Ka Nupepa Kuokoa, Volume XLII, Number 27, 1 July 1904 — Page 5
| This text was transcribed by: | Rosemary Mccune |
| This work is dedicated to: | Elrica Johnson |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, POALIMA, IULAI 1, 1904.
=========================================
Nuhou Kuloko
--
[The first column has a lot of damage on the left margin.]
@ ka po o ka @ o ka @ K@ai Aole I
---
@ J.W. Ka @ ka ai ko @ ma
---
@ E naue @ waapa a @ kahi o na
---
@ hou ana na hui @ M@ o Kona ma @ ke kahua o ka @ H@unau.
---
@ ka Uniona Helu @ keia halawai ha- @ P@kiulai no ia.@ wai a ka la 18 o
---
@ e kaahele aku @ Komisina o @ ame Makai Nui @ keia auwina la.
---
@ puka aku nei @ Kokua Kuai Ho- @ ke akahele a mai @ ka maka.
---
@ o Peke Kaluna @ iaia mai ia Ben. @ hoeha keia kii ana @ i ka materemo-
@ ai.
---
@ hiki hoopaahao ka @ luna o Kumalae @ laua hihia i hoo- @ Ua hoohalahala ae
@ i ka Aha Kiekie.
---
@ ka lono maanei o @ aku nei i ko lakou @ hooikaika ana a @ eia lakou ke
@ hou mai i Hawaii
---
@ keia mahina e hoohui @ maemae o ka @ Daniels, kekahi o @ Kula Aupune o Ho- @ Hawaii, me John @ Napoopoo. S. Ko-
---
@ nei na keikialii o ke @ ea Hawaii,m kahi i @ kekahi o lakou aole i@ Honolulu nei, nolaila, ua @ i ka hiki ana i ke kaa @ ka lio ole. I hele mai @ au hoike no ka hihia @ Parker.
-----o-----
Nowai ka Hewa?
--
@ @ANA KULOKO E HOOHAUOLI @ HONOLULU POE
HELUHELU HE NUI.
--
@ ai ka pu i ka manawa e @ aluna o ka moana oiai @ ana maluna o ka aina @ he pu hoi e hani ana @ aku i na moku e holo @ pakele ai alaila hoomau @ mo-ku
ma kapakai ke @ ua moku la, eia ka ni- @ wa?
@ ke kukui ulaula ame ia @ aku no kekahi kaaahi a @ kekahi kaaahi alaila he @ hoahewa i ka wiliki. @ hoao ai kekahi kanaka @ ka nui o na niho o ka @ e niniu poahi ana alaila @ i kona likma imea e hiki @ pono a loaa oia ika@lima alailaokekanaka @ hoahewaia aole o ka @
@ kekahi kanaka ma'i ka @ ai a hookuuwale alaila @ ke kanaka ma'iaole ika @ o ka poe o Honolulu @ ka ma'i puupaa ame kua- @ lawe ole ana i na Huaale @ ame Puupaa a Doan i @ ia aku hoi e iwakalua @ iho alaila e hoahewa @ i kapoe na lakou i ho- @ ka makai o ka laau. E @ keia:
@ E. Bush, ka mea e noho @ lanui Puowaina o keia ku-@ kamaaina no ka aina, @ Hawaii he kanaka oia i ike @ aena o na aha hookolokolo @ ka oihana maheleolelo ma ka @ a i ka Hawaii a pela @ Hawaii aku a i ka Beri- @ kana pane:
@ puupaa ko'u a ma ka hoo-@ mai a kekahi hoaloha ia'u i
@ hoao ai a loaa ioka @ hele io aku la wau e kuai @ ka Huaale Kuahaneenee
@ Doan na ka halekuai o @ ma Honolulu. I kuu ai @ He mea pono e ike @ hoola o kela laau e ka @ hemau huEale maikai @ kupono no ka ma'i puupaa @
@nee."
@ na Huaale Kuahaneenee @ a Doan e ka poe kuai @ 50 kenata o ke pono hoo@ eono pono i ka @.50. He @ na kauonha ke kau leta aku @ ma o Honolulu na agena @ aina Hawaii nei.
@ i ka Doan aole i ka ha'i.
--------------------------------------------------
@ CHAMBERLAIN Colic, Cholera @ Remedy ke hoie mai @ a wahi apau oia ka laau ku-@ maikai no na ma'i eha apau o @ He hoola a he hikiwawe hoi @ ana. He hiki ke hilinai pina @ ona ina no ua koikou loa ka @ me ke kolera, ohao, hi koko @. E lawe koke i ka manawa @ aka mai ai e p;ahnemohemo ka opu. Ke kuai ia nei ma na halekuai @ apau. BENSON, SMITH & CO., na Agena ma Hawaii nei.
===================================
NA ANOAI O MAUI.
---
MAUI, Iune 25. - Aole e pau koke ana ka wili ana o ke ko o Puunene a pau paha ka hapamua o Iulai, a mahope olaila e malamaia ai ka aha hulahula.
E nui ana ka hauoli o na hana o ka Pokiulai ma Maui-waena ke hui mai ka bana puhiohe a Berger ame ka hui kinipopo Punahou me na hana heihei lio.
O ke komite Repubalika kaahele o Maui aia ia ke hoolala nei e hoopuka nupepa o 1500 kope haawi wale i kela ame kaia pule ke hiki mai ke kau koho balota a malalo o ka hooponopono ana a Kunamakaainana Keliinoi ame kahi poe e iho.
Inehinei i hoounaia aku ai he olelo ma ka telegarapa uweaolelo ia A. S. Hunphreys o Honolulu e haawi ana i na mahalo mai a J. M. Vivas aku ame ka Papa Loio o Wailuku.
O ke kamana hana aelike Mr. W. J. Moody i hoopau pono iho nei i kana hana i na halehana me halenoho o Lahainaluna ame ka halekula lumikolu o Makawao e holo aku ana oia no Koloa, Kauai i keia pule ae kahi ana e kukulu lumi lua aku ai.
O ka halawai mau o ka Ahahui Palapala o Makawao i manaola e malamaia i ke ahiahi nei ua hoopaneeia mamuli o ka nawaliwali loa o W. E. Beckwith a e waiho nawaliwali nei hoi i Puunene.
LOIO KUE IA KAHUNAPULE.
I keia ia e malamaia ai na halawai koho lunanui o na kalapu Repubalika apau.
Ma Lahaina i uiu nui ai na nune no kolaila kalapu no kona mau lunanui ma o ka noho peresidena la, ma ka loaa ana ae o na inoa moho no ia noho - o Lunakanawai J. W. Kalua ame Rev. S. Kapu. Ua oleloia o ka inoa hope ua kakoo nui aku ka poe hana o ka mahiko olaila iaia, oiai hoi ka loio ma kona ano he kupa i ike nui ia e Lahaina.
---o---
KAMEHAMEHA ME MAILE.
Ma ka paani kinipopo mawaena o na hui kinipopo Elks ame Maile Ilima, i ka auwina la o ka Poaono i hala, ua kaili ae la ka hui nona ka inoa hope i ka lanakila o ka la, mahope o ka paio ana me ka hahana, ma o na ai-puni he 4 ia 3 wale no a Elks. O keia ka lua o ka manawa i lanakila ai keia hui, a o ka manawa mua loa hoi i haule ai ka hui Elka iaia. Ma keia paani ana no hoi i hoike ae ai ka lunakanawai o ka paani i kona mana manuli o kona hookau ana aku i ka hoopai o elima dala maluna o Cogswell, ke kapena o ka hui kinopopo Maile Ilima no ka hookuikui olelo.
O ka lua o na paani o ia la, o ia ka paani mawaena o Kamehameha ame Punahou. O keia kekahi o na paani hahana loa i paaniia i keia kau, a i ka pau ana o na komo ana eiwa a kela ame keia hui , ua olii ae o Kamehameha me ka ai-puni 1 ia 0 a Punahou. O keia ka lua o ka haule ana o Punahou ia Kamehameha e like iho la me keia ke ano. I ko laua hui ana he mau pule i hala ae nei, ua lawe haaheo ae o Kamehameha i ka lanakila ma o na ai-puni he 8 ia 0, i keia hoi aneane e koe ka uaua.
I keia Poaono ae, o na hui e paani ana o ia o H. A. C., ku-e ia Punahou, a o Kamehameha ku-e ia Maile Ilima. Ma keia Poakahi ae, oia no hoi ka la Pokuilai, o na hui e hookuku ana ma ia la oia o Kamehameha ku-e ia Elks, a o H. A. C., ku-e ia Maile Ilima. E piha ana keia mau paani ana, oiai ke pii mahuahua nei ka liniia o na hui kinipopo o keia makahiki. O keia malalo iho nei ke kulana o na hui e ku nei i kela manawa:
Hui. P. E. H. Pa-Keneta.
Kams. ............ 6 4 2 666 2-3
H. A. C. ........ 6 4 2 666 2-3
Elks ................ 7 3 4 428 4-7
Punahou ........ 7 3 4 428 4-7
Maile ............. 6 2 4 333 1-3
-----o-----
WAHI ANA HE AWAHAUKAE O HANLON.
---
Imua o ka Aha Hookolokolo Apana o Honolulu i ahewaia ai o James Hanlon he kanaka Kekokia a ma ka amala kana hana i ike nui ia ma Honolulu nei. I ke kakahiaka Poakahi nei ka ahewaia ana.
I Honolulu nei oia no kekahi mau makahiki a i na makahiki elua i hala ae ua ike nui ia oia e komo pu ana iloko o ke kaumaha o na ohana i hookaumahaia ma ka hala o kekahi lala o ia mau ohana i ka make, e hui pu ana hoi iloko o ka huakai hoolewa, a iloko o na anaina hoohauoli o na paina ame na luau e ae i ikeia ai no oia e luana maikai ana me na lede a keonimana no ka hoohaia kamailio mahope o ka paina ana.
He ohaoha mau oia i ka hui ana me na hoa o na aha hoolauna a noho kamailio pu ina nei aole he makemakeia oia e lakou aole no ia he mea nona e kuemi mai ai aka hoomau no i ke kamailio hoohauoli ana me he la ua makemakeia no oia, e aa ole ai no kekahi ke kipaku iaia.
He mau la aku nei i hala ua hooweliweli ae oia e ki ia David Dayton i ka pu, a i ka Poakahi iho la i hoopilia ai oia no ka hewa aeahaukae. Aole i lawa loa ka oihana makai me na ike kupono aka ua hoopuipui ia aku no e Mr. Hanlon mai kona wahi buke hoomanao aku. Iloko olaila aia he mau kamu lehulehu o na huina dala aieia mai ka 25 keneta a hapalua ame na ano like a mailoko mai o keia wahi buke i loaa ai ka ike no ke ano o kona oia ana.
Ma ka hoehewaia ana ua kapae ae ka Lunakanawai Lindsay i kana hoopa'i no ka manawa aole e hooko a hala elua mahina he haawi manawa ana ia Hanlon e kaawale mai Hawaii aku nei no kahi o kona ohana e noho nei ina he ohana kekahi.
He aina hoolimalima no ko Hanlon i Kakaako aole nae he wahi loaa i komo aku iaia.
-----o-----
PAA I KEONEULA.
O Juanito Cruz, kahi keiki i komo aihui ai iloko o kahalekuai o ka Mahiki Honolulu he manawa aku nei i hala ua hoopa'ila e Lunakanawai Hookano o ka Apana Hookolokolo o Ewa ma ka hoouna ana iaia i Keoneula Hou Ma Waialee no ke koena manawa o kona wa keiki.
Ua oleloia he wahi keiki noho hana ole keia nona hoi na makua i make.
---
POHO OLE KA LUHI
---
He kanaono-kumamaha ia i hala ae nei, i haalele iho ai ka mokukuna Livinia ia Honolulu nei a holo aku ia no ka mokupuni e waiho nei ke kiapa Farani Connetable de Richmont, ka moku hoi nona ka moolelo walohia o kela makahiki aku nei, a nona hoi na luina i paialewaia e na ale hanupanupa o ka moana a hiki ka pae maalahi ana o kekahi mau luina ma Kailua, a ma Kauai kekahi.
I ka Poaono nei i hookomo mai ai keia wahi molukuna iloko nei o ke awa, aole e like me kona hoi mua ana mai me ka moolelo palaualelo, aka ua hoi mai oia me na waiwai i loaa ak a i hiki ke hoopakeleia mai ka moku poino mai. O na mikini paumawai, na puka-aniani, ka heleuma, na pe'a, na likini, na mikini huki heleuma ame kekahi mau mea waiwai noui e ae ua pau mai nei i ka laweia mai, a ma ka hoonohonoho ana i ka waiwai io o keia mau mea apau ua manaoia ua hiki aku i ka $4,500.
He ekolu la ka holo ana o keia mokukuna mai nei aku a ku aku i kahi o kana hana, a he umikumamakahi hoi la ma kona alahele huli hoi no ke awa nei. He poe Hawaii na luina o keia moku, a i ko lakou manawa i hiki aku nei i kahi o ka lakou hana i holo aku nei, ua hoomaka koke ka hana a ua hooikaika maoli keia poe a hiki wale i ko lakou hehi hou ana i ka lepo o ka aina aloha. Ma keia noho hana ana mai nei no hoi, aole i ala mai he mau kuia, oiai ua malie ke kai, a o keia no hoi ke kumu o ka holopono loa o ka lakou hana.
I ka wa i holo aku ai o keia moku ua haawiia he mana ia Kapena Weisbarth e kipaku aku i na Kepani e pepehi nei i na manu maluna o keia mokupuni, aka aole i hiki iaia ke hoohana aku i keia mana i hookauia aku maluna ona, oiai i ko lakou hiki ana aku ua heo mua aku ua poe Mikado la, eia nae ua loaa aku la lakou nei na haawina pepehi manu maluna o ka mokupuni oiai e waiho ana ma kela ame keia wahi he mau tausani ona iwi manu.
-----o-----
PAA KA POE PEPEHI MANU.
---
I ka Poaha o ka pule i hala iho nei i ku mai ai kahi moku holo-mama Amerika Thetis mai ka mokupuni mai o Lisianski maluna ona he kanahiku-kumamahiku Iapana i hopuia a laweia mai ma ke ano paahao. O ka poe keia i hele iluna o keia mokupuni no ka pepehi ana i na manu o ua moku la he wahi moku hoi ma ke komohana aku o ka Paeaina Hawaii.
O ka hiki ana o keia poe Iapana iluna o keia wahi mokupuni aole e kala i loheia ai aka mahope mai ua nalowale kahi moku o lakou i holo ai ilaila a no kekahi manawa loihi lakou i noho ai ilaila ua ano piliia maoli no, no ka mea ua uuku mai ka lakou ai, ka laiki, a o ka hiki ana aku o ka moku holomama Thetis oia ko lakou hoopakelaia ana ae mai ka make ae o ka pololi.
I keia poe Kepani ilaila ua pepehi aku la i na manu a malama hoi i ka hulu me ka ili a ma kahi o na kaukani manu ka pepehiia ana a ma kahi o $15,000 ame $20,000 ka waiwai io o keia huina nui i loaa ia lakou.
Ua hoike ae keia poe Kepani i ka huakai o keia hele ana i keia mokupuni oia hoi, ua hoounaia mai lakou e kekahi hui o Tokio ma ka malama o Dekemaba i hala
maluna o kahi mokukuna. Ma ko lakou ala aukai i loaa ai kahi moku i ka poino iloko o ka ino a kipa ae la lakou i Midway mokupuni kahi i hana hou ia ai ua wahi moku nei a paa maikai, a mailaila aku ua holo loa aku no ka mokupun o Lisianski ka aina manu.
Iloko o ka malama o Ianuari mai mahope iho o ka lele ana iuka o ka aina a kukulu papai-hale no lakou ua loaa iho la kahi noku o lakou i ka ino o ulupaia a pau i ka nahaha a make he umi o lakou, a o ke koena Kepani iho ua liuliu ae no lakou no ka pepehi ana i na manu, a he nui maoli na ano manu maikai i loaai keia poe.
Ma ka malama mai o Feberuari ua ku hou aku la he moku i hoounaia aku no e keia hui hookahi o Tokio a waiho ibo ia he 39 Kepani hou a haalele iho ia i ua mokupuni la me ka hoike aku o ke kapena e hiki hou aku no lakou ilaila iloko o na pule pokole, eia nae, aole i hoea aku ua moku ia a hala wale kekahi mau la loihi a hiki wale i ka emi ino loa ana o ka laiki a ai aku la ua poe nei i na io maloo o na manu a lakou i pepehi ai, a oia no hoi ka manawa i ku aku ai ka moku holomama Amerika Thetis, i Iune 16 iho nei a ua olioli nui lakou i ke ku ana aku o Thetis no ka manaolana e pakele ae mai ka make a ka poloii aole nae i manao ae no ka hopu paahaoia.
Ma ka hoike o ke Kapena Hamlet o Thetis i ka luku nui ia o na manu. Aia he 335 mau pahu i piha i na ili ame hulu manu i ka manawa i ku aku ai o Thetis ilaila, a ma ka hoomaopopo ana o ke kapena aia ma kahi o 300,000 manu i pepehila o ka ili me na hulu ua loaa ka manao e hoouna i kekahi hui kuai lako hoonani o Farani.
Eia ke kapena o ka Thetis ke hoomakaukau nei i hoike no kana mau hana apau e waiho aku ai i Wasinetona.
-----o-----
HOIHOI HOU IA I KA OIHANA LOIO.
I ka wehe ana o ka Aha Hookolokolo Kiekie i ke kakahiaka o ka Poaha o ka pule i hala ua hoike mai la ka Lunakanawai Kiekie Frear e pili ana i ka nana hou ia ana o na hoopa'i kue ia A. S. Humphreys ame F. E. Thompson, ua hoopauia ka hoopa'i.
Iloko o ka malama o Augate o ka makahiki i hala i hoopauia ai ke kuleana loio o A. S. Humphreys a kapaeia hoi ko Thompson lawelawe oihana loio ana no ka makahiki hookahi.
Ma ka aoao o ka Aha ua makemake oia e hoomaopopo i ka maikai o ke ano o keia mau loio i hoopauia na kuleana lawelawe oihana loio no ka hoihoi hou ana mai ia laua iloko o ka laua oihana a oia no hoi ka haawi kuleana lawelawe oihana loio ana iloko o ke Teritori, mamuli no hoi o ka laua noi.
Mawaho ae o keia he mau hihia e ae no kekahi i hooloheia.
================
Nuhou Kuwaho
--
AE E HOI MAI I HAWAII NEI
KAPALAKIKO. Iune 24. - E hoi aku ana o Aalexander Craw, ka haole pepehi ponalo e ai mai nei i na lau laau. E haalele iho ana oia lanei iloko o ka mahina o Augate ae nei.
MAKE KE ALAHAO.
MADRID. Iune 24. - He kanakolu ka nui o ka poe i make ma ka hooku'i ana o na kaahi ma Ternet.
MAIKAI OLE NA HOOLANA.
NU IOKA. Iune 24. - He nui na hoike i hoikeia ae iloko oka hula ana i na mea e pili ana i kamoku pauahi Slocum no ka maikai ole o na mea hoolana oluna o ua moku poino la. He eiwa haneri ame ehiku ka nui o na kinomake i loaa ae nei.
KIPEHILA ME NA POHAKU.
PORT AU PRINCE, Iune 23. - Ua lele ae na koa kiai Halealii i keia la maluna o na Kuhina o Farani ame Geremania, e ukaliia ana hoi e ka laua mau wahine. He hookahi o keia mau wahine he wahine Amerika. O keia lele ana a na koa he ponaku ka lakou n@ m
ea eha i hailuku aku ai.
NA ELELE MA KAHI HOIKEIKE.
ST. LOUIS. Iune 25. - He hookahi tausani elele no ka Ahaelele o Kikako i kipa makaikai ae i kekahua hooikeike i keia la.
LANAKILA NA KOA AUPUNI.
MONTEVIDEO, Iune 25. - Ma ke kaua i kauaia mawaena o na koa Aupuni ama ka poe kipi i kauaia no hookahi la ma ka hapa, ua lanakila ae na koa Aupuni.
Ma ke kaua o Cerecolago, he 600 ka nui o ka poe i make ma ka aoao o ka poe kipi.
HOOIKAIKA NO McCLELLAN.
NU IOKA, Iune 26. - Ke hooikaika nei ka nupepa Daily News, he nupepa o ka Hale o Tammanyu, e lilo o McClellan i moho Peresidena.
MAKEMAKE IA KILIVILANA.
LADANA, Iune 26. - Eia o Meia-i-pau. Van Wyck o Nu Ioka lanei ma kana huakai no ka hui ana aku me Richards Croker ka mea hoi ana e makemake nei e hoohana aku i kona mana ume ia Kilivilana imoho Peresidena Democarata.
HOOKIPA HAUPLIIA.
INDIANAPOLIS, Iune 26, - Ua panaiia aku kekahi hana ohaoha ia Senatoa Faribanks iaia e hele ana ma Indiana nei no kona home. Ua haawiia ae kekahi ike nui nona ma Indianapolios.
HOOMAKAUKAU NO KA AHAELELE.
WASINETONS, Iune 26. - O John Sharp Williams, kekahi o na laia o ka Ahaolelo o America, oia ana ka lunahoomalu no ka manawa o ka Ahaelele Lahui Democarata.
HOOPAU I NA LIMAHANA.
PHILADELPHIA, Iune 28. - Eia ke hoopauhoopau nei ka hui hana kaaahi Bolowina he umi tausani poe limanana. Ke emi nei na hana alahao.
LONO KALAIAINA.
WASINETONA, Iune 28. - Ua hui kukai olelo ae o Peresidena Rusewela ame Lunahoomalu Cortelyou i ka po nei maluna o ke kumuhana kalaiaina. Me he mea la o Kiaaina Adell ke alakai ae ana ia Nu Ioka.
-----o-----
AIHUEIA KE KAA O KA MEA KAKAU NUPEPA.
---
Ma kahi o ka hora umi-kumamakahi me ka hapa o ka po Poakahi iho nei i lawe aihueia ak ai ke kaa holo lealea o kekahi mea kakau nupepa Adavataisa e ku ana mawaho pono iho o kona keena hana ma ke alanui Moi ma Ewa iho o ke alanui Papu o ke kulanakauhale nei e kekahi manuwa kolohe no ka manao e holo wikiwiki aku i kai o ka moku.
Ma ka hiki ana o ua wahi manuwa kolohe nei i kai o ka uwapo mokukaua Amerika ua holo kaapuni ae la oia no elua manawa alaila lele aku la mai ke kaa aku a hili aku la i ka lio me ka pauku-laau a nou i ka pohaku oia no hoi ka manawa i holo naaupo aku ai ka lio me ka mama nui, a pakele o Frank Lillis e kalaiwa ana i kona kaapio mai hookui me kaia kaa holo pupule.
Alaila holo aku ia o Lillis a hoike i ka makai kaulio ka mea hoi nana i ike i ka mea nona ke kaa. Ua huliia aku la ua kaa nei a loaa aku i kahi kokoke i ka hale hana hao o Ulakoheo hou. Ma ka ninaninau ana ika poe o kahi moku kiai Iroquois ua hoole wale ia mai no aole i ikeia kekahi manuwa i hoea aku ilaila i ka manawa i hoolalahuia ai ke kaa o ka mea kakau nupepa.
-----o-----
MALIA O PAU KA TAKAHIRA HOOUNA LONO KAUA ANA.
---
Ua loaa mai he mau hoakaka maopopo ana oia hoi e hoopau ana paha ka hoouna mea hou kaua ana mai o Kuhina Takahira mai Wakinekona e like me ia ana e hoolawa mau nei no na anoi kaua o na aina Hikina.
Ua manao wale ia e paipai mau ia aku ana ke aupuni no ka hoomau ana i keia hoike mea hou oi loa aku i Honolulu nei ina e pau na wahi e ae. Ma ka aina nui kahi nui lehulehu o na uweaolelo aole he puikaika ma ia wahi no ka mea he emi na auhau mamuli o na nui uwea a na na papapai ia e hana nei.
Aka o na lilo o ka hoouna mea hou ana mai Kapalakiko mai a Honolulu he ikaika no ka auhau ke kumu i hiki ole ai i na nupepa ke lawe pau mai i na mea hou a o na mea a Kanikela Saito e haawi nei ua kokua mau nui mai ia mau mea. He mea pono e hoomanao ke aupuni home aia he 60,000 a oi Iapana iloko o ka Paeaina Hawaii a e hana mai ua aupuni la i haawina kaokoa no Honolulu nei ma ka hoomau mai i ka hoouna mea hou ana.
O na nupepa kuloko iho ua ike lakou i ka waiwai nui o keia hoouna mea hou kaua a Kuhina Takahira a ua noi ae ua poe nupepa nei i hui mai me na nupepa Iapana e hoomau mai no ke Aupuni Emepera o Iapana ke ike oia aia he alanui e hiki ai ke hoomau. Ke lana nei ko makou manao e holopono ana ke noi. - Hawaii Shinpo. (Nupepa Kepani).
======================================
[ad spans two columns]
LAAUILINONABEBE
@ Kona Paa ame Kona Lauaha kekahi mea
ana nui lea a na Makuahine e neanea nui ai.
***
UA HANAUIA KELA A ME KEIA KEIKI ILOKO O KA HONUA NEI me ke ewe o na mai lehulehu e ulu m@ ana iloko o ka ili ke poo a e lilo ana hoi ke koko ia wa i mea nui loa no ka panee ana i keia popilikia a peia il@ ai ia i mea nui loa e hookaumaha @u ai i ka noonoo o kela me keia mea oohia i ka nali ana a na ma'i lehulehu. Aole keia mea ihookaumaha ia @ kekahi ano e ae, aka, mamuli no o ka hoopalalehaia ana e ka mea i kupono e malama a makaala i keia poino. Nolaila, ua lili i kumuhana na kela ame keia makuahine maikai e makaala mau ai i ka lakou mau keiki e loohia ana @ na popilikia lehulehu e ulu mai ana mamuli o ke koko ino, e hookamaaina mau lakou me na mea a pa ue hiki a ke pale aku i keia mau popilikia lehulehu, i mea hoi e loaa ai ke ola maikai malalo o na lapaau noeau ana me ka hikiwawe a me ke ola loa no hoi.
Ua olelo ia o k aauau me ka wai pu mehana a me ka KOPA CUTIKURA no ka hoomaemae ana i ka ili no ka papaa i ka lepo a me kahi mau ino e ae, a pela hoi no ka unahi-pii, a pela hoi, ina ka e kapili malie i ka Aila Hamo CUTIKURA no ka hooki koke ana i ka maneo o ka ili, ka eeke an@ manene o ka ili ame ka pehu, a pela hoi no ka hoomalielie ana i ka hu'i a me ka hoola ana i na palapu, a mahope aku oia wa, ina ka e inu i ka Laau Hoohainu CUTIKURA, oia wale ae la no ka na mea a pau e hana ai no ka pale ana aku i keia mau kinaunau o na keiki iliili i na wa apau e hoomaka mai ai, a ina no ua loaa mua, ne mea pau wale no ia i keia mau laau @ la, ke malama pono ia na kuhikuhi. Ma keia hana ana pela, e loaa ai i na makuahine hoomanawanui ka maha a me k oluolu o ka naau, a he mea no hoi ia no lakou e hookaumaha ole i ai i na wa a pau. Ua hooiaia keia m@ haawina pomaikai ma na honme lehulehu a puni ka aina.
Mamuli o ka momona, ka maemae ame ka hikiwawe o ke ola o keia laau i makemake nui ia ai e na lahui kanaka a pau i hoao a ikemaka i kona waiwai nui ma ke ano hoola, a pela no hoi i hilinai nui ia ai kona waiwai no ka hoopakele ana i ka luhi a me ke kaumaha o na makua lehulehu ma na wahi a pau, a peia no i malama nui ia ai maloko o na home.
HE HOOLA MAOPOPO NO NA MA'I MALOKO A MAWAHO O KE KINO.
Oia hoi ke KOPA CUTICURA e hoomaemae ai i ka ili a me ke kepia o ke poo a hoowaliwali i ka alualu, o ka AILA CUTICURA HAMO no ka hoopau koke i ka maneo o hooluolu a hoola, a me ke CUTICURA RESOLVENT no ka hooluolu a hoomaemae ana i ke koko. Ke kuaiia nei ma na wahi a pau W. Keena ma Aferika Hema, Lamron Ltd., Cape Town. "I loaa ai ka ili pahee maikai, ka lauoho a me na lima."
O POTTER DRUG AND CHEM. COMP., Boston, U.S.A., na Ona o na laau CUTICURA a pau loa.
****************************************************************
[ad spans two columns and is boxed in]
HOOLAHA I@KA POE HAHAI
HOLOHOLONA KAAHELE KUAHIWI, etc
***
KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKO NO KE KAAHELE KUAHIWI ANA, NA LAKO HAHAI HOLOHOLONA AME NA LAKO LAWAIA.
NA AHAMAKA, NA NOHO KAAHELE, AME NA NOHO KULE, NA PU AME NA POKA.
---
PEARSON & POTTER & CO.,
LIMITED
931 ALANUI PAPU.
****************************************************************
KULANALANA KALAIAINA MA MAUI.
---
O ka hakoko kalaiaina o ka mokupuni o keia kau koho ae o Novemaba aia no iloko o ke po'ipu o ka maopopo ole mamuli no ia o ka loaa pono ole o ka ike piha
no ia o ka loaa pono ole o ka ike piha no ka pana ikaika o na aoao kalaiaina mawaena o Demodarata ame Home Rula, eia nae no na Repubalika ua makaukau e ka lakou mau papa hoolala hana a ua paa ka manao no ke komo aku iloko o na hakoko ana me ka paio ana iloko o ka maikai a hiki i ka puka pono ana.
Ina e hoopuka kaokoa ae ana na Demokarata i ka lakou papainoa moho a kaokoa no hoi ka na Home Rula alaila e hele okoa ana ka papainoa a na Repubalika. A ina e hui ae ana keia mau aoao a elua i hookahi a kaa malalo o ka inoa Demokarata he waiho nawaliwali ana iho ia i kahi a na Repubalika e paio maalahi aku ai me ko lakou mau makaukau.
A ina hoi e hiki ole ia Demokarata ke hana aku e hui ae laua a hoopuka ole ae i papainoa moho nana alaila e loaa hou ana ia Home Rula ka lanakila ma Maui a ke noi nei makou e hoopakeleia mai makou mai keia ulia maikai ole. - Maui News.
---o---
Ua holo a ua nalo aku o James Kekuku, kekahi ona keiki kakaukope o ke Keena Hoona Aina o ke Aupuni, i ka oPalima o keia pule aku nei. He hoaie i kona ukuhana ina poe like ole ke kumu o keia holo ana.
---------------------------------------------
He Huaale Maikai
Aole he like o na
"HUAALE A AYERS."
me na huaale e ae no ka mea he mau huaale kokua keia i ka hana a n@ naau, a he
laau hoomaha maika loa hoi. Ina he paa kou hanaleop o no
"HUAALE A AYERS."
ka laau e hemo maikai ai, a e hemo maikai mau ana hoi mahope aku oia
manawa.
Aole loa he hiki i kekahi kanaka ke Olelo ae he maikai kona oia kona ina aole he hemo
o kona hanalepo keia kanawai o ke oia i na kanaka apau, aole loa e like ka nui o ka
poe ma'i me ka mea e ike ia nei i keia mau la.
Ua hana ia owaho me ke kopaa he maikai loa ka lawe ana.
Aohe mau Huaale i oi ae ka maika: mamua o na
"HUAALE A AYERS."
Hoomakaukau ia e Kauka J. C. Ayers & company, Lowell, Mass., U. S.A.
E loaa no keia mau Huaale ma ka Hale Kuai Laau o Hollister, alanui Papu.
==============================
Ke Hamama nei ka Home o na I'a Ola
-I KEIA MANAWA MA-
Kapiolani Paka.
E WEHE HAMAMA IA ANA KA HOME O NA I'A ma na la apau o ka pule mai ka hora 10 a.m. a hiki i ka hora 5 p.m., a mai ka hora 7 a hiki i ka hora 9:30 p.n.
Ma na La Sabati e wehe ia ana mai ka hora 1 p.m.
E WEHE HAMAMA IA ANA ma na Poaha apau me ka AUHAU OLE. Ma na la e ae e auhau ia no he 10 keneta no na kanakamakua a he 5 keneta hoi no na keiki malalo mai o umi-kum@ maha makahiki.
---------------------------------------------------
$ 100,000.00
I HOIHOI IA AKU I KA POE I HOOKOMO MAI I KA
LAKOU MAU DALA IKA HUI
Fidelity Funding Co. o Kapalakiko iloko o na mahina mua eha o ka makahiki 1904, oi mamua o $40,000 iloko o ka mahina o Aperila, he kumupuka hoi o 50 pa-kenata no na dala ihookomoiamai malalo iho o elua makahiki.
Na ka FIRST NATIONA BANK O HAWAII e ku nei ma Honolulu e hooiaio mai i keia mea.
$1.00 o ka pule no 100 pule e loaa ana he $150.00 i ka pau ana o 100 pule.
No na mea aku i koe e ike ae ia R. D. HIGHTOWER, Agena nui ma Hawaii nei.
41 ame 42 Young Block, Honolulu.
---------------------------------------------------
GOO KIM
[KUKIMA]
KIHI ON A ALANUI NUUANU ME HOTELE.
Na Waiwai Lole Hou, na Waiwai Makamae, ame na Lole mauu etc. Ke kuaiia nei me ke kumukuai haahaa loa
-------------------------------------------------------
Kuai Hoemi.
--
E hoomaka ana i keia la, no ewalu la.
O ka makou mau waiwai apau, e huipu ana mena Papale Panama, na waiala a pela aku.
E hele mai ano.
FUKURODA
Helu 2@-82 - - - - Alanui Hotele
-------------------------------------------------------
HUI HOOLEWA HONOLULU
---
Ke hooiaio nei keia hui i kana mau hana kokua i kona mau lala. I ko@ wa ua ei mamua o 1300 iaia, a ke @ mau nei i kela ame keia la.
J. H. TOWNSEND, Kakauolelo