Ka Nupepa Kuokoa, Volume XLII, Number 19, 6 May 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, MEI 6, 1904.                          3

 

KE KAUNAWAHINE O KE Kulanakauhale o Tarevis.

 

HE ALOHA I KA MAKA PAHIKAUA.

 

MOKUNA XXIV.

 

KE KAUA I KA MALAMALAMA O KA LAMALAMA.

 

            @ ka wehewehe loa ana o kaiao, alaila haalele aku la oia i kona @ a hoi aku ia i kona lumi a waiho aku la iloko o ka hia@ ka loaa pono ole o na pane kupono no ka ninau ana e nune @ pili iaia ame kona kulana iloko o keia wa o keia kaua.

 

MOKUNA XXV.

 

HOOMAKA KE KAUA O ELUA MAKAHIKI.

 

            I k@awakea loa o kekahi la ae i ala mai ai ka Emepera mai kona @, eia nae, i ka manawa no i makili ae ai o kona mau maka a ike i ka malamalama o ka la ua hoomanao koke ae la oia i na hana o ka po i hala iho a na ia mea i hoohaili ae i kona noonoo ana i keia k@ e paio nei iloko o kona Aupuni, he ninau nui hoi i hiki pono @ iaia ke pane a loaa ole ai no ka pane a hiamoe wale no oia. Ua hoomaopopo pu iho la no hoi oia ua awakea loa keia hiamoe ana ona @ nae ua ike oia i ka maha iki o kona kino mai ka nui hoomanawa @ iloko o ka hooili kaua o ka po i hala.

            Mahope o ka hooponopono ana iaia iho ua iho aku la oia ilalo @ ona i hui aku ai me ko ka hale. o ke Kauna no hoi aia iwaena o @ mau koa no ka hoomakaukau no ia lakou iho oiai aia no ke kau @ ko lakou mau maka o ka oili mai o na pualikoa o ka enemi no ka hoomaka ana o ke kaua. Ua halawai pu aku no hoi oia me ke Kaunawahine Tekela oiai e mau ana kona ano kunahihi no na hana o ka po iho a i ka pau ana o na mea apau i ka hemo mai ke kanaka opio ua hoi mai la kona noonoo a ka mau. me ke kau mau aku no nae o na haupu mau ana no na kupilikii e hiki mai ana.

            Ma ka aoao o ke Kakela Turona ua pii ikaika ae kona manao@ no ka lilo mau o ka lanakila iaia, eia nae aole i hoohala iho lakou i na hoomakaukau kaua ana, a ia kakahiaka hookahi no he manawa hana nui ia mawaena o na Akibihopa iloko o ke kulana ano ik@k@ o na hoike manao ana. Ua maopopo loa i na Akibihopa ka @ pa @ o ka laua hoonohonoho kaua ana, a oia no hoi ka mea i @ loa ia ae ai ka manao hoohuoi o ka Akibihopa Hokedana. no ka @ ua loaa keia ike iaia he aelike kana me kona hoa no ka iawepio ana i ke Kakela Turona aole nae iloko o ka hookahe koko, a i keia @oi oia i hoomaopopo loa ai ua hana apakee kona hoa iaia, eia ka he hana hookahe koko ka mea e hanaia ana maluna o kona poe koa. Ma ke hakoko mua ana i makili iki ae ai o kona noonoo a i keia ua mohala pono no ka hoomaopopo i ke kekee o na hana.

            "Ua hoapakee mai oe ia'u," wahi a ka Akibihopa Hokedana. iaia i hui pu ae ai me kona hoa ka Akibihopa Iseneboga ma ko laua wahi maa mau o ke kuka, a o laua wale no hoi mawaho ae o na ka kauolelo Moneka a laua. Ua paneia aku keia mau olelo me ke ano @.

            "Aole au i makemake i kela olelo "apakee" au i hoopuka mai la" wahi a Iseneboga i pane aku ai me ka leo ano oluolu eia nae ua pihoihoi oloko ona, "koe wale no ina o kou manao e kau mai maluna o'u a maluna pu hoi ou. Malia paha ua hana apakee io aku wau ia oe aka owau no kekahi i hoapakeeia mai. A ina e ahewa mai ana oe ia'u maluna o ke kuhihewa alaila ua makaukau wau e hoike aku i na oiaio apau."

            "O oe ka mea i ike maopopo i ke ano o keia kanaka o Henerika, a no'u nei aole a'u ike nona." wahi a Hokedana. "Ua olelo mai oe ia'u aole a kaua hana nui koe wale no ka nee aku a noho iho a puui kona kakela. a o ka lilo no ia ia kaua. Ke ike nei au aole he oiaio iloko olaila."

            "Oia hoi ka'u i hoike mua aku nei ia oe i ko'u apakee ia mamuli o keia kuhihewa o'u." wahi a Anola i pane aku ai me ka leo oluolu.

            "Oia wale no ka hana hiki ia oe ke hana i keia manawa o ka he oia mai." i hooho leo ae ai o Hokedana me ka huhu nui, "he hana hiki ole ia oe ke hoole. O ka mea a'u i hoomaopopo mua ai @ou ua ike mua no oe i keia mau mea apau mamua o ko kaua nee ana mai ka mea au i makemake ai e huki aku ia'u e komo iloko o keia paio a'u hoi i kuleana ole ai, au hoi i hookikina ai no ke komo kaua maoli aku ma o kou alakai la, he hana hoi i hanaia me ka nui o ko'u apono ole."

            "No'u iho,' wahi a Iseneboga, "aole me a'u ia manao o ka hookiki@aia e kaua aku."

            "Aole e hiki ia'u ke manaoio aku i kau," wahi hou a Hokedana.

            "E kuu Haku, ua nui ino loa kou huhu i keia manawa ke kumu e hiki pono ole ai ia kaua ke kuka pono maluna o keia ninau e like me ka ano mau o na kuka maikai ana. Ua ulupuni loa ia oe a o kekahi mea nana i hooulupuni mai i kou noonoo oia no ka make nui ana o kekahi mau kanaka ou."

            "Aole wau i makemake iki e haawi hookahi ola o ko'u poe o Rine no na kakela apau o Mose-le," i pane aku ai o Hokedana me ka pii ino ana ae o kona huhu.

            "Owau kekahi i manao aku la e pakui ia manao au i hoike mai la a'u i kaumaha nui loa ai i ka lilo ana o ia mau ola makamae o kou mau koa ame ko'u mau koa pu no hoi kekahi. Ke manao nei wau he mea maikai ka hoopanee ana i keia kuka ana a kaua maluna o keia ninau a hiki i ka manawa e maikai ai na noonoo, e maalo ae ai hoi keia mau uluku nui ana a loaa hoi na kumu kupono e kananaia ai keia kumuhana ko'iko'i. E oluolu anei oe e hoopanee i keia ninau a ka la apopo?"

            "Me ko'uy naau apau. O ka kaua olelo e hoopuka ai aole loa e hiki ke hoihoi hou ia mai na ola makamae o ka poe i hala aku. I ka la apopo aole oe e puiwa ana i kekahi mau manao e puka aku ana mai a'u aku."

            "No keaha e kuu Haku?"

            "No ka mea, i ka manawa e puka aku ai wau mai keia hale aku, oia no ka a'u e waiho aku ai i na kauoha i o'u mau kapena no ka hoakoakoa mai i @a koa o'u a i ka'i huakai aku no ka hoi ana i Kolone."

            "Ua hoopaa anei oe i kou noonoo maluna o ia manao no ke kaulike mawaena o kaua?"
            "Ua hana kaulike mai anei oe ia'u? Ua hana apakee mai oe ia'u mai kinohi mai."

            "O ka elua iho la keia o kau olelo ana no keia apakee no'u e kuu Hak@, a no ka lua no hoi o ka manawa wau e hooiaio nei imua ou i ka oiaio ole o ia mea au e hoopaanaau nei. Ke a'o aku nei wau ia oe ma ke ano hoaloha aole e olelo hou no ke kolu o ka manawa."

            "Alaila e hooweliweli mai anei oe ia'u?"

            "Aole anei oe i hooweliweli mai ia'u ma o kou manao la e hoolele iho i keia kahua hoomoana? Ina e olelo mai ana oe aole oe e hoihoi hou i kau olelo alaila e kuka no kaua ma keia mua aku."

            "Ua paa kuu manao no ka hoi aku i Kolone."

            "No ka hoomaka ana anei e kukulu i ko halepule?"

            "Ua oi aku ka maikai o ia mamua o ka o-pa pu ana i na lolo o kuu mau koa no ke ku-e ana i ka a-la o Mose-le."

            "No ke kukulu hale ana e a'o aku wau ia oe i kau hana maikai e hana ai, a oia hana oia no ke kukulu ana i papu paa nou i Kolone ka mea hoi i oi aku ke kupono e loaa ia oe mamua o ka halepule."

            "O kou hooweliweli ana mai ia'u oia no ka haawina hookahi e kau ai maluna o kuu kulanakauhale."

            "He wahi mea o ia ano," wahi a Iseneboga. "Ua ulu mai ia mamuli o kuu hoomaopopo ano i kou ano hoaloha ana me ka Akibihopa o Meiana a'u hoi i ano maka'u ai i ko olua hui io. eia nae aole olua i hui a'u hoi i makemake ai e hookaawale ia oe mai ia hoa mai ou. a'u @o hoi i hooko io ai. Ua lohe au mahope mai i ka nui haalulu o ia hoaloha o kaua no keia kaawale ana. a ina oe e haalele mai ana ia'u ma keia paio aku i ke kakela alaila e hoohoaloha koke no wau me ia no ka mea ua loaa ia'u ka manaoio e hui io mai no oia me a'u mamuli o ko'u hoomaopopo aia ia ke maka-e la ia oe, ana hoi e maka'u mau nei no'u-a ina wau e hoohoaloha me ia e lilo io no ia'u kona manao. alaila, e hoomau aku ai i ka paio ana i kuu enemi a hiki i ka hiolo nui ana o na paia ilalo i ka honua. Malia paha e ninau mai ana oe no keaha @a wau i hoohoaloha ai me oe?"

            "No kou makemake e ko kou makemake." wahi a Hokedana, "a'u hoi i hoomaopopo loa ai i ka oiaio o ia mea i keia manawa."

            "Pololei." wahi a Iseneboga.

            "A pehea e manao ai oe e loaa ana ia oe ko'u hilinai aku ia oe mahope iho o ka hoike ana i keia oiaio ia'u?" i ninai hou aku ai o Hokedana me ke kuha'u nui.

            "Aole no wau e manao aku ana i kou hilinai mai ia'u." wahi a kona hoa kuka. "Mai ka hoomaka ana mai o ko kaua hui ana i hana ai au i ka pololei mawaena iho o kaua eia nae aole i hiliuai mai oe ia'u aole no nae wau i hoike aku i ko'u hoohalahala no ia mau hana au. Ua ike pu no hoi au aole no oe e hana mai ana pela ina no wau e hooikaika ana e lilo mai kou manao hilinai ia'u. eia nea, me ko'u ike no ia mea ua hooholo iho no wau i ko'u manao e ku oiaio aku ma ka aelike a kaua, a he mea pono no hoi ia oe e malama i ka mana o ka palapala aelike a kaua i hana ai."

            "Alaila e olelo mai ana oe e hoihoi hou wau i ko'u manao no ka hoi i Kolone," wahi a Hokedana.

            "Aole pela. E hooko aku oe no ka hoi ana ke hiki mai ka la apopo ke makemake oe e hana pela, a e ku laina aku kuu mau koa imua o kou mau koa no ka haawi aloha ana ia oukou, ia oukou e maalo ae ai. Aia a hala oukou alaila e mahelehele ai au i kuu mau koa iloko o na mahele liilii iho a e paio aku i ke Kakela Turona i ka po ame ke ao a hiki i ka manawa e lilo ai kona mau paia i puu lepo. Ua ike wau aole e loihi ia mau la a'u e hana ai pela he haawi manawa ana ia i kuu hoaloha o Meiana no kona alahele ianei e hui mai me a'u. a'u e kanalua ole nei o ka lilo pio o Henerike ai maua. he lanakila hoi ia a mai ia lanakila aku a ia oe i Kolone no ka ike aku ia oe ame kau hana kukulu halepule."

            Alaila ku ae la ka Akibihopa Hokedana a holoholo iho la ma ka aoao o ke pakaukau loihi e ku ana ka mea hoi nana i hookaawale ae ia laua no ka mea aia ka Akibihopa Iseneboga ma kahi aoao mai, a me na hiohiona ano e no hoi ua haku @a o Kolone e holoholo ana, me ka noonoo nui ana i ka nanaia aku-a hala wale kekahi mau minute o ka hamau loihi ana, ua ku iho la oia a pane aku la i kona hoa kuka.

            "Aole e hiki ia'u ke noho ma keia wahi a e ike aku i ka luku waiwai ole ia mai o kuu mau koa."

            "E like me ke ano mau o kanaka pela no i loaa aku ai ia manao kaumaha ia'u, a'u i hoomaopopo loa ai aole ia he haua maikai o ka luku wale ana i na koa; oiai no nae i kekahi manawa-i ka manawa e kupono ai a e hiki ole ai ke alo ae, oia no ka wa e ikeia ai i ke kupono o ka oihana pepehi. Ina owau wale no ke ku paio ana i keia kakela aole wau e hookuha'u iho i ka hoonee mau ana i ka ikaika o kuu pualikoa imua i na manawa apau a hiki i ka manawa e lilo pio mai ai o ka enami ia'u, aka, aole e hiki ia'u ke hana wale aku me ka ui ole aku ia oe, nolaila, ua makemake loa wau i keia manawa e hooponopono ae kaua i maopopo ai ko kaua kulana, oiai aole oe i hoopaa mai nei i kou hoi io, no ka mea, a'u e hoomaopopo la he hoohikilele wale mai nei no kau he mea hoopuiwa nui hoi. Nolaila, ina ia o kou makemake o ka lilo pio mai o ke kakela me ka hookahe ole ia o ke koko, ua makaukau loa wau e hui pu aku me oe a e hooko aku i ka hana. Pehea ia i kou manao?
            "He hiki anei na hoohana ana pela?' wahi a Hokedana i ui aku ai.

            "Me ka hoopaapaa ole. O ko kaua hookahua ana ma keia wahi imua o ke Kakela Turona me ka maopopo mua ole i ke Kauna Henerika e hoopuniia ana oia e ka enemi nolaila aole oia i hoomakaukau e iaia me ka ai e lawa ai kekahi manawa loihi. Ua kakooia keia mea a'u e olelo nei ma ka hoike ana mai o na makaainana oonei i ka uiia ana aku e o'u mau koa ina paha i hoopiha oia i kona kakela me ka ai, a lakou hoi i hoole mai ai."

            "Nolaila." wahi ana i hoomau aku ai, "ina kaua e hoopuni ana i ke kakela me ke kiai mau ana aole e nele ko lakou pololi ka mea hoi nana e koi i ke Kauna e haawipio. E hala ana kekahi mau la loihi paha aka aole he ola e lilo ma ia hana ana. A maluna o keia hooponopono ana ua ae loa wau e hui kaua a hana aku pela ke makemake oe, a'u no hoi e hoohalahala ole ai i na hoolala ana au apau e pili ana i keia hoolala hou a kaua ke holopono."

            "Pehea la ka loihi o ka manawa e ku kiai ai no ka hoopololi ana?" i ninau aku ai o Hokedana.

            "Aia ke kakela a eia no hoi na koa o kaua, a nau ia e hoomaopopo iho i ka nui o ka manawa hana, e like hoi me a'u e hoomaopopo pu ai. Aole i maopopo ia'u ka nui o ko Henerika mau koa me ia iloko ke kakela, aka, o ka mea e hiki ai ia'u ke hoomaopopo ioa hoi keia, ina aole e hookomo hou ia a e hoolawa aku ia lakou me ka ai, alaila e kau aku ana ka wi maluna o lakou apau alaila e kaa na ka lanakila ma ka aoao o na Akibihopa me ke komo ole o na koa i ka hakaka a e lilo ai na ola."

            "Ina e hooholo ana kaua ma keia hoopololi kaua e hana ai," wahi no a Iseneboga e hoomau nei i ka wehewehe manao ana, "alaila e haawi koke no wau i ke kauoha e li koke ia no kekahi ina e hoao ana e hana aku i ka hana e lilo ai ke ola o kekahi koa o kaua, a'u hoi i manao ai oia ka mea nana e hoomalu aku i na ano hookahe koko hou ana ma keia hope aku. Alaila e hoomamao mai no kakou ma kahi kupono e hiki ole ai na pohaku oloko e hoopoino mai ai ia kakou a oiai ua ike like no kaua i na hoohana kaua ana iho nei ua hiki no ia oe ke hookahua iho i kou noonoo maluna o keia mau mea e like hoi me a'u e noonoo ai; a'u hoi e manao nei ua kaa mai ka pono ma ko kaua aoao."

            Ia Iseneboga e wehewehe manao ana aia no ka Akibihopa o Kolone ke kunana la me na hiohiona hakumakuma o ke ano maopopo ole o kana mea e hana ai aka i ka manawa i hala ai kekahi manawa o ka hamau leo ana ua pane aku la ua Hokedana nei:

            "Aole o'u makemake e noho wale iho no imua o keia kakela o Turona no na la he loihi."

            "Owau no kekahi, aole o'u makemake e like me kau i hoike mai nei o ka noho wale ana imua o ke@a kakela, aka e hoomaopopo oe. aole na'u kela kumahana hoopololi aka nau no. He hooaiai wale ana aku nei no ka'u maluna o ke kumuhana, he mea hoi i pili loa aku i kou makamake aole e kaua aku no ka hookahe koko i lilo ole ai na ola makiamae, oiai o ka'u i hoike piha aku nei ia oe no'u iho oia o ka'u i hoike piha aku nei ia oe no'u iho oia ko'u mahelehele ana i ko'u mau koa a paio limaikaika aku i ke kakela i ke ao ame ka po. A i ka hui ana hoi me kou poe koa ke makemake oe e hana hou pela alaila e lilo mai ai ua kakela la ia kaua."

            "Aole, aole," i hooho ae ai o Hokedana, "e hoopau loa i ka hookahe koko. Ua lawa hoi i keia mau la iho nei."

            "Alaila ua pono," wahi a Iseneboga. "O ka'u wale no oia ko'u hui lokahi pu ana aku me kau papahana o ka hoopololi i ke kakela e like me kau makemake. Ke holopono ia i kou noonoo alaila e hoihoi aku oe i ka hapanui o kou poe koa i Rine, a pela no hoi wau i ko'u mau koa i Tarevis a koe iho ka poe kupono ma ko'u aoao a ma kou aoao, alaila e hoopuni hui kaua i ke kakela, ke manao nei wau aole e nele ka loaa ia kaua ka lanakila. O ka'u wale no i iini nui ai o ka welo like o ko kaua mau hae maluna o keia halelole, ina no e hoihoi aku i ka hapanui o ko kaua mau koa i ko kaua mau kulanakauhale pakahi iho a koe iho ka hapauuku no ka hoopuni an@."

(Aole i pau.)

 

MAKAI KIU

KALOKE * HOME

: AME KA :

Hihia i Huliia me ka Noeau

MOKUNA XIII.

HOOMOE ANA'I KA UPENA.

           

            I keia wa i hoomanao ai o Kakalaika i ke kauoha i haawi ia aku ai iaia ia kakahiaka, nolaila huli ae la oia a holo aku la no ka @ale leta. a aole i liuliu hoea ana me kekahi palapala a haawi aku la ia Kaloke. Iloko o ua palapala la e hoike ana penei: "Ua loaa mai kau ma ka uwea. E hiki aku ana wau me ka palapala hopu. I ka hora elima me kanaha minute.-LIKEKE."

            "O keia ka haina o ka'u mea i hoouna aku ai i keia kakahiaka." wahi a Kaloke i puana ae ai mahope o kona heluhelu ana i ka manao i hoounaia mai iaia. "Ke manao nei wau o keia kekahi o na kanaka makaukau loa ma ka oihana makai-kiu. a he mea pono no ia kaua ke kono aku iaia e hui pu mai me kaua ma keia mea. Ano, e Wakekona. ke manao nei wau aole he hana pono a kaua e hana aku ai aka o ka hele wale ak@ no e hui me ko hoaloha wahine. Lola Laina."

            I keia manawa akahi no a mohala mai ka papahana a Kaloke iloko o Wakekona. Ua maopopo ae la iaia eia o Kaloke ke hoohana aku nei ia Sir Ha@ale i maunu nana e hoowalewale aku ai ia Sepeletona. Iaia e manao mai ai ua hala loa laua nei a ua malaelae loa kona alahele, oia kona manawa e hoohana koke ai i kana haua puuwai eleele, a iaia i manao ai e hooko ia aua kana hana. oia ka manawa e huki ia ai o ka upena. a pau poo pau hiu ana ua Sepeletona la iloko o ka upena kuu a Kaloke. O kela telgarapa i kauohaia ai o Kakalaika e hoouna mai Ladana mai a ia Sir Hauale. he hana wale no ia e hoopuhili aku ai i ke kolohe a e kapae ia ae ai hoi na manao kanalua mai ia Sepeletona ae no ko laua hiki io ma Ladana He oiaio eia ke maloeloe nei ka upena a o ka hana wale no i koe oia ka huki ana.

            Ia laua nei i hiki aku ai i kahi a Lola e hana ana. ua loaa aku la oia ia laua nei e noho ana no a e hana ana hoi e like me ka Wakekona ike ana iaia i hiki aku ai ilaila.

            "Ke huli nei wau i na mea e pili ana no ko Sir Kale make ana." wahi a Kaloke i pane aku ai. "O keia hoaloha o'u. Kauka Wakekona. ua hoike mai nei oia ia'u i kau mau mea i ha'i aku ai iaia, a ua hoike pu mai no hoi oia ia'u i kou kunana ana no ia mea."

            "Heaha ka'u mea i huna ai a i ha'i ole ai hoi?" wahi a Lola i ninau koke aku ai.

            "Ua ae mai oe ua noi aku oe ia Sir Kale e hui pu mai me oe ma ka puka-pa i ka hora umi o ka po. Ua ike no hoi maua oia no kona wahi i make ai a o ka hora no hoi ia ona i make ai. Ua ha'i ole mai oe i ka mea i hoea mai mawaena o keia mau manawa."

            "Aole loa he mau mea i hoea mai mawaena o ia manawa."

            "He mea kupaianaha maoli no keia, aka ke manaolaua nei wau e hiki ana ia'u ke alakai aku ia kakou a hiki i ka loaa ana o na mea i ala mai ia manawa. Ke makemake nei wau e oiaio aku ma ka'u mau kukaiolelo ana me oe. Ke olelo nei maua o keia kekahi o na hihia auo nui loa, he pepehi kanaka hoi ma kekahi olelo ana ae. a o na hoike e waiho nei me he mea la e komo pu mai ana ko hoaloha, Sepeletona, a me ia pu hoi kana wahine."

            "Kana wahine!" i hooho ae ai o Lola Laiana, me kona lele pu ana ae iluna mai kona noho ae me ka hikiwawe.

            "Ke ha'i aku nei wau ia oe aole loa e hiki ke hunaia iho ka oiaio. O ka wahine e hele nei ma ke ano oia kona kaikuahine o kaua wahine mare no ia."
            Ua noho iho la o Lola Laiana ilalo, o kona mau lima nae aia ke naka haalulu ia iaia e paa ana i na ku o kona noho. Ua haikea ae la kona heleheleua, a kau pono aku la kona mau maka maluna o ka makai-kiu.

            "Kana wahine!" i hooho hou ae ai ua Lola nei. "Kana wahine! Aole oia i mare i ka wahine."

            "E hooiaio mai ia'u!" wahi a Kaloke i pane aku ai me ka pii ana ae o kona mau poohiwi. "E hooiaio mai ia'u! A ina e hiki ana ia oe-----!" Ia wa i okalakala ae ai na maka o ua makai kiu nei. aole no nae oia i pane hou aku no kekahi manawa, aka haka pono aku la kona mau maka maluna o Lola me he mea la e kali aku ana o ka hooiaio mai o Lola i kana mau mea i pane aku ai.

            "Ua hele mai nei wau me ka makaukau ma ko'u aoao e hooiaio aku i ka'u mau mea i ha'i aku nei ia oe." wahi a Kaloke. a oia no hoi kona manawa i unuhi ae ai i kekahi owili pepa mailoko ae o kona eke a wehewehe ae la. "Eia ke kii o Sepeletona ma i pa'iia ma Ioka he eha makahiki i hala ae nei. Ua kauia ae ko laua mau inoa mahope o ke kii a e ike ana no hoi oe, 'Mr. ame Mrs. Vanadalu.' aole no hoi oe e hoohewahewa ana ia laua ke ike iho oe iloko o ke kii. ina no nae ua halawai oe me ua wahine la ana. Eia no hoi he mau leta ekolu i kakauia e kekahi mau hoaloha o Sepeletona ma e ha'i mai ana i ko laua mau helehelena pakahi, a lakou hoi i ike ai a i noho pu ai oiai laua nei e malama ana i kekahi kula kuokoa ma Sana Oliva. E heluhelu iho i keia mau leta i ike ai oe i na kuhikuhi a keia poe."

            Hopu aku la o Lola Laina i ke kii a nana iho la, a iloko o ka manawa pokole, ea ae la kona poo iluna a nana pono aku la ia Kaloke Home, a aia hoi iluna o kona nanaina ka maka'u nui.

            "E Mr. Kaloke Home," wahi a Lola i pane aku ai, "ua noi mai keia kanaka ia'u e mare aku wau iaia ina wau e hookaawale aku ana i ka'u kane ma ke kanawai. Ua hoopunipuni nui keia ino lapuwale ia'u. Aole loa he oiaio iloko o kana mau olelo i hoopuka mai ai ia'u. Ke ninau nei wau no keaha la? Iloko o'u iho ke ma nao nei wau ua hana mai oia i keia mau mea apau no ko'u pono. Aka nae i keia manawa ke ike nei wau ua lilo wau i maunu hoowale wale i kana mau mea lapuwale i manao ai e hana. Heaha la hoi ko'u mea e hana pololei aku ai i ka mea i hana hewa mai ia'u? He aha hoi ko'u mea e kupale ae ai nona a e huna iho i kana mau hana ino? E ninau mai ia'u i kau mau ninau i makemake ai a e ha'i aku no wau i na mea apau me ko'u huna ole iho. He hookahi a'u mea e hoohiki aku nei imua o kou alo a imua o ke Akua ola mau. oia hoi. ia'u i kakau ai i kela leta aole loa wau i moeuhane mua e loaa ana kekahi mau pilikia ia Sir Kale Basekavila, kekahi hoi o ko'u mau hoaloha maikai loa."

            "Ke manaoio nei wau i kau mau olelo apau, e Mrs. Laiana." wahi a Kaloke i pane aku ai. "Me he mea @a o keia mau mea apau a'u i lohe iho nei he mau mea hoehaeha loa ia ia oe, a me he mea la e hoomama ia no ko'u mau manao ke ha'i aku wau ia oe i na mea i ala mai mawaena o ua mau manawa la. O keia hoouna ana au i ua leta la mamuli no ia o na kuhikuhi ana a Sepeletona?"

            "Nana i ha'i mai ia'u i na manao e kakau ai."

            "Ke manao nei wau o ke kumu ana i ha'i aku ai ia oe, oia hoi, e kokua mai ana o Sir Kale ia oe ma ka lawe ana i na lilo no ka'u hoopii hookaawale i kau kane?"

            "Oia maoli no ka mea oiaio."

            "Alaila mahope o kou hoouna ana aku i ua leta la ua papa mai la oia ia oe aole e hele aku e hooko i kau mea i hoopaa aku ai ma ua leta la au?"

            "Ua i mai kela ia'u he mea hoehaeha loa ia iaia ka lilo ana aku na kekahi mea okoa e auamo i ko'u pilikia, a oiai no hoi he ilihune ia e hooikaika ana no ia me kana mau wahi kenikeni hope loa no ka holopono o ko'u hookaawaleia mai ka'u kane mare mai."

            "Maalea maoli no kela hana ana. A mai ia manwa mai a hiki i keia manawa aole loa oe i lohe ina mea e pili ana no ko olua hookaawale ia?"
            "Aole loa."
            "A ua hoohiki mai kela ia oe aole loa oe e ha'i i kekahi mea e pili ana no ka@ i kakau aku ai ia Sir Kale?"

            "Ua hana mai oia pela. Ua ha'i mai oia ia'u i ka wa i loaa ae ai ka lono o ko Sir Kale make ana o ia kekahi o na hihia pohihihi