Ka Nupepa Kuokoa, Volume XLI, Number 18, 1 May 1903 — Hoopaiia na Ka- huna Haole [ARTICLE]

Hoopaiia na Kahuna Haole

Arnold ame Dickson, na kahuna haole i hopuia e Hope Makai Chillingworth ma ka Poalua o ka pule i hala ka i hoopa'iia ma ka Poaono nei e Lunakariawai Wilikoki, a ma ke noi a ka Hope Makai Nui, ua kapaeia ka hoopai no umi-kumamakolu mahina. Ua manaoia e haalele mai ana keia mau haole ia Honolulu nei no Kapalakiko. He nui ka hoakaaka o na olelo hoike i loheia ma keia hihia. Ma ka olelo hoike a Hope Makai Nui Chillingworth ame Makai Mulleitner, ua Ike maopopo ia aku he hoopunipuni maoli no na hana a keia mau haole. a aohe hoi he pololei o na mea i ha'iia mai. Ma ka Mulleitner olelo hoike, ua olelo mai oia ua haawi aku oia i kekahi ninau ina he oiaio ke aloha nei no kana wahine iaia, a ua nui ko lakou kamailio ana e pili ana i ka wahina a Mulleitner, o ka mea apiki no nae, aohe a Mulleitner wahine. Ma ka Arnold olelo hoike. ua olelo mai oia he kahunapule oia i poniia o ka "Hoomana Uhane Baibala Manao Kuokoa" o Kaleponi a aia hoi ma kona lima kekahi palapala hookohu misionari e ae ana e hele oia e hoolaha aku i ka euanelio o hoomana, ame ka malama ana i kekahi mau hana e hiki ai ke kamailio pu me ka poe i make. 1 kona ninauia ana aku heaha la koria. mea i hewa ai i ka hana ana ia Chil!ing;worth ma, a ua olelo mai laua aohe 1 ha'i pololei mai na uhane. I ka wa e ninaninauia ana ua mau haole nei, ua olelo ae kekahi poe loio e ninau ae o 1 Chillingworth ina he rhea hiki ia laua ke hoike mai mamua o ka manawa heaha ana la ka Lunakanawai Wilikoki hooholo no ko laua hihia, a no keia mea, ua akaaka ka poe makaikai o ka hale.