Ka Nupepa Kuokoa, Volume XLII, Number 53, 30 December 1904 — Page 6
| This text was transcribed by: | Manuel Harris |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
PANE IA ALOHA AINA.
No kau ninau ia'u: Oia mau kii i pa'lia ai no Wilikoki he laibila anei ia @@. Ke olelo nei wau, he laibila ia ma ka manao ana o ke kanawai a i mea e maopopo ai e nana ae kaua i ke Kanawai e ku nei. Ke hoike mai nei ka Mokuna 32 o na Kanawai o ko Hawaii Paeaina, ma ka Pauku 299, penei:
Ina i hoopoino kekahi i ka inoa maikai o kekahi, ma ke pa'i ana i kekahi olelo, a ma ka hoike ana paha i kekahi kii, a i kekahi mea ano like e ae paha aole nae ma ka olelo waha, a ua lilo ia mau mea i mea e poino ai ka inoa maikai o kekahi, i mea paha e hoohilahilaia ai oia, a e hoowahawahaia ai paha, huhuia mai, heneheneia mai paha, a i mea paha e hookaawaleia ai oia mai kanaka aku, he laihila ia.
Ma keia ae la maopopo loa ka manao he laibila ke pa'i ana i na kii, i pane hoi no kau ninau. Ma kau i hoakaka mai nei no ke pa'lia ana o na kii o Wilikoki, ua hoomaopopo iho ia wau i kou manao e i mai ana oe he kaona ia mau kii no na hana a Wilikoki i hana ai, a nolaila aole ia he laibila, a he mea hoi ia na Wilikoki i keeo ole ai.
O oe ame a'u nei aole kaua i ike i ike i kona manao maoli aka hookahi mea i maopopo loa, ua ike ola ua ala mai ia mau mea mamuli o na hana kalaiaina aole hoi ma kekahi ano e ae. O ka manao o ke Kanawai ua maopopo loa. A ina o na kaona olelo a hana paha a Wilikoki ke kumu i laweia mai ai ua mau kii la, aole anei ua pili no ka laibila ilaila?
E nana ae kaua i keia. Ua hoopukaia mai ma ka nupepa namu Advertiser he kii e hoohenehene ana ia Lunakanawai Gear maluna o kana olelo hooholo i kekahi hihia pepehi wahine e hoihoi ana no i ka wahine me kana kane pepehi. O ua kii la, oia ke kii e nahu ana ke kane i ka pepeiao o kana wahine, a e ku ana hoi o Lunakanawai Gear ma kekahi aoao. Ua hopuia o Walter G. Smith, ka lunahooponopono e ua nupepa la no ka hewa laibila, eia mae ua hoakuuia oia mamuli o ka loaa ana o na hoike kupono e olelo ana, aole e Walter G. Smith ma ke Keena nupepa i ka manawa i komo ai ua kii la iloko o ka nupepa. Ke ole e hoohewahewa ae ka meakakau, o Chas. K. Notley kekahi o na lala kiure e noho ana ia kau Kiure e hooloheia ma keia hihia, eia nae ua hookuuia oia mai ka lilo ana oia kekahi e hoolohe ma ke ano he kiure no keia hihia. I oiaio no keia a'u e hoike nei e ninau ae ia Chas. K. Notley.
E ninau mai ana paha oe, heaha iho la ka pili o keia i ko Wilikoki? Eia no ia. O ke kaona o na hana a Wilikoki i hana ai ame kana mau olelo, oia ka i pa'iia ma na kii; he kaona o na olelo o ka olelo hooholo a Lunakanawai Gear ka i pa'iia ae ma ke kii a hopuia o Walter G. Smith no ka laibila. Ma kela maopopo loa ka laibila ke pa'iia na kii, a loaa no hoi ka hoolaio no ka'u haina maluna ae nei.
Eia ka lua o na mea i loaa ae ma ko Smith hihia ame ko Notley a ko aoao i hopu makehewa ai. I kahi e o W. G. Smith i ka manawa i pa'iia ai ke kii ona i hopuia ai no ka hewa laibila, nolaila aole hiki ke hoopa'i iaia no ka mea ana i ike ole ai. Pela no o Chas. K. Notley. I kahi e o Chas. K. Notley a hoi mai me kona ike ole i ua manao la i hoopukaia iloko o ka nupepa Kuokoa Home Rula, hopuia no nae oia no ka mea ana i hana ole ai. O ka like ole wale no mawaena o keia mau hihia, oia keia, ua hopuia o W. G. Smith i ka manawa e malama ole ia ana no hana kalaiaina, a o ko Notley hoi i ka manawa e hanaia ana na hana kalaiaina, ka manawa hoi i ho-aia na manao enaena o ke kalaiaina a e huli ana kela ame keia aoao pakahi i na kumu e kulai ai kekahi i kekahi.
Ua ike pu iho wau i kou manao e olelo ana oe na kuu aoao i pa'i i na kii hoohenehene no Wilikoki. E, auhea oe e Aloha Aina, lalau oe ma ia olelo ana au pela. Aole o ia nupepa ka aoao Repubalika. He okoa ka aoao, he okoa ia nupepa. Ua like no ka nupepa me ke kanaka hookahi i koho i kona aoao e paio ai, a aole e ili wale ka mea a ia nupepa i hana ai a i ole ia kanaka paha maluna o ka aoao. O na hana a ka aoao aole ia he hana na ka mea hookahi aole hoi na ka poe mawaho aku, aka na ka lehulehu holookoa i hui ae ma ke ano he aoao. O ke pa'i ana o ia nupepa i na kii ame na manao, nona iho no ia e like hoi me ia a kaua e kuka nei, nolaila aole e hiki ia oe ke hoohuikau; a ina he nele manao kou i hoohuikau ai oe, alaila he hookahi au hana kupono, e haawipio mai oe malalo o'u, e like me kou haawipio ana mai nei ia'u ma kau pane hope a e like hoi me ka hilikau o kou mau manao.
O oe ka i kuhihewa i ko'u manao ma ka'u pane mua i ka'u i lele wale mai ai. Oia hoi, o oe e Aloha Aina ka "opiopio" aole o ko aoao, oiai he aoao ia na'u i hoike mua ai i kona kanakamakua, e like hoi me kona kulana ma Amerika a'u i hoike pinepine ai nona ame kuu aoao e ku nei, a ua hoike mai oe ma kau pane malaila i kou nele manao maoli ame kou hooia pu mai i ka hookahuaia ana o ko aoao i ka 1900 e like me ka'u mau hoakaka, a'u hoi e manao kuhihewa ole nei ua heluheluia a ua hoomaopopoio e na hoa Hawaii o kaua a o oe wale no ka mea i hoomaopopo ole, a peia i hilikau ai na olelo pane ma kou aoao.
No kau mau olelo hoohalikelike i ko aoao me na misionari kahiko i hiki mai i Hawaii nei a hoonaauao i na kupuna e kaua, aole he p@ii iloko olaila, a ho ka mea, hoea mai ka pono Karistiano ma Hawaii nei, aole i ike na kanaka i ka heluhelu a kakau a na ua poe ia, no lakou hoi ka inoa "mikanele" e hoohuikauia ana e na kanaka Hawaii, malalo o kau e Aloha Aina, ame ka poe e huikau pu ana me oe ma ka hoino mikanele, e hooikaika ana i na la hoohuiaina, a oukou hoi i kapa ae ai ia makou, na Repubalika he poe "mikanele aihue aina," na la poe o lakou ke kupono e kapaia he mikanele, na lakou i hoonaauao mua i ka lahui Hawaii ma ka heluhelu, kakau ame na ike e ae.
O ka lahui Hawaii, ua naauao i ka manawa i hiki mai ai na aoao kalaiaina o Amerika ma Hawaii Teritore nei, a ua heluheluia ka moolelo o Amerika, a ua hoomaopopo ka hapanui i ka hoiomua o ke Aupuni Amerika malalo o na lawelawe ana a ka aoao Repubalika. Malalo no oia ike i komo ai kekahi hapa o na Hawaii ame na ilikea o Hawaii nei ma ka aoao Repubalika a mamuli o ke komo ana o na poe au i kapa wale ai he poe "mikanele aihue aina" ma ka aoao Repubalika, malaila ka maka'u o na Hawaii, a ke manaoio nei wau, ina aole i komo keia poe i hoinoia iloko o kuu aoao, aole oe e Aloha Aina, e Demokarata i keia la, aka e lele koke no oe ma kuu aoao a'u e ku nei a hooikaika oe i Repubalika; aka e like me ka mau o keia lili mikanele iloko ou, peia e mau ai kou paio ana mai i kuu aoao, a ke pahaohao nei wau i kou lawe ana mai a hoohalikelike ae i kou aoao me na hana a ia poe no lakou na inoa laahia au i hapala ae ai, he "mikanele aihue aina."
Ke ike pu nei no hoi wau i kou kuhihewa nui e kauhihi nei ia Kaniahiku a owau ia. O Nawaa oia no keia e hui nei me oe a o Kaniahiku he okoa no ia, aia no ia ke hakilo mai ia i ka kaua mau kalaimanao ana, mai kona Keena ma alanui Hotele.
Ke ike pu nei no hoi wau ua nele oe me na manao kupono e kalai ai, a ke haha poele mai nei oe i ka papai o Honolulu i loaa na manao e hoopuka ai ma kou mau kolamu, a ke hele loa nei ka kaua mau paio ana e mamao mai ka kaua kumuhana o ka hoomaka ana e paio. Ke ike nei wau i kou hooiaio mai i ka'u mau mea i hoopuka mua aku ai no ko aoao, ike iho la wau ua nahu oe i ko lehelehe. Ua eo o Aloha Aina ia Nawaa, a ke helu nei oia i ka lanakila maluna ou.
No kau apo i ko Kaniahiku Merry Christmas ia oe ame kou mau keiki, au hoi i hoohuikau ae ai me a'u, aole a'u panai no ia a oiai o Kaniahiku no ka mea kupono e pane ae nona. O koʻu Merry Christmas ame Happy New oiaio ame ke aloha nui ia oe ke pahola aku nei wau.
S. K. NAWAA.
Kalihiwaena. Dec: 27, 1904.
HE HANA KOA NA IA HAWAII.
Ma ka Poalima, Dec. 9, ua hoao ae kekahi Poto Riko e pepehi iaia iho ma kona hoopiholo ana iaia. E ino ana ke kai ia manawa a e po'i ana hoi na nalu me ka ikaika ma na aekai o Kealia, mawaho pono ae o ka halekula. O ka hora ekolu paha ia aia hoi hoea mai he mau Poto Rido me ko laua hoomau i na kukaiolelo ana, o kekahi e kamailio ana me ka pihoihoi oiai kekahi o laua e hoao ana e hoomalielie i kekahi. Ia laua i hoea ae ai ma ka halekula ua holo aku la keia Poto Riko pihoihoi a lele aku la iloko o ke kai a ma kahi hoi e popoi ana na nalu nunui me he mea la ua makemake ua Poto Riko la e luma'i iaia iho. Ua huli ae la kekahi a holo aku la no Kealia me kona mama nui, e kahea ana hoi i na kokua. Mamua o ke ko ana o ka manao hoomake iaia iho ua hoea ae la he Hawaii, a he keiki kaeaea hoi ma ka lawai'a, o Lono kona inoa, a i kona ike ana i keia Poto Riko ma kahi poino, me ka hakalia ole iho, ua wehe ae la oia i kona lole a lele koke aku la iloko o ke kai. Ua loaa aku la ua Poto Riko nei ia Lono a hukila mai ma ka lauoho a pae ana i ka aina maloo. Ua aneane no e make ua Poto Riko la, a me kahi ikaika uuku i koe iho ua hooikaika oia e ko ole na kokua ana. Ua laweia mai he omole whiskey a hoohainuia, eia nae aole he makemake o ua Poto Riko la, a e like me ka hikiwawe o ke komo ana iloko o kona waha pela no ka hikiwawe e luaiia mai ai. Ua hoi mai la kahi Poto Riko i holo ai i kokua, a i ka pohala ana ae o ua Poto Roko la, ua ha'i ae la kona hoa ua hoao keia Poto Riko e pepehi iaia iho. Ua hoao oia e hoomalielie iaia aole nae he nana ia mai. Ua loaa ae he mau pilikia mawaena o keia hoa ona ame kekahi poe Korea, e noho kokoke ana me ia, a ma ia ano i hoao ae ai keia Poto Riko e lawe ae i kona ola. Ina aole keia Hawaii lawai'a ina no paha ua ko kona makemake - Garden Island.
POWA A PEPEHIIA.
Ma kahi paha o ka hora 9:30 o ka po Poalua nei ua loaa ae la he kauoha i ka Halewai mai ka pahu 43. I ka hiki ana o ke kaa makai ilaila loaa aku la kekahi Pukiki elemakule i aneane e make e waiho ana ma ka pa ma o aku o Alanui Aala. Aole he mea i ike a kamaaina i keia Pukiki, aole hoi he mea i ike i kona inoa. He elua mau Hawaii i lohe i ka leo o ka mea i pilikia, a ia laua i hele huli ai i ka mea nona ua leo la, loaa aku la ia laua keia Pukiki e waiho mauleule ana, a e kahe ana hoi ke koko. E waiho ana he pohaku ma kahi o ke poo, a ma kahi mamao aku e waiho ana he apana paipu o elua me hapa kapuai ka oihi. Aia he wahi puu nui maluna ae o kekahi maka a ua mokumoku hoi ke poo. Ua haawi koke ae o Makai Nui Henry i ke kauoha e lawe koke ia ka mea i poino no ka Halema'i. Ma ke alahele e uwe pinepine ana ka mea i poino a iaia i laweia ae ai mai ke kaa aku ua uwe ae la oia me ka leo nui "Me too much sore."
Ma ka hora 2 wanaao Poakahi nei, ua kipa ne la ma ke keena o ka nupepa Advertiser o A. P. Rolerigues, kekahi o na Pukiki alaiwa kaapio o Honolulu nei, a hoike ae la, o ka mea i hoopoinoia o kona papa no ia, a o kona inoa o Paul Roderigues. I ke ahiahi mamua iho o ka hanaia ana o keia powa e pepehi, o ka hor 5:30 paha la, ua hoihoi aku ke keiki i ka makua maluna o kona @@a i kauhale. O ka pau ana iho no ia o ke kuai ana o kona papa i kekahi mau bibi a he $280 ka nui o na dala iloko o ke eke a ka mea i poino, he $200 hoi o keia huina ma ke dala keokeo. I ka po iho ua haalele iho la o Roderigues makua i ka hale a hele ae la a hiki i kona halawai ana me ka poino. Ua manao wale ia ua ike kekahi mea i ka nui o na dala a keia Pukiki a ma ia ano i manao ai ke kolohe e kali a loaa ka manawa kupono ana e hooko ai i kona iini palaualelo. Aole i ikeia ka mea nana i hana i keia hana hoaloha ole.
Na Moho Kuikui Puupuu o Keia po Poakahi ae Jan. 2. 1905.
[picture]
HUIHUI.
E HAKAKA ANA O BILL HUIHUI.
E hakaka kuikui puupuu ana o Bill Huihui ko Hawaii nei keiki loea a akamai ma keia ano hana hoikeike ikaika kino me Ryan o Camp Makinale no ka inoa moho o Hawaii nei, me na paona 145 pakahi.
Eia o Huihui i keia manawa ma ke kulana maikai i ko na wa i hala ae nei a e hiki ana iaia ke hoohaule aku ia Ryan me ka hoopaapaa ole.
Ke olelo nei o Joe Cohen ina e haule ana o Ryan ia Huihui ma keia paio ana e lawe ana oia i keia keiki Hawaii me ia no Amerika no ka hoohakaka ana aku iaia me kekahi mau kanaka loea o ke ao nei. Ke manao pu nei no hoi o Cohen o Bill ke kamepiona o keia mua aku.
E malamaia keia hookuku hookelakela ikaika ma ka halekeaka Opiuma ma ka po Poakahi, Ianuari 2, 1905.
O Wahilani kekahi e hakaka kuikui puupuu ana ma ia po. O keia kekahi o na keiki Hawaii e hahai aku nei mahope o Huihui, a ina e mau ana kona hoomahele ana ma keia hana, me he mea la oia ana kekahi o na Hawaii e hapai ae ana i ko Hawaii nei inoa ma keia mua aku a maluna hoi o ke kahua hookelakela ikaika kuikui puupuu. Mai poina na Hawaii e hele ae e ikemaka i na hana o ia po.
[picture]
AS THEY WILL APPEAR
O KEIA KE KULANA O KEIA MAU MOHO MA KA PO O LAUA E HUI AE AI. A MAMUA IHO HOI O KO LAUA HOOLELE ANA I NA AI A KA UI.
KE IKAIKA NEI NA HOOMAAMAA ANA.
Oiai ke kokoke mai nei ka manawa e hoikeike hou ia ai na olona wikani o na moho kuikui puupuu, nolaila eia lakou ke hooikaika mai nei i na hoomaamaa ana no ka manao e kaili ae i ka hanohano ma ka po a lakou e hoikeike ae ai.
He ewalu ko lakou nui a he poe laeoo wale no. Ua hoololiia ko lakou manawa e hakoko ai a keia po Poakahi ae Ianuari 2, oia no hoi ka po hauoli Makahiki Hou, a ma ka halekeaka Opiuma.
O na moho ano nui o ia po oia o Jack McFadden ame George Modlin, a e aumeume ana laua i ka inoa moho kuikui puupuu mama o Hawaii nei. Ma keia po e maopopo ai ka mea lo o laua e lawe ana ia hanohano, a oiai ke kaena nei no kela ame keia pakahi i ko laua ikaika a ua ike hoi ka poe puni hakaka o Honolulu nei i ko laua ikaika a loea maoli, e piha ae ana ka halekeaka i na makaikai, a e pono oe hele ae e ikemaka.
Eia o Jack McFadden ke hoomaamaa mai nei ma ka hale hooikaika o Honolulu a ma na hoike e loaa mai nei eia ke pii ikaika nei kona ikaika ame kona makaukau. Eia me ia o Bill Huihui kahi i hoomaamaa like ai a ua loaa pu mai no hoi na hooia ana ke pii nei ka ike ame ka makaukau o keia keiki Hawaii, a ua makaukau oia e hui me kona hoapalo, Mr. Ryan.
Eia hoi o Modlin ma Long Branch kahi i hooikaika ai nona iho, a eia me ia o Jack Weday, kekahi o na loea kuikui puupuu o Honolulu nei. Ke loaa mai nei na hoike, ke manaolana nei o George Modlin e lanakila ana oia ma@@an o kona hoapaio, a ma ka po Poakahi ae nei e hele mai ana oia me kona mau hoa koa Amerika o Camp Makinale no ka hoopiha ana ae i ha halekeaka a no ka haawi ana i na leo hoolana i ko lakou mau moho, George Modlin ame Ryan.
Ua like no ka ohohiaia o keia hookuku kuikui puupuu me ko Bill Huihui ame Ryan, oiai o laua nei no kekahi mau moho o ia po a he mau loea like po ma keia hana.
I keia manawa eia ia Wood ame Sheldon ka pili a McFadden ame Modlin, oia hoi he $200, he hoike hoi e hooiaio ana imua o ka lehulehu e hookoia ana ka laua hakaka kuikui puupuu. Ua hoomakaia ae ke kuai ana i na kikiki komo o keia po hauoli nui ma ka la inehinei a ma na kahoaka e ikeia nei e pihaku'i ana ka hale ke hiki aku ia po. O kou wa pono keia e hele ae ai e kii i kou kikiki.
PEPEHIIA ME KE KOI AME KA HAMARE.
Ma ka po Poakahi nei i ulu ae ai he hakaka mawaena o Ah Lam me kekahi hoa lahui ona, a ma ia hakaka na o laua i awala ae ai o Ah Lam i ke koi ame ka hopena, eia kona hoa ke waiho mai nei me ka pilikia loa iloko o ka Halema'i Moiwahine.
Aia paha ma kahi o iwakalua ka nui o na moku i loaa ae i ka mea poino. Ua hopuia ae o Ah Lam e Kapena Paka.
KUU KAIKAINA UA HALA.
E ka Nupepa Kuokoa, Aloha oe: E oluolu kou kino lahilahi e hoopuka aku i ka'u ukana luuluu i ike mai ai na kini lehulehu o maua e noho ana mai ka la puka ma kumukahi a ka aina koili la o lalo, o ka'u mea aloha he kaikaina ua hala ua moe kau a hooilo ma ka la 22 o Dec. 1904, hora 5 o. m., oia ka manawa a ka anela o ka make i kipa mai ai a lawe aku la i ke ola makamae o S. M. Kema Kamana, ma ka halema'i Moiwahine a waiho iho la i ke kino wailua na makou na ka ohana e paiauma aku ai.
Ua hanauia oia ma Makapala, N. Kohala, Hawaii, mai ka puhaka mai o Mrs. Kawahie ame S. M. Kamana ma ka la 27 o Oct. A. D. 1967, a ua piha iaia na makahiki he 37, a me eha pule ame hookahi la. He ekolu pule wale no kona ma'i ana a hala aku la. Ua hoonaauaeia oia ma na kula apana o Makapala ame Ainakea, N. Kohala, ame ke kula Hanai o Hilo i noho kumu ia e Laimana Makua. Ua haalele iho o Kema Kamana he wahine he kaikamahine hookahi ame ke kaikuaana ponoi o kona makuakane, e ola nei ame a'u kona kaikuaana, na pokii o maua ame ka ohana apau. He pena kana hana makaukau loa, o kana hana wale no ia a hala aku la e ke noho u aku nei nona a no ka mea he malihini kakou ma keia ao he pokole, he paa ole ka noho maanei. E hoomaikai ia ka Makua Manaloa Nana no i haawi mai a nana no i lwe aku. Amene.
J. E. KEKIPI.
Koula, Honolulu, Dei. 27, 1904.
KE ANU he hikiwawe loa ka hooia ana ma ka lawe ana i ka LAAU KUNU A CHAMBERLAIN. He hana kana maluna o na kino apau o ke kanaka e wehe ae ana i ke kunu, hoomama ae i ke ake a hookuu ae i na meahuna o ia lala o ke kino, a hookomo aku i ke ola. He kipaku kana hana i na ano anu apau e loaa aku ai ka numonia. Ke kuaiia nei ma na halekuai laau iapaau apau. BENSON, SMITH & CO., LTD., na Agena ma ko Hawaii Paeaina.
HOOLAHA HOOKO MORAKI.
HOOLAHA MANAO PANIKU A KUAI.
L. AHLO.
Malalo a mamuli o ka mana kuai i paa iloko o kekahi moraki i kakaula ma ka la 29 o Novemaba, 1890, i hanaia e a mawaena o L. Ahlo, o Honolulu, Mokupuni o Oahu, Teritore o Hawaii, ma ke ano he mea moraki, ia William G. Irwin, John A. Cummins ame William D. Alexander, o lakou apau no Honolulu i oleloia, na Kahu no ka Oahu Railway and Land Company, he hui i kukuluia a e ku nei malalo o na kanawai o ka Teritore o Hawaii, ma ke ano he poe paa moraki, a i kopeia ma ke Keena Kakau Kope o ke Aupuni iloko o ka buke 129, ma na aoao 140, 141 ame 142, a o ua meraki la i oleloia ua hoolilo pono ia mai i ka mea nona ka inoa malalo iho nei, Oahu Railway and Land Company a i keia manawa oia ka mea e paa nei a kuleana ponoi oia mea ma o kona lawe ana i ka makalua o na poe paa moraki i hoike mua ia ae nei, ma o kekahi palapala, i hanaia i ka la 1 o Ianuari, 1897, a i kopeia iho iloko o ke Keena Kakau Kope o ke Aupuni i oleloia iloko o ka buke 171 ma na aoao 67-69 a i kulike ai me ka mokuna kanakolu-kumamakolu o na Kanawai Ahaolelo o 1874 ame ke Kanawai (mokuna eiwa o na Kanawai Ahaolelo o 1890) e hoololi ana ia mea hookahi, a o Oahu Railway and Land Company ia i oleloia, ma ke ano he mea malama i ua moraki ia i oleloia, ma keia ke haawi nei i ka hoolaha ke manao nei oia e paniku i ka moraki i oleloia no na kumu i uhalia, oia hoi: no ka uku ole ia ana o ke kumupaa ame ka uku-panee o elua nota n
hoaie a ka mea moraki i oleloia i hoikeia iloko a i hoopaaia hoi e ua moraki la i oleloia, i ka manawa e uku ai.
Ke haawiia nei no hoi ka hoolaha o na aina pakahi apau ame na wahi apau i hooliloia a i hoakakaia iloko o ka moraki i oleloia, ame na hana hou apau maluna iho, e hoakakaia aku ana hoi mahope iho, e kuaila aku ana ma ke kudala akea ma na keena kudala o James F. Morgan, ma alanui Kaahumanu, iloko o Honolulu, ma ka Poaono, ka la umi-kumamaha (14) o Ianuari, A. D. 1905, ma ka hora umi-kumamaloa (12) awakea o ka la i oleloia.
O ka waiwai i hooliloia e ua moraki la i oleloia a e manaoia nei no ke kuai aku e like me ia i hoike mua ia ae nei oia iho keia:
O kela mau apana aina apau loa ma Pearl City, Ewa, Mokupuni o Oahu, Teritore o Hawaii, a i hoakaka pono loa ia hoi na Pa-hale ekolu (3) iloko o ke kuea A, eha (4) iloko o ke Kuea ewalu (8) ame ekahi (1) iloko o ke Kuea umi (10) maluna o kekahi palapala aina a i ole kii kuhikuhi ano o ia mea hookahi i kauoha pono ia a i aponoia e ua Oahu Railway and Land Company nei i oleloia a i kakau@ @@@@@@@ a @@ na @@@@@@@@ Kak@@@@@@@@@ o ka @@@@@@@@@ he @@@@ lkapua@ kuea.
Ma ke dala kuike ka makou ke dala gula no hui o Amerika @@@@ aoao o ka mea kuai na lilo @@@@@ pau.
No na mea aku i koe e ik@@@@@@@ lou & Marx, Stangenwa@@@@@@ (Hale). Honolulu na lolo o ka @@@@@ lama Moraki.
Hanaia ma Honolulu. D@@@@@@ 1904.
OAHU RAILWAY AND LAND COMPANY.
Mea Malama @@@
3016 - Oec. 15. @@, 30 - Jan. 6. @
HOOLAHA MANAO PANIKU A K@@@ A KA MEA PAA MURAKI.
THOMAS E. BERNICE P. @@@@@@ LEN A. COOK.
Ma keia ke haawiia aku n@@@@@@@ laha I kulike ai me ka m@@@@@@ kuai I paa iloko o kekahi @@@@@@@ hanaia I Feberuari 28, 1902 @@ Thomas E. Cook. o Honolulu, Mokup@@@@@@ Oahu. a Teritore I olelo mua @@@@@@ (o Kimi Cook wahine mare a Thomas E. Cook i olelo mua ia ae nei@@@@@@@@ iloko no ka hookuu ana I k@@@@@ na wahine mare). ka Poe M@@@@@ The Bank of Hawaii, Lim@@@@@ Hawaii. mea paa moraki, a @@@@@@ moraki la I oleloia ua kakau@@@@@ ke Keena Hoona Aina lioko @@@@@@ I oleloia iloko hoi o ka buka @@@@@@ na aoao 304 et seq., o ka mea @@@@@ moraki I oleloia ke manao nei @@@@@ ka moraki I oleloia no @@@@@@ uha’iia oia hoi: no ka uku @@@@@@ kumupaa ame ka ukupanee @@@@@@nawa e uku ai.
Ke haawiia aku nei no @@@@@@ laha o ka waiwai I hooliloia @@@@@ moraki la I oleloia e huaiia aku @@@@ ke kudala akea ma na keena @@@@ o James F. Morgan. Kaahumanu @@@ nui, ma Honolulu I oleloia, ma @@@@ aono ka la 10 o Dekemaba, @@@@@ ka hora 12 awakea o ka la @@@@@ O ka waiwai I hooliloia e ua @@@@@ la I oleloia, a e kuaiia aku @@@@@ no keia pa-hale apau loa, ap@@@@ mahele o ka aina e waiho la ma @@lihi, ma Honolulu I oleloia, a I @@@ hoi @a Pa-hale Helu 11, 12, 13 ame 14 e like me ke kii aina a S. M. Ka@@@@ a oia no hoi ka hapa o ka Apana @@ ka L. C. A. 6450, a I apoia a hoaka@@@@ hoi e like me keia malalo iho nei.
E hoomaka ana ma ke kihi Hewa o keia aina ma ka aoao hoi mauka o ke alanui (25 kapuai ke akea) ma ke kikowaena o ka pa-pohaku a 99 h@ k@-puai ma ke komohana-akau mai ke Alanui Kalihi, a e holo ana:
1. Ak. 36 deg. 00 min. Hik Magene@ 194.0 kapuai e holo ana ma ka a @a o Schnack e pili ana I ka pa-pohaku;
2. Ak. 47 deg. 00 min. Kom. Mag. 174.0 kapuai a hiki I ke Alanui 20 kapuai;
3. Hem.. 38 deg. 30 min. Kom. Mag. 192.0 kapuai e holo ana ma ke alanui a hiki I ka aoao mauka o ke Alanui 20 kapuai.
4. 47 deg. 00 min. Hik. Mag. 180.0 kapuai e holo ana ma ke alanui a hiki I kahi I hoomaka ai.
Nona hoi ka ili-aina o 34.150 kapuai kuea. O keia no hoi ka aina I h@akakaia ma ka L. P. Helu 81220 pa ka L. C. A. 6450, Apana 1, a oia no h@ ka aina I hooliloia ia Thomas E. Cook I oleloia ma ka palapala kuai a George R. Grau ame Edward L@@quist, I @@@ia I ka la 15 o Iulai, 1896, a i kak@@@ kopeia ma ke Keena Hoona Ai@@@ ko o Honolulu I oleloia ma ka @@@ 164 a ma na aoao 46 ame 47 p@@@@ hoakaka hou ia no hoi ma ka @@@@@ kuai a thomas E. Cook I olelo @@@@ Ellen A. Cook ame Bernice P. C@@@ oleloia, I hanaia I ka la 14 o Iu@@@@ a I kakaukopeia iloko oke Keena H@@ na Aina I oleloia ma ka buke @@@@ ma ka aoao 219, paupu me na p@@@@@@ na kuleana apau ame na mea @@@@ pili ana a I kuleana ia ma ke @@@.
Ma ke kuike ka makemake @@@@ dala gula o Amerika, a ma ka @@@@ o ka mea kuai mai na lilo @@@@@ a I hoomakaukauia e na loio o ke @@@@ paa moraki.
No na mea aku I koe e ik@@@@ ka The Bank of Hawaii. Limited
Hanaia ma Honolulu, T. H. Novemaba 14, 1904.
THE BANK OF HAWAII. LIMITED.
Mea Pa@@@@
Ma o C. H. C@@@@
Luna O@@@@@
3042 – Nov. 18, 25 – Dec. 2, 9.
O ke kuai kudala maluna a@@@@@@ paneeia a hiki I ka Poaono L@@@@@@ 24, 1904, ma ka hora 12 awake@@@@@ keena kudala o James F. Morgan @@@ nui Kaahumanu, Honolulu, T. H. 3046 – Dec. 16, 23.
O ke kuai kudala maluna @@@@@ panee hou ia a hiki I ka Poa@@@ Iaunari 7, 1905, ma ka hora 12 aw@@@ ma na keena kudala o James F. M @@@@ alanui Kaahumanu, Honolulu T. H.
NANA ANA AOHE AUHAU
Na Kauka Huki Niho Noeau.
He hanaia ka hana me na Auhau haahaa loa. - - - - -
F. L. FERGUSON,
Lunahoohana.
Helu 215 Alanui Hotele, mamua iho o Young Building.