau mea '&pau i hoikeia ae Ia maluna, hui ia me ka bila Kalana a Kulanakauhale hoi, hanaia, hooholola a hoomanaia e ka makapeni a ke Kiaaina, a koe ke kanawai a ka mea kakau, e manao nei, e hoomauia ka hanu ola o keia lahui maluna o ua kanawai la, aole loa he .wahi huna wai\vai oia mea. O ke kanawai e apo ana iloko o kona kino lahilahi, "ka loina o ka hoomau ia o ke ola o keia iahui, "oia kekahi o na kanawai loa a ke kanaka aloha aina oiaio e iawe ai iioko o ia paia ihiihi, a ma ka inoa hanohano, inoa aloha a inoa maewae hoi 0 "Hawaii Paeaina" ke paipai aku nei ka oukou Kauwa opio nei, e hana mai oukou i kanawai a hooko hoi i ka motto a Kalakaua, Ita Moi Ehiku o Hawaii Paeaina, "Hooulu Lahui." Ia ouleou, e na oiwi ponoi o ka aina ka'u leo paipai a ano ka hora e noonoo mai ai oukou. ; u ka imifa o oukou i keia manawa e o'u mau hoa hanohanq o ka Ahaolelo Elua o ka Teritori o Hawaii, oia no keia mau ninau. "Heaha la na kumu e emi pu nei fca lahui Hawaii? Heaha la ka laau kupono e paniku ai i ka emi o ka lahui? Ma ka pule i haia ua hooaiai aku au he hookahi kumu o ka' emi pu o ka lahui, ka hookae o kekahi hapa o na wahine Hawaii i na kaile Hawaii, a o kekahi kumu a'u e manao nei oia no ka malama pono ole ia ana o na pepe liilii. 6 na makuahine hoopono a makee l ke ola. o ka lakou mau pepe, o iakou no ka pohaku kihi o ke aupuni, a na na makuahine hoopono a makee i ka hanu ola o ka lakou mau pepe i hoolilo ia Pelekane, Farani, Kelemania ame Amerika Huipuia i mau aupuni poo maluna o ka ili o keia honua. Ma ka ninau ana a leeleahi poe makaikai i kekāhi wahine alii o Roma e iawe mal imua o lakou i kana mau mea makamae īoa, ua kauoha aku la oia i kana mau kauwa e laweia mai kana mau keiki, a panai aku la oia imua o lākou me keia mau oleio, "O keia ka'u mau mea makamae loa." Nolaila, e na hoa kau kānawai imua imua a lei i ka lei oiino o. ke "Oia mau 0 ka I/ahui." 1 BERNARD H. KELEKOLIO, ' Mai poina i ka heluhelu i ka hoike a ka Papa Oia no na make o ka mahina 1 hala.