Ka Nupepa Kuokoa, Volume XLI, Number 18, 1 May 1903 — Lele Naaupo mai ke Kaa Uwila [ARTICLE]

Lele Naaupo mai ke Kaa Uwila

Ma ka hora 8 o ke ahlahi Poaha nel, i ke kaa uwila Helu 12 e holo ana ma ke Alanui Moi a i ke kokoke ana i ke ala Robelo ma Kapalama, ua ku ae Ia iluna kekahl wahi ohua lapana me ka ike oleia a ku ana ma ka papa alapli. I keia wa i ike mai ai ka mea ohi dala a holo īnai e hopu, a kahea pu aku no hoi kekahi poe ohua e kaii a paa ka holo o ke kaa, a mamua o ko ke kanaka ohi dala hiki ana aku malaila ua lele aku la ua wahi lapana nei ilalo me ka huli ana o kona alo i hope. I kona pa ana i ka honua, ua hina mai la oia a pa pono kona poo 1 ka honua me ka ikaika, a moe malie. Ua hoouna koke ia ke kaa makai a laweii no ka Halemal lapana ma Alanui Liiiha, a ua ikeia iho ua naha kona poo. Ma kekahi komo ma kona lima, ua ikeia iho ka inoa "Kozai," a ua manaoia o kona inoa iā. Aohe i maopopo pono heaha la kana hana. . Ma ka malamaia ana o ka aha koronero ma ka Poalima nei, ua hooholoia ae ua make o Kozai ma ka loaa ana 0 kekahi ulia ma ka lele ana I ka wa e holo ana k e kaa uwila. No ka loaa mau o na ulia poino i na lapana, ua hui ae ka lunahooponopono Shiozawa o ka nupepa Hawaii Shinpo Sha me ka lunanui o ke kaa uwila a hoolala no ke a'o ana i na lapana 1 ke ano o ka lele ana mai na kaa uwila aku r . 1 kumu hol e pale aku ai 1 ka loaa hou ana o kekahi mau ulia polno n*i keia hope aku. Ua manao paha na lapana o ka hookani ana I ka bele, he hoailona ia e lele ana ola, me ke kali ole a paa pono ka holo o ke kaa. Ua ike mau na kanaka ohl dal& i kela mea.